水記

营业中

休息中

同舊同事食飯 因為大家都想食打冷 一想便諗起水記 .平時成日都要排隊所以一早打去book位 .估唔到水記這豬頸肉 （推介）生蝦 同冬陰公湯甘好味 中意食泰國野的你們 可以試下 不錯不錯 而性價比都可以

幾個朋友突登搵D特別野食下，無book位去到點知都幾爆場，好彩有2張枱。初初以為係打冷，實際有埋泰國野食，我地叫左5碟餸，碟碟都大大碟，都整得算唔錯。唯一係好似周圍都滴水咁，同埋太逼，不過咁先夠熱鬧～

水記係朋友帶我黎先知話出名泰菜同小炒唔好睇個門口好似平平無奇我地一行人叫左好多小炒泰菜真係好好味人多叫左好多味送真係人多既好處呀餸菜多到不能盡錄椒鹽魷魚鵝腸小炒皇好野味又夠穫氣燒豬頸肉鹵水拼盤咕嚕肉三杯雞水記個水準唔錯黎親都係咁好食加幾支啤酒🍻齊齊飲返杯真係超滿足我地久唔久就黎食過👍🏻

<好有風味既泰式小炒店>🔥呢間喺旺角既水記 轉左幾次鋪位 細細間食店 環境唔好預好好，但佢既野食的確係好味 主要食大排檔小炒同泰國菜 好夠鑊氣 好啱幾個朋友食住飲啤酒吹水既地方 😈👍🏻 🍴沙薑鵝腸😍鵝腸睇得出雖然唔大 但好新鮮爽口 食落走肥瘦度適中 唔係話太多肥膏嗰 d . 佢既沙薑味幾夠咸香 十分入味 正😍 🍴馬拉盞通菜🥬炒得好夠鑊氣 通菜新鮮 同埋夠爽口 juicy . 馬拉盞炒得好夠咸香 加埋 d辣椒調味夠哂惹味🌶: 🍴椒腎鮮魷 🦑呢個鮮魷 個皮幾香脆 但厚左少少 同咸左少少 入面既魷魚 都幾新鮮彈牙 如果就甘食有 d咸 但撈飯 或者送啤酒都 ok🍴咕嚕肉🐖用左三色椒 洋葱 菠蘿等等炒成既咕嚕肉🌶🍍 外面香脆 火喉好夠 入面既豬肉夠爽口 而且佢既甜酸醬汁都好入味 正 🍴燒魷魚🦑🔥切得好整齊既燒魷魚 魷魚彈牙 魷魚味香濃 燒得帶 d焦香味 點埋甜酸醬好食！ 🍴燒豬頸肉🔥🐖豬頸肉切得厚度適中 . 豬肉出面帶 d燶邊既香口 豬肉爽口 帶 d豬油肥膏 食落時帶 d 香草味 🌿好味 🍴啫啫雞煲🐥用好多大葱 洋葱 葱花炒成 雞煲 好多雞肉 啫啫汁 好入味 雞肉盡吸醬汁 要黎

朋友介紹話好好味，於是放工特登約咗幾個朋友過嚟食，好好味滷水拼盤，$78價錢親民，味道 顏色 種類都好滿意有滷水豆腐薦底，豆腐一啲都唔鞋，反而好滑。 再來係炒蜆，味道好濃郁好入味，蜆肉都好大隻，其他配料都好多。感覺都吾錯，可以在收工嚟食多幾次，我見仲有泰國嘅嘢可以叫， 下次試吓泰國小食， 朋友介紹泰國小食都話好好食嘅尼個細細間鋪頭，環境唔大，但味道質素唔錯，價錢親民 cp值都好高^_^。可以帶朋友再來，再叫杯酒小卓一下，咁又可以吹一晚！

人少少去旺角唔知食乜，又去咗新水記，今次點咗之前未食過嘅嘢食。鹵水併盤，噢😯可能我地諗多咗，唔係打冷鹵水汁，而係廣東鹵水併盤，當中有鵝腸、粉腸、紅腸、鹵豆腐同牛肚，因為係廣東鹵水味唔多吸引味蕾沙爹粉絲煲，勁多牛肉，好少粉絲，味道ok，就係肉太多了，我個人喜歡多點粉絲。聞到隔離枱碟炸蠔餅勁香，我地又叫黎食，一上枱除咗香味，就諗蠔在那裡？食落粉皮好多，蠔好少，似炸旦醬多過炸蠔可能多人叫唔夠分，一碟整兩碟上，當時同另一枱一齊上枱，我睇返人地啲相係有好多蠔架泰式雜菜正常好味

