民豐粉麵行

营业中

休息中

今日去荃灣買中秋月餅製作用具.買完去街市掃平菜,剛好路過民豐. 由於上次路過入黑了,不能一試傳說中的糯米慈,今次終於試到了.買左個黑芝麻(HK$3.5),建議大家於室內KO,否則... 我邊行邊食,咁岩又大風,身穿黑衣的我,大家諗下事後我件衫會點呢,哈哈!料多唔太甜,皮又Q又薄,好食!下次試下花生味先!據聞九菜餅都好出名,可惜當時已經冇Quota了.

某日吃過午飯還早，沿路回公司，經過民豐粉麵，賣的是各式生餃粉麵之外，還有好些即製小吃，店員全是中年師奶，其中一位專職在門口煎韮菜餅，油滋滋的聲音加上誘人香氣 (加上抱著溝貨的心態)，讓我禁不住買了一個站在店外吃。韮菜餅約一隻半手掌大，咬了一小口，入面的熱氣和香氣直逼出來；吃下口韮菜切得不算太碎，還有爽脆口感，韮菜混了油來煎，菜汁和油香混在一起，幸福得讓人一口接一口的吃，而且邊吃邊滴汁，吃得又狼狽又滿足！好推介的一個小吃，嗯，或許當正餐也可以！價錢才 $8 一個，比起差不多價錢的美X麵包，該要好吃上十倍！

星期日同朋友落荃灣買餸唔趕時間, 記得睇食評話呢間糯米滋好食, 就立即去左呢道幫親啦一去到, 好多人啊 條人龍排到出鋪頭, 好多人買麵同糭好彩我地買糯米滋唔洗排姐糯米滋有3款, 每樣買左一粒, $3.5一粒朋友俾錢時見到9菜餅, 佢好想食就買左1塊, $7.53粒糯米滋同一袋, 粒粒白雪雪, 唔知邊粒打邊粒, 唯有每粒試哂咩餡啦 1. 芝麻糯米滋: 皮厚薄一般, 煙煙"銀銀", 芝麻餡微甜微苦, 同食一般急凍湯芝麻圓一樣, 幾好2. 花生糯米滋: 一咬D花生餡就快掉出黎, 皮好薄, 餡滿滿的=3=, 啖啖花生粒, 夾埋砂糖, 椰絲, I LV IT~~~ 朋友覺得花生粒太大, 佢話鐘意食幼粒滑身, 但我就覺得好好食>.<3. 豆沙糯米滋: 皮最厚的一粒, 豆沙餡甜甜的, 都OK, 不過同花生太大對比, 有D失望4. 9菜餅: 朋友話無豬肉, 得9菜唔好食. 我個人唔鐘意食9菜, 只係咬左少少皮食, 同鍋貼皮一樣, 脆脆地, 好想咬哂個餅皮TOTAL$18做TEA 2個人都飽飽 HEHE^^

今日放工去買咗一盒大菜肉雲吞和五香肉粽和韭菜餅, 不用多說, HKD8一個韭菜餅好好食, 如果你話清真牛肉餅好食的話, 呢個韭菜餅比起來更好食.....菜肉雲吞依舊好味, 食完不會口渴, 大盒要HKD43, 煮熟後點醋食....超正.就來端午節, 買咗2隻五香肉粽, HKD18一隻,回家迫不及待弄熱來食, 但很失望, 因為粽子的心還未熟, 米還有點硬沒有任何豆, 就只有糯米和肥肉, 媽還說不是全都用糯米,應該是溝了白米的......

人長大了更難認識知心友，雖然我倆已離開共事的地方，但你仍記掛著我嗜食的好本領，今晚相聚更特意送來兩款民豐糯米糍，小小心意實在令我感動哩！糯米糍是新鮮出爐的，最理想便是即時品嚐，可惜晚餐實在太過豐富，腸胃再容不下任何東西，唯有留待翌日再細味。雪白的糯米糍份量十足，外皮透薄而且煙韌，即使放過夜仍很軟熟。餡料實在是超級澎湃，花生與芝麻兩種口味，前者較得我歡心。花生切很細碎但不失口感，拌著滲出來的油份，香氣佈滿整個口腔。或許是用料充足的關係，吃一粒已經見膩了。

