16
2
5
| 餐厅: | 永年士多 (奧海城二期) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
之前經常路過見到好多地方都有分店，今日嚟試下😎😎牛筋腩撈麵🍜🍜嗰麵爽滑彈牙，份量超足。牛筋煮嘚火候十足軟腍程度啱啱好，咬落有韌勁又唔會太費牙力。牛腩補分更係精華所在，肥瘦比例完美入口即化，每一啖都令人幸福感爆棚。超足料大碗麵🦑🦑真係巨多料大碗麵!!嗰碗捧上手沉甸甸，裡面有豬腸/豬紅/魚蛋/豬皮/雞中翅/雞翅尖/蘿蔔/魷魚/紅腸，一筷子麵夾起身總會帶住唔同嘅料，肉中有麵，麵中有肉。墨魚丸紫菜湯🐠🐠簡簡單單嘅湯都令人驚喜，湯底清甜，墨魚丸彈性十足，咬落去會"卜卜"聲，而且墨魚味濃郁睇嘚出真材實料。紫菜嘅加入，微微嘅海鮮味襯托出墨魚丸嘅鮮美，好解膩。
继续阅读
喜歡吃車仔麵的我一定唔會錯過這間超出名的車仔麵店，原來在奧海城2期開了新店，最近去奧海城行街，順便去試試。原來餐廳開在美食廣場內的檔位，對正入口，雖然地方很大，有很多店鋪，但永年士多自成一角，有專屬永年位置，超方便搵位。客人用自己手機點餐和付款後，再等號數拿餐，拿餐後自己搵位坐，客人可以根據自己的口味選擇不同的配料。我們分別點了兩份自選餸麵豬皮份量好多，吸收了湯底腩汁，口感入味爽口。豬腸內沒有厚厚脂肪，處理得非常乾淨，沒有那豬騷味，食落口感腍滑軟身。豬紅亦值得推介，豬紅唔太鹹無血腥味，外爽內腍超入味，好食。豬腸、豬紅真係食車仔麵先會食到，雖然邪惡，但真係好味。牛筋煮得軟糯有口感，嚼勁十足，又富骨膠原，相當滋味。再試埋個酸齋，酸齊比較特別，煮得入味，口感軟綿，濕潤多汁，酸酸甜甜好開胃，唔係間間車仔麵都有呢款餸叫。油麵做得非常出色，份量多，面條彈牙有咬口，沒有煮過火，煮至軟硬適中，入口依然有口感。每一口車仔麵都充滿了濃郁的鮮味，湯底通常是經過長時間熬煮，味道醇厚，配上彈牙的麵條，使人食到停不了。總結：車仔麵無論是作為宵夜還是正餐，都能帶來一種滿足感。無論你是本地人還是遊客，嘗試一碗車仔麵絕對是不容錯過的美食體驗。
继续阅读
其實呢間永年士多，聽就聽得多啦，但係就遲遲都未入過去食今次食過之後，真係有啲後悔自己做咩唔早啲去食呀，原來係咁撚好食㗎😍😋叫左個豬大腸牛腩炸魚皮河粉豬大腸真係要讚一下，入面清理得好乾淨之餘仲有得比客人揀瘦或是肥嘅大腸😚真係啱晒一啲想減肥嘅女仔去食之餘，減低自己嘅罪惡感啊😚😚個牛腩好入味之餘，仲要炆得好腍呀，勁好食呀個牛腩！個炸魚皮真係唔讚唔得，我真係未食過一個炸魚皮係咁好食㗎😱真係令我有種念念不忘嘅感覺，唔知有冇得單買返屋企嘅呢，最衰嗰日又唔記得問吓🙂↔️總括而言，呢間真係一間好好食嘅車仔麵，下次會再試吓其他嘅餸，再分享🙂↕️
继续阅读
附近無其他車仔面選擇，自少好車仔面嘅我，當初知道佢係屋企附近開店，初心是頗興奮嘅。初顧永年係weekend晚上八點到，見佢有手機落單，就自己落咗單比埋錢，係舖頭門口耐心等待。如是者見佢無人整麵，但不停哋執嘢，倒車仔餸。一路清，一路吹。連廚房個位都走埋出嚟一臉攸閒地吹水。點解有單未做，就咁快執嘢倒餸嘅？ 商場收十點, food court last order都應該要9:30。咁快執嘢諗住等到收工。等咗十分鐘都見佢自顧自倒餸、清潔，就埋佢問佢啦。佢竟然不滿地話佢無單未清，我提佢係手機落單比錢。佢先突然驚醒夢中人，走去單機搵返我張單。繼續慢條斯理地一路傾一路整，至上餐時仍然一句唔好意思都無。食物質素麻麻，到晚市豬皮都係硬嘅，全部餸都係同一個味，就算鹵水嘢都無鹵水味，咖喱亦無咖喱味。二顧永年晚上八點前到。今次無開始清場倒餸，但係繼續黑口黑面，鬧客。有客埋嚟話佢碗麵係清湯，比佢哋落咗麻辣汁食唔到，叫佢哋比碗清湯溝稀佢。佢無道歉不特只，仲鬧返個客，話都唔知係咪真係有幫襯嘅，然後見個客繼續企係度先拎碗湯比佢。到我自己個碗，竟然都係一樣。手機落單嘅咖喱汁變咗麻辣湯。為免再被漏單就叫收銀落單，收銀一嘢片埋嚟唔肯，仲叫我用手機比埋錢，唔好煩佢。之後再有客人要求佢哋落單，佢哋猛話只可手機落。以前開咗咁耐都可人手落單，而家竟然拒絕仲話返個客轉頭。咁個收銀企係銀機做咩呢？全職鬧客？三顧係平日中午前時間，我唔想同佢嘈，自己手機落單算，落單時同佢講要食瘦豬腸，叫佢幫手提醒。差不多八十蚊碗車仔麵，終於豬腸完全係肚滿腸肥，肥膏多到漏出嚟。加上明顯開舖時都未煮夠時間，係咬唔開嘅。魚蛋同紅腸明顯係冰箱直出，完全未解凍。滿滿雪味不特止，中間位仲要唔熱嘅。紅腸成舊腸尾唔切開，連尾個節位都無切走。成舊腸完全咬唔開。魷魚我估佢係同魚蛋同紅腸一齊淥，所以嚴重overcook, 所以都係韌到咬唔開。終於成碗麵，真心放得落肚嘅只係公仔麵。但話晒成八十蚊碗加上決心唔再幫襯，我都勉強食晒佢。三顧後回顧，舖位開得咁靚，對正入口，仲有自家用餐區。老細應該比咗好多錢租呢個位。而人手充裕都難以想像，基本上淨櫃位未計廚房手都有四五個人，企滿晒個counter。成個food court佢哋最多人招呼客人。老細原意應該想分工細緻啲、出餐質量好啲，快手啲。點知花咁多資源，造就出嚟嘅係員工掛住傾計，唔專心，手機落單應可減少出錯，但都永遠有嘢錯，出餐慢，出錯嘢仲鬧客。我本人應該永不回頭幫襯啦、寧願行遠啲去大角嘴大把選擇，又平又高質
继续阅读
唔知佢什麼出名，我吃了蝦子撈牛筋腩麵，吃不出蝦子味，但每啖也是苦味，牛筋牛腩一半軟身，終於忍不住要去投訴，要求換過碗，但換河粉要加$，只好換碗湯幼麵，但湯底太咸，可以令人感到口渴五小時。另外三豬麵正常，奶茶普通。
继续阅读