民豐粉麵行

营业中

休息中

👫一直都好想試呢間嘅糯米糍，聽講已經營業約65年，歷史悠久🍂 店舖主打餃子雲吞、粉麵等等，種類繁多，好受街坊歡迎😎 每次出荃灣掃街經過呢頭總會見到排住長長嘅人龍，今次嚟到無咩人排隊，即刻衝去買嚟試下☺️一一一一一一一一一一一一一一#花生糯米糍 <$5/個>糯米糍有三款口味選擇：花生、豆沙同黑芝麻味😚糯米糍大大粒，皮整得好薄，食落煙韌qq，仲有糯米香❤️ 一咬就爆曬餡，啲花生多到滿瀉😳 花生餡夠乾身，加入咗砂糖，食落去有起沙嘅感覺，好有口感🥜 花生粒好香濃，好好味，$5嚟講真係物超所值🤤一一一一一一一一一一一一一一👾驚喜指數：❗️❗️❗️❗️🔙翻撻指數：❗️❗️❗️❗️❗️（5個❗️最高）一一一一一一一一一一一一一一💑提提你：▪️店員建議糯米糍唔好放過夜💫

The store (not a restaurant) sells cooked and uncooked flour and noodle goods. Always a line when I visit and glutinous rice balls are their hot item. This time I am not here for the rice ball but here for their mochi. Mochi comes in three flavours: peanut, red bean and black sesame. Black sesame is my personal favourite. The Mochi is chewy on the outside and the black sesame is mixed with a bit of sugar as filling. The size of the Mochi ine third the size of a fist and is perfect when enjoyed w

最近去開荃灣！見到好多人都介紹過民豐，一場黎到當然要捧下場😈去到好多人排隊呀👉🏿✨花生糯米滋 Hkd 5 💸📌其實咁出名都仲係5蚊一大粒真係好抵呀！職員就建議唔好放過夜，但照放左一日我覺得都ok ge 😝佢既糯米皮係我食過有史以來最最最軟糯又qq最好食既一間！個皮係第一名冇得輸呀☺️入面花生食落都好香！雖然依稀都見到有啲砂糖，不過好食架喎！👉🏿✨芝麻糯米滋 Hkd 5 💸📌又係勁香！芝麻超濃郁，咬到落去爆晒餡咁正，堅正架！😈

每次行過荃灣街市街，總是見到排着長長的人龍，光顧依間叫民豐粉豐行。依間店鋪已經營約65多年，未有分店，依間店舖售買各式各樣的小食物，包括有花生，黑芝麻糯米糍，菲菜餅，湯圓，水餃，鹹甜湯丸，餃子雲吞，自製麵食等小食物。排隊排咗約20分鐘，職員態度略為差咗D，買咗我的至愛花生及黑芝麻糯米糍。差多每粒5元。糯米糍包住花生粒和砂糖，料的份量十分之多，花生粒好香，好入味。口感非常好。我個認為價錢很合理，值得推介給各方喜愛小食物的人士。

民豐粉麵行 - 住開荃灣都一定知道，每逢大時大節都一定大排長龍最多人買就一定係水餃，雲吞，湯丸，糯米糍當然我黎都係為左買佢既韮菜餃啦。佢有分水餃同雲吞。分別在於佢個皮吾一樣。水餃個皮比較有咬口同厚d..而雲吞個皮相對上就係薄少少同比較滑身其實佢長龍係因為多人買。入面姐姐其實已經好快手快腳。生餃多數都係即包即賣。一邊包一邊賣。所以都好新鮮本來想買埋韮菜餅。但姐姐話晏d先會開爐煎所以下次再黎買過唯獨姐姐語氣比較粗豪😂😂😂但夠親民啦

的確，野食係好的，但係員工態度太差了。食野都係為左開心，為乜要比錢買難受？鋪頭得2個客，但等左1個鐘頭，為既就係鋪頭姐姐既一句：我唔知你要等幾耐喎 半個鐘一個鐘 唔等就算囉都係個句，人品好既話客人買得開心食得開心，人品差既話都只係會買一次，好食都唔會返轉頭大家去既時候預左比人態度差，拎定散紙去，因為500蚊紙會比人話架，同捚記得要預個幾鐘頭，因為姐姐係唔會比你放低錢再返轉頭拎。所以都係個句，美食除左食物本身，都好睇你d員工既態度。

