水晶晶泰國餐廳 (已搬遷) 新店位置

很少到荃灣食飯 不過知道這裡都有很多野食 今晚就同一家人行完街 到這間泰國菜館試試 值得一贊是三週年紀念 咖啡大肉蟹 見到隔離枱食得很滋味 媽媽也要來一客 果然不負所望 味道很好 咖啡汁好好味 另外 再來一碟咖哩 軟殼蟹 亦相當滿意 不錯不錯 值得推介

前幾日落去食左個下午茶，叫左呢個35蚊包野飲嘅肉骨茶飯餐。味道正常啦，肉骨茶都係咁嘅味，唔係怪味就OK啦。重點係35蚊真係幾抵，我睇佢成份Menu下午茶餐都係咁平，抵食指數爆燈。唯一唔舒服係啲野有少少油，有少少唔衛生咁。不過又咁講，三十幾蚊想點丫，香港地價錢平就得啦！

好好食，都幾抵薑蔥大蝦炒粉絲好抵佰幾蚊，3個人都夠飽經理好好人，幾好傾仲送埋甜品另外生菜包都好抵，食極都仲有咁串燒係荃灣嚟講就貴左啲，所以今次食我哋都冇叫到有機會大家都嚟上下啦

4個人黎食下午茶，已經有2個人點左餐，我同另一個朋友突然唔舒服，就唔想食野，雖然知道佢已經寫明低銷每人20，但係可唔可以人性化d，4 5個服務員黎講左幾次話食唔食野 點唔點野，唔係就收20蚊一位，都已經講明唔舒服，仲要格硬收，逼於無奈點左個喇沙米線，豬頸肉河，另外2個朋友點左咖哩牛腩飯同滷水豬手飯。1.喇沙米線 湯底好咸 豆卜好硬 魚蛋無味 2.豬頸肉河 湯底無味 d豬頸肉好似長期浸係水咁 超級難食!!!!!!3.豬手飯 d豬手上到黎碎既 唔整齊 好似頭頭尾尾咁，又係偏咸4.咖哩牛腩飯 薯仔唔熟 牛腩得兩粒仔 咖哩食落好粉5.叫左2杯熱金桔蜜 上左2杯熱檸蜜，一話唔食野 d服務員態度即刻360度轉變 極之差評!! 以後唔會黎食 而且都唔會介紹人黎食!!

今日難得唔洗返工，懶洋洋的睡到中午才起床。下午約了男友在荃灣逛街，當然要醫肚後再行啦！由於太掛住呢間餐廳既泰菜，我地特意過來試試這裡的下午茶。望完下午茶餐牌，眼見未試過這裡的咖哩和牛腩，就點了馬沙文咖哩牛腩(配白飯)。果然無令我失望！咖哩汁好香、有淡淡既椰香，仲有微辣，椰香同辣味，兩者配合得好好，整出黎既咖哩汁好好味。另外牛腩炆得好稔，肉質好，食落去唔會好乾，而且份量多，一個女仔食未必食得晒呢！餐廳環境都唔錯，寧靜又乾淨，好適合拍拖或者一班朋友黎傾計。而且下午茶餐有得選擇午市既餐，仲要平10蚊，送野飲，好抵啊！呢間真係性價比高的泰菜餐廳，食物唔錯，份量多，環境好，值得再黎啦！

今日去開荃灣買野，中午想食泰國菜就響附近搵到呢間食。中午時間都多人食野，好彩一個人都快搵到位。入面裝潢都OK，坐底叫左個泰式菠蘿雞粒炒飯同杯凍檸水，一共$42。雖然做緊午市，人比較多，但上菜時間都可以接受。蝦仁味道唔錯，但比較少；飯入面既菠蘿味唔算好出，但整碟炒飯撈堆D肉鬆仲有提子乾都幾好食。總體黎講，午市套餐呢個區呢個價錢呢個質素都唔錯，如果再經過都會再試下。

平時荃灣區都好多泰國野食，今日次試左哩間。餐廳裝潢好靚，燈光好柔和。講到嘢食，小食拼盤必試！好多種類，一堆人share岩好蝦餅海哲最好食😆仲叫左大肉蟹粉絲煲 粉絲好腍食左好多！明爐魚 略嫌骨多左小小，唔係我type 菠蘿炒飯 味道岩好！但蝦醬炒飯對我而言好辣，建議要叫少辣到甜品千層糕暖暖地，甜度岩好 芒果糯米飯有黑糯米！感覺健康啲 haha

同朋友食晏，見呢間水晶晶中午好旺場，就入去食。叫左個海南雞飯，$42連湯同飲品。雖然份量實在太多，但對男人的話，這樣應該是十分扺食。油飯油香不算香，不過不失，飯較粗同乾。但雞就甚是出色，皮下脂少，肉都算滑，爛骨少，紅都唔會不合理地紅，唔會好似未煮熟咁。42蚊這個質素同份量算是不錯。

