水門泰式海南雞飯專門店 (已結業)

炎熱的夏天周圍走着走着不知不覺行到上環「泰式海南雞專門店」好搶眼黃色招牌吸引了我注意，但門面就好唔起眼，行上樓梯一眼望過去裝修簡單，好狹窄嘅一個地方，右手邊有三四個座位，廚房靠左手邊正前方非常陝小但都容納到三個大男人（兩個廚師一個收銀員）餐牌種類不算多。太熱吧！沒有什麼胃口想食清爽啲最後叫了安格斯燒牛肉配青瓜沙律。第二天又去了叫了著名的海南雞飯。太美味啦！第一天，美國安格斯燒牛肉配青瓜沙律材料有安格斯牛肉、青瓜、木瓜絲、番茄、芹菜，口感清爽,牛肉肉質鲜嫩無膻味，醬汁酸酸辣辣非常開胃最適合炎熱夏天。第二天，泰式去骨海南雞髀飯海南雞皮爽肉滑配香油飯不油不膩，仲有配菜芹菜、青木瓜絲和蕃茄加上泰式酸辣醬汁。簡直美味

個日同太太落開上環，諗起永樂街街個間水門雞飯，馬上走去幫襯。我地叫左兩個無骨雞脾飯，一個蝦沙律，一個燒牛肉沙律，兩杯野飲。食落覺得雞件好滑，醮计惹味，連埋油飯、木瓜沙律一齊食非常開胃。大蝦沙律，有6隻蝦，size完全唔細，蝦肉彈牙。牛肉沙律，牛嘅份量都幾多，配埋惹味沙律汁，好啱而家咁炎熱既天氣食。值得一提既係特飲玫瑰梳打同青檸接骨木梳打，好飲得黎消暑又大杯。整體來講好OK，性價比高，下次肯定再黎幫襯！

今晚記得附近有間海南雞外賣店，於是走去睇下，見到有today special，係黑椒雞扒煎蛋油飯，就買左1盒海南雞比飯另外買多1盒黑椒雞扒煎蛋油飯，諗住食好dd，兩個飯合共$105.點知返到屋企打開兩盒飯，海南雞比飯d雞只有1舊係雞比，其他全部都係雞胸，收左$55雞比嘅價錢，但就係咁兒比1舊你。另外嗰個都好驚嚇，黑椒雞扒只有5條，手指咁上下粗，收費$50. 可惜唔記得影相其實佢油飯賣$15，咁嗰5條雞扒咪賣成$35？真係價錢同份量唔成正比，而且仲收貴價但比平價貨。真係唔會有下次。

之前食過呢間海南雞，味道唔錯而且係上環黎講都算幾平，所以諗住再黎食一次。點知佢開咗冇耐原來而定已經加咗價啦，泰式去骨海南雞飯由$40變咗$45。一場黎到我都照買咗，諗住佢加咗價可能會比多幾件雞。現實係殘酷嘅⋯佢加咗$5但係雞係冇加過嘅，望落份量好似仲少咗添。不過飯嘅份量就依然咁多，水準都保持住係良好嘅。雞件好滑，配埋個醬汁惹味！份量方面對於一個男人真係唔夠飽，$45來講可以有好多其他選擇，就未必會成日嚟幫襯啦。

Went here again because of the beef salad.I had it again because the pictures looked good.The slices of beef were succulent and tender and it came with lots of salad so it was quite filling yet light.

上次食法包時，發現隔壁開了一間海南雞飯，同樣專做外賣生意，雖然提供三個堂食的「自閉位」，不過中午時間能不能堂食就要靠彩數了。本身海南雞都預先製作好，所以等候時間出乎意料的快，由落單到開餐都不過是兩分鐘的時間。除了可以選擇雞、豬、牛，普通雞飯還是雞脾飯，亦可以叫多飯，由泰式油飯轉青木瓜沙律。這次要了份海南雞飯加煎蛋，油飯帶有些少香茅味，夠味但不夠香，粒粒分明卻不會過硬，口感不錯。主角海南雞肉質尚算滑溜，太陽蛋有少許脆邊，不過對比之下就略貴了（+$8）。雞肉蘸上少許醬汁，不知不覺便吃完整碟飯。總括而言，普通海南雞飯只是$45，雖然不是吃過最正的雞飯，但味道肯定對得住這個價格，加上用餐體驗良好，店員態度好，是糧尾之選！

