水戶日本料理

营业中

休息中

最喜歡平日到來，裝修後的午市拉麵比之前便宜，服務態度親切，食物質素不錯。拉麵大大碗還有溫泉蛋、日式蒸蛋、前菜和味噌湯。井定食則有沙律、前菜和味噌湯，比較上水日式餐廳便宜得多。😘😋

睇咗openrice食評過去試試，很失望，好評怎樣來的！什麼高質日本料理，CP值高，北區隱世日本菜呀！！夠膽說？！叫咗下面食評推薦嘅牛油果軟殼蟹卷，土佐豆腐，滑蛋豬扒飯，一般！under average！另外，鰻魚炒飯嘅鰻魚淋jetjet有啲腥！冇下次！

粉嶺比較少高質日本料理，所以通常想食日本菜都會去呢間水戶日本料理，最近裝修完重新開業比之前更寬敞，環境整潔，食物水準都keep到，食材一如以往新鮮，員工服務態度良好會主動幫忙換碟加茶，唔知食咩好問老闆會細心介紹各種不同食材，空運象拔蚌爽口鮮甜，壽司同刺身都新鮮肥美，壽司飯嘅醋酸度剛好，鮮磨wasabi超正，天婦羅粉漿厚度適中，蕃薯好甜，生蠔好新鮮唔會腥，重海水味，食完想再追加最後食埋甜品雪葩超清新大滿足

嚟到粉嶺，我真係撞正咗間寶藏 — 水戶日本料理！🍣 我一坐低，先點咗個「竹盛」壽司拼盤，啲海鮮份量好犀利，厚實肥美，就算係用眼食，已經滿足到！其中，帶子嘅滑嫩同油甘魚嘅微妙脂香，真係抵死㗎啦！再講吓嗰個姬路蠔，要數值，這間絕對係No.1！一啖落去，蠔味純正，海滋味噴發出嚟，令人一試愛上。三文魚壽司方面，飯粒啱啱好，唔會搶咗三文魚嘅風采。啲三文魚切得靚仔得嚟，捧喺飯上，跟住溫柔蘸咗啲醬油，清新滋味直沖腦閘。再講埋嗰個芝士鰻魚卷，我嘅天呀，真係罪惡同誘惑並重！芝士噴香散發住鰻魚嘅醇厚，話說夾埋一齊嘅滋味，真係標青一絕㖭！佢哋嗰串燒汁牛柳粒就稍微遜色啲，牛肉熟咗啲，嗰份嫩滑未能完全表現出嚟。但整體嚟講，食得出店家嘅用心同對食材嘅尊重，真係令人讚賞！想體驗粉嶺嘅日式料理，水戶營造嘅親民又細緻嘅氛圍，絕對值得你走一轉㗎！🎌👍

嘩，準備過一個悠閒嘅週末，就行到呢間藏喺粉嶺嘅日本小店，心諗，食食日式晚餐，岩曬！🍣 先講講個壽司拼盤，啲壽司真係得嚟又靚仔又新鮮，那種筍筍地、冰冰涼嘅口感，真係令人想即刻又食多件！呢啲嗜好壽司嘅食客，應該會覺得好正點！ 但講到呢個蕃茄海鮮烏冬就啱晒啲唔怕「濕漉漉」嘅同路人，湯頭酸酸甜甜，幾適合夏天嘅感覺。至於配料嘅海鮮嘛，就真係冇能過壽司咁令人心花怒放，可能啱啲唔太計較嘅食家啦。😅同坐嘅點了杯啤酒，搭住晚風喝，一啲都唔覺得突兀。從四周嘅笑聲入耳，睇得出呢度係街坊心目中既寶藏小店啊！環境簡單舒適，冇嗰種張狂嘅豪華，倒係多咗份貼地嘅溫馨。如果想一飽口福，又或者想要個微醺嘅夜晚，呢度絕對係一個唔錯嘅選擇！🍺

