正斗粥麵專家 (又一城)

营业中

休息中

去開又一城溜冰之前食過正斗記得好好味所以今日黎到一於再食正斗鮮蝦雲吞 $72鮮蝦好鮮 爽口彈牙😳不愧為招牌菜👅👅瑤柱魚翅淨水餃 $78皮薄餡多 一咬落去爆晒汁 超滋味😝下午茶點心雙拼 $85羅漢齋春卷春卷皮非常脆 入面有紅蘿蔔、西芹、菇喜歡食素的一定鐘意食🤤蟹籽燒賣皇鮮蝦新鮮又彈牙 皮薄餡嫩 口感煙韌😝揚州炒飯 $133米飯粒粒分明 炒到呈金黃色裡面仲有蝦仁、火腿、青葱、叉燒完全係色香味俱全😋😋金菇牛肉腸粉 $60濃濃既牛肉味 少少金菇 腸粉滑身

鍾意食雲吞麵，香港地出名食雲吞麵都有好幾間， 之前九龍塘返工，我就鐘意食正斗🥢正斗鮮蝦雲吞麵 $42/細正宗雲吞麵嘅雲吞係放碗底，再放上麵，一共四粒， 皮薄餡靚，蝦肉豬肉比例平均🥢原汁柱侯牛腩麵 $76望落好濃郁嘅牛腩汁湯底，聞都好香，牛腩燜咗好 耐好入味，牛肉質感稔滑軟身，仲有軟滑爽口牛筋🥢楊州炒飯 $133炒得香口有鑊氣，米飯粒粒分明，蝦大細適中，襯返 叉燒粒，整體好食🥢鮮玻璃蝦腸粉 $78蝦夠大粒，腸粉皮薄🫘椰汁紅豆糕 $44不甜不膩，椰香十足，食到粒粒紅豆，椰汁糕質地好滑，好食🫘滋潤湘蓮紅豆沙 $50食唔到紅豆粒，煲得好「沙」，溶晒入去成碗糖水，唔 太甜，正氣糖水🚩正斗粥麵專家 (又一城) (九龍塘) @hongkong_tasty 📍九龍塘達之路80號又一城L1樓L1-19號舖

We’ve been to other branches of this same store previously with good experiences, however, the food at this one was unfortunately average at best 😓.We ordered:~ 京都炸醬麵 (HK style dry mixing noodles)~ 南乳豬手撈麵 (Pork knuckle with dry mixing noodles)~ 蛋黃千層糕 (Steamed Egg yolk layered cake).I mean all in all it was disappointing because the noodles lacked any sauce to mix it in with and the meats were a tad bland. The egg yolk cake was probably better than both of the noodles 😅.Not sure if it’s just this

服務態度良好，嘢食美味足料而且有下午茶套餐，價錢優惠今次嗌咗鮮蝦雲吞麵同埋蝦餃，仲有桂花糕鮮蝦雲吞嘅鮮蝦食落非常彈牙新鮮蝦餃個皮略厚，但見在個餡咁多料就原諒左佢桂花糕甜而不膩，夏日精選

咁岩黎到又一城，見到有間正斗就黎試下～入黎坐低叫咗馳名乾炒牛河仲叫左碗粥同炸兩腸粉干炒牛河一碟本身巳經要百幾蚊，堂食仲要加一，即管試下有幾好味 今次純粹記錄下我食過d 咩，所以相又唔算影得好靚，味道係好的，但價錢都好貴抵食就唔會比到太高分了，但環境服務都好。問佢地額外提供的辣椒油都好好味

▫️干炒牛河 干炒牛河份量夠兩個人一齊食，一上台出晒煙咁已經感受到陣鑊氣，啲河粉炒到條條分明，唔會有啲位冧咗痴埋一舊咁，食落都有咬口唔會太冧炒到爛哂咁😆牛肉大大舊，肉質軟腍嫩滑，一啲都唔嚡口， 醃得入味。河粉嘅啲醬油炒都好色澤均勻，調味都恰好，加埋少少自家製辣椒醬吊吊味，又辣又惹味🔥▫️巧製南乳豬手麵細細碗有兩大舊南乳豬手，炆得好軟諗入味，食到南乳嘅香味。豬手嘅肥瘦比例啱啱好，都有好多肉、皮同膠質可以食👍🏻個麵質地偏硬好咬口，唯獨係個份量偏細，食完一碗都唔夠飽😂▫️幼滑蝦米腸粉腸粉份量相比出面平時飲茶大份，腸粉都好嫩滑，特別多蔥粒，食落香口啲。

