汀角灣燒烤農莊

营业中

休息中

今個星期無上大陸，留港消費，約埋啲朋友去hea 時間，各大商場人山人海排隊排到七彩。 後來聽朋友講這個燒烤場現在有共享冷氣空間房使用及有小朋友玩水設施免費提供使用。 燒嘢食依然係任食任飲，喺冷氣房外邊燒好攞入去冷氣房食，完全望住小朋友玩水槍及玩充氣水上樂園。 自己帶咗啲新鮮海鮮入嚟燒。 這裏我很久之前來過，取食物雪櫃及地方增加咗，款式都多咗及唔同咗。另外，現在在郊外郊遊比較舒服，人沒有很多，交通也坐得順暢。

垃圾燒烤場，食物種類少，職員態度差！肉類只有幾款、蔬菜得蕃薯同粟米！口味又鹹！隔離嘉年華食物種類多好多！如果唔係學校親子旅行，我一定唔會幫襯佢！10個人一個爐一包碳一杯蜜糖！食物夾要另外加錢，食物好似配給咁！蜜糖用膠杯裝，擺係個爐旁邊熱融左諗住去拎個杯居然要我拎埋個融左個杯個去！可笑，要杯蜜糖慘過乞米！同我講要拎返個杯去先refill的男人，睇個款似係老闆.你咁的態度難怪咁好生意啦！大家諗清楚先去幫襯，貼錢買氣受！

本身book咗12:00，但早咗到未開門，職員好有禮貌咁招呼咗我哋入去坐住先，地點方便，環境舒適，唔會好逼，遇到嘅職員都好主動有禮，可能因為平日中午，又落毛毛雨，所以唔多人，3個鐘任飲任食，我哋一直坐到5點幾執嘢走都冇人催過，係食物種類可以多返啲就好了👍🏻

今日跟學校旅行去間學校加埋有七百人左右，但種類少計埋丸唔知有無二十款？面包得半塊。仲要每次只可以加四半塊🙄一盤得個五十塊第一轉已經無曬，refill勁慢，話無人得閒切包。但收費項目就即要即有，你明啦😏得稀到無味既蜜糖俾你，其他俾錢買🙄粟米蕃薯無錫紙俾你，要你义住燒。d野食根本溶唔切，d雞翼幾十幾隻痴埋一齊，職員要用盡全力搣開俾你。職員勁無禮貌仲會呼喝你，每次拎盤去加食物係佢決定俾幾多你，同佢講要多兩條香腸，佢呼喝你: 又要我行反轉頭又咁又咁⋯🙄拎野食好似去乞食咁，又小家。唔想serve 你，點解唔擺係度俾人自助任夾？未夠鐘就收曬食物入反雪櫃話無得加，但又唔通知人last order ? 絕對要列入黑名單😑😑

同朋友近近地入大尾篤BBQ，無訂位。搭九巴75K喺汀角落車過對面馬路，諗住睇啱邊間就入去。其實去烤場預咗食物質素唔會好得去邊，志在同friend吹水。第一間見倒嘅係嘉年華，公眾假期每位$248(預先訂座)/$288(即場)，另加開爐費$50，職員唔答即時訂座可否享有預訂價錢。之後就係燒烤農莊，每位$230(包一樽/罐$10飲品)+開爐費$50，職員耐心回答我們提問，並歡迎我們入內看看食物/環境。再向大尾篤方向行多一陣就有鴻運，舊年試過，朋友話試第二間，所以無睇價錢。隔離就係前麥師傅烤埸個位，改咗名(唔記得)，話有廿年歷史，不過我地都唔覺有咩地方見過呢個名。。。12點9都未開，但有一大班人等，可能訂咗位。因當時未見有職員，問唔倒有無即場位，唯有折返去燒烤農莊。老實講，食物都係嗰啲，雞中翼(有四個味道：原味、辣、咖哩、麻辣)，牛扒、豬扒、金沙骨、雞扒、雞全翼、鴨胸、腸/丸、蕃薯、茄子、粟米、翠玉瓜、方包等等。跟爐有一份金菇，另每位有一件菠蘿、一隻蝦同一隻青口。食物味道都係一般，係勝在唔算好重味。烤場話限燒四粒鐘，但我地燒到成6點(近五粒鐘)都無職員趕我地走，可以同朋友傾到飽。離開時仲有職員