開店初期幫襯過，當時食物質素唔錯，食材新鮮，可能係咁，爆場返枱，人流不斷；今日喺附近做完嘢，諗住順便食埋晚飯，但食物質比以前下降，今次叫咗油甘魚刺身、水戶壽司盛、鍋燒烏冬、火炙碟魚裙邊壽司、生蠔，整體來說，食物的水準一般。刺身和壽司只能說一般般。味道普通，沒有特別突出的地方。魚肉的質地還好，但也沒有什麼驚喜。生蠔有點腥味，不太新鮮。可能是因為品質不夠好，所以沒有完全展現生蠔的鮮美。這讓我有點失望。至於鍋燒烏冬，它是這些菜式中最普通的一個。沒有什麼特別的風味，也沒有什麼驚喜。就是一道普通的烏冬湯，沒有太多可以令人印象深刻的地方。

【高CP值！北區隱世日本菜︳親民貼地價錢‧享受日式居酒屋】#MC帶你去粉嶺.依間居酒屋喺粉嶺中心比較隱蔽嘅位置，要行到走廊盡頭，反而令到用餐環境安靜，隱私度高。. ⚡ 清酒煮大蜆 $88清酒煮蜆都算喺居酒屋必點嘅大熱菜式。蜆肉Size大粒、無沙，但清酒可能揮發曬啦，酒味偏淡。⚡ 鹽燒牛舌串 $36 / 鹽燒雞奕串 $26牛舌厚切得嚟有嚼勁，牛味香濃；雞奕就小口精緻，小朋友都食得到。⚡ 土佐豆腐 $46用雞蛋漿同埋木魚絲包住豆腐炸到金黃色，外皮香脆、豆腐超嫩滑，另外木魚絲炸過嘅關係，比起普通炸豆腐，口感更加豐富！⚡ 滑蛋豬扒丼 $86滑蛋豬扒丼賣相一般，肉質厚實，味道中規中矩。平時食得多拉麵，偶爾食返細個成日食到嘅丼飯都唔錯！⭐整體︰8.0/10⭐食物︰7.5/10⭐環境︰8.0/10⭐價錢︰9.0/10.==============================📍 水戶日本料理 (粉嶺)地址：粉嶺新運路33號粉嶺中心C座地下1C-1D號舖交通︰港鐵粉嶺站 A1 出口==============================.#MC #Ming_Course #hkfoodie #

即興約有刺身癮嘅朋友粉嶺食飯，首先一定諗起「水戶」。我哋已經去過好多次，最緊要去到唔好要排長龍，即日打去book位基本上一定full咗，所以想食就盡早walk in，我哋6點去到剛剛有卡位。佢位於粉嶺中心，商場泊車有得免鐘，我哋兩架車揸去都好方便。❁梅·剌身盛 $518刺身癮起，再次嚟都再次叫，好似加咗少少價，一大隻刺身船夠晒睇頭，佔晒張枱一半嘅位置，有八款刺身，有啲三片，有啲四片，藍鯨吞拿魚大腩最好味，入口即化，我哋四個人，如果有四片就更好，三文魚、鱆紅魚、八爪魚、赤海蝦、北寄貝、帶子全部新鮮，最鍾意有板海膽，不過好似比之前份量少咗啲，同埋有少少溶溶地。❁室津生蠔 (6本) $178新鮮即開，肉質飽滿爽口，淡淡海水味，抵食。❁壽司刺身魚大大片，全部新鮮肥美，壽司飯緊實細細舊。三文魚壽司 (2件) $26金目鯛壽司 (2件) $44深海池魚壽司 (2件) $44油金魚腩壽司 (2件) $46劍魚腩壽司 (2件) $40❁牛油果軟殼蟹卷 $88卷物都抵食，軟殼蟹炸得酥脆卷成反卷，配埋牛油果、蟹籽同沙律醬，成件放入口層次豐富。❁自家玉子燒 $38唔算大件，入口微溫，濕潤鬆軟，淡淡蛋香甜味，

據說是人氣爆滿的日料站門口排了半小時这家日料网上的点评也好多,我们七点多来的都要排队等位,这生意也太好了吧！住粉岭附近都知道他们家,食物简直就是便靓正！好多人说这里已经是大家的饭堂了,我是朋友带我过来的,不然还真不知道这隐蔽角落还藏着一家日料呢～三文鱼很肥美很新鲜,一口满满的肉很满足的感觉呀～他们家的甜虾也很正诶,虾好大一点也不小一口一个！当然这碗拉面🍜才是灵魂,卖相就已经勾起我满满食欲的啦，这颗流心蛋真的很漂亮,好看又好吃！室内装修都是日式设计在这里拍照也是很有感觉哒！位于粉岭中心的一个角落，很难发现在这里有个日料店的！如果你来香港了一定要来吃 水户日料上水粉岭朋友们的食堂，人均💰100

