水車屋日本料理 (已結業)

一間經典的日本餐廳 居然會做放題 懷住興奮的心情入去試食 帶住失望的心情離開 一間咁經典的日本餐廳食物的質素竟然這麼差首先剌身~三文魚和吞拿有根，蝦就發霉仲有很多黑點燒物~串燒豬頸肉和雞肉就淡而無味兼有雪味只有串燒和牛粒Ok，天婦羅~番薯同蟹腳就幾好食，但係蝦就唔熟其他都無什麼好食，仲有服務員的態度又極之差 上錯食物居然拿住張單同客人對質、但係又唔睇清楚！ 埋單銀碼又錯 真係下次唔收錢請都唔會再來

中午男友約係尖沙咀食野~佢話已經訂好位~ 開心!!食放題!  ok~魚生同壽司~ 好食!!我最鍾意既三文魚!  正!!好鮮味!! 十個good!!!其他鐵板燒d蝦都好好食! ~估唔到仲有海膽手卷任食~正正正!!!!今次男友做到野勒~!!!!

book位黎食日本野！好多人係出面等～等等等，終於入去～坐umlike既吧枱！但全場9成滿！個氣氛都好好～裝修合格本身自己有d飽，叫左5多野食～刺生刺生種類5算多～不過都叫幾多黎幾多，可能我地得2個人叫得少，所以黎得齊！～3文魚幾新鮮，其他就麻麻熟食串燒一般，燒雞翼好難食！點可以咩味都無？難食過d雪櫃雞翼！。扎肉難食！甜品無咩選擇，咩布丁假到死用d粉溝出黎，咩紅豆半生熟，一邊硬一邊諗，好難食！服務～一般無特別無笑容2舊幾水食d甘既野，我5會再黎lol

全店祇有我兩人無其他客，差不多無泠氣，吃$388 2人餐，沙律整了很久雪了很久還拿來給客，其它跟餐食物質素都勁差，量少，鮑魚細到不得了，牛肉又有渣，味道不入流，怪不得整晚祇有我一枱客，都喺衰在未有看openeice便去，以為老字號一定好。

一行十人(九大,一個二歲小童)去訂左18:00-20:00 時段, 有人早左,大約17:45去到都未開閘,要等到六點先開閘可以入去。一去到先叫刺生,三文魚腩刺生同其他唔知咩貝都唔錯, 但係吞拿魚又腥又霉又有根,而且所有刺生都係黎唔足, 寫16件黎10件,寫左幾次都係咁,而且侍應人手嚴重不足, 等好耐先可以比到食物紙佢地。之後個日式蒸蛋仲經典, D膠碗清潔一流,攪到D蒸蛋都有漂白水味, 同侍應投訴佢既反應好似係唔信我地咁, 最後目無表情咁收晒D 蒸蛋, 一句野都無講。其他熟食都OK, 只係所有野都係黎唔足, 有D野有點到都無黎。

晚食完一餐完全唔係放題ge放题~~水車屋，聽落個名好似以前好出名，一入到去，出事la....張order纸少野食到死，少都唔緊要，四張枱，得一個staff.....跟住出野食，慢到…我未試過食放題可以坐十五分鐘完全無野食黎…朋友話野食係好食，但真係出得好慢lor...火到黎埋…6點-8點食，7:30就last order我…但係我地係未食飽過，跟住last order先叫出返多d野食，埋單之後，個個侍應先話仲有野出左，你地仲要唔要？呢個時候，我已經用左三粒雪米芝完成，仲點食得落？？最後，如果唔係有優惠，我都唔試…優惠都166......><

我覺得水車屋都好抵食，可能我哋食6：00至8：00啦，我同個仔兩個人在二月七日去食放題，啲刺身都好新鮮，特別是三文魚及希靈魚刺身都好好食，任食任點兩個人都係共食咗三百五十五蚊，仲有海膽刺身及清酒送，燒牛舌都焼得啱啱好，花之戀都做得好味，啲嘢食都幾精緻，每樣都試下，貴精不貴多，食完後甜品有雪米糍，炸香蕉，放題都是百幾蚊一位，有成二個鐘任食，都算非常抵，其他地方啲日本料理都好貴，一件壽司都十蚊至十幾二十蚊啦，唔好講刺身啦，仲貴，水車屋算0k啦！唯裝修舊D囉!鄧小姐

