沙拉姆咖喱屋

营业中

休息中

印度餸同Naan Bread係絕配呢句說話真係講得無錯。今晚又幫襯呢一間位於油麻地的印度餐廳，我就係鍾意佢味道正宗而且價錢唔貴，最鍾意佢D餸用好多唔同的印度香料。今晚叫了Lamb Curry同埋Butter Chicken，一辣一唔辣，當然有叫埋Naan Bread啦。咖哩羊雖然係辣但係其實只屬於小辣，羊肉的羶味好輕微，如果鍾意好羶的朋友可能未必啱胃口，不過對我黎講就非常好。Butter Chicken個汁以番茄為主打，食到番茄鮮味的同時又有好多香料配埋一齊，D雞肉唔韌，個汁又唔會蓋過晒D雞味。最後當然係必叫的Naan Bread。雖然佢有白飯印度飯比客人揀，不過我始終覺得多汁的印度菜配Naan Bread係最好的，唔好用刀叉要落手食就最滋味。

今日食了一家不錯的印度餐廳，性價比極高，大廚係印度人，Menu話佢係前Ritz Carlton大廚，食完真係覺得有料到，值得再去幫襯。點餐後先來個免費小食，佢係一隻又薄又脆的薄餅，好香胡椒味。另外仲叫咗個羊肉咖哩角，味道真係唔錯，咖哩角入面除咗羊肉之外仲有好多其他香料。牛油雞(Butter Chicken)都幾好食，係個女侍應推介的一個唔辣的印度菜，感覺幾正宗，D香料幾有層次感，佢個汁調得幾好味。呢碟係瑪沙拉羊肉，又係落咗好多印度香料，D羊肉唔係好"so"，個汁又係好正。蒜蓉烤餅好好食，熱辣辣，點瑪沙拉羊肉同牛油雞D汁黎食最正。呢個係印度手抓餅，唔洗點汁就咁食已經好好食，如果點汁感覺上會同咖哩類別的餸最夾。

今日食了一餐驚喜印度菜，真係高手在民間，如果唔係朋友介紹真係唔識黎兼唔會黎，雖然佢在彌敦道咸美頓街直行入去就到，不過太入平時真係無乜機會經過。免費小食的印度胡椒脆餅，點綠色薄荷醬味道唔錯。菠菜燴印度芝士好香菠菜味，另外個印度芝士煙煙un un係幾有趣，呢個點Naam Bread好好食。印度燒烤Tandoori Chicken又估唔到幾嫩口，鐵板上出晒煙熱辣辣，有兩件大雞腿加兩件大雞脾肉，都幾Juicy幾好食。印度Naam烤餅真係即叫即做好新鮮好好食點汁一流。

我哋一坐低就每人叫杯芒果印度乳酪，都係要少甜少冰嘅，味道幾好。小食我哋就揀咗羊肉咖喱角，一份有四隻，我建議大家如果叫呢個真係一定要點佢提供的醬，佢個羊肉咖喱角本身味道唔錯，但係原來點咗醬之後再好食好多。我個friend揀咗個爐烤嫩雞卷，其實我心入邊有少少擔心，因為呢啲印度式嘅燒烤so far我食過咁多間都係麻麻地，不過呢一間竟然有驚喜，佢真係做到個雞肉表面有炭烤嘅燶燶地燒烤feel，但係入面嘅雞肉又真係做到嫩滑多汁，仲要用鐵板上熱辣辣，個廚師真係要好有心機煮先做到呢個效果。另外我哋仲叫咗個菠菜蓉燴印度芝士同埋咖喱羊肉，大家唔好睇過菠菜蓉燴印度芝士成兜綠色好肉酸，其實用嚟點naan bread都不知幾滋味，同埋啲印度芝士煙煙韌韌幾好食。咖喱羊肉唔會太辣，好重香料未，感覺就係好正宗嘅印度咖喱。雖然我哋得兩個人，但係我哋都叫咗兩份naan bread再加一份印度黃薑飯先至餸得晒啲咖喱羊肉同埋菠菜蓉燴芝士，過咗一個好滿足嘅印度之夜。

素菜咖哩角的餡料以薯蓉為主，難得竟然係熱辣辣上枱，似乎係即叫即焗，唔係一早整定叮都唔叮翻熱比你或者係翻焗的，呢個新鮮好食，最衰係薯仔會飽肚，否則真係想食多一件。印度牛油雞Butter Chicken入面的雞肉都煮得幾嫩，茄汁加上芝士的香味用黎餸飯或者點Naam Bread都好好味，仲有想講嘅係食得出佢用咗好多香料，真係非常正宗的印度菜。瑪莎拉牛脷的瑪莎拉汁又係超多香料，混合起黎真係好好味。個牛脷唔會太韌，又係用黎餸飯或者點Naam Bread會超正。印度兼薑飯D米係長條形有得意，食落係乾身兼散修修咁，飯入面又係有好香的印度香料，好食。Naam Bread又應該係即叫即做，呢D烤餅點汁真係一流，我地叫了Plain的，已經好好食了，佢仲有蒜頭、牛油嗰D味比你揀。

