永利餐室

营业中

休息中

好多唔同嘅說法，有啲話唔可以唔食早餐，有啲又話其實唔食早餐先可以減肥，又有啲話其實係心癮，咩168斷食，其實可以skip咗早餐又或者早餐淨係飲杯齋啡☕️諗諗吓其實我都真係冇試過唔食早餐，唔食午餐反而試過😅咁事實上係心癮嚟嘅，習慣咗唔食就唔使食㗎啦，不過對我嚟講食早餐就係唯一一樣推動返工嘅力量。我又唔會食得好Heavy嘅，只係循例食個包飲杯咖啡或者奶茶，所以來來去去都係嗰幾笪地方買早餐！邊度性價比高咪去邊度囉！呢間就係其中一間，亦都係我最常去嘅一間，性價比高呀嘛。近期都費事諗，食慣咗蛋牛治就蛋牛治啦（外賣都係唔好烘底，嘥咗）今日落order嘅時候，明明叫佢滑蛋，佢都費事理我結果就變成咁囉🙁好彩佢個鹹牛肉唔知點解煎到脆脆哋又幾好食喎，當然呢個係睇彩數啦，冇咗個滑蛋嚟咗脆脆牛肉。唔知會唔會有一日食到厭咗呢？

呢間就係我話返工經常幫襯嘅早餐店, 無意中發現附近其實質素差唔多嘅餐廳，呢間係最平嘅 雙拼三文治加嘢飲$23多士餐$20 因為我主要都係嗌呢兩樣嘢食，早餐又唔想食得太Heavy ，不過有陣時拎外賣見到人哋食麵餐，其實都心思思㗎！記得有一次真係忍唔住，見到同事食嗰個雞翼丁米，佢講到雞翼好好味，連個五香肉丁都特別好味，我都忍唔住試咗一次，係唔錯嘅！當間唔中獎勵吓自己啦。不過都係堂食比較好啲。間唔中我會叫佢炒蛋要嫩滑嘅蛋 （生啲）呢排冇叫又回復原狀，下次都係叫返先同埋呢排唔知點解想要買烘底，因為其實就咁麵包隔夜好似爭咗啲，好似烘底好食啲喎，但係其實我外賣攞到返公司再焗一焗烘左底都冇用啦，仲要加一蚊，自欺欺人 下次記得叫返蛋牛治要嫩蛋🤪😙

今天做嘢很辛苦，想食飽啲所以去了這間茶餐廳。見下午茶時段兩點後竟然有特價，只是$40，有多種選擇，包括豉椒牛河、黑椒牛肉炒意粉、豬扒公仔麵、星洲炒米，連飯類都有很多種，例如滑蛋牛肉飯、芙蓉蛋飯等。本來想叫乾炒牛河，但侍應說牛肉賣完，便提議改叉燒。我覺得也是一個不錯的選擇，叉燒送來沒有令人失望，很多叉燒，而且炒得有鑊氣，河粉炒得剛剛好，不會過碎，調味正常，做得不錯。楊州炒飯看似易做但也不是每一間餐廳都能做得好，這間茶餐廳的炒飯夠鑊氣，材料多，有蝦又有叉燒，質素可媲美大酒樓。下午茶時段奉送熱飲，凍飲汽水加$2，特飲加$5，比午餐時後便宜不少，而且下午茶的份量也不少，性價比高。最特別的是這間餐廳的下午茶也有例湯，當日是木瓜湯，十分滋潤，質素比平常的例湯好，算是有驚喜。