花生糯米糍（$5）今次係草根第2次食民豐糯米糍因為荃灣對九龍人真係幾遠，就算好食平日都唔會特登嚟第一次個陣試晒3款味（紅豆、花生、芝麻）發現最好食都係花生🥜上次夜晚去開荃灣諗住買，點知原來黃昏🌇就會買晒。今次再食仍然唔錯個皮夠軟熟，表面冇草根唔中意嘅椰絲🥥中間以花生粒同砂糖做餡料份量又多又香😋難怪次次去襯都咁多人只係第2次食，驚喜冇上次咁大(人果然是貪心的🙈）大家有冇其他好食嘅糯米糍可以推介俾草根？

因為就快新年，個個都走黎買湯圓，排咗１小時３０分先買到，先講吓點解要排咁耐，唔係太多人，但係點解慢得咁緊要呢？因為佢地跟本唔夠人手包，冇存貨，雖然有職員已經喺現場包（包括不同口味湯圓及餃子），但係每個客人買唔少，一個人買６，７盒係平常事。排隊其間買咗黑芝麻糯米糍$5一件， 好粉，黑芝麻好乾身，唔鍾意食，  韮菜餅$13（又加咗１蚊價），少量人排隊，夠多油，夠多餡幾好食，同上次食的口感一樣，，要２點先開始煎，早過呢個時間冇得食。又再試埋上海粢飯$14（又加咗價），阿姐包到唔停手，　包完一件即刻有人買走，都幾好食，肉鬆夠多，有油條同炸菜。舖頭細，但同一時間好多人買野，搞到好迫，各式粉麵一斤斤咁買，蒸包（未熟的，上次買番屋企試過喇＄８一個，今次唔買），同場加映賀年糕點及炸物，冇試。買咗黑芝麻湯圓（＄２８一盒）返屋企即煮黎食，有彈性口感，芝麻味夠濃，原來啲皮有油，所以煮出黎有油浮面。

👏🏻是日行完山去荃灣搵食。見到IG 有人推介呢間糯米糍😋😋❤️Woo!!一間好舊既粉麵行，臥處藏龍🧐👉🏻 煙韌控一定要試糯米糍mochi 😘每個味都有買，紅豆、🥜、芝麻‼️👉🏻拎上手已感受個皮好高質同柔軟👍🏻👉🏻咬一啖就食到勁爆足料的炒香花生糖內餡！👉🏻完全唔會太甜，配搭超勁香口！花生又夠碎，好重🥜味🤤好彩買多幾個✌🏻👉🏻mochi 皮厚度岩岩好，好煙韌💓好正😋😋😋👉🏻注意⚠️爆餡到一路食一路跌，足料😚果然勁丫！

終於一嘗民豐的韭菜餅一去到蠻多人的，有點把我嚇倒幸好排韭菜餅的人不算太多那長長的人龍原來是排水餃🥟的(有機會真的要買一盒回家試一試)韭菜餅熱辣辣，香噴噴的🤤 (難怪要排隊才試到)因為太熱的關係，要放涼一點才能吃皮是蠻脆的，但也是油油的😅 本想讚美一下皮很薄，但吃了一半發現，其實是厚薄不一，有些位置的皮蠻厚的，美味程度即時大減了🙊餡料蠻多有肉汁，味道剛剛好，不會太咸，韭菜比肉多一點，所以蠻香的😋🤤 (整體而言還是美味的)

今日公司叫我拎啲嘢去荃灣，做完嘢經過荃灣街市街民豐粉麵行，見有很多人排隊。一問之下，原來排緊新鮮雲吞，雖然我一陣間要返工買不到新鮮雲吞回家，但見有其他小食可以買，見有新鮮熱辣眉豆茶菓、豆沙茶菓、蘿蔔茶菓等，仲係獨立包裝，二話不說買了一大袋回公司請同事食。我獨佔一個蘿蔔茶菓及豆沙茶果，蘿蔔絲柔細的鹹鹹的茶菓皮也很香很遠。而豆沙茶菓的豆沙餡則是舖頭自製的，還見粗大粒的紅豆在幼滑的豆沙餡內。＄5一個茶菓大家一起食得很開心，已經很滿足了。