相約朋友粉嶺食日本嘢都一定想起水戶，佢位於粉嶺中心比較隱蔽嘅位置，店舖唔大，食物出色價錢又合理，所以次次都多人排隊，近年都成為了我嘅飯堂，今次要排隊等位都照排，因為想帶朋友嚟試吓。店舖佈置充滿日本風情，我哋一行四人入座卡位，寬敞舒適又夠私隱，無限時，可以盡情傾吓計。#梅剌身盛 $438刺身用木船奉上，賣相一流，三文魚、藍鯨吞拿魚大腩、鱆紅魚都係厚切，八爪魚、赤海蝦、北寄貝、帶子、全部鮮甜無雪味，仲有一板海膽，味道濃郁，配上新鮮青瓜絲及紫菜，回味無窮。#日本生蠔 新鮮，肉質爽口，有海水味，抵食。#蔥藍鰭吞拿魚蓉軍艦 (2件) $32藍鰭吞拿魚新鮮，份量足，加生蔥絲及紫菜一齊食，口感更有層次，飯唔大舊。#油金魚壽司 (2件) $40油金魚大大片，新鮮肥美，細細舊壽司飯握得緊實。#牛油果軟殼蟹卷 $94軟殼蟹炸得香口，蟹籽多新鮮卜卜脆，配埋牛油果、同沙律醬簡直係最佳拍檔。#三文魚壽司 (2件) $24三文魚肥美，飯細細舊。#雞泡魚乾 $32一大塊都幾抵食，同朋友一路傾偈一路慢慢食，送酒更加一流。#明太子玉子燒 $72比出面食大件厚身，有蘿蔔蓉鋪面，整體比較濕同淡口，可能要加多少少明太子。#水

📍親民日式居酒屋! 水戶日本料理去得粉嶺食日本餐廳，都一定會諗起水戶係粉嶺，水戶質素真係最出色🍣竹-刺身盛藍鰭吞拿魚中腩,三文魚,劍魚腩,油甘魚,甜蝦,魷魚刺身都幾豐富，每樣都有3件，都唔洗$300，市區食唔到依個價而且全部厚切，質素都好新鮮，值得推介🍱鰻魚飯珍珠米淋淋地原條鰻魚配上蛋絲味道唔錯🧆鐵板蒜香牛粒用鐵板煎，令到每粒牛粒都好香份量好多🍛海膽炒飯海膽有一大片係炒飯上面，新鮮好味個炒飯炒得好香好好食但就真係食唔到有海膽味可能個炒飯直頭係無落海膽黎炒👅味道:❤️❤️❤️❤️🍔賣相:❤️❤️❤️🏝環境:❤️❤️❤️❤️🤵🏻服務:❤️❤️❤️❤️📸打卡:❤️❤️❤️💵價比:❤️❤️❤️❤️💌以粉嶺非市區的居酒屋黎講,質素真係唔錯位置唔係特別多,假日夜晚基本上要等位🏠水戶日本料理 粉嶺新運路33號粉嶺中心C座地下1C-1D號舖🕰營業時間：星期一至日 12:00-15:00 & 18:00-22:00🔖居酒屋, 日本🚇交通:港鐵粉嶺站 A1 出口, 步行約5分鐘☎️電話:26979288

水戶處於粉嶺中心較為隱蔽嘅位置，完全唔起眼，自成一角，遠離其他一堆食肆舖位。佢店舖唔大，枱唔多，經常要排隊入坐，但卡座都寛敞，坐得舒適。佈置有日本特色，如置身日本小店。簡簡單單淨係食個丼，都已經好滿足，而且消費有免費泊車優惠，漸漸已變成我的飯堂。#海膽魚生丼 $128三文魚、鱆紅魚厚切，帶子、大舊海膽鮮甜到爆，刺身蓋住整個飯，簡單又好滿足，搞到成日會心思思想嚟食。#三文魚親籽丼 $88三文魚厚切，新鮮肥美。三文魚籽份量非常多，放落口粒粒爆開，獨特鹹鮮嘅味道撈埋飯一齊食，絕配。仲有兩片玉子及蟹棒絲，我鐘意飯份量比較少。#水戶日本料理地址：粉嶺新運路33號粉嶺中心C座地下1C-1D號舖

