民華餐廳 (已結業)

來了四次，試業期間有旺角舖的水準，心諗可以做飯堂，㸃知第二次黎，燒賣酸左，咖喱豬扒鞋颯颯，心諗可能甘啱姐。第三次黎碗蕃茄通有粒核（！）， 唔通荔枝當做加埋啲核好食啲？又或者唔通落咗話梅？第四次黎個雞飯D雞又係酸嘅，同個侍應姐姐講，佢竟然話啲飯冇問題係啲豉油酸嘅？！即係想點呢？作為民華多年來嘅支持者都要講句，冇下次。

深夜放毒時間😆😆話說有日夜晚同朋友睇完戲,時間尚早所以想傾多陣計,就近近地去民華坐下啦,貪佢係卡位又可以坐得耐,呢d老牌茶餐廳叫杯野飲咁坐都唔會趕你走～一入到去,本身都唔係好肚餓,諗住同朋友循例睇下餐牌有咩食,見到佢個厚西多又好似幾吸引！咁就叫黎試試啦,哇,一上落果下就震撼！估唔到同張相都真係一樣咁厚多士,仲以為圖片只供參考哈哈,可能煉奶既關係,牛油溝埋落去唔係好溶到,呢到有少少扣分！可能煉奶牛油唔太match,同朋友2個人share食,坐左個幾鐘就散水,我自己好少食甜野,呢個西多不過不失啦

見新開張去試下，前後去過三次，兩次晚餐，一次早餐。佢食物OK，係一段茶餐廳口味。服務就超晒班，三次去都唔滿坐，只係坐三成左右，佢人手都算多，差不多一對一，但每次都要等..等..等..等..等..食物。但係客人等待既同時，佢地個廚竟然可以出黎同朋友(客人)坐低傾計。心想，比多幾次機會佢，去食早餐，0755落單，0802黎飲品，0824都未有野食，趕返工埋單走人，好心叫佢唔洗黎D野食，仲要問長問短、問點解唔等埋，係咪野未黎? 有冇問伙計? 攪左成3分鐘都未收錢。如果你好悠閒多時間想嘆茶，真係可以去試下。

今天假期都預期會人多，都想試試這間在我家附近新餐室。我約中午1時50分到，人多但一個人還有位，我坐下一張吉的四人枱，叫餐後，有四位人客進來找位，我便自動轉到另一張四人枱但已有兩位人客的，讓這四位食客可以即時有位坐下。這次轉位我非常樂意因爲一個人是不應佔著一張4人枱我叫了蕃茄叉燒湯通粉、奶茶，味道一般，沒有驚喜，鮮油多士好吃，太陽蛋有蛋香味，共$43到只剩下茶，我一點都沒有想過要座很久，我相信由食物到達枱上到吃完只用了15分鐘，但有位女職員又叫我轉枱我很不高興，我想這間餐室應該培訓員工要他們清楚不應只是招呼一堆人數多食客，見到我只吓杯茶未飲完，除非我已在坐很久，不然不應再叫客人轉位，吃一個茶餐，不是特別便宜，不是特別好吃，但要轉多過一次座位，吃都吃得不安樂我想餐廳宗旨不應只傾斜於多人數來食客就重視，一個人食客就不禮待總之，這間餐室給我非常壞印象一個人去食友要想清楚才去幫襯囉新餐廳的服務態度都是這樣

我唔知民華主打喺咩食物，又未有食評參考，見到餐牌上有好耐無食過嘅茶樓style蒸飯，一於試下蒸飯加碟點心。鳳爪排骨飯：試嘢首選，一次過試到鳳爪同排骨嘅味道，which is 正常味道，軟硬適中，排骨嘅油同味道滲咗入飯。啲飯面果浸唔軟又未到好硬，中間果浸有啲軟軟嘅飯，好開心。致於杯熱檸水，檸檬唔苦，OK。友人話上次杯奶茶好味，今日唔OK，睇樣就似唔夠奶。山竹牛肉球：味道普通，感覺無食到我最怕嘅馬蹄，肉質都正常。港鐵站出口附近來講，算抵食。

西環新開茶餐廳, 真係估唔到呢間D西多士同餐蛋治係咁好味架!!!好耐冇食過咁正嘅餐蛋治, 滑蛋正過澳牛, 西多份量十足, 勁多煉奶, 正爆!!!服務亦好周到, 環境光猛衛生。唔使等位, 價錢實惠!