段純貞牛肉麵 (如心廣場一期)

营业中

休息中

網上睇到好多人推介E一間過江龍台灣牛肉麵店，向來就幾鐘意食台灣嘢嘅我決定嚟試一試佢係咪D人講到咁好味先！😜係晚飯時段前入座，所以好快就有位坐底。普通牛肉麵就食得多，今次點咗個蕃茄牛肉麵同埋麻辣五花牛肉麵。湯底都幾足味道，牛肉食落都夠腍👍🏼至於個麵就普普通通，食落感覺未算好吸收到個湯底嘅味道，有少少好似分開食個麵咁，E個位稍稍失分！總括嚟講，我覺得佢個牛肉麵係OK嘅，但未至於傳聞中咁好味，可能係我抱住太高期望去食。🧐食到中段，開始多人排隊，睇嚟都係有好多人慕名而來😎

每次經過段純貞牛肉麵都是大牌長龍，台灣人氣牛肉麵 ，今次過來荃灣工作一定要試~濃濃的湯底，牛肉吃起來有韌度，爽脆彈牙，麵條非常爽滑，搭配很多蔥、青菜、酸菜一起吃(食麵我就鍾意多蔥)加起來味道更加可口，吃起來更美味...溏心蛋好流心，滿滿的雞絲，不僅拌麵好吃，就連配搭香濃炸蒜、 花生粒、 葱花都是讓人垂涎。吃起來有一種“卜卜脆”的感覺，更有嚼勁，加上醬汁味道調製，拌勻食更鮮香美味，不是簡簡單單的一碗麵，從醬還是配菜上，令風味層次感更明顯...鹽酥雞份量比想像的多，即叫即炸，外脆裡面的雞肉質不老不柴，灑上胡椒鹽吃的也更入味，越吃越過癮！荔枝乳酸荔枝味夠濃，非常清爽~~胚芽珍珠奶茶都大大杯，奶味也相當濃厚，喝起來真的非常過癮！台灣鹽酥雞配珍珠奶茶就對了~。~

突然好想食牛肉麵，OpenRice 搵到如心有間過江龍, 近近地走去試試去到門口都排左6,7組人等緊位，我哋排第8，可能佢限45分鐘用餐時間，所以流轉得算快，唔洗好耐就入到座。叫左香麻醬涼拌豆腐，紅油抄手，一碗招牌紅燒腱心牛肉麵同一杯香芋珍珠奶茶。食物上枱速度快。最好食都係碗麵！湯底好濃，忍唔住飲咗唔少湯。腱心牛肉都算入味淋身，有三塊。我哋揀咗手工麵，麵質都唔錯，有口感唔淋。個人覺得小食唔算特別出色，兩個小食上枱嘅時候，D芽菜多到，淨係見到一碟都係芽菜，見唔到豆腐同抄手，仲以為送錯左，後來撥開一堆芽菜挖個窿先見到，可能我自己本身唔算中意食芽菜，所以覺得芽菜真係可以少返D。香麻醬涼拌豆腐，豆腐係原磚冷豆腐，滑得嚟又唔會好易爛，可以掛到醬。紅油抄手都唔細粒，無認真數，應該有6粒，餡料好食有口感。不過除左太多芽菜阻住點醬汁之外，如果醬汁多啲會好好多，因為呢兩個小食要多醬汁先正香芋珍珠奶茶，香芋味夠，珍珠彈牙，整體都唔錯。

#kopo荃灣#kopo💸💸台灣人氣牛肉麵闖香城🥳其實牛肉麵先係最出名咖～不過我地一致覺得當日燉雞湯麵好味好多🥰 三寶麵 $92 🔖 3.9/5分- 牛腩 牛肚 牛筋各兩塊- 湯底又係超濃 顏色較為深色🟤- 牛筋較出色 其他普通 整體不過不失燉濃湯雞麵 $84 🔖 4.3/5分- 雞湯超濃雞味 不油而且算清澈🥰👍🏼- 雞髀肉夠嫩 味道較淡- 細麵條軟硬適中👍🏼- 食完超舒服😙 好岩病個陣食鹽酥雞 $48 🔖 3.7/5分- 雞件算脆身 炸衣不厚- 味道普普通通紅油抄手 $48 🔖 3.7/5分- 抄手味道不錯 麻辣味夠香- 不太喜歡芽菜 草青味太重了 即使加上麻辣汁 味道仍然蓋不到😇📍 段純貞牛肉麵 (荃灣)荃灣楊屋道8號如心廣場1期1樓105-107號舖 #kopo台式#kopo荃灣線#kopo西鐵線#hkfoodie#foodiecouple#hkfoodblogger#hkfood#foodiegram#hkfoodiecouple#kopo123

