汶萊餐廳

营业中

休息中

公共屋邨內的餐廳，裝修頗有特色：店員很熱情地招待我們內進，坐好後，我們共3個人各自都叫了鰻魚飯：先試來是3杯水，聊了一會後上了中湯和西湯：中湯正常味道，不是味精湯，湯面去了油，有骨有肉有紅蘿蔔西湯是蘿宋湯，蕃茄和黑椒味是夠的。然後是上主菜鰻魚飯：飯量非常多，是雙蛋來的，鰻魚份量頗大漢堡扒是佳寶那種味，鰻魚汁味道也是正常發揮，沒有什麼特別。屋邨頹飯而言，個人覺得可以

由於啱啱喺隔離旺記受到極差嘅服務，於是立即過左黎汶萊....👍佢地服務態度好好，我叫左炸雲吞併西多，👍熱辣辣，👍超好味！💯絕對係用心做果隻！香港嘅食肆已經聲名狼藉，希望一班有心人好好堅守落去，態度惡劣員工應要即炒！無謂俾粒老鼠屎累死！

第一次幫襯，叫咗個星州炒米+華田外賣（$60）價錢合理👍👍要有既材料都落齊，唯一要挑剔既係唔夠辣。🌶️🌶️之前係同一個屋邨，另外兩間都叫過同樣食物，但就真係唔會再幫襯～ 😅

平時冇咩做落樓食個飯有位坐有冷氣有人招呼不過唯一嘅缺點係如果坐入啲個網收得唔係幾好除此之外都冇乜特別一句講晒算係一間平淡合格嘅餐廳老細有幾好人，落單上菜嘅速度都算快啲員工都好Friendly，個人好鍾意食個牛角酥甜野萬歲🥹🫶🏻

有一次在呢間餐廳買一個下午茶餐：金菇牛肉飯及同收錢講（在店內比較後生略胖男仕）多飯唔該，之後呢位人兄居然講：個盒係咁上下，我領悟到即係冇，今時今日咁嘅服務態度，簡直不知所謂，相信而家外面其他餐廳都可以做到多飯或小飯服務，所以就算再好味及便宜都唔會再去.

繼昨日從「西貢」乘搭專綫小巴來到「順利邨」，在「順利商場」的其中一間裡面，享用過酸甜味道冷麵下午茶，再購買外賣自取「韓國炸雞」食品之後，翌日我乘坐專綫小巴重臨舊地。雖然我在星期日重臨「順利商場」，卻發現昨日光顧的餐廳食店，今日沒有開門營業，所以我改為光顧其他「順利商場」食店，然後按照平日計劃，乘坐巴士返回「新蒲崗」享用「牛腩飯」晚餐。今次我選擇光顧位於「順利商場」三樓平台的「汶萊餐廳」，我當時還以為會是第一次試食的東南亞菜系，平日比較少見少幫襯的餐廳「汶萊餐廳」製作的「汶萊菜」。我光顧「汶萊餐廳」之前曾經有點擔心，因為昨日站在店門門外，看見餐廳樓面裡面的電視機正在播放新聞報導，所以我怕今日光顧「汶萊餐廳」，也會遇上被迫「新聞臺送飯」的情況。結果我今日上門光顧「汶萊餐廳」，卻發現下午茶時間裡面的「汶萊餐廳」，餐廳裡面的電視機意外地沒有播放新聞報導，反而選擇了直播播放「82」台賽馬節目。難得當時我光顧的「汶萊餐廳」沒有播放新聞報導，當時在餐廳裡面用餐的食客實際人數又不算多，所以我幸運不需要遇上陌生食客「搭檯」，也不需要在「新聞報導」噪音下享用下午茶。餐廳電視機正在直播播放的賽馬節目，令我心

