段純貞牛肉麵 (如心廣場一期)

营业中

休息中

新開台灣過江龍🇹🇼 上年年頭去佢創始地新竹旅行已經想試🥺 次次經過荃灣呢間都勁長龍 所以今次早少少6點去食 好彩仲有空位🤤原味牛肉麵🍜 $84牛肉麵好大碗 揀左配細麵 佢唔係sell彈牙果種 而係sell索濃郁既湯汁! 牛肉有三大條 整體都好香綿彈牙 好濃牛肉味 筋位幾qq 如果再軟熟就更加正😍麻辣嫩五花牛肉麵 $84以為係麻辣味既牛肉湯啦 估唔到真係麻辣火鍋湯底果種麻辣!!🌋🌋 真係堅麻辣😳😳 雖然冇咩心理準備 好彩都食得曬🤣 secured🤟🏻 呢碗要左手工粗麵 好粗厚好煙韌😍 生牛肉好似食pho咁浸落熱湯黎食 非常軟嫩同香牛肉味 幾驚喜🥰紅油抄手 $48抄手大粒實在彈牙 醬汁味道都好夾 唔會太鹹太辣😋香芋珍珠奶茶珍珠甜甜地 煙韌有咬口 香芋味都正常 唔會好化學feel😋 食完麻辣湯 it saves my life🥲🥲💙💙

發現左一間超正宗的台灣牛肉麵專門店，就係大名鼎鼎的段純貞，佢係一間台灣人氣過江龍新店！總部在台灣，香港只有兩間分店，一間荃灣，一間將軍澳。牛肉麵超級正宗，可以比客人揀麵，有手工麵同細麵，牛肉就選用了美國牛肉。為左比較一下邊款麵更好味，我哋點左一個招牌紅燒腱心牛肉麵（手工麵）同一個原味牛肉麵（細麵）。賣相超級吸引，藥膳味的湯由顏色到氣味都反應返正宗就係這個樣子，撲面而來的濃香，令人迫不及待要來品嘗！湯底鮮甜，是用新鮮肥牛榨出黎既牛油加入香蔥，薑，蒜，豆瓣與23種中藥材，慢火拌炒加入牛骨高湯熬煮。倒入酸菜調味，酸酸咪咪好醒胃！手工麵粗條厚實，口感好正，很有咬頭，掛湯汁一流，有驚喜！牛肉軟冧入味，品質優秀，系上等食材。而另一款細麵，別有一番風味，比較爽口，十分勁道，有彈力，朋友就比較喜歡細麵，而我更喜歡手工麵。小食有紅油抄手，因為朋友不太食辣，所以店家幫我們紅油另上，一大碗芽菜，花生，香蔥鋪面，抄手在底，賣相很特別。大大粒抄手餡料飽滿，點左辣油，麻麻辣辣開胃好食。胚芽奶茶，胚芽健康好味，濃濃的奶茶都是對台灣的想念，在香港都食到咁正宗的台灣牛肉麵，真係疫情下的恩典！

餐廳環境：係如心廣場開得鋪頭既都唔會太污糟既，裝潢唔係太hea（緊係啦，收你成百蚊碗牛肉麵），目測有20張台到，但好奇怪既係我發覺佢明明有台清好潔都等成十分鐘先可以入到客。一係個前台廢、一係個廚房廢、一係佢想令客排隊。食物質素三寶麵經典牛肉麵麵質：點解要講左先，因為叫左兩兜麵都發覺一個好大既幣病！就係個麵唔好食！唔好食！唔好食！我地叫左手工麵，發現d麵好似唔熟咁（睇圖），我唔知呢隻麵係唔係要同意大利飯一樣中間要硬硬地先正宗，但我個人口味就覺得唔好食，因為唔熟既麵係會好漿口🥲。以為叫幼身麵好點？大家睇下呢度負評先，有網友話幼麵會偏淋身🤷🏼‍♀️2. 湯底：你睇個顏色以為好濃，但其實入口偏淡味，都係有少少失望。3. 牛肉：佢既肉反而好有驚喜！無論牛腱肉定牛筋都咬落軟諗仲十分入味！食得出係肉果方面係有比心機落去處理既。4.飲品：唔得，珍珠太甜太腍啦，綠茶味有點假總結：雖然牛肉好吃，但都好難一個救全家，牛肉麵得三個元素，但其中兩個都唔得，加一收我接近成百蚊碗，只好比負評🤦🏻‍♀️

