江記

营业中

休息中

同事今日帶我地捐窿吃好東西，一行四人去左香車街街市江記一嚐地道午餐久違了的開放式麵檔廚房，簡簡單單的幾張圓枱櫈，枱上有經典銀茶壺筷子桶，調味四寶…食出地道香港味菜色選擇簡而精，主要有兩三款：牛腩麵，鳳爪麵，雲吞麵等… 我地都比較貪心，叫左鳳爪雲吞麵… 鎮店鳳爪名不虛傳，鳳爪是配有香料的甜滷汁淆製而成的，鳳爪是被炸過後才滷製，所以口感是諗而不爛，外皮仍舊有咬口，味道由外皮到膠原位都富帶含滷汁香味，一個字：高!雲吞就是自家包製，看見師傅親自碎菜碎肉，皮很有質感，肉味鮮，肉饀略為乾身，不過都okok.湯頭是帶點甜的鳳爪滷水汁加上帶點微辣咸香的咸菜，配上粗幼適中彈牙嫩滑的麵條，而麵條又沾上濃湯味道，我自己再加點鎮江醋吃，真的很配，巧巧chee耶38蚊高質味蕾享受，讚!

去到香居街街市, 呢間同隔離係最多人食。江記獨沽一味做麵, 我地叫左大GE鳳爪麵, 但得2舊鳳爪, 太少了。都算大舊GE, 亦入味, 但再林D 更好食。湯底基本上係無, 只是普通清湯。麵有D 似油麵, GE 質地, 有少少「間」水味, 都OK。

雖然地方小小不就腳，而且也是舊式街市排檔，但居然去到要等位，就明白那麼多街坊光顧，應該是有保證，有歷史的店舖。來到當然要試著名的鳯爪麵，麵底雖然是上海麵，但有點彈牙帶有小小日式拉麵口感，麵我以炸菜肉絲作配搭，鳯爪就另外上，一碟有四隻全爪，沒有像一般點心般切開，亦不會有茨汁湖口，炆的時間恰到好處，不會皮骨分離炸菜不會太鹹亦沒有根，製作食得出係講究雲呑就比較一般，可吃可不吃

小知識：所有荃灣人都叫呢度香「居」街，但英文卻譯香「Che」街，其實正音應該係咩？我係荃灣中友，而江記鳳瓜係荃灣西友極力推薦。食香車街街市當然有心理準備預冇冷氣，所以排隊店老闆娘米線為員工著想迫於無奈夏天只開晚市。江記就係少數全日營業嘅。雖然冇冷氣，但每枱旁邊都有把強力座地牛角扇，就算過咗中秋仍三十幾度嘅大熱天時下，都尚算舒適。單拼細碗$26，加菜肉雲吞就$36。叫了單拼蠔油鳳爪上海麵，兩隻黑色鳳爪，很軟冧很入味，膠質豐富。雖然單拼但附有上海咸菜，爽脆很好送麵。上海麵是幼麵，湯夠味無味精，很完無口渴。

從小就幫襯，相隔都有30年了，近幾近再回來吃，已是第2代，才知他們的炸菜肉絲禁正，是我食過最好食的。我連個湯都喝下大半，最好是配答鳳抓。最不好是大排檔，夏天熱，冬天又多人客。註，我一般都在旁的合記茶店叫杯熱奶茶，一流。

今次叫左牛腩麵 and 雪菜鳳爪麵特別既係佢地既上海麵冇梘水味，麵質彈牙🤤（好似係自己打）而家好少舖頭既面真係冇梘水味。同埋見到啲麵係一條條，吾會一pat咁。而牛腩就冇咩特別，有啲"un"，唔夠冧，如果係老人家，冇咩牙就建議唔好叫牛腩。鳳爪就比較入味，中意啜骨或者中意食鳳爪既人一定要點。另外，江記比較早關門，下晝3點定3點30分就關，同埋江記另一招牌就係雲吞麵，江記既雲吞比較細粒，但皮薄涵多同靚，一啖食係好滿足☺️，可惜我太晏去(2點45分)已經冇哂雲吞，如果想食雲吞就一定要早啲去啦。 環境方面，因為係大牌檔類型，所以比較熱同焗，雖然有幾把大風扇，但如果係好容易出汗或者一定要冷氣先食到野既人，我會建議涼反啲先去食，因為夏天去食，係真係好辛苦。

依家熟食市場買少見少，趁天氣未熱前，本來想去前排雜誌介紹嘅米線鋪朝聖，不過，佢都係冇開門。行吓行吓，我被江記檔口嗰個甚有氣勢嘅紅色大字牌匾吸引左。平時茶樓飲茶，我可以一個人食晒成碟鳳爪，係典型嘅鳳爪癡。今次我就嗌左一碗鳳爪雲吞麵。鳳爪煮得非常入味，又夠腍，腍到應該冇牙都食到。上海菜肉雲吞味道就冇乜驚喜，不過，我幾鍾意佢夠細細粒，一啖就可以吞晒。麵底係比較少有嘅上海幼麵，極之煙韌，難得冇鹼水味。麵配有雪菜，啲雪菜唔會太咸。值得一提嘅係，一路食，一路感覺到嗰種小店嘅人情味。阿姐同好多食客都有講有笑。至於我呢啲新丁食客，阿姐都好熱情咁招待。阿姐好細心咁講解大碗同小碗有幾大分別，又教我點樣可以叫餐牌以外啲雙拼呀，幾拼嘅配搭。

