永康甜品店

营业中

休息中

好啦，今次同friend link去嗰間鋪，啲野簡直係好過講！首輑嗌咗一碗豬骨湯麵，湯底真係夠哂香濃，啲骨髓都係咁飄香，面條Q彈得嚟唔會爛笠，即刻覺得開心哂😋！再試咗個牛肉多士，啲牛肉片滑溜溜，一啖咬落㗎㖭嗰啲港式麻油醬汁真係足晒味，多士炸到金黃酥脆，正喎！食完仲有個豆腐花，啲花腦香滑，糖水甜度啱啱好，唔會膩口，完美收場。食物之外，佢哋嘅服務仲好貼心，環境雖然唔算高級，但潔淨舒服，真係一個好去處，下次仲要再嚟！🥢🥣👍🏻

香港仔有間歷史悠久甜品店，由細食到大，去親香港仔都會買，今日又去香港仔。腐竹糖水甜度適中，加雞蛋一齊食，非常美味。紅棗淮山玉竹糖水味道清甜，材料十足。桑寄生蓮子茶大大碗，濃烈桑寄生味。

店舖門面都睇得出有返咁上下歷史，係舊式既糖水店。入面賣既都係比較傳統既中式糖水，但細看用料都係好有營養，感覺都係養生健康既糖水，頓時覺得無咁邪惡😇而且店舖只賣熱糖水，不設凍糖水😊超級養生❤💟紅棗圓肉百合蓮子淮山玉竹糖水$23聽個名咁長都知入面有幾多材料啦😂本身入到黎都未簡到食邊款，老闆娘就介紹我食呢個，話好岩女仔🙍‍♀️食，睇d材料都知好補😚食落甜度覺得岩岩好，而且入面真係幾多料下，有野食下，唔係得個糖水底架😆💟蓮子紅豆沙$18(配雞蛋+$3)紅豆沙食落煮得幾夠火候，食落有沙既感覺，容易入口，配埋蓮子，養生feel up！💟啫喱$8見到有街坊入黎買左三個，所以心思思買左個外賣試下，配埋花奶食，都幾有兒時回憶👧有三隻色三個口味架～❣感覺就係雖然店面小小，但除左糖水外，原來仲有龜苓膏、廿四味、感冒茶、火麻仁賣。糖水有分堂食同外賣價，外賣一般貴2蚊左右，大約都只係$20蚊一碗，而且幾足料👍

既然上一篇都講咗香港嘅懷舊糖水，呢度都好想分享另外一間係南區嘅小店。呢間舖頭係我細細個嗰陣就已經有㗎啦，不過一直都冇去留意佢，反而係最近呢三四年先至第一次食！呢一間舖頭嘅裝潢係好舊式嘅，係一間好細間嘅舖頭，佢會有個膠牌寫住佢今日有嘅糖水或者涼茶，都好有懷舊嘅氣息㗎！佢有好多唔同嘅懷舊糖水，例如麥米粥，紅豆沙綠豆沙，白果腐竹糖水，同埋桑寄生蛋茶，不過有更加多嘅人會選擇Order自己嘅口味，將唔同嘅糖水Mix埋一齊！今次我哋嗌左紅豆沙Mix麥米粥同埋我最鍾意嘅桑寄生蛋茶，味道依然係好香好綿，而且亦唔會太甜，大家如果有興趣嘅話都可以等疫情好返嗰陣去試吓㗎！P.S 龜苓膏同埋涼茶我都好推薦㗎！

這家排檔式的糖水舖，存在了多個年頭。三里涼風吹冷月半碗豆沙拌蛋香賣桑寄生、腐竹蛋…等常見糖水，價錢合理；味道亦佳，就這樣，迎來了坊眾。怕刷不完的鍋碗瓢盤；怕排不走的油煙熏味，我放棄了自家操作，來幫襯你。無謂算計你的成本和利潤，只知這十多年來，永康沒有裝潢、擴充、搬進光鮮的商場裡去，這蠅頭小利，叫你疲於奔命；起早貪黑。糖水當然是杠杠的，老街坊的舌尖，哪可不是一般的靈敏度呀！今晚我想吃碗花生麥米粥。份量不大，卻多多花生多多麥米。花生很焾，不用牙齒咬破便已在口中爛透，溢出滿嘴的花生香；麥米一粒粒的很有口感，也帶著少許嚼勁。粥有點甜，而我就像是個剛割了蜜的農民，收穫了糖。舀了幾口粥便吃完，尋思當年通頂為你寫的詩篇及recipe ，蛋糕吃撐了，踢拖喝糖水。西貢太遠，而汽油錢又…今晚我仍然踢拖，月影疏落，麥米粥的味兒真不錯。