知道呢間餐廳係台灣過江龍，所以今次特登去試一試。餐廳喺荃灣西一個新開商場，人流唔算多。餐廳係商場比較入嘅位置，真係搵都搵咗一陣，唔太方便。環境不大，當時是下午茶，食客不算多。裝修比較中國風🇨🇳都有啲特色。我個女叫咗一碗麻辣腱心半筋半肉面🐃食落都幾辣，要加水先食到，但牛筋牛肉都幾淋，好入味。我叫咗個紅燒腱心半筋半肉牛肉麵🍜味道都濃郁，都有幾多筋和肉，分量十足，湯底略嫌鹹咗啲。另外叫咗一杯胚芽珍珠奶茶🧋味道ok ，冇咩特別。

香港都有唔少嘅台灣牛肉麵，當中不乏台灣過江龍。之前睇YouTube介紹過段純貞，一直都好有興趣試吓，於是就去左荃灣呢間試下。首先點左個鹽酥雞。店員一上菜嘅時候，已經覺得賣相好吸引。每件雞球都非常飽滿，好想即刻就咬一啖。結果味道都冇令我失望，熱辣辣，外層揸得鬆脆，肉質仍保持鮮嫩多汁。$48有呢個份量同質素，真係非常最值。蒜香手撕雞乾拌麵最令我印象深刻嘅係啲配料真係非常充足，尤其係蒜頭同花生。我自問食嘢都有少少重口味，呢個拌麵幾啱我口味。跟住就係今日嘅主角牛肉麵。由於我無辣不歡，於是我就揀咗麻辣五花牛肉麵。第一樣試嘅當然係個湯底。據說呢個湯底用咗23種藥材加上牛脂熬製。但係我就一啲都唔覺得邊種藥材味道特別霸道，感覺非常調和。我揀選嘅粗麵條亦有助於掛汁，口感亦非常煙韌彈牙。加埋份量適當嘅牛肉，真係非常令人滿意。飲品就揀咗珍珠奶茶同埋杯牙奶茶。茶味夠濃，令呢餐錦上添花。

呢排見到好多朋友都食呢間「段純貞」，咁小編都唔執輸，走去試吓味先😋經典紅燒牛肉麵(牛𦟌切片）$84呢碗牛肉麵賣相十分吸引，但味道就一般！牛嘅味道一般，份量都唔太多😂燉濃湯雞麵 $84呢碗燉湯雞就完全唔同啦，個湯好正！啲雞好嫩！仲有一小碟酸菜送😝環境方面都算清靜！同埋 枱與枱之間嘅距離都闊，所以都食得幾舒服👍唯一一樣不太好就係店內職員，要扣少少分😔服務麻麻，問嘢唔多應🤪味道：😋😋😋😋/5環境：😋😋😋😋😋/5服務：😋😋😋/5價錢：😋😋😋/5翻食：😋😋😋😋/5

