湯加 (荃薈)

营业中

休息中

湯加有個二人餐睇落好吸引, 價錢又平, 有飯有湯有菜有肉又有魚, 仲有飲品, 睇落真係幾好 , 但味道真係超級普通, 唔係話好難食, 但一定話不上好食, 飲品更加一言難盡, 見到門口餐牌有烤魚, 下次諗唔到食咩可能會過黎試下, 因為都幾平. 

平時都幫襯開食早餐……………..今日等左成個鐘先送到 …………………….落雨都明白…………….但……………………………..食食下發現加料 ！！！！！！！送蟑螂一隻🥶又餓 又嚇到無胃口！！！！！！！唔怪得負評咁多！！！！！！！以後以後以後以後以後以後以後以後以後以後以後以後以後以後以後以後以後以後以後以後以後以後以後以後以後唔會幫襯！！！！！！！！衛生環境應該好差！！！！！！！希望大家都小心！！！！！！！

之前已經食過覺得幾好食，今次再試多一次，不過質素好似有啲下降。一路都鍾意佢嘅鹹蛋芥菜肉片湯飯，可以揀三色飯，感覺健康啲。今次個湯底整得鹹咗啲，不過勝在熱辣辣，而且芥菜同肉片都好多，肉片夠腍，加埋皮蛋，撈飯係最佳配搭。另外要睇嘅係香炸雞翼，炸得好香脆，腌得夠入味，入面啲肉夠嫩滑！

放工去食晚飯，入去見桌面無人收拾東西。叫咗蒸魚飯，我等咗30分鐘有多，當我催問侍應後，侍應才話俾我知冇落單，一而再再而三無落單，服務態度好差。去咗兩次幫襯兩次都無落單，真係好失望。

年初四, 抖埋呢日就要開工了!下午出咗去珀麗灣, 返到屋企都已經好晏了, 同2 個主子清潔完, 就決定晚餐叫外賣啦!望完一輪見到湯加個魚湯咸旦芥菜肉片淮山麵好吸引, 於是就決定食呢間啦! 等咗30 分鐘外賣就好啦! 嚟到先知原來湯加同魚米係同一集團。首先麵同湯係分開嘅, 唔會浸到D 麵淋晒。湯料都足, 見到好多肉片同芥菜, 仲有成隻咸旦黃! 正! 不過湯就略嫌偏咸, 如果淡返D 會好D! 下次都會試下其他湯。

今日無食午餐，但係 2 點幾就去左食 #湯加 的 #下午茶，點左個魚柳班戟薯條配迷你雪菜肉絲米粉，因為有DＤ熱氣，所以飲左杯好耐未飲過的 #咸檸七 (#咸檸檬七喜)朝早就似秋天，下午就似夏天，所以短衫出動啦下午 2 點半的湯加，好靜.....先來杯特飲先，不過利申，我比較鐘意配雪碧多過七喜小詩為你「先飲為敬」份量細細份剛剛好，班戟係應該「工廠貨」完全唔似輕微煎過，感覺係微波爐叮熱，薯條應該係同埋魚柳即炸，有炸後的香味魚柳的品質好好，無霉的口感，而且夠熱，值得一讚！呢個迷你雪菜肉絲米粉唔差，湯底唔算咸，而且米絲口感軟硬度剛剛好，而肉絲就略為少左Ｄ食完，埋單！

今日下午經一個外賣app叫咗3個湯餐，加一個薄餅，一個黃花魚湯餐，一個蟲草花魚肚雞湯餐，一個什麼牛尾餐，三個都好鬼難食，個牛尾湯係超燶味做主味，魚湯係腥到暈，我哋平時唔怕腥嘅都食唔到，三個餐嗰碗飯細到嘔，個薄餅係硬到咬唔到的，真係好難食，咁嘅價錢，真係完全唔值，以往食過黃埔分店，覺得都可以，所以先試下呢間，點知出事，真係好好好好好好差，因為外賣app無得評分，唯有喺呢度評。個廚師真係🤦🏻‍♀️

