沁心甜 (貫華里)

营业中

休息中

之前食過一次芒果河粉 河粉難食 芒果難食 底都難食屋企人唔知情買咗呢間外賣椰皇桃膠好難食 甜到嘔 甜到已經食唔出係咩口味桃膠係脆嘅 浸在甜到嘔嘅椰汁度講真都唔平但真是20蚊都唔值

想食下甜品和小食，外賣平台買 慈雲山呢間甜品店印度煎酥餅 $18香脆可口，咬落有口感，味道不錯魚蛋 $18有魚味而且爽口彈牙腸粉 $18腸粉很滑而且有弹性，配上豉油，甜醬，正哈密瓜涼粉 $37賣相吸引，哈密瓜好有果香配上涼粉，好味

夜晚突然想食熱既中式糖水，來左呢間細細既糖水店。叫左一個紅豆沙綠豆沙加湯圓，$28，正常發揮，當然如果可以杰身d會食得更開心.另外一提呢間糖水店有小食嗌，見另一枱有兩位女士應該係收工來食宵夜，聽到佢地話小食好食，不過我今次就試唔到咁多，無嗌到，希望有機會再來過啦

係慈雲山想食糖水都係得3間左右嘅選擇🤭 普普通通同朋友食個糖水傾下計都ok嘅！唔會難食，只係普通正常，但佢冇芋圓仙草呢啲食。湯圓嘅餡都係普通揀花生或者芝麻，覺得餡如果多啲就好啦～

夜晚食完飯想食個糖水見附近得呢間就外賣左番去開頭見到個裝潢同餐單比較舊式諗住簡傳統既糖水會比較有保障所以簡左生磨芝麻糊但係佢個芝麻糊完全無芝麻既香味食落好似糖加水咁 好稀！非常失望食到一半就食唔到落去 急凍芝麻湯丸入面個涵都香過佢...另外有朋友嗌左個西瓜涼粉同紅豆沙。相比起芝麻糊，紅豆沙既水準好好多！起碼紅豆沙係結身唔係稀而且好夠味，仲食得出有陳皮。西瓜涼粉就不過不失，不過唔知係外賣問題定係咩碗野好水。整體都唔太好，唔會再試呢間。

疫症底下，無得出去食甜品，唯有搵熊貓外賣，沁心甜嘅甜品真心好味到連續叫咗兩日外賣。大家可以試試呀！感覺上好有心，連外賣都擺得靚靚咁。之前叫過榴甘歲月同歲月榴甘，都非常唔錯。今次又叫咗3個甜品，但影得2個甜品。芒果戀：外賣都擺得咁靚，仲要有粒糯米糍。又芒果肉，又小丸子，又芒果雪糕，好足料呀真係牛小子：好想試佢牛油果甜品，估個名有牛油果就叫佢。Bingo，係牛油果加小丸子。初初以為勁膩，點知好清新，真係值得一試。

食完飯同朋友黎左呢間甜品店食糖水，一入到去都幾多人食緊。不過，店員都好快安排到座位俾我地。朋友好想食豆腐花問店員會唔會有剩豆腐花叫，店員解釋返通常要match其他配料。所以，最後叫左個芝麻湯丸豆腐花、海底椰汁西米露同楊枝甘露。可能本身無咩期望食，芝麻湯丸豆腐花都幾好味 。以薑湯做糖水湯底，唔會過份辣又唔會過淡，所以覺得幾好味。至於自已點個個海底椰汁西米露就麻麻地，一心以為海底椰西米露。佢黎既時候仲以為黎錯左，因為見到啲西瓜係面。食落又無海底椰，點知朋友再睇先發現係海底椰"汁"西米露...所以，大家下次叫野食都要小心啲睇字眼haha整體黎講，食物正常。搵個地方食個糖水去吹下水都係個不錯選擇...