平時真係好少去荃灣一年都唔知有無1-2次, 難得來荃灣好似唔搵下野食好對唔住自己. 記得之前有好多食評都介紹過民豐, 不過好多人都係買d粉麵既, 不過無可能叫我買成斤粉麵回家.見到佢地店前有買d煎蘿蔔糕, 韭菜餅另外仲有好多糕點買,所以我忍不住就買左韭菜餅食...一塊8元好抵, 真係大大件仲要夠熱好好味.d餡料好多好多汁, 仲要一邊食一邊出煙認真新鮮熱辣.另外我都買左2件蘿蔔糕回家食, 估唔到都好好味, d蘿蔔絲好甜好多汁.唔怪之得咁多人來幫襯

昨晚, 乖乖咁坐喺電腦前study咗OR嘅荃灣區食肆嘅食評, 好幾粒鐘呀呢間係其中一個心水想試嘅地點, 記錄下來,今天起程。原來之前幫襯過佢嘅煎韮菜餅, 唔......唔啱熊媽心水。今次就買了各食友都讚嘅糯米糍, 可惜只有花生餡$3.50一件好墜手嘩~ 皮好薄, 口感滑嘟嘟兼煙煙韌韌, 細細啖咬開就爆餡出來。 花生餡裏的花生及砂糖都磨到好微碎, 用手指捽捽都感覺到柔軟的粉感, 把一堆仔花生餡放入口都覺得有超濃郁花生味, 就好似花生糕咁味(細個時喺大陸公司買過), 如果有食過花生糕就明我講乜最初熊媽見熊爸食糯米糍嗰樣就諗應該會好漿口, 大鑊無買飲品添~ 原來唔漿口嫁, 可能因為皮薄, 而花生餡好微碎所以有入口即溶, 食完都唔洗飲水多謝各食友嘅好介紹 ^3^

我十分鐘意食糯米滋，但只吃花生餡的。以前在未改型前的屯門華都商場，有一檔小店專賣小食類，魚旦又有﹑格餅又有﹑煎釀N寶又有，總之立立雜雜乜都有，很受街坊和學生們的歡迎。我特別鐘情他們自制的大大棵軟綿綿又多餡的糯米滋，愛的程度是由十幾歲吃到廿幾歲這習慣依舊沒變過﹗可惜直到幾年前商場逐漸改格，令它結業了。之後的日子每當經過這兒，就會回望昨日在異鄉那門前，唏噓的感慨一年年T^T一路以來都找不到合心意的糯米滋，直到在網站中得知荃灣有一間鋪有賣超正糯米滋，令我重新震作起來。(哇~很誇耶XD)地點非常易找，正正在荃灣街市對面，每次經過都見到店內迫滿人。主打的湯丸和水餃放滿店，看到店內有條大隊不知是否需要往內排隊購買﹖問問阿姐後，原來現成的茶果﹑砵仔糕等，可以在門口付現便成。糯米滋並不太棵，但重量夠，握在手中軟淋淋的，尤如"華都糯米滋"，滿心歡喜待到隔天才吃。隔了一天糯米滋仍是軟淋淋，完全無硬過急不及代吃，白雪雪的糯米皮又滑又QQ，而且薄得好厲害﹗哇，中間的花生餡多到爆呀~~~~邊吃邊跌出來花生蓉之外還有很多花生粒，大粒粒的增加口感，吃著時濃厚花生香氣隨隨飄出，很快地兩三口就KO一個﹗對我來說唯一是甜

地盤雪櫃突然多了兩盒水餃，是從荃灣民豐買回來的﹗當中是白菜豬肉餃及韭菜豬肉餃﹗排得齊齊的，根據盒上說明於滾水淥五分鐘食得﹗煮起後的水餃相當飽滿，餡料像要爆出來似的。餃皮厚，煙韌，有麵粉香，是我喜愛的質感，現在不少即食水餃都以皮薄為傲，但我偏愛兒時正宗的厚皮水餃﹗菜肉比例各半，肉鮮多汁，即製與雪藏的在肉味上確有分別，好吃﹗韭菜餃味道很重，比較下白菜豬肉的比韭菜更鮮、肉更甜更好吃，下次自己去買多兩盒先﹗