講起民豐粉麵行, 荃灣老街坊一定會知道, 每逢冬至新年呢間鋪頭都會大排長龍，排隊買乜？之唔係買佢地既湯圓.其實呢間鋪頭除左湯圓出名之外, 佢既韮菜餅, 糯米糍同粉麵都好出名,我自己由細到大包餃子其中一間會買既就係佢地既出品，好新鮮不過會偏厚，有啲離題添，今日就同大家食下佢既糯米糍______________________________🔹黑芝麻糯米糍 $5🔹花生糯米糍 $5早晨9點去到，佢地話師傅未返，未有貨，要10點左右先返貨，9點9再去，已經有貨喇！.糯米糍既Size 大約手掌心大小，外皮都幾多粉下.佢既餡料側埋咗一邊，第一舊芝麻蠢左，咬左皮果邊，雖然第一啖都已經見到餡，但未去到好爆。第二舊花生醒左，摸到有餡果邊先咬，痴線架！！！薄薄一層外皮，入面啲料爆到癲左！.餡料係炒過嘅芝麻同花生再混入大量砂糖，好香之餘亦都好甜。糯米皮本身是沒有味道的，剛好可以中和偏甜的內餡.糯米糍嘅外皮都係一大亮點，其實未食拎上手已經知道， 係超級軟熟，咬開咗唔用手扶隱，啲餡料絕對會四散，因為外皮實在太軟淋淋！但你又唔好以為軟林林會唔好咬，佢軟得黎都幾有咬感，完全滿足煙靭控的要求！.除左花生同黑芝麻味，仲

好耐之前買過一次雲吞（因此以後無買過佢嘅雲吞，每次路過只買糯米糍），裡面肥豬粒多過乜，皮又厚過人，不過當時op个死人app成日寫完跳出，就無寫兼又懶寫！！而家新版寫返先！因為真係可以用難食嚟形容以前每逢飲完下午茶，行完街後去mtr經過会買，往時6点左右已買唔到，上2个星期晚7：30買了幾粒目測覺得好似爭d因為聞唔到香味, 因為請隔離屋伯伯夫婦食，今日又係7：多 又買到 真寄怪，多年來都係出門口即食，但今次一咬知道了 原來皮已沒有了糯米粉團的香味，口感又無了以往的輑！軟滑芝麻最衰芝麻香味無，仲食落嘅芝麻味勁少，只咬到沙糖，得個甜字好嘢～以後可以直行直過，bye bye

荃灣零舍多店有人排隊，火腿奄列有人排、刀削麵有人排、雞煲有人排 、兩檔唔同嘅米線又係好多人排、 就連未煮嘅雞蛋檔同牛肉檔都一樣有人排。今次去嘅依檔民豐粉麵又係出名多人排，不過好彩我今日十一半點左右經過見無人排隊所以就立即走咗入去買嘢食。雖然舖頭開宗明義寫明係粉麵店，不過佢哋賣嘅粉麵全部未經烹煮。而熟食就只有韭菜餅同埋粢飯，店內亦不設堂食。雖然韭菜餅的確係鎮店名物，不過今次入手嘅目標係上海菜肉水餃。依啲手工嘢對於本地大眾都市人來講買嘅絕對係來買時間。當然嘴刁嘅香港人同鳳凰無寶不落一樣，唔係好嘢又點會可以屹立荃灣多年。其實由外面舖頭招牌到走入舖内擺設格局、産品裝璜收納眼底就己告知區外生客民豐係幾十年老字號名店。雖然今次時候早俾我撞彩唔洗排隊，不過因所有産品新鮮即製、即包關係都要等三幾分鐘先有得攞； 擇善固執，咁就解釋晒平時點解會大排長龍，依分零兩分鐘等候就欣賞吓大姐們嘅手包功夫。今次其實亦試埋佢哋嘅粢飯，雖然糯米又甜又軟，可惜餡料分量就覺得不足。15粒水餃回家煮其實都分咗兩餐食。第一餐淨水餃，滾熟加小小醬油就食得。上海水餃皮就係愛佢厚厚地夠飽肚，水餃餡料夠新鮮就乜都唔洗攪，小小肉汁同新鮮味

近年隨處都是乜乜生果糯米糍，令舊有的好像被遺忘。荃灣這間，從小吃到大，喜歡它小店人情味，更喜歡它的味道。糯米糍有3種味道：豆沙，黑芝麻和花生。這間特色是皮薄餡多！最喜愛花生，香而不油！豆沙不過甜，同樣值得一讚👍🏻👍🏻黑芝麻濃而不苦，混入一些糖粒，大愛。這些懷舊小店，真買少見少，但願它可堅持到！念舊不貪新，這是一種味道☺️