殿 大喜屋

营业中

休息中

期待了很久的奄仔蟹和牡丹蝦放題，終於等到！早早book了殿大喜屋，臨旅行前一定要食一餐好！晚上8點入座仍然人頭湧湧。不過安排好快，所以一定要訂位！尖沙咀店重新裝修，環境更加舒適！自助區一如既往，各適其適的飲品、前菜小食、甜品熱葷，已經令人大飽口福！全港獨有的奄仔蟹和牡丹蝦放題，當然牡丹蝦是重點，隻隻肥大肉厚又鮮甜。拖羅粉紅色的，三文魚油甘魚厚切，帶子鮮甜，還有蟹腳，完全是刺身自由！可以配上鱘魚子醬夾著吃！其他刺身還有煙燻章紅魚薄切、泰式生蝦。拖羅鱈魚乾手卷和海膽卷一定要食，因為都是用上日本海膽！我們一連食了兩件！熟食有燒銀鱈魚、豉椒炒蜆、豉汁蒸鱔、咸蛋黃大蝦！各式燒物如燒生蠔、牛舌、雞脆骨！重點推介的有奄仔蟹！！雖然不算大隻，但是很有蟹味！特色食物如雞油蟹粉蒸皇帝蟹陳村粉、古法鹽焗蟹、花雕醉鮑魚、花膠、冬菇扣鮑魚等，真的是回本之作！最後的甜品，每樣試一點都有很多款式！這個放題絕對不會令人失望。

晚市9:00 嚟食出面都好多人排，一定要book 位，book 左都要等。🙈食物選擇好多，2人食嘅檯比較細，叫多少少野食都放唔到，所以一到就要快d 食先放到下一樣野。💪🏻出餐方面好好，無漏單嘅情況，仲出得好快。好鐘意刺身，叫左好多好多，擺盤喺咁多人要出餐咁密嘅情況之下都可以擺得咁靚，真係好抵讚同有誠意。👍👍😋壽司款式都好多，不過由於唔太想食飯，所以就無咩點叫。出面嘅冷盤同埋前菜都好多，多到食唔晒，好多嘢都好想試吓，不過真係無能為力。甜品方面都好好食呀，又有雪糕又有其他嘅甜品款式，唔係怕肥嘅話可以食更多，每一樣都幾有水準，成餐冇中伏。💕🍨🦪🥗一定會再嚟！🥳

Foodie失格🤯！一路以為得moko間大喜屋有原盒魚子醬同日本海膽任食，原來尖沙咀店一樣有。👍🏻海膽軍艦👍🏻海膽拖羅鱈魚乾手卷👍🏻鱘魚子醬海膽幾鮮甜同冇咩明礬味，比起以前嘅放題海膽好食。手卷可以加埋鱘魚子醬。有啲估唔到今次嗌咗兩次手卷，啲紫菜都係脆嘅。👍🏻雞油蟹粉蒸皇帝蟹陳村粉👍🏻古法鹽焗蟹👍🏻花雕醉鮑魚👍🏻鵝肝多士皇帝蟹超厚肉超鮮甜！調味係酒樓上湯伊麵嗰種。鹽焗蟹勁多肉，味道都好鮮。鮑魚味道甜甜哋好清爽好開胃。鵝肝超肥美同入口即溶，完全估唔到放題做到呢啲級數。

今日放學後，約老公到尖沙咀殿 大喜屋食日本放題，那間店需貴，但食物質素和款式種類是值得，這間店有很多必點食物如牡丹蝦，鹽焗奄仔蟹，燒珍寶蠔，冬菇花膠，海鮮鮑片蟹粥，各式各樣的美食，數之不盡，新鮮惹味。熟食食物水準沒得輸之外，連飲料和甜品種類各式各樣，甜品做到好精緻細件，一口一啖，如巴斯克芝士餅，半熟芝士布甸，榴槤布甸，馬卡龍，Haggen-Daz等應有盡有，真係唔知點選擇，來一次未必試得到全部，至於飲料仲驚喜，選擇之多，令人意外，如熱清酒，真露燒酒，梅酒，白酒，椰青水，生啤，罐裝飲料等。總結，這間店價錢雖高，它的食物質素同享受都值回票價，加上款式之多元化，令人嘆為觀止，人流雖多但服務員態度令人滿意，運送食物和清潔檯上食物的態度都令人感到滿意。