有阿婆入內幫襯，店內疑似老板娘的女人竟然鬧人，話阿婆入鋪畤拉住門口的膠簾 整爛佢d嘢而且買外賣的膠碗比鋪內食的少好多👎以為多人買佢既糖水就不可一世 亦無奈冇競爭對手而口沒摭橌

而家傳統中式甜點店真係買小見小，入面仲有涼茶賣添，次次經過都滿座，睇得出非常受街坊歡迎。今次剛剛食完晚飯路過，當然要買碗糖水返屋企一路食一路睇電視啦！紅豆+花生麥米粥（$19）甜味適中，紅豆沙煲得夠爛，花生麥米粥好多料，花生好大粒又煲到好淋，麥米好有口感，加埋紅豆，有3種口感，好豐富喔！腐竹雞蛋（$19）煲到d腐竹爛曬，個糖水好滑，仲有原隻雞蛋添！好味道！2碗糖水價格都好便宜，非常抵食。仲要讚一讚落完單唔洗2分鐘就整好好快呢！

夜晚做完gym，女朋友剛剛好放工。女友有少少餓，返屋企之前黎左喱間糖水鋪食啲野先回家。喱間鋪啲糖水，夜少少黎好多都賣晒。今晚淨係得返桑寄生同花生麥米。女友至愛喱度嘅花生麥米，好足料，又香又濃。我本身幾鐘意佢地嘅清保涼，但係賣晒要左個桑寄生茶，未試過想試下！結果都幾好味，清清地唔會太甜。坐底一路食，事頭婆又坐底一齊食，一路睇新聞一路一齊吹下水，吹吹下又有其他街坊搭下咀。係喱個咁冷清嘅世界，好難得有咁有人情味嘅畫面。三十幾蚊，食到嘅除左係兩碗好味嘅舊式街坊糖水，仲有珍貴嘅街坊人情味。（想食記得早啲去，十點島啲糖水就開始沽清）

以前一向都食開這間糖水鋪，但最近返學忙都冇時間⋯今日見冇嘢做，一於去食下，補補身～同以前一樣，叫左腐竹白果糖水。糖水飲落有少少黏囗，證明煮得夠長，夠火候👍🏻而且又唔太甜，又滑，又香，一個字「正」😊唯一差左就係白果同薏米少左D⋯但是比起個D集團式糖水店來講，真是好食多多聲！另外都特別推介佢地既芝麻糊同紅豆溝綠豆糖水，絕對唔係開粉，而且好濃好足料。同埋要留意佢地冇凍糖水賣！！！凍既只有啫哩同芒果布丁。

食完壽司，去車站途中經過呢間中式糖水店，而家只做中式糖水，唔夾賣水果式糖水嘅糖水店好少了，門面白底紅字，店內比較簡陋，摺枱摺櫈！加牆上手寫餐牌！肥髀揀雪櫃嘅甜品，我揀中式嘅！清保涼在糖水店比較少見！揀好店員阿姐即刻包好！清保涼（$19）可惜比肥髀失手跌爆咗個盒，返到家才倒落碗，材料似煲湯料，紅棗花生龍眼肉，似甜湯！足料夠味！唔會太甜！好正氣！馬豆榚（$7）軟滑，唔太甜，不過馬豆唔夠多，無乜咬口！希望呢類糖水店可以保存！

店名:永康甜品店地址:香港仔香港仔大道171號金豐大廈地下K-L舖(東勝道入)好味指數:7.3/10價錢：$13花生麥米粥香港仔沒有幾間中式糖水店，通常一想到的就是這間。這家的糖水只供應熱食，而凍的就只有啫喱，糕類和涼茶的，這裡的雞骨草也是非常有名的。花生麥米粥份量就如一個飯碗大小，熱燙燙的，味道就是綠豆沙加花生味道，麥米味道有點像薏米，感覺很滋潤。

