永豐食坊

营业中

休息中

永豐食坊地址：屯門龍門路43號龍門居街市地下M66號舖今次試下永豐食坊嘅鮮蝦雲吞米線，估唔到一碗又食十粒❕仲要粒粒都大大粒❕啲皮又薄又滑❕啲蝦重超級大隻🦐🦐🦐有幾塊生菜墊底，湯底淡淡地幾好食唔會太濃，不過唔知係咪因為車仔麵店好少人叫米線，我覺得個米線淋咗啲，不過40蚊有成十粒大餛飩真係超抵食。同埋呢間鋪頭嘅老闆好nice，每次叫嘢食都見佢哋真係即整，另外佢嘅炸雲吞都係超好食，廿幾蚊加埋個甜酸醬。

忙碌咗一日，返到屋企到夜，連快餐店都唔做我生意，好彩仲有樓下麵食小店，9點幾都做生意，仲有幾個人排。係街市位生存咗幾年，之前都冇點特別食，本身對車仔麵唔係好大興趣。係阿媽推介下就一試愛上。配搭必選係粗麵+ 豬骨湯加辣+滷水豆腐。粗麵沾滿濃嘅豬骨湯，同滷水汁。$36蚊包三餸+ 紙包飲品，經濟又實惠。餸仲可以叫曬肉類，冇限制。今晚食豬扒+ 滷水豆腐+ 餃子。豬扒大大片，入味，唔嚡。 滷水豆腐有3舊，啲滷水汁出曬黎。餃子有4隻，全部自家製，有唔同味可以選擇。真係食餸都飽。另外，食咗咁多次，推薦招牌滷水拼盤，$40大大份，用齊曬雞翼、豆腐、紅腸，加餸一流。