琴日終於完成半份大project 今日要撐餐勁嘅book咗好耐先book到嘅殿大喜屋呢度重新裝修咗都係第一次嚟嚟之前已經target咗要食啲乜 畢竟之前喺旺角分店食過一次 有晒策略呢度仲有全香港獨有牡丹蝦同奄仔蟹任食鱘魚籽醬一口氣食咗4盒做開胃菜🤣 再叫咗刺身船 全部厚切 今次食得最多就係金槍魚腩 啖啖肉海膽拖羅黑松露帶子 海膽軍艦 海膽拖羅鱈魚乾手卷佢呢度嘅海膽全部都係日本海膽 食落新鮮所以樣樣海膽嘅嘢食都有order嚟食 😋海膽拖羅呢個配搭無得輸煙燻鱆紅魚薄切呢個新品 幾有儀式感有個蓋罩住 一揭開啲煙同煙燻味散出嚟薄薄嘅鱆紅魚片上面再有魚籽 口感一流甜品方面雪糕都有好多唔同口味 今次食2款先仲有小朋友嘅至愛馬卡龍同埋蛋糕

係尖沙咀金巴利道26號一樓（The One對面），地鐵站B2出口行2分鐘就到！裝修後嘅新店空間闊落，坐得舒服，自助區仲有凍海鮮、三文魚籽專區，勁有氣派。 🌟必食重點：北海道海膽＋魚子醬任食餐廳標榜全線海膽菜式用日本北海道海膽，橙黃色、creamy又鮮甜，唔會有苦澀味！必試「海膽軍艦」同「海膽拖羅鱈魚脆脆」，紫菜脆卜卜，海膽份量多到瀉，撈埋拖羅蓉同三文魚籽，層次爆燈！更瘋狂係鱘魚子醬原盒上枱，用匙羹任𢳂，鹹鮮爆汁，配多士或鵝肝食簡直邪惡到極！ 🦀新品推介：皇帝蟹陳村粉新菜「皇帝蟹陳村粉」驚喜度滿分！陳村粉吸盡蟹皇湯精華，上面鋪滿拆殼皇帝蟹肉，鮮甜嫩滑，仲有蟹膏香，粉絲控同海鮮迷必encore🔥其他回本位- 刺身拼盤：拖羅厚切肥美、松葉蟹腳爆肉、赤蝦爽甜，全部即叫即切； - 鐵板鵝肝多士：外脆內融，油香逼人，加魚子醬昇華味覺； - 鹽焗肉蟹＆避風塘炒蟹：蟹膏爆橙，炒蟹鑊氣足，辣度啱啱好； - 甜品區：Movenpick＋Häagen-Dazs任拎，榴槤蓉撈軟雪糕係隱藏食法！ 晚市$348起（視時段），小童$218，任食3小時！三百幾蚊食到魚子醬＋北海道海膽＋鵝肝＋皇帝蟹，CP值爆錶！

朋友生日約左佢去殿大喜屋瘋狂食一餐🥰呢度係唯一一間有🇯🇵日本空運牡丹蝦同鹽焗奄仔蟹🦀任食嘅放題🤩仲有百款高質料理😊真係食到捧住個肚走😍 一坐低立即點盤刺身🤩當中必點牡丹蝦🦐蝦肉肥嘟嘟入口鮮甜到爆🤪仲有超濃蝦膏🤪仲有帶子、赤貝、松葉蟹腳我哋狂encore咗3轉🦀鹽焗奄仔蟹🦀蟹蓋爆滿金黃蟹膏😉咸咸地熱辣辣超正🦀 另外仲有多少款🍣 壽司卷物🤣最正係吞拿魚蓉海膽壽司😍燒物鹽燒左口魚邊🙂魚油香到漏☺️燒榴槤、榴槤炸彈炸得金黃，內餡軟糯😌榴槤控必食😊熱食燕窩燉奶木瓜🥰養顏又好食🥰飲品包括自家製茶飲、楊枝甘露🥭珍珠奶茶、角色紙包飲品及啤酒🍻紅白酒及清酒梅酒通通住吹飲🥰多款甜品及Häagen-Dazs雪糕都係任食啱晒我哋第二個胃😂尖沙咀分店勁方便☺️晚市$498/位食足3小時，記得預早book位，walk-in真係會爆滿！