水記係呢條街已經差不多廿年，以前都會大伙兒黎食吓泰式生蝦、炭燒豬頸肉同埋其他中式小炒，水記係一間食泰中菜嘅小店。多年無黎，好彩水記仲係到，約朋友去回味一下。轉返做細舖，每碟小菜細細碟感覺更好，無需大伙兒黎食，人小都可以食多幾款每次必叫泰式生蝦，肉質彈，點埋生蝦汁，酸辣味帶出蝦嘅鮮甜，但價錢就稍為貴了一點一向覺得炒雜菜好味過飛天通菜，有不同嘅菜有多點味道，無咁單調呢個雜菜有一點點辣，炒得好香，絕唔會有青味，但就油咗少少椒鹽白飯魚，嘩，d白飯魚咁大條，味道ok，但我就略嫌白飯太大，口感無咁好辣子雞丁有驚喜，好鍾意花椒嘅味道，但就係份量少，可能覺得好味唔夠食😅雖然話細細碟啱小人數黎食，但相對價錢就貴了點，不過味道真的好依然保持到有咁上下水準嘅小炒菜舘不多，水記係可以一黎再黎嘅聚腳點。

上星期試完元朗個蠔餅之後一直念念不忘，但地點實在太唔就腳，雖有搵緊近近地嘅潮州鋪止下癮佢地個蠔餅好特別，每粒蠔仔獨立咁去炸，而唔係痴埋一餅咁，似炸蠔多過蠔餅，唔同嘅係粉漿比炸蠔薄好多，超級香脆，蠔仔好大粒好鮮味，就咁食已經好正，點魚露食會唔小心過咸本身諗住當小食送下酒咁，但份量超大，2個人食完一碟已經飽曬

經朋友介紹半夜過嚟食宵夜， 意外地好有鑊氣好好食 值得推介!價錢老實嚟都好大碟好抵食我哋叫咗飛天通菜 炸蠔餅 生菜包 陳村粉 柚子沙律 鹵水鴨舌 咕嚕肉炸蠔餅必點 ,唔同平時一大餅出麵食開嗰啲,佢好多蠔仔 ,可以逐粒逐粒夾, 唔會話一大塊都係粉, 一上枱脆卜卜點埋個汁勁好食但 份量真係超多而且要趁熱食， 凍咗就唔好食㗎喇之後黎嗰啲餸已經掛住食唔記得影相， 唯有借住張食完嘅相嚟逐一點評啦飛天通菜一般蝦醬炒通菜水準 鍾意食嘅話絕對唔會失望最鍾意佢個柚子沙律 ，仲要食完再叫多一個，配搭其他油膩嘢非常解膩， 酸甜清爽非常開胃。陳村粉唔怕肥嘅話都係必點嘅選擇， 好香 好爽滑。其他餸菜都好好食 ，全部都好高水準，冇一樣嘢係伏!

媽媽介紹我，我介紹給外國朋友，地道小菜仲要咁近屋企，立即帶外國朋友嚟食香港第一餐。應該係星期五，全場爆滿，好在好快有位，坐落都尚算可以，唔會迫得離譜，係會嘈少少，不過當過驗下地道風味啦。呢度最驚喜嘅係佢有少許泰式同潮式嘅小菜，叫咗個泰式生蝦刺身同埋蠔餅，生蝦爽口彈牙，點埋醬汁好正。蠔餅炸到脆卜卜，豪仔完全冇腥味，大大粒點魚露胡椒粉已經好好味，但後來發現點泰式生蝦汁更有驚喜。蒜蓉粉絲蒸蜆，豉油汁香甜，食完一粒接一粒。沙薑雞味道不濃，雞肉還好，好在有另外的沙薑汁比你點，另外高興的是有鵝腸雞雜在旁邊。

水記係我媽媽好鐘意去嘅小菜館，可能從前都係媽媽比錢，到宜家大個自己有能力埋單，先發覺點解哩度原來又平又正。咸菜豬肚湯，胡椒同咸菜味中庸。豬肚煲到軟淋，仲有啲草菇同煲。暖暖胃，不錯不錯。送酒一流，街外好少見，仲要只係28蚊嘅滷水雞什，正！滷水汁偏甜，咸度屬低，滷得夠火喉，入哂味，雞什亦唔會乾。同碟嘅係鵝腸唔係雞腸，同樣爽口。芥蘭炒得爽脆無渣，調味帶甜，略嚴多油咗小小。哩碗細嘅蠔仔粥，對我嚟講係”窩”了，只少分到四個碗。加入冬菜嘅粥底，夠哂咸香。蠔仔都夠哂足料，大大粒，係有幾粒老咗啲。