#二人餐 $128 配白飯兩大碗和餐飲 凍飲加$3#油菜 #蠔油生菜 $20#粉絲肉碎蕃茄豆腐湯 清清地幾好～#咕嚕肉 今次啲肉比較硬身...#金菇肥牛粉絲煲 充滿沙嗲醬，偏鹹，但是金菇得個丁點😂😂😂ᵒᴥᵒᶅ個人口味評分：6/10

#下午茶 #茶記 #茶餐廳 隱世小店，多款下午茶餐，價錢合理，食物普通#椒鹽雞翼 #沙律 $35雞翼新鮮熱辣辣，香脆，不過冇乜雞翼味😂沙律是雜果薯仔沙律🥗+$3 凍飲ᶘ ᵒᴥᵒᶅ個人口味評分：7/10

在平台行了一陣,希望搵間錢價廉物美餐廳,我既感受係被下午茶餐價錢引了入內,仔細看看MENU,果然性價比高,大量款式選擇。揀了3X 元的飯連野飲,現今香港地能夠有呢個價錢已很好~野食上台,樣子好,香味道強,馬上品嚐~食到的有免治豬肉相信醃了再加了洋蔥及指天椒 ，所以香味未到台上,已經聞到。多久未食過蝦醬肉碎炒飯能夠炒出粒粒分明的炒飯,更是硬身,唔係淋身,都重要的

天陰陰想落雨，就黎到屋企附近既汶萊食個家常小菜中學既時候(都10年前old)已經係度但都無入過去食，因為門口道門比較特別，唔係好望到入去又好似有D陰沉，係呢2年先試，食過一次從此就變佐飯堂，諗唔到食咩就近近地黎呢度食~作為一間做街坊生意既餐廳，好有誠意，有好多唔同種類既款式可以揀 ，有鋸扒，意粉，中式小菜，米線，焗飯，碟頭飯任君選擇，個個唔同口味都無完全無問題價錢都十分公道又大碟，推介既係佢個小菜2人餐(HK$128)，包2個小菜，一煲湯(絕對多過2人份量)，2碗飯 + 2杯餐茶，平均HK$6X一個人可能同大X樂晚餐都係差唔多~今晚唔係太餓就無叫2人餐，叫佐蒜蓉蒸烏頭+凍奶茶，送例湯+飯 (HK$77) 同 XO醬肥牛炒公仔麵 + 凍檸茶 (HK$61)我同男朋友都鐘意食魚，今日廚房就仲有烏頭~呢度可以揀想點蒸，未試過用蒜頭蒸就試下，都ok喎夠曬味同好夠熱，即蒸即上XO醬肥牛炒公仔麵就第一次食，麵質夠乾身，有鑊氣同杯奶茶恰到好處，唔會太多奶有茶味。總括而言屋邨餐廳黎講性價比高，老闆同佢個仔都好親切，有次見到有個伯伯食曬碗飯，老闆都自動幫佢添多碗飯，應該唔洗錢的~為食指數: 4/5性價比

今天原本無計劃來惠顧, 只是因事才路徑此地!! 做完事, 有點肥餓, 剛好有下午茶餐, 所以入去一試!!這兒是一間舊式的屋邨餐廳! 環境保留了一絲絲懷舊的氣息!! 部份員工也上了年紀, 但服務算中規中矩！小弟對奶茶有一定要求! 估不到這兒的奶茶茶底夠厚, 茶味豐富, 而奶味亦十分香濃,沖得唔錯! 至於個馬來炒貴刁，咖哩味十足, 炒出來的火喉十足, 而且上枱時熱氣上升所散發的香味, 真是引起食慾! 咬了一只, 就知道師傅的廚藝/功力唔錯! 好好食!