放工之後同幾個朋友去搵野食，其中一個朋友就好鐘意食海鮮嘅，見倒呢間水晶晶好似都有海鮮食咁，就入左去。入到去店員推介個海鮮套餐，咁我地4條友就叫左個魚肚羹同粉絲大肉蟹。套餐得兩個餸怕唔夠食，但店員話OK，所以就冇叫其他野。咁個魚肚羹其實都真係幾大，4條友分都每人食倒兩碗。味道唔錯，羹嘅濃度都適中，唔會太稀。粉絲大肉蟹就麻煩啲，雖然隻蟹都好大隻，但始終唔夠4個人分，每人分得一兩件，唔夠喉。而個粉絲擺明係為飽肚而設，不過粉絲有香料味，都幾好入口。總體黎講味道還可以，食海鮮黎講價錢唔太貴，不過就有少少唔夠分囉。

呢間鋪頭我唔係第一次來食野，記得上次嚟食過都幾好食，今日行開呢頭又入嚟幫襯啦！今次叫左星洲喇沙雞絲米線＋汽水＄42，有三粒魚蛋，三塊魚片，三件豆卜，雞絲都算嫩，唔會嚡，仲有芽菜＆生菜，好大碗,係略嫌湯底吾夠香濃

今日見呢間野換晒啲新推廣，仲要有個易拉架大大隻字寫住全日免加一，好似好抵，就入去試下。入到去先發現原來連餐牌都轉埋，咁兩丁友叫左兩個餸。第一個係辣椒膏爆青口煲，第二個腰果脆雞柳。揀佢地嘅原因得一個，就係幾乎全Menu最平！個青口煲不得了，青口都算多，唔係只係得啲殼，係幾好味嘅，不過真係好辣。而個脆雞柳我地揀左唔辣，雞柳整得都尚叫香脆，算唔錯。總括呢餐都叫唔錯嘅，如果可以多啲優惠再平啲就最好！！

今日晏晝又同同事周圍搵食🏃🏃 經過見到哩間泰菜😋😋 就諗住試一試 入到去裝修都幾有泰國特色同風格 見我地有6個人 所以就比咗張幾闊落既卡位我地坐 坐落都幾舒服😉 又夠哂位擺袋👜餐廳晏晝就有十幾款餐選擇 算係幾多元化 然後我地主要都係食星州炒米🍲🍲 因為本身係辣既 我地驚太辣就同佢要求咗要小辣 而另1個同事就想要食大辣 小辣就真係得啖啖既辣味 岩岩好 配料就有幾片豬頸肉🐖🐖 都幾鬆軟 不過佢入面有幾粒大蝦仁 但太咸! 好咸!😤😡 其他野就還可以😐 另外嗌咗杯凍金桔🍹🍹 杯野就太酸😕😕 重梅味 我飲咗三分一都冇再飲⚠⚠ 認真要改善 係服務黎講 侍應算係好快手落單 收錢都好有效率💨💨💨同埋滿足到我地既要求 我同事個碟星州炒米(大辣) 🔥🔥🔥🔥辣得認真 可以係米粉🍝上見到好清晰既辣椒片 食落好夠辣味 同事都比正評 而佢份量算係幾大碟 夠一個男人食做午餐👦 女人仔👧黎食就岩岩好☺

今日2個人去食，其中一人係孕婦個肚蘿咁大，當時有3排吉嘅卡位，帶位哥哥仔竟然俾個放滿哂餐具（可能備用晚市用）嘅3分之1張圓台我兩人座，座位位置非常迫，呢個係服務安排問題。野食方面叫左個粉係凍嘅，1啲都唔熱。另一個香矛豬扒飯係完全唔係平時正宗嘅泰國香矛豬扒飯，比一般茶餐廳更加難食，呢間野真係好彩唔係叫好多碟餸食，希望餐廳管理人員見到改善下，唔係真係好難繼續做生意落去。

早幾日係荃灣行完山就順便入埋去食野，見好耐冇食過泰國野就入左去呢間水晶晶試下。入面環境金碧輝煌，佈置得真係有係泰國既餐廳食野既感覺，呢樣野係好多泰國餐廳做唔到既。 入到去叫左條湯烏頭、金邊粉、炒菜同埋牛仔骨。條烏頭d配料都幾足，不過就略嫌個碟太細，變相令到d配料好難浸到落d湯度令到佢比較難熟。 金邊粉炒得幾入味，雖然得兩隻蝦但係兩隻蝦都炸得好香口好好食。泰式炒菜唔會太咸岩岩好，就算係唔鍾意食菜既人都會好易入口。 最後個牛仔骨係最好食既一碟，配料同牛仔骨都整得甜甜地好易入口，不過有幾舊肉就un左小小，不過整體黎講都係好高質。

水晶晶泰國餐廳我諗住試下新嘢點知就中伏喇，我試過好多間泰國餐廳，呢間食物一般無特別，但服務就有好大分別。明明入到去都見到大把位冇人坐，於是揀個人少D，濶落D既位，點知立即阻止我話唔俾，一定係都要我坐卡隆位。坐左入去之後叫左個海南雞飯食，一股水準，D雞斬到好碎，皮還皮，肉還肉；皮薄簿地ok, 但D肉就有少少鞋喇，另外我叫左杯青檸梳打，甜左D，麻麻地。因為我兩邊都有人，三個大男人坐埋一齊好窄，食飯食到你撞我，我又撞到你，我走果時仲好多位係吉架，間餐廳都唔知留返D位招呼D咩客人，就係唔可以體恤下我地呢D客人既心情嘛？最後結論係下次都係幫襯返好好招呼的其他泰國餐廳，一入去就有人同你講，請隨便坐，而且，係真正係俾你隨便坐架。