一路其實都想試水車屋，見佢有放題就來試吓，我二大人一小孩，一坐底睇紙發覺吳多野食，算啦！諗住貴精不貴多，老字號，就試吓啦，點知出事！😔第一樣離魚生，都算ok!夠新鮮😋但之後嗰啲就出事，串燒，不論雞腎、牛舌、雞翼、全部都凍，不是煮好就拎出來，放涼了！青魚就微暖加有腥味。炸生蠔就粉太厚、魚粥無味、好淡！炒飯就正常，無特別，焗青口表面芝士熱，個心凍😡九洲拉面微暖！最後就係牛肉鍋叫做熱，牛肉鍋ok好食！總之一句講曬、得一個字，「差」7百幾食啲咁嘅野，出去散叫好過，同等價錢，大把好食過佢

今日同屋企人訂左8:15分去食,去到發覺人差不多,即使唔訂也有大量位,坐底立即用左5分鐘點菜,佢地食物種類選擇不算太多,呢間野就算大,不過員工就真係不太夠,起碼要請多3個樓面先夠,我地比左等大約10分鐘就上左9成菜,有1成佢地唔記得比我地不過睇到佢地樓面嚴重不夠人所以也值得願諒,先到刺身我們點左有三文魚,甜蝦等等...三文魚不夠冬不過都算可以幾好食,甜蝦夠晒大隻同好味重連埋個蝦頭不過就要自已(莫)殼,麻煩左少少lo..跟住炸雞軟骨,外面好熱的,但係......裡面還是冬的...呢個真係最差的,之後再到天婦羅,天婦羅全部都炸得夠趣唔錯,過多一陣我點左個地獄牛肉火鍋呢個可以講值得推介,個湯幾辣d牛肉又夠晒淋,同埋好香值得一試!!

6-8 pm的放題, 集齊人到落單已6.30, 刺身船幾快送到, 往後的反而陸續出現漏單了. 例如2 個鍋物便是. 早知那個魚頭煲和雜菜煲水準比家常便飯還差, 便不用催單了! 刺身肉質不夠爽, 所以略歉魚肉厚身, 若爽的話便不會了, 而且部份有筋. 海老雖甜, 肉卻太軟. 最好的還是希靈魚. 牛舌串燒汁多, 燒得也不錯. 第一次送來的天婦羅熱度普通, 第二次叫的便夠熱了, 味道感覺也明顯多了. 大部份外面包粉的食物粉層也略厚, 只天婦羅除外. 好像炸蠔, 粉層便太厚了. 炸雞軟骨的也是厚了點. 由於不能看到記錄, 知道還有多少是叫了未送來的, 因此試過等太久了, 便再叫, 結果前後加起來太多了. 人參湯清中仍帶參味, 算是不錯. 燒波蘿汁多不錯,迷你雪米糍獨立包裝, 不是自家製. 那個綠茶紅豆凍的甜品中, 以爽的紅豆最值得讚. 燉蛋有點稀. 大概是相就價錢關係, 食物本身質素不太好, 廚藝亦然.

因為佢分左時段入場每個時段都要準時入場同離場所以係門口企一陣唔洗特別等同埋我地book左晚上8:30一入到個場比我既感覺同其他既放題店好唔同因為佢要除鞋先可以入去坐不過舖頭既等級唔同規則都會有分別既由於有時限我地當然坐低冇耐就係咁畫野食其實都畫左好多野食但來就來得唔多野食我地一直都以為佢漏左單係呢到，講下d食物先啦主要都係叫剌身來食另有少量壽司，串燒，湯，甜品比起其他既放題店呢到既剌身可能冇咁大件但係就厚身d勝在可以一啖入晒口而且食落係凍既可想而知佢既保鮮程度好好另外好食既野仲有︰多春魚天婦羅，炸蠔，牛柳粒，人蔘湯特別要提下既係佢地既海老剌身雖然係人都知佢係蝦剌身但係特別在除左剌身之外蝦仲要係抱卵的雖然有d幫佢地滅子滅孫既感覺但都要試下佢既滋味既呢間舖頭要讚既係佢地會分開碟上野食就算你劃每樣要10件都好佢都會分開兩碟每碟5件咁唔洗等另一邊既人夾唔到野食雖然貴了少少但係都係值得埋單248+70 (飲品, 可選擇要否) + 10%

