水門泰式海南雞飯專門店

营业中

休息中

水門海南雞飯專門店都食話幾次外賣但海南雞其實個人唔太好岩岩就比佢個套餐餐牌吸引左叫左個豬手飯連飲品（叫左凍泰式奶茶）先$50 覺得性價比係唔錯睇住廚房姐姐響煲拎左隻豬手出黎切切切好似好正咁😂睇住姐姐再放埋一大條芫荽落我飯到驚叫 因為我係芫荽愛好者😂個飯原來有埋酸菜同青瓜滷水味好入味 但唔會過咸酸菜都係 夾埋豬手岩岩好豬手😭啲皮同肉唔會太淋太硬有口感嫁係仲送咗兜辣汁俾我食完好滿足覺得呢間食店值得多啲人光顧多謝🙏

開咗咁耐,第一次食(可能轉過手?餐牌好似有啲唔同🤔) 就咁睇餐牌同埋套餐都幾抵食🤫買咗無骨海南雞飯同泰式滷水豬手飯黎試吓😚返去先知佢已經淋晒啲醬汁喺面🫢雞肉都幾滑,幾多青瓜做配菜,好多白飯😂豬手味道都唔錯夠味,係有件明顯有毛😅佢另外有青色酱汁分開上可以沾,有青瓜又有少辣酸菜配埋,酸菜好好味☺️套餐有埋嘢飲揀咗凍泰式奶茶,唔會太甜都可以試🤪

介紹返💁🏻‍♀️。。🇹🇭 泰國嘢 在將軍澳 🇹🇭。水門泰式海南雞飯專門店 。TKO Gateway地下EF07號舖。冬陰功牛腩飯。HKD65咖喱雞球配煎蛋飯。HKD50🤫 Weekend在家休息..都係喺將軍澳一帶搵食算啦..今次就去咗坑口個街市隔離嗰度買外賣🤫 呢間係都食過幾次嘅水門泰式海南雞飯專門店..應該係黃店嚟嘅..我就揀咗對我嚟講偏辣嘅冬陰功牛腩飯..雖然辣到要一邊飲可樂一邊食..但係辣得好過癮..做得到冬陰功嗰種酸辣酸辣但係醬汁又唔會話稀流流..而且汁多飯又多..大胃王都會夠飽..牛腩有牛味之餘..冬陰味都非常入味..仲要係已經炆到軟腍腍..俾個讚佢🤫 至於屋企人食嘅就係咖喱雞球配煎蛋飯..黃咖喱嚟嘅..作為一個飯盒飯..佢嘅雞柳係預先煎香之後先至落汁炒..食得出嗰種功夫..咖喱汁濃度適中..有勁多青椒洋蔥等配菜..送飯一流之餘..嗰隻太陽蛋呢..只可以講靚蛋🤫 話時話..我都唔知坑口街市隔離呢度咁多嘢食嘅地方叫唔叫做熟食中心..(lol..)不過我哋閒時都會嚟呢度平平哋買外賣..提提大家呢個熟食中心入邊除咗呢間水門..仲有另外兩三間黃店㗎..將軍澳街坊要搵黃店食嘢可以嚟呢度

天氣熱，真係諗食咩都要動啲腦筋今日就揀咗水門泰式海南雞，諗住貪佢唔會熱辣辣，又有香料，會開胃啲果然不出我所料，海南雞皮脆嫩滑，叫咗半隻，份量都有一盒，除咗雞翼之外，全盒都冇骨，啱晒我啲懶人，雞本身有味浸，加埋佢自家製嘅醬汁，鹹鹹辣辣，非常惹味，就算點青瓜食都好夾重先買佢個泰式煎肉餅，雖然叫外賣，但係返到去，個肉餅變都依然香脆，加埋肉餅質感飽滿彈牙，配埋香茅等香料嘅醃料，非常開胃，仲會配埋油飯，呢餐非常滿足

呢間海南雞飯聽就聽得多啦！咁岩嚟到坑口行街，去咗個美食街就見到呢間啦。咁我就第一次食🤩我好開心，因為佢全部都係雞胸肉👍🏻👍🏻👍🏻👍🏻成日俾人話我雞胸邊好食㗎，但係我就覺得雞胸先係啖啖肉。靚嘅話就算係雞胸肉都唔會係好好食😋佢嘅雞肉數量都唔少㗎，我諗都有差唔多10嚿👍🏻一啖飯一啖雞簡直完美啊不過飯就唔係雞油飯😭😭有少少失望雞油飯先好食㗎嘛😭不過$45就算係咁啦🫣整體來講都幾好食嘅

我本來打算在星期一晚上，先在「將軍澳」「坑口」「TKO Gateway」街市旁邊的美食廣場裡面的泰國菜餐廳「水門泰式海南雞飯專門店」裡面，享用泰式水門海南雞飯作為晚餐裡面的雞肉食品。但是「水門泰式海南雞飯專門店」店舖有一點教我出乎意料之外，就是原來「水門泰式海南雞飯專門店」實際真面目，是沒有提供堂食服務，食客購買「水門泰式海南雞飯專門店」雞飯之後，無法在店內即場享用食品。於是我購買了一盒價錢港幣五十元，外賣自取的「唔正宗去骨海南雞飯」，還有價錢港幣六十五元，而且不是採用泰式紅咖喱汁、青咖喱汁或者泰式「馬沙文」黃咖喱汁，而是有少許辣味醬汁的「冬蔭功牛腩飯」。「水門泰式海南雞飯專門店」店舖採用開放式設計，廚房以無遮無掩的面目示人，所以店舖廚房製作食品的實際過程顯露無遺，就算食客舉手機拍照過程，也變得比預期來得容易辦到。「冬蔭功牛腩飯」實際製成品的實際過程，沒有我預期那般一早造好辣味慢煮「牛腩」，也沒有預期那麼一收到食客訂單，即使把「牛腩」倒進外賣飯盒裡面，而是需要再在廚房開爐，即場明火快炒「冬蔭功」湯跟「牛腩」。至於「唔正宗去骨海南雞飯」的製作過程，相對「冬蔭功牛腩飯」就簡單得多了，只需要