作為過江龍台灣牛肉麵店，段純貞食物出品無失真，有濃濃台灣既味道。餐廳坐位唔算多感覺上坐得都幾逼下，裝修係簡約中國風。假日無論任何時段經過都有人龍排隊，我自己未試過係唔排既情況下可以坐低🥲🥲，所以更常外帶。.試過唔少款，個人喜好：1️⃣嫩五花牛肉麵 💲84⭐️4.2/5麻麻地鍾意食大大舊牛腩所以呢個嫩五花牛肉，即係薄切肥牛就fit哂。我好鍾意段純貞呢個紅燒牛肉湯頭，有淡淡既中藥香。上網睇介紹佢地用上23種獨門藥材香料長時間熬呢個湯底，試完第一次之後就係因為對呢個湯底念念不忘所以翻單左好多次。麵底可以揀細麵(幼切)或者手工麵(粗切)，味道上無分別但我自己比較鍾意細麵因為比較輕身易夾起。.2️⃣紅燒腱心半筋半肉牛肉麵 $88⭐️4/5為左食佢既牛筋，間唔都會點呢個一半筋一半牛肉既紅燒麵。湯底同嫩五花牛肉麵一樣但好似會油少少。牛筋索湯有咬口，都係上佳之作。.3️⃣燉濃雞湯麵 $84⭐️4/5個人都幾鍾意燉濃湯雞麵，用上原隻雞腿份量十足。最重要係佢濃雞湯幾清甜，雖然明知應該幾高納，都成日忍唔住飲哂成碗。但因為次次都係外帶所以就無影相了。 4️⃣珍珠奶茶 $28⭐️2/5比較失望係珍珠奶茶(第一次忘記影相)，覺得遠唔及牛

-🚩段純貞牛肉麵荃灣楊屋道8號如心廣場1期1樓105-107號舖—————————————————————🔸餐廳推薦度：❤️❤️❤️❤️❇️每人平均消費：$150（Lunch)⭐️打卡指數：✨✨✨🔴青花椒香手撕雞乾拌麵 $78如果鍾意食花椒油香味嘅味就一定要揀呢個手撕雞拌麵，雖然睇落去唔似好麻辣嘅感覺，但食落去濃濃嘅花椒油好香口，而且超多花生同手撕雞，平時大食開嘅我就連呢碗麵都食唔晒就知有幾抵食👍🏼⭐️⭐️⭐️⭐️⭐️（5/5）🔴原味牛肉麵 $84男朋友就揀咗呢碗原味牛肉麵食，對牛肉麵超有要求嘅佢竟然連呢碗牛肉麵既湯底都招架唔住，坊間一般嘅牛肉麵味道都唔太濃，但段純貞既牛肉麵就咁望個顏色，就已經睇得出餐廳係好用心去做呢個牛肉麵嘅湯底，加埋手工麵既配搭簡直一流👍🏼⭐️⭐️⭐️⭐️⭐️（5/5）🔴新鮮豚肉鍋貼 $48呢款豚肉鍋貼有少少似日式餃子，餡料亦都好豐富，配埋餐廳既醋一齊食非常好味😋⭐️⭐️⭐️⭐️⭐️（5/5）🔴胚芽珍珠奶茶 $28我男朋友出名食嘢要求高，就連一杯珍珠奶茶都唔會放過，平時對珍珠奶茶都好抗拒嘅佢，竟然大讚呢杯珍珠奶茶好啱佢口味，佢話甜味啱啱好，珍珠又唔會太重黑糖甜味，而且好濃嘅茶味，直情係好似自己喺台灣飲緊珍

短短半年時間已經開咗三間分店嘅台灣過江龍段純貞👀，去開荃灣就試吓佢嘅人氣牛肉麵！⤑▫️原味牛肉麵 $ 84紅燒牛骨湯底沿用台灣秘方製作加上經過慢火熬製，真喺超濃厚😲！食落油而不膩果然喺主打🍜，麵類都可以選擇配搭刀切手工麵/細麵，鍾意有咬口嘅肥仔就挑選咗刀切手工麵，每條麵條都厚薄不均，煙韌有彈性非常吸收湯汁🤤，牛肉肉質軟腍，而且十分入味，同會附上一碟酸菜！⤑▫️蒜香手撕雞乾拌麵 $ 78幼麵更能掛上濃厚醬汁，蒜香味出眾🧄配料亦非常足料，雞絲份量極多食到個碗底都仲有大量😂，加上花生、香蔥炸蒜，同溏心蛋非常惹味，重口味首選！⤑▫️雞湯抄手 $ 48食咗兩款較濃味嘅麵，都喺叫碗清清地嘅雞湯抄手😆，雲吞皮都幾薄內裡紮實，一口一粒！⤑▫️香芋珍珠奶茶 $ 28香芋味幾香濃有啲似維記雪糕🤣，唔算太甜加上煙韌珍珠有驚喜！⤑▫️胚芽珍珠奶茶 $ 28奶茶比例唔錯夠順滑，彈牙珍珠配上香脆胚芽，口感更豐富🧋！