朋友推介這家印度小店，估唔到咁好食，而且價錢都算平，值得再去。一坐低即送上印度胡椒薄餅，脆卜卜，點埋個薄荷醬更好食。然後叫了兩杯印度奶式，一杯芒果味，另一杯椰子味，兩杯的味道都唔會太甜。點了一個小食，揀了印度素咖哩角，侍應送到時仲係熱辣辣，要攤一陣先食，入面雖然主要係薯蓉，不過真係好好食，係有D飽肚的，點埋佢個專用汁味道更好。我地無叫到咖哩，反而叫咗個印度芝士菠菜蓉，個樣係奇怪D因為全碟都係綠色，不過味道又幾好食嘅，而且入面有一粒粒的印度特色芝士，同來點印度薄餅就係最好的。

中午來試試油麻地呢間印度餐廳，環境帶有簡約的印度風格，鐘意佢大門上有圓拱形既玻璃設計。餐廳位置比較静，所以午餐時間座位有好多，叫左份咖喱雞肉set試下，配印度出名的薄餅 Naan及餐飲。咖喱雞肉咖喱有香濃印度香料味，好濃郁杰身，沾薄餅食好好食，雞肉略嫌鞋左少少。印度薄餅 Naan薄餅烘得乾身有咬口，係我鐘意既質地，一大塊切開3件，份量都好多。呢份印度午餐好滿足。菜湯係跟餐的，好似中式白菜湯，味道比較咸。

今晚又來這家印度菜，點了以下菜式：無骨燒烤魚 Fish Tikka呢度菜式係以炭爐燒烤魚塊然後用鐵板上，出晒煙熱辣辣，d魚肉比想像中嫩滑，估唔到燒烤都可以做到咁好嘅肉質。素菜咖喱角 Vegetable Samosa呢個咖喱角嘅皮好鬆化，難得一d都唔會覺得好油好滯，佢入面嘅餡料主要係薯蓉，一碟三件，上枱嘅時候又係熱辣辣，所以味道好好，出面成日食到嘅咖喱角都因為預先做定所以經常係室溫甚至係凍冰冰，令到個味道會變差，而呢一間就好好。爐烤嫩雞卷 Reshmi Kebab呢個菜式又係炭爐燒烤又係鐵板上d雞肉亦都係好嫩滑兼juicy。作為配菜嘅青瓜好清甜好fresh，加少少檸檬汁落去更加美味。菠菜芝士咖哩 Saag Paneer呢個菜式賣相麻麻不過食過就知道係好野，用黎點Naan Bread唔係一定要用咖哩汁架，用呢款菠菜蓉都好正，菠菜蓉入面有印度芝士粒，感覺上比較清清地。瑪莎拉羊肉 Lamb Masala牛同羊之中最後揀咗羊，Masala沙以番茄作底汁，令成個餸變得開胃，羊肉加埋汁用Naan Bread點又係一絕。d羊肉夠淋，唔會咬極都咬唔開，而且都好入味。印度烤餅 Naan Bread呢間餐廳

炎熱的天氣一坐低要即刻叫杯凍飲cool down一下，去印度餐廳當然要飲印度乳酪，於是叫了Mango Lassi，仲可以少甜少冰，讚﹗本來想食素菜咖哩角，可惜今日無，結果前菜叫了Green Salad，有驚喜，估唔到簡單的番茄加青瓜加洋蔥都可以咁好食，全部蔬菜都好新鮮，令人好開胃。唔好睇佢個印度烤倉魚烤到黑媽媽，實際上佢真係外皮好香而入面D肉仲好嫩滑，D魚鰭仲好香脆添，好食。鐘意印度野其中一個原因就係要食Naan Bread點汁，真心正，呢度嘅Naan Bread好新鮮，一份有三件，好食。我地叫咗咖哩羊肉(Lamb Rogan Josh)餸Naan Bread點汁，呢個咖哩唔係好辣，而且佢個汁用咗好多香料調製，用黎點D印度薄餅真係一流。佢個羊都好食，一D都唔羶，真係好味。

今晚試了一間好味的印度菜每枱都會送一份胡椒脆片，點綠色汁的，綠色汁少少辣，其實就咁食都好味。芒果乳酪Mango Lassi唔係太甜，芒果味又唔會好假，唔錯。德國麥啤Benediktiner麥味好香，好飲過印度啤。綠州沙律Green Salad望落去好似係簡簡單單的青瓜番茄蘿蔔，不過就非常新鮮，難得。素菜咖哩角Vegetable Samosa真係好食，熱辣辣皮又薄，同埋D薯仔餡好味。印式牛油雞Butter Chicken啱晒唔食辣嘅人，雞肉都算嫩。瑪莎拉牛腩Beef Masala嘅牛味好出，D香料味好有層次感。炭燒雞柳Chicken Tikka顯出廚師功力，炭燒D野成日會因為燒得太乾所以唔好食，佢呢個雞柳燒得好Juicy，真係好食。蒜香烤餅Garlic Naan係食印度野必食嘅，點汁食真係好好味，唔洗浪費D汁。牛油層層脆餅Paratha其實就好似手抓餅，因為有牛油所以好香好好食。

