影片
港铁荃湾站 A1 出口, 步行约7分钟
继续阅读
电话号码
23997994
营业时间
今日营业
17:30 - 00:00
星期一至日
17:30 - 00:00
以上资料只供参考，请与餐厅确认详情
相关文章
👍🏼抵食指數：⭐️😋好食程度：⭐️⭐️⭐️之前成日見網上好多人吹捧呢間餐廳嘅煲仔飯，但每次經過都好多人排隊，所以都未有機會去一嚐。終於約埋屋企人一行程六人6點鐘見無咩人排隊，點知前面都仲有8張枱，以為等一陣就有位。但因為我哋6個人，餐廳啲侍應唔知有咩考量，唔識拍枱或者調位，安排入坐，每次都係入2-4 人枱，即使4 人台有人埋單，都唔會 hold 張枱出嚟，同個侍應反映，又完全無視建議，服務態度極為惡劣，最後等到8點九先可以入坐座。田雞排骨煲仔飯味道尚可，田雞仔都夠嫩滑，排骨反而一般般。臘腸白鱔煲仔飯 呢個算係最好食嘅鎮店之寶，白鱔都幾厚肉，又唔腥，咬落去係幾好食，夾埋煲仔飯中嘅豬油同豉油，口感同味道真係絕配，加埋焗好嘅飯焦真係無得彈。但不論排隊、服務都較惡劣，食得好趕之餘，並唔係每碟菜式都咁好食。除咗白鱔煲仔飯較為好食，其他煲仔飯唔係真係咁特別或者好出色，呢個價錢可以有更好嘅味道同服務～
继续阅读
呢間煲仔飯同朋友講左幾年都未去食🫢之前覺得有啲遠，但依家係荃灣返工又收早左就可以約去食😂.平日未夠六點去到都full full地，食完見門口有好多人等緊，要食真係要早d去到，餐廳有煲仔飯、小菜、串燒等等.自選煲仔飯-臘腸白鱔煲仔飯 $90煲仔飯款式好多，仲有自選配料可以自由配搭，煲仔飯上到枱先落豉油豬油再焗2分鐘，白鱔幾厚肉，飯吸左豉油豬油加埋飯焦幾香，整體都Ok.自選煲仔飯-臘腸豆豉鯪魚煲仔飯 $90朋友鐘意食豆豉鯪魚😂😂😂於是就叫左個豆豉鯪魚煲仔飯，就係普通豆豉鯪魚既味道，最緊要岩佢食.田雞排骨煲仔飯 $90我唔食田雞，聽朋友講排骨好多肥肉，田雞就得骨無肉…..啫啫芥蘭煲 $92幾有鑊氣，但係調味偏咸.爆炒魚卜 $132魚卜份量正常，但調味都係偏咸.整體黎講，唔洗等位或者等位一陣可以去食，但要等好耐就唔會食，未去到好驚艷～
继续阅读
6:48PM到，等左1個鐘差唔多8點先入到。食物味道2.5/10。食唔哂。蓋又我自己開，豉油又我自己倒，水都冇幫我加過。夠膽死收我+1？！ 好彩無叫多幾樣。總之性價比極低。
继续阅读
排隊混亂，基本上你嘈吓佢，下張就會係你。唔嘈佢嘅你就等吓先啦，11點可能有得你食嘅。😀Btw 佢收12點。既然係無排隊可言，誰大誰惡誰正確嘅，咁恕我無咁嘅口福食，都無福消受！咁樣做生意，我真係祝你好生意啦吓…
继续阅读
香港｜荃灣｜江湖小棧冬天要食煲仔飯，於是就黎左呢間荃灣人氣餐廳。開17:30，但係星期六17:10去到已經排咗十幾人，好彩都仲可以第一輪入到，要食真係要早啲去排隊。自選煲仔飯3款配料$90（4款$95）白鱔 豉汁 臘腸白鱔有三大舊，厚肉，魚肉彈牙，新鮮。配埋豉汁，提升咗鱔既味道。臘腸係段切，都有6-8舊，不過唔係好夠香。煲仔飯上枱時都會提供豬油同豉油，加上後蓋住焗幾分鐘，就有飯焦食。由於今次有豉汁，豉油落得太多，搞到有啲過咸。燒通菜（蒜蓉）通菜燒過後比較乾爽，加上大量蒜蓉、炸蒜，都幾重口味。不過就$5x, 有啲貴。涼拌雞軟骨呢個比較重口味，醬汁好濃味，似燒烤醬，唔係好夾。整體來講煲仔飯值得一試，想食都係早點去，因為食完都幾多人排隊，煲仔飯亦要等20分鐘。江湖小棧 (荃灣)荃灣鱟地坊30號寶成大廈1號地舖#江湖小棧 #煲仔飯 #白鱔煲仔飯 #臘腸煲仔飯 #荃灣美食 #荃灣
继续阅读