在三十二度高溫下，在熟食街市吃完熱騰騰的蛋腸米線，縱然肚子已填滿了四分三，也還是有吃甜品的意欲，透心涼 ！一時想不起香港仔那裡有吃甜品的，亂走之下，發現這一間小小的糖水店。想吃一碗冰涼而不太甜的芝麻糊，老板說糖水全部只售熱的，除了龜苓膏有凍的。於是當下就點了一碗凍龜苓膏。在雪櫃裡拿出來的龜苓膏，不太凍，只可說不熱；吃下一口，甘甜的味道就出來了，留在口腔裡久久末散。於是又下了些糖漿，因為不太吃苦，無謂讓吃甜品這麼幸福的動作變成 ''吃苦'' 吧！同行朋友吃得面型扭曲，哈哈，大家都不吃得苦。我試了一個奇怪的食法，看到台上除了有糖漿，還有黃糖，吃豆腐花的時候最喜歡下黃糖了～喜歡吃到粒粒的東西於是隨即將一小匙黃糖撒落深黑色的龜苓膏上，好有趣的口感　　滑溜的龜苓膏加入粒粒黃糖，我喜歡！怕苦的人可以試一下～但怕肥的人就考慮考慮了！這間甜品店好像都做街坊生意比較多，坐下來的十多分鐘裡面，很多食客像是店主的親友一樣有說有笑，感覺親切，氣氛和諧。這天也沒遇到大家所說的惡老板娘，只見老板和一個大概是他親戚的婆婆作招待，禮貌也不錯的！好笑的是 讓我想起小時候 媽媽總愛說： 苦的吃下去才有用！加了糖就等於沒

十一月上旬．晴想吃點甜食，走在東勝道，見也未試過這間甜品店，就來吃碗白果腐竹糖水。糖水是奶白色的，煲得腐竹也全溶掉，幾夠火侯。味道是非常香的腐竹味，不太甜，不錯。見內裡有幾顆銀杏，煲得腍到散散的，一點不軟糯。而糖水內也沒有銀杏的味道，幾難令人相信是一同煲起的。堂食11元，不貴，吃完混身暖和，行出店外，正好翻起北風，感覺不錯。

晚上和女友到附近買甜品，結果來了這兒買糖水，這兒店子小小的，但也多款的糖水，有龜苓膏、涼茶、布丁及各式糖水，總之一應俱全。今晚我倆點了紅豆沙溝綠豆沙、淨綠豆沙及腐竹雞蛋糖水。先談紅豆沙溝綠豆沙，此處也像外邊很多的糖水店一樣，也有溝糖水這玩意兒，今回點紅點綠，一口吃起來，已吃到海帶的存在，而紅豆及綠豆的比例應該是剛好一半的，但好像兩者都不是很沙似的，似乎是未足料的紅豆沙溝綠豆沙也，而當中也完全吃不到陳皮的香味，在紅綠分別是海軍及水兵的情況下，也很難想像其聯軍可以有多精銳。淨綠豆沙也更不堪了，也是單薄的「沙」，雖然如前所說，是有海帶的，但我愛吃的綠豆沙是多沙，兼且是要與臭草一起煲的，那才超棒！雖然有些人會不喜歡臭草的味道，但是我認為，它着實與綠豆沙很夾的，今天的綠豆沙，什麼也沒有，非常失望。最後再吃腐竹雞蛋糖水，雞蛋是普通不過的烚蛋，不多談了，而腐竹糖水是完全煲爛及溶的，其實有些人喜歡煲唔爛，有些人喜歡完全煲爛，我喜歡的，正正是今天全煲爛的，因為這証明腐竹夠靚，可返回其原來水溶的狀態，而且糖水喝下會更有層次感，不是光光喝「糖」水了。總括來說是還可以的，畢竟糖水要煲得難吃，也很難想像了吧。

一黎就火滾,當然喇,尋晚同屋企人係香港仔食完飯之後一心黎買糖水返屋企既,鋪頭裡面唔算多人,大概只有10人,而大部份既人都已經食緊野,我家姐行入鋪頭講底要幾碗糖水拎走之後行返出門口等,但係等左一陣都唔見佢地整比我地,因為鋪頭唔大,一眼就望到佢地做緊咩喇,之後我姐夫想飲24味,同個店鋪女人講要一杯,但係佢無出黎,之後再等多一陣,我家姐見佢都好似唔得閒,而24味旁就有杯嘞,咪自己黎囉,佢一見到我家姐自己整佢即刻行出黎,不過係黑哂面,話我地好自己黎,我地都係見佢咁忙幫幫佢手啫,之後我同家姐又再行入鋪頭再講多次要邊幾款糖水拎走,不過我地有我地講,佢地有佢地做野,根本無人在意,之後我家姐有問係咪有人聽緊呢?店內另一女人就話:你咪講囉,我聽到,不過未必應到!咁既態度都得既,人地松記咁旺咁又生意都唔會咁對客人喇,佢地算係咩呀,之後我地當然唔買喇,不過如果做街坊生意都咁既話,睇怕遲D都未必見到佢地嘞!!!