我們於24/1（日）早上約十點十五分左右到達餐廳。餐廳空間不算大，加上限聚令，找位置稍花了一點時間。另外，職員也沒有很大的衛生意識，客人走後也不會主動抹枱，要客人「叫」才做。我們共叫了3個餐：豬肉腸 漢堡扒 蔥油餅 煎焗流心蛋 蛋白麥皮（$35）吉列魚柳 炒蛋 班戟 蛋白麥皮（$36）雞扒 牛油多士 蛋白麥皮 （$36）飲品為：銀菊蜜 冬瓜茶 柚子蜜蔥油餅有2小塊，沒有蔥味，亦可能是微波叮熱，故較硬。吉列魚柳等了10分鐘，但幸好吉列魚柳夠熱夠大塊，班戟沒有味道，也沒給予牛油，只有糖漿。牛油多士有2塊三角形，比外面茶餐廳多一塊。總括來說，價錢合理但味道及服務質素可改善

個人好中意食湯飯，呢間好食送到黎d湯仲係熱辣辣，叫左芥菜咸蛋肉片湯飯同魚肉生菜准山麵，可以自選餸，d料好多，個人中意芥菜多d。湯底有幾種揀，不過湯底咸左少少。最特別係可以揀三色飯、藜麥飯、准山麵,好食又健康！

服務員態度差，慢，又錯單。全部都係姐，搵個經理投訴都無。點了菠蘿糖醋骨，菠籮係凍既，d肉味又好怪，同幅相係兩回事，一定無下次。張相d菠蘿我掉晒，驚食壞d細路。最後肉都唔敢俾,佢哋食，自己煮開野，呢種糖醋真係未試過！l

入到店內，職員便安排我們坐卡位，非常鬆動，加上店內不是很多食客，環境很舒適，職員服務態度很好，主動介紹可以免費轉三色米，等了一會，終於有得食，土魷肉餅賣相不錯但完全吃不到土魷味而且偏咸，而果醋豬軟骨魚蛋准山麵比較正常，最好食是准山麵，平日食到的像公仔麵，沒有味道，但這店的麵吃到准山的味道，豬軟骨有怪味，吃了一啖便放棄了，但價錢很平民化，對食物沒什麼要求想慳錢可選這家店。

這家店再也不會去了 服務態度極差 請餐廳老闆關注此事 飯才是好的但是因為服務態度不會再光顧此店 也不會讓親友朋友去 只是問服務員一點問題 就很兇 菜品四分 環境4分 但沒人願意在這種服務下吃飯 服務0分

每朝路過這店，早餐時段人流都稀疏，今早因同商場另一間冰室冇位,所以轉嚟試試。叫咗個豬扒+炒蛋+蛋白麥皮+班㦸先嚟杯飲品-金桔蜜，嘩，唔知咩事，隻手好黐笠笠，原來杯外好多蜜糖😒豬扒，好薄，炸到好乾，入口好硬炒蛋，有怪味，麥皮同班㦸，正常整體嚟講，成份早餐好差

同班朋友去食，食物黎嘅時候問個呀姐係咩米線，佢大大聲叫我「自己睇啦」。好耐未見過咁有態度嘅呀姐，就係因為佢，我忍唔住要上openrice劣評佢，亦係我人身第一次食評。食物方面，上菜好慢，朋友另外叫嘅雞脾大約有手指公咁大隻，冇睇錯，係手指公咁大隻，一口食得晒，食左好似冇食咁。我自己叫左個牛腩酸辣湯麵，啲湯一啲都唔酸，入口唔辣，牛腩好柴。食完胃痛左成晚，仲要收51蚊，去對面街「香港仔xxxx」食仲平仲好食。

首先，這裡是可以讓人選擇拼枱或不拼枱，十分細心！來這邊吃，一定要選擇品嚐其漁湯，十分鮮甜，個人覺得是沒有添加味精！而我最喜歡是皮蛋芫茜魚片米，鮮鯇魚豆腐米，真是十分美味！魚片是沒有一點腥味，只有鮮味十足的魚味，完全沒有醃過，新鮮直接落鑊！米粉和餸菜是分開擺，可因個人習慣，逐次將米粉加入湯裹吃或全部倒在一起，真是任君選擇！最近，值得一提的是蔥油餅，真是一絕，皮厚，但脆邊，能品嚐到麪粉味！那蔥花更是畫龍點睛！另外，其黑糖涼粉奶茶都十分可口！黑糖的份量十足，濃濃的黑糖味！加上，奶茶香滑，讓可以咀嚼一下涼粉，真是一次過滿足了三個願望！