//< 沙拉姆咖哩屋 >小編今次去到位於油麻地既印度餐廳🍴餐廳唔算好大，裝修簡約帶印度風🇮🇳————————————- Set Lunch A 咖哩雞肉 $68 -呢間既咖哩香料味唔算好勁，有d似坊間食開既咖哩～ 所以小編覺得適合大眾😆 雞件有三四舊，非常滑🐤🐤 仲有小編最愛既薯仔🥔唔錯唔錯～————————————- 芝士Naan +$22 -小編諗咗好耐揀蒜蓉定芝士，最後見芝士原價貴啲就揀咗芝士🤣🤣🤣 小編略嫌芝士唔係好多，整體奶味比較重，唔係好覺芝士味～ 但係本身Naan個texture都幾鬆軟～ 配埋咖哩食好味😊————————————- 餐湯 -小編其實唔知係咩湯，大概應該都係啲蔬菜啊豆嘅湯🤪但係味道偏鹹，所以飲唔曬～————————————- 芒果乳酪+$30 -呢間mango lassi顏色比起小編食過嘅餐廳淡，芒果味🥭相對上冇咁甜～ 但係起嗎夠凍同smooth，都OK！🤓————————————- 脆炸洋蔥 $58 -小編見有好多人推薦炸洋蔥所以點左～ 佢既炸漿幾特別，脆口唔厚粉但係有別於一般日式天婦羅既炸粉😚 洋蔥清甜帶有印度香料味，配埋特別既醬都幾好

今日在油麻地吃了這印度小餐廳的Set Lunch，幾好味，有機會各位巴打絲打都可以試吓。一講印度野立即會聯想到咖哩，佢呢度個Set Lunch Menu就有齊咖哩雞牛羊，不過我今日就唔叫咖哩，叫咗個牛脷Masala，set lunch包埋湯同餐飲。是日餐湯係粟米蛋花湯，印度style，味道帶少少甜。Masala牛脷就煮得好淋，Masala汁調得好味，好多香料煮嘅，跟餐可以揀白飯或者Naan Bread，我要咗Naan Bread，因為同個Masala牛脷襯d，邊食邊點汁真係好正。餐茶飲印度奶茶Masala Tea，略嫌茶味淡咗d。成個餐盛惠68大元，無加一。

店主似是印度人, 但他會一點廣東話. 食物算正宗，入去聞到有羊騷味，咖喱亦夠晒風味！這裏的價錢很合理, 一個午餐只須要大約HK$50-70.至於個咖哩，真心惹味！佢唔算太辣，但好香香料味，而且唔會太咸，我地order左個芫茜薄餅點黎食，好match!芫茜薄餅陣芫茜味唔太濃，我平時少食芫茜都接受到，配埋咖哩食出奇好味。牛腩寫得好soft, 好入味，有約有6-7舊，份量都算多。

有朋友介紹我試這家印度菜，一試難忘，性價比極高。位於油麻地內街，比想像中易搵，入面座位比較窄。一開始有印度胡椒脆薄餅點一個綠色的汁，辣辣地幾開胃，呢個係免費的。叫了個咖哩角，入面D薯蓉又香又軟熟，熱辣辣好好味，不過就滯咗少少，因為始終係薯仔蓉，係會飽肚D。之後叫了印式燒烤拼盤，似乎係用碳燒嘅，所以好香碳火味，出面好似好少食得到。跟住仲有個印度烤羊腿，燒得唔太乾，D印度香料好入味，值得一試。最後叫了一個有汁的菜式用黎點Naam Bread超級正，就係呢個Butter Chicken牛油雞，個汁底主要係茄汁，然後當然有好多印度香料啦，好食。

今次嚐了這一家位於油麻地的印度菜，有驚喜。由於友人不愛吃辣，所以大廚介紹了我們幾款不辣的印度菜，他還告訴我們印度菜其實著重其傳統香料，辣只是其中一部份。先來一個咖哩角，有一點點的辣，裡面以薯蓉為主，熱辣辣很好吃，一份三件重份量。這個菠菜蓉芝士賣相有點古怪，不過正所謂「人不可以貌相」，餸菜也如是，此菜色原來很好吃，據了解是一味很傳統的印度菜，配上印度薄餅真的是天衣無縫。這味是印度牛油雞，茄汁配上芝士的汁加入雞件，是不辣的，點Naam Bread很好吃。Naam Bread印度薄餅我們選了有蒜蓉的，上枱時熱辣辣的，吃時口感軟熟，很新鮮。