個日放飯行過禧利街個頭，見到有間新開既海南雞飯小店叫水門，地方幾乾淨，專門做外賣。眼見門口多人排隊同埋餐牌都有好多款食物例如燒牛肉，香茅豬扒飯同埋仲有泰國特色飲品！見佢地用海南雞飯做招來，我一於就叫左個泰式無骨海南雞飯。海南雞份量足，滑得來有雞味，點埋個惹味醬汁，簡直絕配！再配埋木瓜絲沙律，勁香既油飯，真心正！係上環$45可以食到呢個質素既海南雞飯，絕對食得過。下次同埋同事黎再幫襯！

尋日做野經過上環，見到呢間水門海南雞飯好多人同埋見到出面個餐牌好抵食，一於決定去試下！雖然幾多人，但都唔洗等太耐就有得食，仲好好彩咁岩有個位可以坐。叫左個香茅豬扒飯($45)，加埋我最愛既太陽蛋都係$8。份量好足料！豬扒鬆軟，味道調得岩岩好。當然唔小得試下太陽蛋，仲要有小小流心配埋佢地個秘製醬汁一齊食簡直係一流！港島區竟然會有咁平，靚又正既小店，一定會再黎支持一下！

見佢新開冇幾耐，又乾乾淨淨咁，$45所以買嚟試咯。先講個紙盒，幾骨子，唔用膠環保啲，食都食得安心，冇咁罪惡感。不過個飯呢，落咗好多蒜喺面，因為本身唔好，而且轉頭要見客，所以「不」走晒。啲🐔呢，幾好味，應有嘅味佢有，佢唔應該有嘅味就冇，口感質感都正常，重要係唔會太肥，食到個口油淋淋。其實中規中矩已好OK，$45喺中環食個泰式海南🐓，想食咗人隻車咩。佢個舖名叫水門，但同泰國曼谷水門嗰間爭好遠，風味都唔同，可能調教過口味啦，但都好食。不過店員有禮貌，舖頭又乾乾淨淨，喺呢區嚟講幾正㗎啦，又多一個食嘢選擇。

放工經過，俾棟系門口個價錢表吸引住，30蚊有美國牛扒食？55蚊海南雞俾飯？有啲好奇點解咁抵食。呢間野應該開左唔耐因為之前冇見過，都想試下，心大心細，呢個時候老闆走落來話拒地就快收檔了，入來試下啦，送你一隻煎蛋！我見拒咁有誠意就入去啦！結果冇失望！真系好食又抵食。牛有牛味，雞有雞味，重點系連只蛋都煎得好好味，蛋黃撈飯一流！如果餐具唔用一次性塑膠就好啲，因為一來唔環保二來唔系咁夠力。不過可能因為主要做外賣生意放工經過，俾棟系門口個價錢表吸引住，30蚊有美國牛扒食？55蚊海南雞俾飯？有啲好奇點解咁抵食。心大心細，呢個時候老闆走落來話拒地就快收檔了，入來試下啦，送你一隻煎蛋！我見拒咁有誠意就入去啦！結果冇失望！真系好食又抵食。牛有牛味，雞有雞味，重點系連只蛋都煎得好好味，蛋黃撈飯一流！

公司附近開左呢間新既泰式海南雞飯，店內得四個位既吧檯，主要做外賣生意。呢日諗唔到食咩，一於試試佢。去到已經有幾個人等緊外賣，吧檯都滿座。餐牌:我嗌左個海南雞飯 ($40)$40黎講，海南雞份量都算足，隔離仲配左D泰式木瓜沙律同特製既醬汁。雖然海南雞較肥，但好處就係雞味濃，油飯既份量都幾多，有淡淡既雞香味，又唔會肥膩，好味! 不過下次可以嗌少飯。個泰式汁好濃姜味，少少辣，用黎點雞泰味濃，正!!~作為中上環既打工仔，$40可以食到泰式海南雞飯仲要唔錯真係窮人恩物~可以Encore!!

There four branches of this according to the shop lady!!!Anyway, this is the only one on the HK side so went here and I expect the quality to be better.In terms of presentation, it was better than SSP.I was captivated by their thinly sliced beef posted on some media but decided to try the chicken as it was their signature.You get onion salad which is very different and your breath will be extremely garlicky the whole day as the sauce has lots of garlic in it as well.The chicken definitely impres