When my Mum first visit Shishaya in 1985...a dinner takes her whole month's wage!!27 years on, Shishaya has certainty declined, which is disappointing.Nevertheless, it's my first visit to Shishaya. yet I don't see any difference from other Japanese cuisines other than its interior decoration maybe slightly more Japanese, and, depressingly, vintage.Tatami seatings Upper Deck - 鐵板燒餐檯The Water mill at restaurant entrance might be the main attraction of the whole restaurantThe food...I don't see and

一早打左電話book位放題。一行四人八點黎到, 好快就帶左位。先講環境, 整體幾好, 最緊要係唔迫 同冷氣ok大說以環境, 放題黎講算係唔錯。食物方面, 其實都只係普通。刺身既選擇唔多, 偏向大路。但整體都算新鮮, 但開頭一輪既刺身有一部分雪得太過分 (有雪粒)。幾碗唔同既冷盤。薯蓉真係唔錯 凍凍地幾好食幾開胃中華沙律有D太鹹其實都仲有好多唔同既食物, 但都幾普通, 所以都提唔起勁影仲有服務, 可能因為個日都爆滿, 侍應都接受十問九唔應。順帶一提, 任食係唔包任飲。要任飲既話每任要加多六十幾七十蚊 (即係成接近三百一位。)都, 幾唔抵。

差左好多囉，水車屋一向係我地屋企人生日必去的地方，又係老字號放題店，點知半年無黎，好差。首先食物少左好多，刺身本來都少，連細粒帶子都無埋，跟住d吞拿魚又腥又有根，甜蝦d肉梅梅地。壽司，無晒d火炙野既，得個火炙牛肉壽司，d飯一夾就散，又細舊。手卷d材料少左好多，以前送海膽手卷依家無都算，普通蔥花tuna，真係得好少料。其他野都差左好多，雞翼無味，支豆都無味。d燒魚又細又淡，仲有樓下po的牙菜牛肉，唔知想點。比較好係天婦羅種類多，同佢d湯麵保持水準。唉，價錢又唔係平，另外就係好似之前d評語講，明明無人食緊頭round，又唔比人入，d staff個樣仲要好似好兇咁 .....想點，以後都唔黎。

今日生日心想與4位知已去豪食一番,心諗水車屋名牌老字號,衰極有限,點知真係可以衷到極....一早book夜場8點15分,8點去到,條街又熱,想問下看門口的可否先入去坐坐,可以唔開始order野食,何況早場得嗰幾圍枱,但門口人答話要早場客人走哂,執完枱先可以入,小家子氣,如果唔係朋友一早比咗deposit,為攞少少折,我實吹雞轉埸.如是者,8:15分入場,計埋我地上下層10枱客都唔夠,仲要扮大餐廳,夠鐘先比人入場.看一看order list野食比外面出名的幾間放題店少,魚生及炸物還可以,但申燒就真係食到一肚火,8:15落order,中間摧咗3次都話燒緊,最後9:30一次過黎哂,仲要係好似無燒過,只係趕時間,用油炸熟當燒熟,當我地唔識分?啲雞翼原全係未解凍就去燒,又燒唔透,得雪味,無其他味.最得意的一款食物,芽菜炒牛肉,但係牛肉多過芽菜,可能芽菜要新鮮,牛肉放幾多日都得.另一可笑既小家地方係任飲要限住客人飲,唔係限住個量,係限住用既杯,伙計話一定要飲完一杯,用空杯換另一杯....真係第一次睇到人家做生意可以咁小家,見唔到佢地老闆,唔係真係想請佢去人地其他成功既放題店點做任食任飲.席間,朋友