永利清湯牛腩 (已結業)

從來吃過那麼難吃的清湯腩。基本上只有SO味冇牛味。其實一見到，就知道這碗東西不能吃。米粉粗糙，湯底唔清，室內環境將80年來都沒有裝修。其實夠膽什麼調味都不落的話，牛腩要有番咁上下水準。但這個牛腩.....只可以怪隻牛冇味... 因為成碗粉基本上係冇味嘅。牛腩大少差不多是切至1/3 隻手指尾大少。顏色偏粉紅。買相恐怖。10分失望。現正𨍭地方。搵其他東西吃。

本來想去堅地食好野，點知落錯車去左香港大學站，餓到腳仔都軟埋，求其搵間有野食既就算。付近黎講平均價都係50-60蚊，除非食老麥，咁孤寒既我就緊係搵間街坊一點平平地食左就算。牛腩粉面係不二之選！即睇45蚊牛腩飯，8蚊汽水飯上面有蔥有甜是油，撈埋黎食極野味！搶住飲個頭啖湯，原全拍得住成百蚊碗果d越式牛河既湯底，清得黎好味有層次，菜就都係果d個腩最精彩，彈牙得黎唔鞋，肥瘦適中，唔食肥野既我諗住咬走上面果少少肥，點知太好味，咬完之後唔捨得吐，食鬼埋，罪過罪過.....結論：店面係差少少，地方較up dup，但食物好地道，價錢都係街坊價，同場唔少街坊客都幾熱鬧

係宵夜時段加上選擇無多同埋都幾肚餓嘅情況下，呢間清湯腩都算係我會選擇同滿足到嘅。去到深夜時段，其實係香港大學站附近唔少店鋪都已經打烊，無奈出去夜左少少又肚餓，又唔想點諗食d咩，通常都不自覺咁就食呢間。其實果頭都有另一間食粉面飯嘅，一兩點先收。但兩間都食過就知道係永利嘅送係好食d，特別係牛腩。唔好嘅就係佢定價可能比其他貴左少少，環境衛生差，服務又怪怪地咁，但好多當地人都走去食，相信係唔少街坊心目中都已經樹立到一定嘅招牌。

呢到係港大學生宵夜嘅食堂🙈小妹有時夜晚餓都會落街整返碗🤤呢間清湯腩係西環人都會識架 我由舊舖食到新舖 清湯腩韮菜餃河粉 $35牛腩好爽口 雖然好多肥膏甘 但又唔會好油膩 三十鬆蚊一碗有成排牛腩俾你 舊舊都有甘上下分量 抵呀👍🏻韮菜餃都有四粒架 碗麵仲有啲西洋菜 食返啲菜 罪惡感都少啲😎

我一定要寫呢個直情係讚下老闆，佢實在太nice，非常之有愛心! 一眾街坊經過都不忘同佢打招呼，佢仲會請小朋友同狗仔食清湯腩烚菜同特登攞個水兜比行過嘅小狗，話天口慶要飲多啲水，唔好中暑！每一個行過嘅都係佢嘅朋友大學生街坊小朋友小狗。至於食物方面，當然係有質素啦，清湯腩林得來有好香甜，連咖喱飯都唔錯，樣樣野都想食，叫咗個小食：生腸，唔錯！值得再去，因為老店食物好有質素而且老闆和諧可親。

淸湯腩河$33。大碗，入口即化牛腩，菜心，夠味，頂肚。上次吃是一個月前，之后念念不忘。前日在尖沙咀吃了又贵又硬的牛腩，决定吃回头草。没有失望。同上次一样，有一枱長者在玩啤，非常有気分。当然，老店就是不太衛生，平𧡘正，仍然有好多粉丝，我是其中之一。

店舗名にある肉かけご飯をいただきました。台湾のルーロー飯のような味付けで、お肉たっぷり！とても美味しいです。近くに有ったら絶対通っちゃいます。ただし店内は慣れないとちょっと入りにくい。

