民華餐廳

营业中

休息中

由於公司係附近，每次lunch 諗食咩真係諗到頭痛，因為真係冇咩選擇，直至最近同事介紹左呢間餐廳，先覺得柴灣lunch 終於可以食到好野❤️❤️最近去左二次，呢家一次過up相先xd第一次下就12點半到，唔洗等位，直接坐低。今次叫左我每次到茶記必點既常餐，佢同平時既常餐一樣，有多士，蛋，火腿，一個主食同野飲，而佢每道菜都有用心去做，唔係hea交貨多士加左牛油去烘，上既時候新鮮整起，超香，仲要比平時既多士厚，好有口感。雞蛋都炒得好滑，而餐肉就係煎完再上，不算太焦。主食係茄牛通，湯底不唔超濃超濃個隻，但我反而中意佢較水既質地，食落先唔會好似食幾啖就飽咁。另外牛肉好焾，似係新鮮牛肉去整👍🏻👍🏻最後點左熱朱，自己就覺得有啲太濃，飲到最底仲有啲粉未溶。如果粉少啲就好啲成個餐38蛇，以呢個價真係好扺食第二次去試左佢既糯米雞，因為見佢影出黎張相又冬菇又蛋又雞又叉燒同臘腸咁，於是想睇下佢係咪咁堅！隻糯米雞上到黎，冇失望，的確有齊佢寫既料。而且都幾滿足，因為份量幾多(雖然睇落唔大，但以糯米黎講，食完剛好飽飽xd)我覺得比好多酒樓同出名既茶記仲好味整體黎講，佢食物既quality 都維持得好好，平日午餐不需要等

食過幾次感覺都還好，係服務唔掂當。今次就極度離譜，我地落單先，隔離枱先落，初頭都唔為意，之後發覺隔離枱d野都食緊，我地都仲未到，發現人地原來落完單有張紙而我冇，咁就問問店員~佢話係有張紙繼而叫我地等陣，但見佢完全係打發完我就做返自己野，其實我係想知有冇落到單姐。比餐時又唔睇清楚係咪我地就擺響我地枱，一係就跨過我地張枱比餐人地~唔係直接響人地張枱度比。終於我地餐到了，餐具比d唔比d，筷子又冇糖又冇，結果我自己去拎，但糖又濕的，倒出時係黏住倒唔出的。好唔掂當不過事實上餐牌種類雖唔算多，但我中意有點心類，常餐湯粉類多選擇，我叫左蕃茄叉燒通粉，湯係幾濃郁的，多士又唔會好hea咁求其搽。朋友叫左糯米雞餐都好足料，份量夠大，完全夠晒飽肚。

因工作關係走到柴灣，可能正值中午時份，堂食要等，加上只有一個人，外賣算了看到點蒸飯或糯米雞外賣還有減價，就嘗一嘗吧糯米雞份量很大，很足料，一打開荷葉，香氣撲鼻，內有雞肉、叉燒冬菇等。 一隻已很飽肚。整體來說不會太油膩，亦很美味

今次第一次黎柴灣做野，早到左就是旦搵左間茶仔入去坐，原本諗住Hea下揼下波鐘，平平地就是旦叫左個常餐食，碗炸菜肉絲都算足料，食落夠味，唔錯，奶茶幾滑，多士上台食都仲有少脆。

前排和同事到民華食lunch, 因為那天中午都肚餓，所以想食得豐富點，所以點了常餐，眾所周知，所謂常餐即餐蛋多士，公仔麵配熱飲。這裹的烘厚多士都幾厚身，要大啖咬落食顯得很有風味，牛油塗在多士內，牛油的鹹味令多士變得更美味可口，但可惜多士烘得不夠脆，厚多士唔夠熱，若烘得脆身點會更好。炒蛋則唔錯，蛋滑得來唔會太生， 午餐肉煎得可以，我比較喜歡把餐肉和炒蛋放進公仔麵內一齊食，感覺口感會更豐富和有層次感，公仔麵煮得唔會太稔，麵條夠爽滑彈牙，但沙爹醬的味道不夠香濃，牛肉夠稔身，味道都可以，大家都吃得津津有味。飲品方面，我點了熱檸水， 檸水夠熱，檸檬又唔會太多和太酸，沒有苦澀味，有清新檸檬味，生津止渴。價錢方面，以中午餐而言，常餐份量十足，味道可以，算是抵食。

話說此店新開。門口勁是長龍。係旺角食過只係茄湯特色啲。冇乜動力去再試。見門口有面包外賣。個師傅一盆咁拎出黎。問一句係咪熱既。店員首肯。就叫個黎食啦。果然新鮮出爐。辣手既！ 滿心期待咁一刀切開。驚啲奶黃餡爆出黎。點知一切。真係爆。爆到佢竟然一半係空氣。奶黃餡少得可憐！下次見到出爐都冇動力去買。