放工唔想煮，所以就諗住去荃灣搵嘢食😜😜之後經過，段純貞，又唔趕時間，所以就等一等丫🤓，雖然，都等左半個鐘左右😢半個鐘後，終於入到去，感等左禁耐，一定要試下個牛肉麵嘅🤪野食終於到，感我第一時間就試左舊牛展，又真係好淋，好正🤓🤩但我覺得牛肉麵，個湯底有啲咸，同個份量有啲細，我係女仔就覺得剛剛好🧐🤓我之後買左個外賣撈麵🥡比老公，佢啲麵就唔多，但啲料就好多，所以都夠飽嘅🤓

又到放肆嘅時間😌食嘢帶來樂趣😝呢餐食到飽到傻話說每次Happy Friday都想搵好野食呢次就搵咗台灣菜😚超 耐 無 食！出面搵到嘅有時又貴 質素又麻麻哋今次呢間價錢同質素都令人滿意～1️⃣大愛台式飲品 唔會有種人造糖嘅味香芋珍珠奶茶🧋有香芋微甜嘅味道荔枝乳酸特飲 唧唧冰 童年回憶翻晒嚟天然甜味 原粒荔枝肉好滿足💕2️⃣ 紅油抄手 皮薄滑嫩啖啖肉辣油唔會太辣 剛剛好 超想再食😭做前菜一流😍胃口大開～3️⃣麻辣嫩五花牛肉麵 超級無敵正係我食過最不得了嘅台灣麵 牛肉交比食家自己浸落湯入面 啱啱熟真係超級嫩滑 啱晒我呢啲好驚又有嚼口嘅人😝咬落仲有肉汁架 仲有佢嘅辛辣度唔係一味麻晒你味蕾 而係刺激得嚟啱啱好😭牛肉麵可配粗/ 幼麵 我跟咗招牌揀幼麵鍾意佢彈牙又好似拉麵咁嘅口感💕另外仲配炒黃豆 花生 鹹酸菜湯底有四川常用調味料 加上郫縣豆瓣4️⃣ 青花椒香手撕雞雞蛋🥚汁沾上雞肉 特別香好多脆脆花生🥜溏心蛋非常加分花椒味道濃郁 絕不枯燥乏味～

*段純貞*係台灣嘅過江龍。不經不覺喺香港已經有三間分店🤩。原味牛肉麵～一碗牛肉麵有三大件牛肉。牛肉含豐富膠質。食落香軟味濃。湯頭濃郁好滋味。真係100分嘅牛肉麵😍。麵條有得揀。手工麵/細麵。為食妺👧🏻揀咗手工麵。粗麵煙韌有口感。每條手工麵掛滿濃湯。一啖一滿足🤤。鹽酥雞～台灣地道小食。好懷念🤩。熱辣辣炸起。炸粉唔厚。雞肉脆嫩。份量唔少wor。必點❤️。胚芽珍珠奶茶🧋+香芋珍珠奶茶🧋珍珠Q彈。少甜少🧊。

星期日帶我隻貓女(阿豬貓)去打針順便附近食嘢就簡左呢間分別簡左上。紅燒半筋半肉手工麵下。蕃茄半筋半肉細麵湯底係好濃好香🥰望落去好似唔係好大碗同好多肉咁但食到最尾都仲有牛肉份量好足夠同好多牛筋牛腩牛腩夠淋，唔會痴牙🌟🌟🌟🌟我地兩個人都比較鍾意幼麵相對彈牙好食😋同推介紅燒個湯底👍🏼蕃茄湯好淡蕃茄味如果鐘意蕃茄的就不推薦🌟🌟🌟🌟飲品叫左必叫的珍珠奶茶仲有檸檬薏米冬瓜茶檸檬薏米冬瓜茶好飲👍🏼不過偏甜珍珠奶茶就正正常常🌟🌟🌟🌟值得一讚店員服務態度好好🥰🌟🌟🌟🌟最後附上貓咪圖一張😹

結完婚.必須要投入澱粉質懷抱🤤·🍜燉蕃茄腱心牛肉手工麵（$84）係台灣食過一次段純貞，念念不忘佢既手工麵！香港開番緊係即刻去食啦（開左好耐而我都食左好耐 而家先post🤣😙）牛肉係一如既往咁入味咁軟腍但又唔會好鬆散🤤不過手工麵真係台灣既好食d!!!!香港既比較硬身欠韌性，湯底都比較咸同無咩蕃茄味😣價錢唔洗講啦，一定比台灣貴😙·🍜經典紅燒牛肉手工麵（$84）有輕微辣度🤫湯底好油·🥛薑糖鮮磨豆漿（$28）係咪好養身呢😮‍💨其實純粹想飲豆漿🤣好重料，非常多薑😃·📍 段純貞荃灣楊屋道8號如心廣場1期1樓105-107號鋪