周不時都會想食放題，覺得性價比高過食buffet。呢間係大喜屋最高級別，有牡丹蝦及奄仔蟹任食，仲有日本海膽。去到好多人排隊，好彩有訂位~呢度魚生好出色，拖羅、池魚王、三文魚、油甘魚、大蝦都好鮮甜。拖羅肥美好正👍其他必食推薦有：⭐鐵板鵝肝厚多士：鵝肝好滑又入口即化⭐鹽焗奄仔蟹、避風塘炒蟹：蟹肉好新鮮好味，好惹味。食蟹都回本啊。⭐日本海膽壽司，味道ok算好食，而且比得多。⭐鰻魚、燒榴蓮、西京燒比目魚都值得叫⭐燒珍寶蠔：大大隻又鮮甜，要encore甜品竟然有巴斯克芝士餅！不會甜，芝士味又濃。甜品櫃有驚喜，好多款係其他放題店無見過。Häagen-dazs雪糕有超多款，好多係未食過既味，好開心。自助區仲有甜點､凍海鮮類､生果等等，最特別係酒都有~飲品區好大，推薦珍珠奶茶｡呢度食物好多款又好味，上菜又快，無漏單，難怪係殿堂級~值得食。🥢殿 大喜屋 🌏尖沙咀金巴利道26號1樓

新增終極奢華：魚子醬任食攻勢！ 今期殺出「魚子醬任食」震撼全場！🌟 自助區擺出即開俄羅斯鱘魚子醬，鹹鮮爆珠嘅滋味配乜都昇華～必試邪惡食法： ✅ 魚子醬山堆牡丹蝦刺身：甜蝦＋鹹香魚子，海洋雙重暴擊！ ✅ 魚子醬蟹膏軍艦：奄仔蟹膏＋魚子醬鋪滿，鮮味核爆級💥 ✅ 日本海膽壽司重點：師傅唔手軟！🍣 刺身壽司控必搶：魚子醬＋日本海膽＋拖羅盛宴 - 🌟 魚子醬鮑魚杯：升級版！原隻鮑魚刺身墊底，瘋狂堆疊魚子醬，一啖過海陸豪宴 - 🇯🇵 日本海膽軍艦 魚子醬，甘甜Creamy＋爆珠口感 - 🐟 極上刺身拼盤：厚切拖羅直接鋪魚子醬，油香×鹹鮮雙重極致

見到很多好評 ，便去試下。等了30分鐘都未上第一碟，遲來的客 ，比我早有嘢食，向侍應反應後，首先態度惡劣，其後也沒有改善。另外，食物質素也很一般，真的不會再試第二次。

尖沙咀金巴利道的殿大喜屋多年來一直人氣旺盛，最近經過全新裝修後，環境更加寬敞，座位也更為舒適，規模可與酒店自助餐相媲美。餐廳最近推出了獨特的牡丹蝦和奄仔蟹任食，成為全香港獨有的日本放題。自助區不定時會推出獅頭鵝和港式燒味，這晚我最愛的獅頭鵝就出現在餐桌上！此外，還有巨型刺身船，牡丹蝦、拖羅、長腳蟹和日本海膽等美味不容錯過。避風塘炒蟹和泰式咖喱大頭蝦味道誘人，清酒煮大蜆鮮甜可口，燒蠔、燒扇貝和燒乳鴿都是重點，鮑魚和花膠更是回本的好選擇。飲品方面選擇多到數不勝數，除了清酒、梅酒、汽水和花茶，還有珍珠奶茶和日本果汁酒任飲。最後，Häagen-Dazs雪糕、軟雪糕以及大量手工甜品也是任食的美味，絕對值得一試！

衝啊！自助區超多野食！全港唯一「牡丹蝦+奄仔蟹」任食嘅日本放題就喺尖沙咀～每隻牡丹蝦都肥嘟嘟咁彈牙，仲有拖羅呀！奄仔蟹爆膏程度誇張到蟹膏多到可以撈飯食啊～ 重點佢哋嘅「日本直送海膽」金黃飽滿，入口即化嘅鮮甜完全KO其他放題店，海膽軍艦任食真係邊度搵呀 !仲有矜貴嘅「魚子醬」任點，配埋香煎鵝肝多士，邪惡度爆錶！ 驚喜位係「燒榴槤」，熱辣辣嘅榴槤肉甜到漏蜜，仲有拉絲效果～其他仲有燒物，串燒，天婦羅，松葉蟹腳...款式多到要分約輪先試得晒！ $800左右食到咁多貴價嘢，仲要環境舒服唔逼人，絕對係放題界嘅天花板！記得預早book位，同埋帶定第二個胃去挑戰啊～ 小貼士：海膽+魚子醬+鵝肝多士呢個組合，一定要試！