常常留意荃灣地區有什麼道地飲食民豐的傳統小食一直列入我的清單中這一日,和honey來到荃灣,終於來到此店看看一來到,就是滿滿的人擠在門口買韮菜盒及茶果.糯米糍店面裡還有另外排隊買湯圓.雲吞等店裡不少店員努力的現包湯圓過年過節...誰不愛這種傳統美食呢!我也懷念著台灣麻糬.黏黏的麻糬沾上黑糖.黃豆粉或是花生粉,就讓人一口接一口麻糬就是港的糯米糍~台式的饀屬於濕式的,豆沙,芋泥.連花生芝麻也會做的有黏性而港式的~饀料是少量的花生及芝麻粉等以外皮來說,台式的較有咬勁,港式的較軟黏花生.芝麻我們二人買了各半打6個一盒裝一打開盒裝,就是充滿"哇"聲知名的老店就是不一樣啊~滿滿的饀料,軟Q且薄的外皮店家下手豪不手軟啊一口絕對吃不完!缺點是內饀很容易邊吃邊掉落下來饀料香而不甜膩和台式的各有所長anyway,仍是值得推薦給外人的港式誠意小食比較起來,花生口味甜一些各人中意花生多D

(6-1-2012 Fri)放工返到屋企,又見到爸爸o係o度買o既糯米糍,食完飯就食啦,一路食一路食,點解層皮咁厚食極都食唔到餡食o左起碼3啖,終於食到,係花生餡,唔太甜,但真係得好少,佔成個糯米糍o既四份一.爸爸對上一次買畀我食都係27/12,o個次食都依然皮薄餡多,所以冇寫;但只係一星期啫,點解會差o左咁多o架

今日是公眾假期, 店內很是熱鬧, 顧客排隊買食物, 店員忙著包雲吞水餃, 連韭菜餅亦無閒煎, 本來一心想買韭菜餅的我, 註定沒有口福了. 原先想買鮮蝦冬菇餃, 點知又話要較後時間才有, 為免空手而回, 買了韭菜雲吞. 細盒有15隻, 皮厚度適中, 有很香的韭菜味. 不過可能這款饀料始終較為普通, 我始終較為喜愛這裡的冬菇菜肉雲吞.

很久沒有吃民豐的餃子。很久沒有去荃灣。一次偶然的機會，我經過民豐。我買了2大盒菜肉水餃和冬菇菜肉水餃。但經過這些年來，餃子不再是美味。菜肉水餃。您可以品嚐到只有很少肥豬肉。無肉，大部分是蔬菜。裡面真的是乾的，因為沒有肉汁。沒有味道。95%蔬菜，5%肥豬肉。冬菇菜肉水餃。幸運的是仍然有很少量的冬菇，但你不能看到它，因為它們是切成很小很小塊。可怕的是也沒有任何肉汁。如果您在5年前，甚至10年以前，嘗試過他們的餃子，你知道這是完全不同的。你知道這是完全不同的。經過這些年來，結果是一個完整的失望。

前日22-10-2011(Sat)朝同男男友食完早餐去為晚飯買餸,因9日o個日o係流浮山買o左包大地魚粉,咁不如o係o度買雲吞或水餃返屋企煮.o黎到,睇吓價錢表先,分大細兩種,細o既$21.00一盒,我決定要韭菜豬肉餃.亞姐幫我出去o係包o緊餃子o既亞姐位o度,叫佢幫我入一盒細o既,亦好好禮貌地叫我等一陣.好快就攪掂畀我.而原來佢係食o緊飯,真係唔好意思阻住佢.返到屋企打開睇,原來細o既有15隻,好彩我買盒細咋,因為爸爸應該唔食,只有我同男友食.好,我自己先煮7隻,剩返o既等男友放工後至幫佢煮.煮好喇,全部浮晒上o黎重好飽滿添,而且佢唔會散開,包工幾好.開餐喇!韭菜味好濃,因為佢菜多肉少,而鹹淡亦適中,皮又滑滑,唔錯.

今次係第二次幫親，第一次係因為睇雜誌介紹既！佢地有水餃同雲吞，雲吞皮都有兩種，白皮同廣東黃色雲吞皮！個人prefer水較，買左菜肉水餃，細盒15隻，大盒30隻。味道比Supermarket既灣仔碼頭水餃好食n倍，皮簿，餡多，食完唔會感覺口渴！只會想食完一隻再一隻！正！