開了很多年在粉嶺中心最深深深處的緊閉內街角處，不起眼的日本料理，水戶日本料理，粉嶺中心內街的全部食肆，有轉變得很快，為讀這間屹立不倒。叫了，竹刺身盛，有帶甜蝦，大拖羅，三文魚，劍魚腩，油甘魚，魷魚刺身，全部厚切，品質新鮮而且價錢只是三百多，外面吃應該要五百多。姬路蠔，$34=1隻，簡直是超值，肉質爽口彈有海水味。三文魚壽司，飯不是太大粒，三文魚介紹坑紋方便沾醬油。芝士鰻魚卷，比較邪惡，芝士味濃郁，鰻魚也不吝嗇。燒汁牛柳粒串，唯獨這個比較遜色，牛肉燒得過熟

本身離開呢頭，喺附近想搵間好啲嘅餐廳同同事食飯，係得呢間好啲，唔知點解OpenRice搵嚟搵去都係一啲好一般嘅茶餐廳原來粉嶺中心呢個商場好多靚仔餐廳！行過嚟呢間日本餐廳嘅時候見到一間西餐廳都幾高級幾靚仔嘅裝修但係性價比好高， lunch set都係$100以來非常設備平民化！所以本來以為價錢咁平質素都唔係特別好，點知呢間餐廳嘅刺身都幾高質！同我喺中環尖沙咀食開嘅都唔會話差天共地好驚喜好滿足！不過好多嘢都未必有供應，正常啦！午餐有熟食有魚生定食，仲可以加倍小食或者小丸子！或者加配刺身，唔啱又有不值嘅可以散嗌都唔會話太貴！刺身定食有兩隻牡丹蝦兩篇三文魚油甘魚，同埋嗰啲我冇睇到，在家啲前菜沙律麵豉湯，細細一碗飯，都幾豐富㗎性價比非常高！住粉嶺嘅居民有口福了我就嗌咗魚生飯，要求左唔要魚腩位置，最後有途中所見到嘅雨傘，見到個赤身好靚仔好鍾意，另外三文魚同埋油甘魚厚賜都好新鮮好好味！而且佢個八爪魚刺身都係厚賜，出面通常好蠱惑切得好薄，不過呢度絕對唔會！非常有誠意等參加陪左四片帶子，一片係好薄嘅都係預料之內不過新鮮仲加咗赤背同埋又係牡丹蝦，本來想加甜蝦不過佢冇貨😫仲有來之前一直已經好想食嘅金目鯛，因

呢間水戶日本料理在粉嶺中心的位置相對偏僻, 遠離其他食肆舖位, 响C座自成一角。生意算唔錯, 6點幾入去都七成full。畢竟呢區的選擇唔多。嘢食選擇豐富, 可惜的是佢既丼飯唔係套餐, 如果可以加錢upgrade之類會更加好。我嗌咗個三文魚親子丼, 三文魚籽份量不少, 亦夠新鮮。三文魚只有5片，份量有點小，另有玉子和少量蟹柳絲。三文魚尚算厚切肥美。滑蛋豬扒丼賣相一般，豬扒食落有啲酒味？肉質唔錯，軟硬適中，表面略被蛋汁浸軟，唔係行鬆脆路線。牛油果軟殼蟹卷（＄94）呢個份量黎講少貴，味道不過不失。食完有衝動食壽司郎，類似既野27蚊碟。日式炒野菜($60) 反而幾好食, 有芽菜、洋葱、椰菜、木魚絲，甘筍絲，菇。幾有鑊氣，相當入味。總結是次光顧係同屋企長輩，冇嗌太多生嘢，整體黎講係合符預期，CP值合理，如住附近可以一試，專程黎食就大可不必。