起荃灣試左段純貞😆餐廳裝修以木系古典風為主，環境夠晒光猛，叫左野食一陣，好快黎齊👍🏻店員好耐心甘解答我既問題，唔錯呀👌🏻1️⃣燉濃湯雞麵 $84依款燉濃湯雞麵😆我揀咗手工細麵～🥰黎到嘅時候見到勁大碗奶白色雞湯🤣多到連段純貞麵遮住左🥺雞湯飲落好鮮甜，味道岩岩好，無味精味感覺👍🏻👍🏻揀咗細麵可以吸到超多湯，手工細麵食落唔會淋，配埋隻黃油雞髀同埋一嚿雞件😛大大嚿雞髀🍗肉食落超滑超嫩口，有🐥既鮮味👌🏻2️⃣雞湯抄手 $48雞湯抄手比較少見🧐所以我無揀到紅油抄手，雞湯飲落清甜，其實味道同濃湯雞麵個個差唔多，抄手大大粒，皮夠薄餡靚，餡以蝦肉同埋豬肉為主，蝦肉食落爽口彈牙幾新鮮😚配埋鮮甜嘅雞湯😛推薦👍🏻3️⃣鹽酥雞 $48依款鹽酥雞嘅份量都幾多，鹽酥雞大細適中，炸皮唔會好厚，入邊嘅雞肉食落唔會乾身仲有少少汁😛調味方面偏向胡椒，唔會好咸👌🏻整體都唔錯，好有台灣嘅風味🥺

荃灣如心廣場係荃灣嘅新地標，呢度嘅商場又大又好行，而且四通八達，交通又方便，所以都有好多唔同嘅餐廳進駐。呢一間來自台灣嘅麵店，就喺如心廣場入面，交通便利，而且環境光猛座位舒服。餐牌做得都幾精美，食物款式多，除咗台灣牛肉麵，仲有牛肉嘅唔同部位可以揀，所以可以按住喜好去食唔同嘅牛肉麵。另外都有其他唔同款式嘅食物，又有台灣嘅飲品，感覺好多選擇。原味牛肉麵$84湯底用牛骨熬製，有牛嘅鮮甜味，唔會太鹹，牛肉選用來自美國嘅優質牛肉，有肉有筋口感一流。蒜香手撕雞乾拌麵$78入面有好多蒜頭，也有炸蒜，所以好香又好味。棉質好滑又彈牙，夏天食拌麵係一個幾好嘅選擇。新鮮豚肉鍋貼$48鍋貼皮薄餡大件，有豬肉也有椰菜嘅餡料好味，煎得夠香口。胚牙珍珠奶茶凍$28珍珠彈牙又有黑糖味，奶茶比較甜咗少少，欣賞餐廳用只飲管夠環保。荔枝乳酸飲料$28有汽又酸酸甜甜嘅開胃飲品。