呢間小店行過幾次都見門口好多人等位, 上星期夜收工見人唔多而家餐牌價錢大眾化, 所以就入左去試一試. 碳燒雞中翼見住佢係店中窗口位置即黠即燒, 雖然唔會話燒到有卜卜趣的口感, 不過香口得黎又夠多汁, D肉燒完仲好嫩滑, 非常正!大大份炸蠔餅平時其他店食開幾新鮮都會有點油膩, 但呢間小店處理的好好, 就算食到尾都冇油膩感. 另外值得一讚係非常足料, 蠔仔粒粒都超大粒!馬拉盞芥蘭煲炒菜火喉好夠, 其餘都冇咩特別, 個人覺得相對咸了一點, 不過飲返2杯啤酒中和返哂. 椒鹽九肚魚食到中途見旁邊有台點了九肚魚睇落去好吸引, 所以我地都加點了一份. 同炸蠔餅一樣, 香口但係一點油膩感都冇, 好正! 九肚魚SIZE算大, 夠多肉, 不過食的時候要小心有細骨. 總結, 水記性價比高, 仲有好多小菜未能一一嘗試, 所以必定會有下次的!

周六好好彩，7點半鐘兩個人竟然唔駛排隊直入每次去水記必點炸蠔餅雖叫蠔餅但其實食緊炸蠔仔超大粒蠔仔配啤酒汽水一流唔怕熱氣的話可以一試另推介每次必點的燒排骨炭燒非常香口又juicy飛天通菜好有穫氣但生啫生菜更惹味水煮牛肉可以不試入面有芽菜和咸酸菜牛肉放了太多鬆肉粉我平時唔太食得辣（譚仔最多食10小）也完全不覺得麻和辣見同場有好多人食燒烏頭和豉油皇炒麵下次一定要試下8點半走人時門口排長龍注意：星期日是定休日夏天略嫌店內多了蚊蟲和噁心網蠅

前幾日同朋友去左食例牌水記，諗唔到食咩就一定係食依間😂不過佢個位置對我黎講真係幾難搵，因為似似都夜晚去，所以成日都唔認得啲路。同依兩條友食嘢係冇得用手機的，不過勉強影左兩張！入正題！水記係食打冷嘢的！啱我口味！😂😂😂😂而且食左幾次都唔厭。已經係入左個人回頭草餐廳系列之一。❤️每次必叫，蠔餅！！依到嘅蠔餅真係好大份！而且勁香口！！超熱氣！不過都會食！哈哈！佢嘅蠔真係一粒粒好飽滿，而且冇咩粉感，似係淨溝蛋䊢一齊炸咁。每一啖都好滿足，如果可以加多啲莞茜就好啦！！❤️蒜蓉蒸陳村粉個人黎講，係必食嘅！！陳村粉滑嫩，吸曬蒜蓉嘅香味同鼓油，好香又唔感，就咁食到停唔到口，一碟大大份，認真大件夾好食！！❤️冬陰公湯材料比岀面嘅都非常足，而且又係超大碗，啲料足夠喂飽你。雖然味道不錯，但始終欠缺東陰公應有嘅酸辣，刺激感。另外仲叫左滷味拼盤，以為叫左細嘅就食得完，點知又係大大份，啲鵝腸仲要好多添，滷味足而且好香，不過食下食就會覺得好咸！一定要送大量飯！！

食小菜水記不嬲都是好好的選擇！😍小菜水準高，但因為位置較偏遠，與地鐵站有段距離，已經好幾年無到水記，但水準不變！😌星期六夜晚八點左右到，加上兩個人就很快有位！😌水記多中式小菜及泰菜！很多都好吸引！😍泰式生蝦刺身、炭燒豬頸肉、蒜茸蒸陳村粉都係我的最愛！❤️泰式生蝦刺身生蝦大大隻，好抵食！炭燒豬頸肉肉質很好，不會太鞋！蒜茸蒸陳村粉非常滑，與蒜茸配合得很好，可以吾使叫飯！😌咸魚炒芥蘭芥蘭上有細細粒咸魚，不會太咸，又開胃！食菜好選擇！😍招牌炸蠔餅大隻蠔，六十八蚊超足料抵食！😊👍🏻如果可以無咁碎更好，隔離枱睇落炸得更好！🙈