近排睇到好多人介紹呢間叫段純貞嘅台灣麵店，見佢咁hit就一於試下有無伏🙂🍜青花椒香手撕雞乾拌麵 ($78)因為敏感嘅關係無叫到牛肉麵😢所以就試左佢地嘅雞乾拌麵個名令我期望佢會係好重口好惹味嘅拌麵果然嚟到聞到濃濃嘅麻香味🌶但撈起個下就開始好奇點解得咁少汁😮都由佢😅手撕雞味道近乎係冇醃過咁淡味😇而且仲有冰鮮咗好耐嘅味🤢隻滷蛋就好似比健身人士食咁清😅成碗麵只有有微微嘅花椒油味充滿黑人問號❓只可以話有時真係要自己試真啲比較出名嘅餐廳為准，今次進食經驗實在令我太失望，所以應該都唔會有第二次了😓

知道這間來自台灣的過江龍已有多時，但總是為了一個鐘頭的車程始終遲遲腳步，今日終於抓着個藉口（得閒），所以優游的坐着巴士去到目的地(如心廣場)。。。十二時多點點店內已有兩、三枱客人，由於商場這一邊兩間食肆都是以落地玻璃窗，所以空間感驟眼望落還以為比較寬敞，實質內裏入邊面積不是想像般大～招牌紅燒鍵心牛肉麵HK$84.牛肉好稔不過相對較細件，麵條選擇(幼麵)可惜口感較為淋有點點失望，湯底好濃好濃，整體如果麵條較硬身一點就更好~至於胚芽珍珠奶茶HK$28.由於無套餐是單點而叫，（少甜）味道剛剛好，由於（尖杯底）所以份量亦叫偏少，四啖、五口便KO了一切～整體來說路過一試不妨，特意去試的。。。。。可以慳回車錢。★此店有加一服務!★

之前朋友去了段純貞講都幾足料而且仲有我最愛的麻辣，當然去試試，在如心都幾方便到達，我和朋友各自叫了一碗麵飲品和小食，麵種有2款，粗同幼我們各自叫了一款。大約不用10分鐘食物開始來到。 首先來的是麻辣嫩五花牛肉麵(手工麵)，麻香十足，而且辣度剛好，上面的牛肉是生牛肉，將牛肉放入湯內就熟，牛肉好嫩同肉香十足，的確十分好味，手工麵粗口感十分，有點似刀削麵幾特別。朋友叫的原味牛肉麵(細麵)，湯底好香，牛肉好淋身又入味，麵質好幼細。 小食鹽酥雞份量不少而且皮夠脆口而入面的雞肉都幾嫩滑。飲品各自叫了2杯: 香芋珍珠奶茶叫了小甜剛好，芋頭味幾香，珍珠十分彈牙不錯。朋友叫的胚芽珍珠奶茶味道濃郁奶茶香，胚芽十足。2人食完都夠飽，價錢不用$280抵食。

紅油抄手大量芽菜鋪面，底下配花椒辣油調味，作為拌碟份量都唔少，芽菜同醬料混在一起香辣味勁 。抄手皮薄餡靚，肉質嫩滑。燉蕃茄腱心牛肉麵原隻蕃茄，湯底加了醋調味，湯頭酸甜味均勻，右面吸收左湯嘅精華，十分好吃可惜麵嘅份量較少。最值得一讚係牛腱肉，十分十分嫩滑，口感鬆軟，肉味濃郁亦相當厚身。

星期六放工諗住食埋lunch返屋企，兩點半都仲要等15分鐘位。入到去，一人叫左一碗麵，招牌牛肉麵同辣味牛肉麵。我碗辣既食左一啖已經要扭曲臉型，味精同鹽既結晶品，我已經唔敢掂d湯，揀左手工麵，好淋，少少咬口都無，究竟我食緊d乜。。。唯一可取係牛，份量足夠，而且軟硬程度岩岩好，好淋但又唔會散開晒，唔錯！但俾成90幾蚊食碗咁既野，我中間狂灌水，食完仲要去買水再灌，個口先感覺舒服少少，食完都仲成口充滿味精，無下次

【段純貞】麻辣嫩五花牛肉手工麵 💰$84呢個個麻辣湯底超正🌶 一開始食唔會覺得佢辣，係食食吓個後勁慢慢出嚟😋 對於鍾意食辣嘅人士會覺得超過癮🥶 手工麵好大條，幾有咬勁但份曬較小，幾條就無曬🥲蒜香手撕雞乾拌麵 💰$78麵底其實係唔錯嘅，麵條有彈性。但係個味道有啲奇怪🤔 食落去個味道好鹼🤣😂 同Expect中既蒜香有好大岀入，同fd子一食落口都覺得怪怪der🤣 呢個就最好唔好嗌啦！鹽酥雞💰 $48味道唔錯 略嫌個粉比較厚同有啲大嚿😂 一食落口會超爆熱🥵整體個精粹就係麻辣牛肉麵個湯底！鍾意食辣嘅定要試呢個😽