一路寫一路又想食喇…不過女朋友怕熱，要襯秋冬佢先肯陪我食因為呢度畢竟係街市樓上，得幾把牛角扇 XDD榨菜肉絲雲吞米雖然江記嘅麵係比較受歡迎，但我個人唔太喜歡該麵質，所以之後一直都係食米粉。配料方面，基本上只有5種：雲吞、鳳爪、榨菜肉絲、牛腩、菜心，基本上任你配搭，最推介前面3款。湯底本身清清地，榨菜肉絲帶鹹，唔辣，配米粉一流！每次黎到，老闆都主動喺榨菜肉絲米上加少少咸菜，呢種細心而家嘅食店又有幾多間做到？另外推介加少少江記嘅辣椒油，既香且辣，絕對加分。淨雲吞淨雲吞做成一口size，餡料可以話係超細粒，五毫子咁上下大，菜肉餡。女朋友為左表達佢對我經常要求食江記，無聲抗議，只會食淨雲吞滿然足完我，再去食第二餐~蠔油鳳爪呢度嘅鳳爪係我最愛！鐘意食鳳爪嘅朋友一定要試試，介紹過唔同嘅朋友食過都異好同聲讚好！首先，鳳爪煮得夠淋，入口離骨，非常入味！一碟4隻，我個人獨吞兩碟冇難度。我都經常買外買番公司同同事分享，個個都食得津津有味，老闆記得我路程比較遠，亦都會主動分湯盛載。可能你會覺得好普通，但比起第一句同我講外賣盒要加1蚊，我就比較重視呢種不言而喻。如果口渴喺隔離茶記點檸底可樂/忌廉係perfec

做街坊生意，價錢公到，雖然加左好多次價，但係對比其他地方都仲係物有所值，每次去都會食炸菜肉絲麵，麵夠彈牙，炸菜同肉絲都炒到好入味，湯底亦都配合到麵同炸菜肉絲味道，雖然獨孤一味，不過每次去都覺得味道好新鮮，似足第一次去食，鳳爪亦都煮得好入味好軟身，不過環境就比較差少少，因為熟食市場位於街市上面，有時會聞到街市臭味，夏天會超熱，唔係好熱係超熱，無冷氣，唔建議食飯時間去，人多要排好耐，奶茶咖啡野飲要到隔離鋪先有，不過都值得去試

好耐冇去, 下午趁冬天唔太熱走上去舊地重遊, 叫咗個牛腩鳳爪麵, 鳳瓜係用古法製造, 相信冇邊間同樣製作, 鳳爪先炸過再用花椒八角等調味, 製成品入口皮肉分離, 正正就係幾十年前酒樓點心嗰種, 同現在食嘅鳳爪有天淵之別, 做法同水準依然幾十年一樣, 好難得, 牛腩就一般, 冇乜大特別, 上海麵個麵質依然煙靭, 唯獨是份量比較細, 食完碗麵要落樓下買多個麵包, 幾十年始終如一, 江記, 請繼續努力為我哋保留兒時回憶.

同朋友行山前係荃灣搵食 朋友仔拖住狗 所以地方焗限左 佢就有朋友就香車街熟食市場可以同狗仔去 我地就黎左啦 去到個度 見呢間最多人咁就呢間啦（羊群心理😌） 我就叫左雪菜肉絲牛腩河 （最尾無雪菜得炸菜）朋友就叫左 炸菜肉絲鳳爪上海面（個名好長） 都等陣好一陣先有 因為真係幾多人下 河粉ok 牛腩都好淋入味 但好少好細粒 炸菜 就有好多 朋友個碗鳯爪其實得兩隻 但朋友話佢個上海面唔錯 之後有朋友後join 佢竟然又有雪菜😡吹脹 未食過可以一試 但未必再來了 太遠了😂

熟食中心，臥虎藏龍，感謝在福來邨長大的好友，把我帶來這似乎被一眾老饕忽略了的香車街街市熟食中心。晨早9時許，經營早餐的牌檔不多，好友推薦江記的蠔油鳯爪麵。江記的鳯爪是自家製作，無須擔心食物的安全問題。整隻鳯爪超級入味，一咬即骨肉分離，腍軟鬆化，愛鳳爪的吃貨，一定會愛死。值得推薦的還有如綠葉角色般的一坨鹹菜，大大地提升了湯底的美味。麵底爽口彈牙，口感似公仔麵，但肯定比公仔麵健康多多。

由細細個已經好中意幫襯江記食絲抓面。大大碗，面質爽口無得彈，加埋秘制鳳抓同黑醋，呢個配搭完全無得頂。價錢咁多年都無乜點加廿幾三十蚊食碗咁正既面系邊度搵。屋企人就一定叫吞抓面，上海雲吞系自家製，鮮甜多汁，又大大粒，一碗有成4-5粒嫁。雖然果度無冷氣，有小小辛苦，但間唔中同屋企人去食下都幾開心嫁。

34蚊的鮮茄豬扖飯，仲要有飲品，相信很多人也會以為是相當"頹"而味道也不會好但結果卻出乎意料，豬扖夠腍，入味，又爽滑，只連一條長骨。不會好似某些快餐店般"送"很大塊骨。面的茄汁也調味得不錯，甜甜地，微微酸，恰到好處。咖啡也沖得OK。想不到外表如此老舊不起眼的茶餐廳都咁高質

荃灣之友同事介紹的我叫左同事重點推介嘅 絲爪麵亦即炸菜肉絲鳳爪麵 (另加咸菜)男朋友就叫咗鳳爪雲吞麵鳯爪好入味,榨菜肉絲就普普通通啦，上海麵唔會杰達達，幾彈牙，但個雲吞就一般般啦冇乜特別因為我地晏晝去, 都幾多人，要等一陣先有位;但有位坐唔代表有嘢食🙈🙈🙈我哋啲嘢食等左好耐先嚟，因為太多單，樓面啲叔叔同煮麵個嬸嬸未做得切😅兩碗面埋單都係六十八蚊幾抵呀😋