今晚嚟咗西環永利清湯腩食牛腩麵，一踏入鋪頭已聞到一陣「羶」味，見到鋪頭除咗牛麵外，原來仲有燒味，所以我都分不清這羶味是來自牛還是家禽。一坐下才發現鋪頭「一鋪男人」，包括廚子、店員和食客，作為一個女食客，我的出現顯得有點「特別」，侍應叔叔雖然粗獷但很有禮貌。坐下來後點了一碗牛腩麵，廚子煮麵速度很快，五分鐘已將熱騰騰的麵端上。麵的份量屬正常，但男生可能會不夠飽，怪不得其他食客都是叫客飯為主。講返食物方面，整體感覺平均，不特別好吃，但也絕不難食，麵彈牙，牛腩淋有肉味，湯底清。不過我到鄰座的哥叫了叉燒切雞飯，賣相好像更吸引，半肥瘦而且很足料，建議大家不一定像我那樣傻吃招牌菜，燒味也可考慮一試。

住了多年西環第一次食永利清湯牛腩，確實值得推介，價錢也大眾化，味道一流，服務態度很好.清湯牛腩米粉 $32牛腩是有咬口的那種，份量有大約8-9 件，是切粒的，清湯也很好味，米粉軟硬適中，仲有青菜跟上，可以加$1 清湯另外碗裝.鴨肶 $35因為我選咗碗清湯牛腩米粉，所以問可不可以只要鴨肶，仲可以自己擇要邊件，阿叔仲叫我選件大隻D，非常好味，可以跟飯或是湯粉$40清湯青菜 $13份量也不少，青菜都好有牛腩湯的味道。

最鍾意上堂前去食個燒鴨瀨粉填肚，雖然永利出名清湯腩，但係佢的燒鴨瀨粉一樣咁好食，依家好少地方有瀨粉食啦，仲要賣緊三十幾蚊一碗粉麵，真係買少見少，我最近幾次食佢都會切燒鴨脾比我，再加埋一喳蔥花，成碗粉超香超好食唯一係少坐位，間中有烏蠅飛黎飛去不過值得一試！

嚟開呢頭，想喺出發前食中式食物，於是食吓清湯腩啦！環境好local，不過尚算乾淨清湯腩河粉 ($32)原來呢度冇牛筋，咁就叫個清湯腩試吓啦！咁得意嘅，唔係一片片咁樣，而係一小舊一小舊咁㗎喎，鋪滿哂成個碗面。牛腩帶少少肥肉及筋位，有牛香又唔韌之餘仲好有口感，起碼食完之後唔使不斷咁撩牙！叉燒燒鴨例 ($60)同大口仔唔夠食嘅關係，加多個燒味食吓！燒鴨肥瘦適中，皮下有少少脂肪，肉質軟嫩；不過叉燒就爭啲了，似一片片瘦肉多啲，冇乜燒烤嘅味道，又冇烤過嘅口感大口仔嘅咖喱牛腩飯都非常重口味，啱晒佢啦

偶然路過這個小店，點了一碗清湯牛腩粉，只要三十幾蚊，味道卻好到無法形容，而且份量非常足。牛腩帶少少肥肉，但是完全不膩，入口即溶，回味無窮，如果不是因為吃太飽，真想再來一碗！

清湯腩($32)清湯腩一大碗，牛腩半肥瘦好滋味😍，而且牛腩比到好似唔洗錢咁，保守估計有成十幾舊😱，湯底清得黎好有牛味，抵食！-蘿白($12)蘿白又係一大碗，煮得超淋，咬落冇渣清甜，而且成碗都係咁冇失手。-咖喱牛腩飯($42)試埋啲重口味野，個飯叫左少飯都係超大碟😱，牛腩照樣超級多！咖喱偏日式甜口，司令就比較喜歡辣少少既，不過咁既價錢咁既份量，冇咩好講啦！😂

西環最強清湯腩🤓牛腩入口溶😍都好多腩唔會得三四舊👍🏼大滿足.重點係$32碗😛 比起其他食牛腩鋪真係好好多.佢晚市仲有凁蟹食.行開西環要try try👍🏼