本人都幫襯咗好多年，絕大部份時間都係去圓方，又一城分店始終不及圓方，但係今日嘅經歷令到我要同佢絕交，圓方都唔會再去！芋角：凍嘅！應該擺咗好耐。擺到外殼硬咗都可以比客。羅漢齋春卷：應該叫”齋”春卷，是但搵間屋村酒樓都好過佢！皮佔咗九成，差不多係冇餡。燒賣：只有肥豬肉粉果：街邊檔好食啲！雞包仔：不值一提！牛腩麵最離譜：見圖似係一碗牛筋麵，唔小心俾咗舊牛腩你。叫侍應跟進，仲要同我坳，話呢度係做牛筋腩嘅，所以有牛筋係正常！大家可以睇圖，自己諗啦！最後佢補返三舊牛腩俾我。做咗幾十年人，鬼唔知有牛筋咩，依家問題係冇牛腩呀嘛！以上種種，如果喺平價食店本人絕對覺得冇問題，但係正斗香港中國泰國10幾間分店，價錢都叫做中上，用啲咁差嘅材料，咁差嘅廚師，同客駁嘴嘅樓面，都唔選擇做好食物，攞晒啲錢去交租，欺騙咗食客嘅金錢時間同肚子，倒不如執緊幾間，集中火力，留返啲好嘅員工，好嘅廚師，正正經經做好佢好過啦。唔好再喺度行騙！四個字，不知所謂！

❤️ 正斗粥麵專家📍九龍塘又一城L1樓L1-19號舖------------------------------1️⃣ 正斗鮮蝦雲吞麪 $50推薦指數：👍🏻👍🏻👍🏻麪身爽口彈牙 有少少蛋香味 沒有鹼水味 不錯😍鮮蝦雲吞 調味適中 蝦仁新鮮 惟雲吞太細粒 沒什麼口感😆2️⃣ 啫啫滑雞煲 $188推薦指數：👍🏻👍🏻👍🏻👍🏻啫啫煲有鑊氣 有大排檔風味 雞件十分嫩滑😋還有豬潤 爽口彈牙 味道鹹香鹹香 不錯💕3️⃣ 甜酸生炒骨 $158推薦指數：👍🏻👍🏻👍🏻排骨外皮炸得很香脆 有酸酸甜甜的醬汁包裹住 惹味 開胃🥰惟生炒骨的骨比例太多 沒什麼肉 不喜歡😂4️⃣ 金銀蒜粉絲蒸勝瓜 $128推薦指數：👍🏻👍🏻👍🏻勝瓜清甜 金銀蒜很香 蒜味濃 搭配勝瓜及粉絲 很惹味😍惟勝瓜太大舊 有部分勝瓜不是蒸得太透 也未能入味😂5️⃣ 飲品 $30桂圓紅棗蜜及柚子蜜兩杯飲品一般 味道太甜 不推薦😆------------------------------食物及飲品質素一般 毋須一試 服務態度不錯 就座後馬上斟上熱水😆總評味道：⭐️⭐️⭐️環境：⭐️⭐️⭐️⭐️服務：⭐️⭐️⭐️

喺又一城血拼完，無理由去食food court咁頹，個friend又話鍾意食雲吞麵，於是就去咗正斗，貪佢夠舒服，可以同朋友坐下傾下計。三個女人一個墟，叫咗碗雲吞麵、蛋煎蝦米腸同福州炒飯。開頭諗住嗌多碗粥，但好彩臨崖勒馬，如果唔係就會做大嘥鬼，無諗過啲嘢咁大碟。個friend大讚話正斗碗雲吞麵係佢食過最好食嘅雲吞麵。首先啲雲吞喺麵嘅下面，應該係唔想啲麵浸得太淋，係傳統嘅做法。而細細粒嘅雲吞先係正宗，一啖一粒。佢仲話啲雲吞入面嘅蝦好鮮，食得出有香油味。佢連碗湯都飲埋，我諗真係好好食。。。我就最欣賞個福州炒飯，好足料，最鍾意嗰啲瑤柱絲同冬菇粒，個飯底一啲都唔hea，應該用靚雞蛋去炒，有蛋香味又金黃。百三蚊咁大碟真係抵，酒樓都係咁上下價位但無咁出色～蛋煎蝦米腸喺出面少見，由於佢係圓形，我哋就當佢pizza咁砌，哈哈。都幾特別，無諗過蝦米腸同蛋都夾到。