如果不是因為要到順利邨體育館上攀石課，相信我亦沒機會踏足順利邨一帶. 也正因如此，才發覺一直想去多年的佐敦谷公園就在附近，希望天氣涼一點可以來這裡閒逛，順道野餐~ 朝9晚6的密集攀石課中間有一小時午飯時間，由一位已熟識這一帶的同學帶到這間汶萊餐廳午膳. 餐廳裝潢懷舊，就是一般港式西餐廳. 午餐有廿多款，定價由$45-$55，只包餐湯/ 餐飲，價格正常. 因為午後還有數小時課堂，不想吃肉、咖喱、炒麵等油膩食物，餘下可選款式不多 (這天相當揀飲摘食呢!) 菠蘿海鮮炒飯 ($45) 本來對這飯有點期待，不吃一入口，發覺飯熱度不夠，明顯不是即炒的，覺得好失望! 內裡的海鮮也不多，連菠蘿也是酸的，最後只吃了半碟就收工了. 凍檸茶 走甜的凍檸茶，冰凍透心涼，令曬了一個上午的我降降溫. 雖然這款炒飯如此不濟，但見到同學的西炒飯卻冒煙，賣相也很吸引，所以隔周後的課，又來到這裡用膳. 原來餐牌內有些午餐更奉送餐湯& 熱飲，更為豐富. 羅宋湯 平常最愛喝酸酸甜甜的羅宋湯，不過這店的出品相當一般. 非常淡的羅宋湯，蔬菜亦少，本以為懷舊餐廳應有一定準，卻令我失望. 西炒飯 ($47) 這次終於吃

朋友約我到呢間餐廳見面，食過兩三次午飯。室內佈置，幾好，唔會迫，用具適合。衛生環境就算在一兩點繁忙時間，仍然保持乾淨。侍應態度不俗，有問有答，不會催迫。食物方面比較周圍唔係貴，亦唔係特別好味。譬如有次叫葡國雞飯，等左幾耐下，以為慢工出細貨。結果上台一見，飯汁都係唔鹹唔淡，個色差少少係螢光色。另一方面，我以為叫得做文萊，以為佢主打東南亞菜。然而睇餐單都係大路餐廳野，呢方面唔太特別，只係飲品甜品有意思，下次會試下。

順利係我20年前已經係度住 今日陪兩位家人黎食扒 一個叫豬扒 一個叫鴛鴦扒（牛豬）一個叫什扒 首先有湯 羅宋湯真係幾好飲 好足料 又辣辣地 幾開胃 先講個豬扒 都幾大塊 有兩塊 同埋好juicy 好我叫左黑椒汁 又真係幾辣 至於鴛鴦扒我覺得係最抵食同最好食 豬都係咁 個牛係大塊同埋唔難咬又好厚肉 什扒有豬牛雞同腸 火腿咁 我覺得燒汁比較好味 而且雞係好滑 又有杯熱飲 d待應好似家人咁 好nice 好 warm . 會再幫襯😆埋單200有找😅

今日去到順利搵食，本來以為會無乜選擇，原來都有幾間食店，呢間名稱同門面幾特別，不過睇門口啲餐牌，其實食物同平時茶餐廳差不多，入去坐低，裝修有啲東南亞色彩，最特別係扭花鐵門加水晶燈！桌椅唔迫！揀個海南雞飯晚餐，店員問埋餐湯同餐飲，然後食物好快咁到齊晒！我最唔鍾意咁趕，至少比我飲埋湯先，啲食物又凍咗！呢個做法係純粹方便店員，而無企在食客角度看！海南雞飯：賣相唔錯，份量唔少，雞唔會好肥，皮薄肉多，驚喜在雞肉有用熱湯燙過，食落暖暖地，唔係切完即刻上菜！有兩款醬汁，自己偏好酸醬，開胃之餘又解膩，雞雞油飯夠味，飯粒泛油光，粒粒飽滿唔乾，好味！生菜：新鮮爽口！蠔油唔多，唔會好咸！羅宋湯：可以揀中湯或西湯，我一向偏好羅宋湯，估唔到呢間做得唔錯，湯夠濃微辣，蔬菜又多，好好味！熱檸茶：瓦杯上夠熱，茶底濃但微澀，爭啲！阿姐店員好爽快，茶餐廳嘅爽快！其中一個好似經理嘅就答我餐廳電話號碼！好有禮貌