永利清湯腩 (京瑞廣場1期)

营业中

休息中

冇記錯京瑞廣場開張冇幾耐，永利就開業，不過一直都冇幫襯過，以前多數去丸記，因為除咗牛腩仲有海南雞食😋😋前排食咗一次，味道正正常常，今日過開嚟買嘢，又再幫襯。上次食咖哩牛腩飯，今次就食牛筋米，同上次感覺一樣，普普通通唔太差，精彩就唔算喇！可能午餐時間人多又逼，又食到趕頭趕命⋯⋯其實冇人催我，不過有幾位靚女等緊我張枱，搞到我唔好意思慢慢嘆，影響咗成個感覺。雖然咁鬼旺，不過樓面位姐姐都keep住好好禮貌，「唔該晒」「多謝晒」「麻煩等等」，找錢仲帶住笑容講多謝，呢樣香港冇乜幾多間餐廳做得到！是日消費：牛筋米$55 配凍檸茶+$5 共$60

路過本身行番屋企，咁見有爽腩咪買來試下，打開個盒，面有幾舊都叫做係咁上下丫，旦一到下一層同最底果層，真係呃人呃成咁（見圖），又癡牙又韌，完全唔掂，佢蘿蔔煮得太過淋，而且細舊。講番轉頭佢果位姐姐好有禮貌🫰🏼👍🏻，單單講姐姐真係要讚，可惜$148比d咁既野人真係😤😤😤😤😤😡😠🤬，餐具冇問又冇比，想去既試下其他，爽腩就真係👎🏼

今日嚟到石門諗住平平哋食個牛腩河 點知原來清湯腩而家都要去到$80🌟清湯坑腩飯+生灼生菜+凍檸茶 🌟咖喱牛腩飯🌟清湯坑腩飯+生灼生菜+凍檸茶 $75～佢個清湯比想像中更加清牛腩普通好食唔係特別腍 反而跟機嘅蘿蔔好甜冇渣絕對係好食到可以單叫嘅程度！！！個套餐包咗一個菜 可以揀 生菜 菜心 通菜嗰啲🌟咖喱牛腩飯本身望住餐廳張圖以為係馬來西亞咖喱，即係上面會有辣油同埋香料味好重嗰隻🤓點知出到嚟係又加椰奶嘅咖喱，仲要食落去甜甜地好似有忌廉粟米味咁樣 但係食多兩啖，你又會feel到佢有少少辣呢個係普通牛腩 唔係太好食，呢個價錢絕對有其他Option可以揀😇如果石門嚟講呢個價錢 其實可以食到更加特別或者更加好味嘅嘢食😶‍🌫️所以今次有少少失望

幾年前食過呢間清湯腩覺得係個人食過既清湯腩中最好食既，之後都間唔時會黎食下。之前食普通腩都已經覺得佢啲肉好腍，今次嗌左坑腩同爽腩更加好味，尤其坑腩啲油脂有入口即溶既感覺。之前食過同一條街隔離果間清湯腩，相比之下呢間既肉真係出色好多。不過有少少失望既係今次個湯好似比平時淡，頭幾次黎食既時候我係飲哂個湯既，但今次個湯冇咩味要落辣油打救。每次黎見到佢啲咖哩腩同小食都好想試，但清湯腩實在太出色所以都係忍唔住嗌番清湯腩。

不想吃飯的中午，首先會想到的替代品，就是吃麵。在石門，數下數下，有四間半可以食粉麵的店鋪，而且有好幾間都是主打牛腩麵的。那天，又是想起要吃麵的一天，而我又有心情想去去試下一些好耐冇食過的店。於是，我來到了《永利清湯腩》，食一碗清湯牛腩麵。要的，就是牛腩雲吞麵，做得好的清湯牛腩，同樣是味道濃郁芳香的。這店的牛腩夠香，但口感是比較爽的，有掛齒的那一種感覺。亦因為咁，需要用多一點牙力去消滅他。雲吞算得上是香口之作。整體的味道，是令人滿意的。跟麵餐，我選擇了奶茶。味道雖然夠濃，但欠了幾份的香滑。相信一定要同店方說 "多奶"，這奶茶才會好飲。感覺一般啦。肚餓，卻不想食飯，又不想排隊的話，這兒可以。

人生未食過啲咁難食嘅野。牛腩仲衰過我隻狗食嘅肉乾。唔知係咪狗食嘅嘢好貴，俾得三粒我。然後佢收我$61蚊，冇嘢飲。佢恕我自己低能，晚市得兩個人。我都仲要入去。食完呢餐令我回想起中學，陽光午餐嘅味道。真係狗也不要。如果係100分裏面，我只會比俾5分佢。個5分係俾外賣盒，因為佢用咗我最鍾意嘅黑色。呢邊留言應該唔會留得好耐，隔離兩間牛腩食過晒。我諗隔離嗰兩間廚師用隻腳煮都好過佢。真心，唔好入去。$61買個燥字！！！！！

