永誠冰室 (已搬遷) 新店位置

都食左差不多10幾年，但食落其實入面好有人情味。加上同店員姐姐熟落左，聽到佢同其他客傾計。人地點會係突登態度咁差😂😂咁既價錢，咁既質素去邊到搵呢？個個食澳牛，態度都係差架，但係點解你地唔鬧佢態度？唔中意咪唔好食😂會繼續支持落去，即使搬左鋪位✌🏿

派外賣紙話唔洗，唔要外賣紙，死都要放喺舖頭架上面，面對面話唔要係要放係到少少禮貌都無，尊重都唔識，打電話去間舖到講，好意思話唔知邊個派外賣紙，仲叫我丟，叫你唔好放係到，係要放係人哋間舖到

叫了個常餐鮑絲通粉加d多士火腿，味道一般沒有太突出，但是服務態度唔好只會嚴謹檢查顧客資料，餐具求其包住俾唔知乾唔乾淨，而且坐的位置旁邊一大堆紙皮，感覺不太良好覺得唔衛生

叫個外賣谷鬼氣，外賣到㩒我家門鐘，第一次㩒鐘就一口氣㩒十幾次，嚇到我屋企老人家即刻行去開門，行緊去開門都仲不停係咁㩒鐘，一開門佢同我媽講叫佢帶返個口罩先之後走咗去，首先你怕就唔好做外賣，第二係你要佢帶返口罩可以但都俾個時間人地帶返呀，我媽唔會係屋企帶住個口罩等你個外賣到然後你一到就即刻開門拎到外賣嫁，最衰最衰係配合你帶返個口罩拎外賣叫返你返離拎錢俾外賣我地，個呀叔竟然用個屎忽背住我地找錢囉，食個外賣姐，咁樣侮辱個老人家，真係谷住啖氣，送到都唔想食😡

平均一星期叫一次呢間嘅早餐外賣，聽電話嘅姐姐都算有禮貌，一講地址就已經叫得出我公司叫咩名，勁！當你叫過好多間出名d嘅外賣之後，你就會明咩叫有禮貌，咩叫好食，同咩叫有選擇。重點係一個餐都肯由佐敦送去尖沙咀。今次叫齊A腸仔炒蛋多士+B炸菜肉c米+C炸雞翼3隻，凍飲加$2，$47。如果唔要炸雞翼好似$33左右，都係正常價錢。

外賣態度差！如果你們不想接生意的話，就不要派傳單，你們派得傳單證明代表這個位置是可以叫你們的外賣，但係打電話嚟叫完外賣之後，講地址就話唔送！你哋係有史以來最差一間外賣店

早上8點打電話去叫早餐外賣自取。五分鐘後到達餐廳想攞外賣，點知女侍應話個餐俾送外賣個個人拎走埋，要係到等佢拎返轉頭。心諗已經會吾會中伏。好啦，等左成個子終於攞返個餐返屋企食。點知真係中大伏。一打開真係嚇親，多士走牛油，火腿，煎蛋，豬排好似亂葬崗甘放係一個盒到。都算喇。全部野都係凍冰冰的，多士淋到麵包甘吸晒煎蛋啲油。煎蛋穿左成盒都係蛋黃。火腿凍到好似雪櫃拎出來。豬排就好似隔左一晚，連叮都無叮返熱俾我唯一熱既係碗通粉。正常味道。其實外加個塊豬排可以放入碗粉或者另外用紙袋放好。甘就吾會搞到雞蛋爛，麵包吸晒油。其實問多一句，就會好好多，吾好搞到個外賣甘核突囉。同埋專登自取就係唔想個餐凍晒，點知都係避免吾到。最後，聽電話個位都無咩禮貌！唔會再叫外賣

早餐一向吃很少嘢，因個胃未開，吃不下，所以一個飽已足夠，如吃一個套餐就太豐富了。今早點了一杯凍奶茶加一個奶油豬，由於怕肥，奶茶要少甜，豬仔只要練奶加少少少油，共24元 。永誠奶茶是選用黑白荷蘭淡奶，信心之選，茶味亦不淡。此店之豬仔包水準一流，一咬落去， 脆脆的麵包粒四飛，個鼻尖d 都吾掂。但記住，包包一上枱，要用义把牛油及煉奶平均塗在麵包上，否則甜度不一，吃時會覺得有時很甜，有時很淡，基有上成個包都是脆脆的。很多食客吃套餐都寧願加七蚊由方包轉奶油豬，因為確實比翠華的好食夾大件。

是日在附近上堂，又遇著下大雨，不遠走了，隨便找個地方吃個午飯~已多年沒有吃常餐，一於點了個來吃~薑絲牛通，牛肉雖不算鮮味，但夠鬆軟而不會有梳打粉味~ 薑絲好像浸在湯中太長時間了，顏色也變了，但湯底卻又喝不出點薑味~炒蛋總算滑而不油，火腿就是一般片裝火腿，牛油多士的牛油塗了不少，烘得夠香脆~熱檸水的檸檬算是新鮮，而且不會有苦澀味~現在$30的常餐也買少見少吧~ 整體質素合格啊~

兩個人的午餐今日大概一點鐘，唔食太多野又近近地於是揀去永誠食午飯，餐廳入邊有四張圓臺，地方好細通常都要搭台。雖然餐廳無坐滿人，但就有兩個阿叔送外賣。平時早餐時分會比較多人，餐牌就係全日都一樣不過早餐就平2蚊。基本上個餐牌瞓咗三區，分別係A、B、C，可以A+B /B+C/ A+C/ A+B+C尼日我哋揀咗A+B A: 餐肉蛋 / 腸仔蛋B: 叉燒通粉 / 五香肉丁麵