野食好少又補貨慢仲要俾人埋怨咁快食哂d野仲要唔好食雖然價錢正常 但觀感好差 炭開一個爐得兩包但限時三個半鐘環境都還可以有小朋友玩既設施揸車有位泊不過無乜特別野都會再黎附近有更好的的選擇

貨不對板，伏伏伏😑😑😑！冇嘢好食同冇嘢好玩！打電話嚟訂位話好滿客人，嚟到就靜到死！簡直係死場一個！！！隔離嘉年華好佢多多聲，人地食物又多、種類又多！小朋友嘅嘢玩又多！所以農莊試一次就夠，怕怕😑

Nice！如果想搵大啲嘅空間燒嘢，可以睇睇呢度有好大嘅草坪，空氣清新價錢合理，食材新鮮，之前去其他地方啲菜同肉都唔夠新鮮，今次過黎十分滿意，服務周到，老闆人又易話為，下次仲黎呢度

復活節假期間因為有大班朋友可以難得一齊活動，之後預訂左呢間燒烤場，早前已二話不說付訂金預留位置，但當日大尾篤因有交通意外封晒路，無車可以入到去，去過巴士站問左都話唔會有車再入到，之後打過去問可否退回按金，但回覆既答案係下次約齊人再入過去，始終之後短期內唔會有長假期以及再難約齊人，最後都係唔肯退。最後大家都決定寧願送按金都唔會想係呢間舖頭消費。去唔到唔係因為消費者甩底，而係現場環境唔許可，呢間店嘅態度完全令到消費者唔會想幫襯。

環境幾好 枱同枱之間完全唔逼而且個場地幾大 幾舒服同埋係任坐 適合同朋友坐好耐傾下計但食物種類唔多 同味道一般唔建議揀自動旋轉既燒烤爐🥲要加錢仲唔好用因為某d食物旋轉其實好困難 建議用返網燒

唔同場合來過幾次啦，環境舒服開讓，周圍係草地及農莊，被大自然包圍，人都開心的。食物味道不錯，有幾款特色野幾好味。適合一班朋友屋企人聚會，公司搞活動，有個舞台可以搞抽獎唱歌跳舞小比賽，氣氛好好，仲有個草地比小朋友跑下，玩足四個鐘，好盡興好開心。老細人都幾好傾，值得推介

100%推薦！！！地方夠大，環境好，勁適合影相，特別係天時好既適合，夕陽西下，嗰感覺真係無得頂…老闆好熱情，基本上有求必應，而且d嘢又齊食材方面好新鮮，不過我哋唔係好識燒，浪費好多食材…下次過黎要同老闆請教吓先得不過注意過黎之前要提前book！

好好嘅一次燒嘢體驗！環境：近海，空氣好清新，到呢度成個人都鬆嗮，個場都大，成個氣氛好nice，好適合多人組團！食物：食材新鮮，肉類都好新鮮！服務：老闆好nice，服務周到，咩都有，真係勁方便！總之係一次好正嘅體驗，下次公司team building首選

門口排一輪隊比錢個時先話冇港式燒烤（傳統燒烤叉個隻），話入面好多人好熱，所以叫我地轉串燒爐會涼好多。比完錢去揀位，串燒爐區仲爆過燒烤 ，人勁多，爐的密度高過港式，又熱，唔係個個位有風扇，有就你好彩。出去拎野食經過港式區，人又唔多，爐又唔多又唔熱，分明佢地慳成本唔比人用港式啦。野食方面少款，唔好食，最慘係野食區勁細。人人搶野食，中途已經好多款冇得再拎。蜜糖又唔甜。連本身送海鮮都唔講，見人拎問下先知，勁賤。呢d場真係blacklist,去返出名大間個d好d lor.

一去到已經覺得環境好差！又濕又污糟又舊，服務態度又唔好，黑口黑面咁⋯⋯仲要屋頂滴水，搞到要自己搬枱、搬櫈、搬爐。啲膠枱布又比啲風扇吹到飛起曬，又係要自己用自己帶嚟嘅水痴住佢⋯⋯呢啲都算，仲要乜都係自己搞，唔知點解要比呢個價錢。食物方面好普通，選擇唔多，牛肉特別難食。海鮮就淨係得蝦ok，蠔、蜆都唔得。飲品方面，每人只有一罐汽水/茶，完全唔夠。天黑咗就仲恐怖，成個場都係飛蟻，係多到會阻到人食嘢⋯⋯我食過咁多bbq 未試過食到咁躁⋯⋯一定唔會有下次！