🐂段純貞牛肉麵🍜 原味牛肉麵（$84）湯底勁濃有四川二十三香等藥材 口感香沉醇厚 😮牛腱心好淋好入味🤤呢款選左細麵個細麵好有驚喜 😳好彈性之餘口感幼滑👍🏻與湯頭間取得平衡麻辣嫩五花牛肉麵（$84）麻麻而不嗆而且好種花椒八角味😻 五花嫩牛分量好多 值得一讚係牛肉上枱時係半生 咁就唔會比熱辣辣湯浸到老晒👍🏻 牛肉十分嫩滑🤤配埋手工麵超煙韌重好長好大塊😹掛湯強 索到好多汁😋👍🏻鹽酥雞（$48）份量都不少 雞肉好嫩滑 唔會炸到好乾好厚香芋珍珠奶茶（$28）香芋味好似維記香芋雪糕糯米糍嘅味🤣珍珠煙韌荔枝乳酸飲料（$28）好fresh! 酸酸甜甜咁 入面仲有幾粒荔枝肉 好清甜值得一讚係姐姐服務好好好細心！

早前係如心廣場一期新開了台灣過江龍段貞牛肉麵剛時簡直係人潮擁擁，所以就冇排隊去食但前幾日經過下午時段只需要排幾個人就可入座就即刻要試一試一入座已經睇到段純貞牛肉麵烹調精粹的牌匾，一碗套用18餘小時才能做出的牛肉麵實在是令人期待▫️麻辣嫩五花牛肉麵第一次食牛肉麵係嫩五花牛肉，的確幾有趣，好似平時食越式牛肉麵一樣利用湯的熱力去浸熟牛肉所以口感特別嫩滑，另外特別配了手工麵，寬厚麵條掛湯力強好適合麻勁十足的麻辣湯底▫️蒜香手撕雞乾拌麵一上菜時真係有少少嚇親，因為配料多到形成了一個小山，滿滿的花生粒蔥粒蒜粒和雞絲，還有1隻剛剛好的溏心蛋，麵條彈牙，係唔錯的選擇▫️鹽酥雞同喺街邊食的相比，雞件較大件又唔會炸到好乾身，調味剛剛好不會過咸，係分數幾高的鹽酥雞另外，叫麵食會跟碟小酸菜，個酸菜超好食！因為麵食都係偏濃味以中間食一食酸菜真係好夾～

是但搵左間台灣餐廳食餐飯聚舊😬所以入左依間試試 點知係咁伏🥲 叫左香芋珍珠奶茶 完全係水溝紫色色素再加珍珠咁 😵‍💫 我叫左個雞絲拌麵 好普通唔算難食我朋友叫左麻辣五花牛肉細麵 個湯較苦既藥材味完全蓋過左辣味 食到一半都放棄了另外兩個係牛肉麵一個係手工麵一個係細麵味道普通選擇細麵既份量係會飽肚 但手工麵既份量好小好似得5條麵咁另外加左個拼盤味道ok既 但份量算小4人嚟講😬總結： 最後賣單$576唔太值依個價😬亦都唔會再食

經常都見有十數人排隊, 見網上食評不錯, 的起心肝來排一次試吓, 平日的晚上七時許, 等左15分鐘左近有位. 第一次食, 點了最多人叫的招牌紅燒腱心牛肉麵和三寶麵, 腱心牛肉非常軟腍, 口感不錯, 三寶麵有少許辣, 腱心、牛肚和牛筋各一件. 但有一樣令我不解的是紅燒腱心牛肉麵有三件腱心牛肉, 但比起三寶麵的那三件牛, 大小和厚度都小了一半有多, 價錢只相差 $8, 感覺很不值. 而粗麵的麵身太厚, 像食粉餅的感覺, 還是幼麵才有食麵 feel. 另外亦點了鹽酥雞、雞湯抄手、豚肉窩貼. 鹽酥雞外皮炸得很鬆化, 口感不錯, 但雞肉同樣鬆化得像粉的感覺, 不太實在.  雞湯抄手的雲吞都算合格, 豚肉窩貼就麻麻地. 飲品叫了胚芽珍珠奶茶, 這個毫無珍奶味. 總的來說腱心牛肉確有驚喜, 其他就不過不失, 有機會會再試埋紅燒牛肉(牛碾)麵 /濃湯雞麵/酥炸排骨麵.