本身諗住食隔離間點心，但見到清湯腩好吸引 淨食178一碟就入左去，點知就中左伏入到去見隔離碟牛腕本身都覺得都唔多精神爽腩同坑腩各點左一份，驚佢牛腩唔太得所以叫多份雲吞最終黎到啲腩碎濕濕，完全睇唔出係同一塊切出黎，根本就係邊角料係咁以執埋一碟，無舊完整 （72$一碟飯＋1份羅白)杯茶淡到好似沖左2個星期咁，成碟飯都無心機食咁大個仔未食過咁差既牛腩，仲要打清湯腩招牌希望唔好比遊客食到，比左個錯覺人地原來香港既清湯腩係咁既質素

啲河粉未熟湯底冇味唔知做乜嘢成碗粉就係粒雲吞最正常，成碗粉就係食咗一啖粉，食晒啲雲吞到咗！一定唔會再叫超級失望食過咁多沙田嘅粉面店最差一間衰過人哋街市嗰啲！真係黐孖筋

午飯時間，$64 清湯腩飯加凍飲。牛腩連湯渣都不如，又鞋又硬，份量又少，唔多過六舊。凍飲係細杯，已好少見算到盡。好多以清湯腩做招牌既，都係名過於實，除非你係熟客或者係蔡瀾同阿蘇。態度都好似其他食評一樣，入去幫襯真係自己攞嚟賤。如果食咖喱牛腩，不如入去大快活大家樂，起碼可以加汁加飯。

第一次嚟食，有期望，不過當收銀員會掉張單係你枱面，係掉，唔係放，轉頭就闕你有冇嘢再叫，好急咁想你埋單，咁就知麻麻哋，食物比預期差，牛腩係硬同細件，湯底有中藥味🤮不敢亦不會再去，好失望

態度差到冇人有，本人本身無用開open rice 負評都特登申請嚟留一留負評首先入去想落單個女人收緊錢叫我自己同廚房講我問牛腩飯個咖喱汁有冇得另上因為我夜晚唔想食咁濃同咁辣佢話一係要清湯！一係就咖喱！我話要咖喱，但少汁佢話「無個wor!」好晦氣咁指返我同收銀員講之後個收銀兼落單個女人埋黎又話無我話咁要清湯，但係加少少咖喱汁得唔得？佢又話無係咁催我要咖喱定要清湯結果我嗌咖喱，諗住自己整走d汁碟飯出到黎真係太辣食唔到一啖就成碟無食埋單我再問，佢先轉口話可以嗌清湯另加少少咖喱汁，要加12蚊，即係我想要少汁就要差唔多7十幾80一碟飯。都無所謂，我問咁點解頭先無，可能太難答佢西哂面可能間嘢開得夜，啲人冇選擇先死死地氣去食佢就係睇死你哋班人反正都要幫襯唯有去即時去第間再食過，點知第二間我話少汁佢只係講咗句「好嘅😊」

永遠不再幫襯。叫左清湯腩河，啲牛腩，唔係一舊，係舊舊都乾，唔講以為拎左啲牛肉煲湯，唔係，仲乾過煲湯豬肉。咁既質素賣54蚊真係嬲到震，唔知呢間嘢仲存在到幾耐，但希望唔好再有人中伏，故特意留負評。曾經幫襯西環街坊牛腩麵，每晚好夜放工，10次都有四五次會買，次次質素都能維持，難道買一碗好的牛腩麵也難道如此高，這樣的商店竟然能存在石門人流暢旺的一個商場，而其他小店就不能生存，我真的感到十分不開心。希望大家支持煮得好吃的餐廳。

下午茶時段路過，見店外寫住用新鮮牛腩製作，便入內試一試。點了爽腩河加一杯凍檸茶（$58），等了數分鐘後，店員把河粉放在桌上，湯上佈滿油脂，我心想難度因為是用新鮮牛腩所以有那麼多油脂？這與我在其他粉麵店所食的不同，牛腩份量極少又碎濕濕，大部份是肥膏黐住細細塊的筋膜，忍不住向店員反映，店員說爽腩就是這樣！！我坦白向店員說：「對你們的牛腩河好失望。」另外凍檸茶是沒有茶味的。今次唯一可讚之處是店內冷氣很涼快，或許因為只有2、3枱人客吧⋯⋯

諗住清清地，唔食咁多嘢，公司近近地食完去行山。於是就叫左個貢丸雲呑麵，加個腐乳通菜，同個凍檸茶。可能係之前食過啲好味嘅麵舖，對麵嘅要求高左。所以食麵前先試下個湯，點知湯底淡嘅😵，雲呑又細粒，再食埋粒貢丸，知道中伏，竟然最差係貢丸，自己街市買嘅貢丸起碼肉丸係香嫩，爽，好香肉味，但呢度食到嘅所謂貢丸，一咬落去，🤨點解同個湯底一樣都係咁淡嘅？仲有就係，一粒丸都覺得佢嚡，以為係煲湯肉整嘅肉丸😵😵。店名叫清湯腩，可能呢個就係原因啦🤣。

今天刚好来石门办点事，办完了后，想随便吃一口，反正石门的美食不少。很多店我也在以前试过了，也是感到满意的，也从来不写食评，感觉麻烦。今次写食评，也只是我的第一次，要写二百字才可以刊登，我也差一点点，便想放弃，但我到最后，还是坚持了。牛坑腩质量原来可以这样差，幸好份量也真心的很少，不然也一定剩下的。然后，再叫了一碟油菜心，也非常差，碎碎小小的，份量也少。所以一定要写这食评，提醒自己，记得今天，不要再来。