去又一城買嘢，顺便食個lunch. 去過丼吉、望月樓、八月花、Dan Ryan... 想試下新嘢於是就去了「正斗」😁👏👏👏未坐低，就聴到隔離個客催碟蒸排骨，Waiter 話要20分鐘😱😱😱what ？.個心涼了一截。。。.咁order 啦。。已5揀排骨，叫到腸粉，佢地話要15分鐘！WHAT ？咪玩啦，蒸15分鐘，蒸都蒸爛😅😅😅.又要skip... .最後叫左乾炒牛河、鮮蝦腐皮卷、棉花鷄+蝦餃！😋😋😋.出奇地。全部都好鬼好食😅.1. 蝦餃，熱到放唔到入咀之餘重好好味，有荀又有鮮味。.2. 棉花鷄，簡直係天花板。魚肚有質感，鷄鮮嫰甜！好味。.3. 乾炒牛河，叫左少鹹走味精，做得到，好味有獲氣。.4. 鮮蝦腐皮卷，都好好，惟油左啲。.總括黎講，好得，除左茶膽茶渣啲之外，其他無乜問題！👍🏼👍🏼👍🏼😋

下午茶時段約咗老友去正斗飲茶！佢話乾炒雞絲河好正，因為佢唔食牛嘅！一試唔錯、夠鑊氣兼唔油膩👍我亦叫咗我嘅至愛；蜂巢炸芋角👍芋蓉香口唔糊！蟹籽燒賣都唔錯！飯後甜品：桑寄生蛋茶、茶味唔會太甜亦唔乸喉👍👍服務員非常之有禮！！滿足的下午茶😊

今次去了又一城一間有粥食的店鋪，因沒有胃口，想食清淡些，所以進了這間食肆。店不是太大，但佈置相當雅致，除有大吊燈，坐椅顏色鮮艷，光照明亮，給人舒暢的感覺。因有下午茶優惠，所以選了2個下午茶套餐，再另叫了一個蝦餃。這裡以雲吞麵，粥類，懷舊點心和炒粉麵為主。我們點了：-家鄉手打肉丸粥 粥底香滑，肉丸彈牙-幼滑齋腸粉 腸粉幼滑，加配有麻醬和甜醬-蜂巢炸芋角 略欠凍了，皮不夠脆-香軟馬拉糕 糕底香軟滑，甜味適中-鮮蝦餃 蝦肉鮮甜彈牙，好味

有旅發局優惠券來試，下午茶時段人不多，餐牌點了二個點心套餐加一個叉燒包，約10分鐘五籠點心一齊到，是熱但不是熱辣辣冒煙，粉果同燒賣漲卜卜幾大件，雞包仔一般，叉燒包用腩肉不是叉燒，是甜不是咸，而糯米雞有二件，不過不失。付款才知$5/茶位，餐牌唔覺有。整體一般，而缺失服務員沒有主動定時看看加茶，和茶味沒有選擇，點心上枱溫度不是好熱，以正斗中上檔次來說體驗較差。

3點幾原本去千兩,却被正斗吸引了.下午茶兩個餐外加一個細蓉,冇得輸👍點心是新鮮做出,熱辣辣的細蓉大少贊不絕口👍以後我的又多一間下午茶吃到飽的地方了我的退休人士最適合不同人迫的時間

喺openrice order 外賣自取, pick up 準時, 簡單望過冇漏單。返到屋企打開盒先發現其中一個羅漢齋腸粉變咗做幼滑齋腸粉。上openrice 再睇一睇發現佢哋已經將羅漢齋腸粉list 咗做「暫不供應」。打電話去問，佢哋先同我講原來冇晒羅漢齋腸粉所以改咗另外一款俾我。但係我pick up 嘅時候冇人同我解釋過, 再睇一睇價錢, 佢改嗰一樣價錢唔一樣，平$8。佢哋認為客人一定會鍾意幼滑齋腸粉？認為唔需要同客人解釋？認為可以自己幫客人揀另一樣腸粉？唔同客人講係因為認為佢唔會分辨到有唔同？$8 跌咗好閒，問題係佢當客人係傻。喺電話度亦都冇覺得唔好意思，只係話下次去幫襯先幫我改返。我同佢講個價錢有分別，佢話下次去幫襯會找返俾我。即係一定要再幫襯佢我先可以攞返我本身應得嘅？！呢間餐廳真係巴閉。