TKO gateway 嘅food spot又開左新店鋪，叫做《水門泰式海南雞飯專門店》，立即試試佢嘅招牌菜先。唔正宗去骨海南雞飯 $45打開飯盒，雞件份量都有5-6件，仲有1隻雞翼添！雞件啲雞皮都幾厚下，肉質還可以，口感紮實，唔算嫩滑，同埋冇咩味咁，要靠點醬汁食先夠味！配菜仲附上3片青瓜，都幾爽脆，增添口感。而米飯色澤帶點淡黃色，但食落亦覺得冇咩味道咁，同埋飯粒唔算分明，個人認為太濕，整體就係覺得差咁啲，普普通通

👧🏻👧🏻👧🏻👧🏻👧🏻好耐冇去呢個迷你熟食中心搵食同買外賣🤣本身心思思想食呢到之前由泰國人主理嘅泰國菜，點知去到發現執咗😭變咗另一間泰國菜外賣舖🤔橫掂本身都想食泰國菜，👧🏻就決定try try佢🤪✧✧✧✧✧✧✧✧✧✧✧✧✧✧✧✧✧✧✧✧ 1）泰國去骨海南雞髀飯 HK$60海南雞飯賣相一般，唔算好吸引🤔啲雞髀件都排得幾整齊😎份量都好大，但飯比較多，雞髀肉嘅份量就唔係好夠餸飯食🥲寧願貴少少都叫雞髀肉食🙊食落雞肉都好滑，雞皮都唔會太肥膩，但食耐到一半會覺得好乾🙈如果飯係跟配油飯會更好！😍賣相：🌕🌕🌗🌑🌑😋味道：🌕🌕🌗🌑🌑2）泰式蜜汁豬頸肉配煎蛋飯 HK$50至於呢個豬頸肉飯就令好鍾意食豬頸肉嘅👧🏻非常失望😭豬頸肉食落好淋，冇乜咬口🤔食落都冇乜燒烤嘅香味，味道偏寡😕仲要得幾塊豬頸肉，完全唔夠餸飯食🥲唯一可讚嘅，就係個煎蛋🤣煎得唔錯，中間嘅蛋黃仲係流心唔會好實好難食🙈😍賣相：🌕🌕🌑🌑🌑😋味道：🌕🌕🌑🌑🌑總括黎講，水門泰式海南雞飯專門店嘅水準都幾令人失望🥲份量雖然足夠，但似以飯多充場面，味道都好一般，可一不可再🥲✧✧✧✧✧✧✧✧✧✧✧✧✧✧✧✧✧✧✧✧ ✨整體評分✨（5分滿分！）🏠環境：🌕🌕🌕🌑🌑🤵

見到呢間鋪menu精簡所以試下外賣，叫左個海南雞併豬頸肉飯，打開已經滾滾地，所有雞都係雞胸黎嘅，一般賣海南雞都會每個部位配少少等佢有啲滑肉食下。雞味都有嘅但偏向似烚雞，但啲雞毛都未清潔好係完全不能接受，有好幾條黑毛，最慘係佢無俾醬汁所以食落好寡。豬頸肉亦都麻麻，雖然都有好幾片（應該係幾條）但非常幼，令到肉汁流失，飯質可以，都一粒粒但我已經忘記佢係白飯定油飯，可想而知都唔係特別吸引。如果無特別應該都唔會有下次。

用左十幾年OpenRice都冇諗過會寫食評 但今次真係離譜到頂唔順……….😵‍💫叫左個燒牛肉青木瓜沙律 舊牛肉好難咬開 但唔算係煮得好熟 咁只能夠講啲牛本身劣汁…然後到啲沙律 無論係香港定泰國當地食 我都未試過食青沙係有大陸芹菜🥲 大佬你落西芹都好少少丫 芹菜個味咁搶係完完全全同呢樣野唔會夾…陣味超怪 勁難食…..咁本身都已經係啲咁痴線既配搭 再黎就講下味道 成碟野 得一個字：辣。 無錯 係只有辣味 係冇咸味 、甜味 同最多聞落有啲酸味 講真我唔自己加返啲鹽落去我真心唔知自己係食緊啲咩….好喇到最後 我係外賣自取既 係鋪面完全冇告示 職員冇問 我亦冇任何表示情況下 佢竟然冇俾餐具我…….即係作為一間食肆 你點能夠假定你啲客人個個唔要餐具或者你唔提供餐具而又唔洗同客人講呢？😂好彩我咁岩有餐具係身 否則我咪只有用手指？🥲btw 咁出色既餐廳我食一次就夠喇 留返俾其他識貨之人食下啦🤤

之前放工來買竟然無雞賣，今日放假所以早啲去買，一去到舖頭見到陣容頂盛，鋪仔細細有8個員工係入面，大家都冇停過手默默做，外面d客源源不絕，老闆服務態度超好，找錢比單雙手奉上，令我有賓至如歸既感覺我買左一隻去骨海南雞，可以叫佢留骨比你，佢會用膠袋包起比你，可能因為無大盒，隻雞分左兩個盒裝，有4個醬汁比你，真係超好，平時邊有咁多醬汁，醬汁完全係海南雞既靈魂，如果無醬不如食白切雞啦隻雞真係皮薄肉嫩！！皮同肉之間仲有透明既啫喱，食雞唔洗吐骨啖啖肉超正，配埋個自家製醬汁好夾，推薦