尖沙咀殿大喜屋真係放題界天花板！餐廳地方超大，裝修新淨，樓底高、卡位寬敞，坐得舒服，啱晒朋友聚會或者家庭慶祝。食物選擇極多，刺身有拖羅、三文魚、帶子、牡丹蝦、松葉蟹腳，全部新鮮厚切，入口即溶；海膽軍艦都係必食，海膽鮮甜又足料。熟食有蟹、鵝肝多士、燒蠔、炸蠔、蒲燒鰻魚、串燒同埋各式天婦羅，熱辣辣上枱好吸引。自助區仲有沙律、炸物、湯品、煙三文魚、珍珠奶茶、清酒、紅白酒、啤酒等任飲，甜品仲有Haagen-Dazs同Movenpick雪糕、巴斯克芝士蛋糕、馬卡龍、燉木瓜，甜品控一定開心到飛起！落單用QR code，出菜快，服務有禮，CP值極高。每次去都食到唔捨得走，推介俾所有鍾意日式放題嘅朋友！

有一日九點幾喺尖沙咀突然間想食放題，即刻諗起殿大喜屋，諗住咁夜應該都唔使排隊。點知上到去原來超級多人，一打開部𨋢門就企滿人，有少少嚇親。不過等位都好快我諗我哋大概10分鐘就入得了都唔係第一次食大喜屋，次次都俾佢出面自助吧枱吸引到。除咗有各款熟食飲品甜品之外，最最最令我重複光顧嘅原因係呢度有得任食魚子。平時真係未試過有自助餐或者放題有得咁樣自助無限量食魚子。我直頭貪心到用個碗裝住同啲蟹籽Max埋當炒飯咁食😂🐠刺身種類嘅應該每日都有少少唔同，今日我最欣賞嘅係藍鰭吞拿魚刺身，油脂比例好平均，落口都好香魚油味，入口即溶一啲筋都冇。不過我哋都冇食好多塊，食得多滯咗之後食唔到其他嘢。👅呢度牛舌串燒都非常美味，但係我今次將啲quota擺咗喺其他熟食度。🐚冬陰功炒蜆同清酒煮蜆係我食得最多嘅一款，呢度啲蜆肉隻隻都脹卜卜，而且非常大隻，食落口好鮮甜好滿足。另外佢連花膠煮鮑魚都有得任食，鮑魚煮得非常之林，食多幾隻都唔會消化不良。而且醬汁煮得非常濃稠，我哋唔覺唔覺竟然每人食咗八隻！🦀我哋仲叫咗蟹皇粥，雖然知道放題食粥好蠢，但係佢個粥都煮得非常香同埋濃郁。唯一美中不足係唔知點解要加啲粟米落粥度。呢度嘅甜品都非常

今次喺尖沙咀嘅「大喜屋」食個放題晚餐，真係幾特別嘅一個體驗。呢度係一個全日式放題餐廳（2h)，最吸引我嘅地方就係佢哋提供嘅各種飲品同酒水，任飲到飽，感覺非常之咁抵食！入座之後，服務員小姐就好快幫我哋安排好二人座，新裝修之後有好闊落嘅拍拖「二人卡」，十分正。時間都有限制喺兩個鐘，呢個安排都幾合理，令我哋可以盡情享受所有食物又唔會拖延太耐。今次我哋主要試咗熱食、熟食、前菜、冷盤同沙律，種類相當豐富，尤其係佢哋嘅日式串燒，真係必試！我試咗燒榴槤同菠蘿串，味道真係幾特別，燒榴槤帶有啲微微嘅焦香，配上甜甜嘅菠蘿，味道層次豐富。除咗串燒之外，佢哋嘅刺身都相當新鮮，鮮蝦、蟹同長腳㙰都好新鮮，刀工都幾整齊。最令人驚喜嘅係佢哋嘅雪糕、軟糖同甜品，甜品嘅選擇唔算多，但質素都保持得幾好，尤其係雪糕，口感細膩，好好味。整體嚟講，呢間「大喜屋」係一個唔錯嘅選擇，無論係食物質素定係環境氛圍都幾到位，而且價錢都算合理。唯一要留意嘅就係時間限制，兩個鐘都好快，好似一眨眼就過咗，但都係一個值得再去嘅地方。推薦畀鍾意食日式串燒、刺身同埋飲酒嘅朋友，呢度絕對可以滿足你嘅味蕾！p.s.呢度上菜特別快，一次過唔好點咁多，否則熱