影片
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
食家推介
相关文章
段純貞X日出茶太📍灣仔莊士敦道74-80號The Johnston 地下A及B號舖差不多要離開灣仔，去新地方返工，喺北角做嘢嘅中學把握最後機會，約我喺公司附近食晚飯。近近哋，揀咗喺利東街嘅台灣餐廳，係bookmark咗好耐想食嘅段純貞。原來佢哋仲有同日出茶太合作，咁耐無飲，當然要叫返杯回味一下啦。 💰$86招牌紅燒牛腱心牛肉麵 🐄招牌牛肉湯一定要配招牌手工麵，經反覆延壓嘅麵團更有韌度，因為手工製作、厚薄不均嘅不完美，反而造就更吸湯嘅麵條。段純貞嘅牛肉湯還原正宗台灣風味，較特別嘅地方係佢哋對食材嘅執着、烹調嘅堅持。捨棄巿面加工嘅牛油，採用由鮮肥牛榨成嘅油脂起鑊，再加入23種中藥材同料頭以慢火炒近10小時，然後加入經慢火細燉兼靜置一晚嘅牛骨高湯，熬出令人安心、窩心嘅招牌牛肉湯。美味嘅湯麵相輔相成，誠心推介大家一試。中學同學特意揀選招牌中嘅招牌牛腱心試試，皆因一頭牛身上只能取得大概5碗份量嘅牛腱心肉，相當珍貴。牛腱心嘅紋理獨特，油脂分佈均勻，口感軟中帶Q，腍身但又富膠質，愛食半筋半肉嘅朋友必點！ 💰$88濃湯燉雞麵 🐓雞脾燉後依然靚仔，唔會甩皮甩骨，肉質嫩滑，雞味濃郁。雞湯盡收鮮雞精華，揀選配搭細麵，更能掛湯，每一口都食到雞肉、雞湯同麵，整體清淡得嚟令人印象深刻。 💰$88麻辣鴨血冬粉 🌶️雖然血紅色睇落好似好辣，但其實只係微麻少辛，唔太食得辣都可以輕鬆駕馭。冬粉同台灣常見嘅有少少分別，比較似粗身少少嘅米粉，但口感同一般冬粉一樣，夠晒嚼勁。鴨血份量好多，每塊都大大嚿，咬落緊實，味道濃香。一口冬粉，一口鴨血，實在滿足。 💰$68滷鴨舌 👅好耐無食過滷得咁入味、咁腍身，仲要唔會太鹹嘅滷味！鴨舌表皮保留到少少彈性，內裏嘅軟骨口感好正，輕輕一咬便能骨肉分離，十分高質！伴碟嘅冰糖醬花生可以單點，口感同煮熟煮爛嘅紅豆相似，鹹鹹甜甜，超有驚喜！ 💰$48蒜醬青菜 🥬青菜可以選擇油麥菜或生菜，我哋揀咗幼嫩嘅油麥菜。台灣嘅燙青菜總係有種魅力，即使只係簡單燙熟，但加入靈魂醬汁後，又會加好多分，非常神奇。 💰$34太極厚奶 🧋久違一杯日出茶太，當然要揀返杯人氣Top 5嘅！我揀咗有齊珍珠同蒟蒻晶球嘅太極厚奶，一次過飲晒兩大珠珠。為咗健康着想，我選擇最少嘅30%糖，飲落奶味茶味都好突出，不過我相信如果糖度高啲會更好味。 💰$35抹茶拿鐵 🍵中學同學都揀咗Top 5之一嘅matcha latte，抹茶味香醇、奶味濃郁，完全超出手搖店嘅水準，抵飲過大部分cafe！
继续阅读
鍾意去台灣嘅人，相信都一定聽過段純貞，而家香港都食到，真係勁興奮，今日趁住喺灣仔呢邊收工，就特登過嚟，食完之後真係覺得有台灣嘅味道，以前美好嘅回憶返晒嚟！今日要咗蒜醬青菜嘅油麥菜，呢個醬汁真係好好食，而且油麥菜本身好掛汁，每一條菜都勁好味，當然就一定要叫埋呢度嘅台式滷菜，整得勁入味，最後因為唔夠喉，所以叫多咗一個麻油素麵根椒麻皮蛋。主食方面，就要咗招牌紅燒腱心牛肉麵同清燉牛肉麵 ，d牛𦟌係切片咁上，完全一啲都唔鞋，而且好厚肉，我哋兩碗都係要咗手工麵，口感亦都好煙靭！甜品都好多選擇，我哋睇咗好耐，最終就決定要純貞芋圓2號，入面有桂花冰糖、黑糖珍珠、豆花、芋圓同紅棗杞子。呢啲甜品我多數都係要熱嘅，食完之後真係覺得好幸福！走嘅時候都額外要咗一個烤荼拿鐵，好濃郁，下次嚟都會想試吓佢哋啲特別飲品，包括西瓜奶茶同草莓檸檬綠茶！
继续阅读
💬自 #段純貞 首度在香港經營，選址在荃灣開店，試過一次之後都未曾再嘗 。今趟在灣仔店試試午餐精選，多款選擇 。店舖闊落寬敞，服務態度有禮，本店更聯乘茶飲店 #日出茶太 可以配搭更原味道嘅台灣料理，不過最考慮嘅係定價略為頗高，以今時今日嘅經濟環境，午餐動輒過百會令不少市民卻步而影響到生意同入座，值得關注🤓.———————————————————————————🍜胡椒湯酸菜雞麵💬見到有胡椒湯底必試，湯底濃郁胡椒味唔會太多搶喉，配上幼麵亦爽彈，每碗都有一隻嫩滑雞髀🍗，誠意搭夠，收費$88，另加小食同茶飲額外收費 。.🍜原味牛肉麵💬多年前在台灣小食所吃嘅牛肉麵味道已經不能回頭，濃厚嘅藥材湯加入非常腍身嘅牛肉絕對係基本要求 。普遍香港所吃到嘅牛肉麵都係差不多感覺，不算很有驚艷嘅感覺 。最喜歡的係台式香腸，加埋蒜片同酸菜，想去台灣了 。
继续阅读
今日嚟試呢間 台灣過江龍 牛肉麵，一睇個樣就覺得幾吸引。先講講個湯底啦，望落去濃稠嘅啡色，聞落去香氣四溢，應該係用咗好多香料同牛骨熬出嚟嘅，一入口，濃郁嘅牛肉味即刻爆發喺味蕾上，不過可能熬得時間稍長，湯底有少少偏鹹，同啲出名嘅牛肉麵老店比，嗰種鹹鮮嘅平衡就差咗少少。再睇嗰牛肉，大大塊，切得幾厚身，望落去啲肉紋好靚，咬落去口感嫩滑，應該係用咗啲嫩肉嘅方法處理過，不過可能煮嘅火候未夠精準，牛肉嘅鮮味冇咁突出，同之前喺台灣食過嘅牛肉麵嘅牛肉比，鮮味就稍遜一籌。麵條就係傳統嘅粗麵，煮得幾彈牙，掛湯能力都唔錯，不過同啲高檔餐廳用嘅手工麵比，口感就冇咁豐富。配菜方面，有幾條青菜同幾片菇，青菜新鮮爽口，菇就吸收咗湯底嘅精華，幾入味。總體嚟講，呢碗牛肉麵都算有唔錯嘅水準，雖然有幾處可提升之處，但係價錢唔貴，環境都乾淨企理，平時嚟醫下肚都幾唔錯嘅。
继续阅读
俾咗碟酸菜同大大碟林花生堪稱台灣牛肉麵的代表之一。段純貞牛肉麵是台灣極具名氣的牛肉麵品牌，總店係新竹市，之前去台灣都食過。經典的紅燒牛肉麵而聞名，他們家特色在於堅持使用新鮮的食材，尤其是選用優質的肥牛，並不使用現成的桶裝牛脂，這種做法令佢哋啲牛肉風味上更加獨特和純正。經典紅燒牛肉麵（牛𦟌切片）$77.4 叫咗手工麵，牛肉麵的湯頭濃郁，牛肉軟嫩，搭配彈牙的麵條，啲麵條好重麵粉，😂食完都好飽。是一碗暖暖窩心的冬天好選擇。
继续阅读