沙田一至尊燒鵝·生滾粥品專門店 (已結業)

今次試咗佢個叉鵝瀨，好少地方有瀨粉食喇~ 啲粉都幾多，而且唔會煮到好腍，幾好食。啲燒味嘅味道同口感都保持一貫水準，可惜唔知係唔係咁啱切正無乜肉嘅位，啲燒鵝主要係皮，唔多肉。不過真係好中意佢個叉燒，唔柴好嫩之餘又好香叉燒味。另外啲侍應都好主動同好熱情，我哋隔離檯坐咗幾位泰國遊客，個姐姐好努力咁用英文同佢溝通，仲會同佢哋傾計🤣🤣 我哋喺隔離聽得好開心。可惜佢哋個湯煲壞咗啦，佢每日都有唔同例湯，之前試過味道都唔錯。等下次湯煲整返再去～

今日較平日早下班，就去了石門京瑞行了一趟尋找美食。石門美食多的是，最後選了沙田一。不用好像中午需要排長龍，其實當天晚上都是人山人海，但最終能找到兩個面向牆單丁位、就馬上衝入去了！食物款式非常多包括燒味、生滾粥，還有家常小菜，最後都是選了兩碟燒味雙拼飯：燒鵝燒腩飯 及 叉燒油雞飯 （唔知係唔係入夜了 想點個乳豬或轉米粉都是售完）先來個例湯 （天天不同），今天是節瓜淡菜瘦肉湯，清甜好味，飲完唔算太口喝。然後先來燒鵝燒腩飯，配以酸梅及芥末醬 。燒鵝好味，仲係油身，果然名不虛傳，燒腩仔就稍略嫌鹹了一點。然後就係叉燒油雞，叉燒雖然瘦叉，咬落粗糙，但勝在食出酒味，有心製作。相比其他地方的叉燒，這裡的有驚喜！油雞正路。最後想講下飯同汁，汁唔會太鹹，飯都是正路的，總體的都滿意 下次有機會會斬料加餸！

今日一個人自己早收工，即刻諗起石門沙田一間燒味店，記得疫情時我差唔多一個月都會嚟一次，佢嘅叉燒我真係覺得全香港最好食，每次同朋友講起燒味店，我一定提議佢哋過嚟試一試。由於好耐冇食過，今日再過嚟買一個叉燒飯同埋一個燒鵝鵝頭，返屋企自己飲杯啤酒食飯。返到屋企一打開盒叉燒飯我已經呆咗，究竟俾咗啲乜嘢？係肉醬定係梅了嘅叉燒？ 成盒飯好似打咗風咁亂七八糟。先唔講味道，味道嘅嘢好個人，所以我淨係講賣相同埋肉質，叉燒食落去毫無質感，好似食緊肉泥，佢嘅肉質真係十級難食，唔知道係咪落咗好多肉鬆粉之類，有一半叉燒並不是齊整的，好似係將啲肉用刀背拍到爛咗，然後搽上叉燒醬，咁就當叉燒，如果叉燒有問題，唔明白點解斬叉燒個師傅，會拎出嚟賣，咁樣真係害死佢。記得佢開業初頭我真係來得好密，而且我都有係Openrice分享，希望如果老細見到留意一下。另外我都嗌咗一個燒鵝鵝頭，唔知點解佢嘅切法同以前唔一樣，佢呢個好似係滷水鵝嘅切法，但係因為燒鵝嘅關係，佢啲肉係比較乾身，咁好難食。 另一方面佢嘅顏色亦都唔一致，懷疑係合成出嚟嘅。而且咁啱得咁蹺我食頭兩件感覺有沙粒！究竟係運送途中唔小心跌咗落地下，定係其他問題就不得而知。總括

安景街公園睇完櫻花 行過石門搵野食，經過 望入去 個裝修都幾乾淨企理竟然燒味店用日系裝潢 就試試燒味係咪新派口味招牌及第粥 + 蔥花蝦米炸兩 $62 + 熱奶茶 $5點左一份「全日生滾粥品套餐」 熱飲加$5，及第粥底入口綿密，用料好足:豬肉丸+豬心+豬潤+豬肚+豬粉腸，豬內臟全部都好新鮮 唔會有豬臭味炸兩個腸外皮做得幾細滑，不過3條油炸鬼個口感都唔同 有條入口香脆 但另一條就偏硬偏靭 可能唔係同一批炸起古井燒鵝+燒腩仔雙拼飯 $60分到一隻鵝上裝小脾 燒鵝燒得皮脆肉嫩 未食已經聞到鵝香 入口油香多汁 好味，燒腩仔口感似燒肉 唔夠爽口 好彩調味都不俗 *店員姐姐送我地每人一碗例湯*卡位唔多*無收+1

呢間沙田一燒味店舖面相當明亮除咗燒味選擇 仲有午餐可以揀人流幾多 坐滿舖兩個人食相當快就可以入座價錢合理 雙拼飯 除咗搭乳豬其餘係介乎$50-$60之間跟飯附中湯 或者加$5 熱飲 或者凍飲另外加錢一坐低就會送上例湯例湯日日唔同唔似係味精湯而上餐嘅速度都好快另會有兩隻碟仔連埋包裝嘅芥末醬同酸辣醬自助唧講返啲肉燒鵝、燒腩仔同叉燒都係中規中矩冇驚艷嘅口感但亦唔叫難食總結呢度係一間燒味快餐店並冇令人深刻嘅記憶點建議冇抱大期望先唔會失望

同朋友咁岩經過呢邊前幾日已經好想食瀨粉 見到有就沖咗入去門面正正常常牆上都掛滿獎狀諗住可以食 我最鍾意嘅叉燒店員的態度好hea 然後落單時 同事已指明想要肥叉 但阿姐就大大聲話冇得揀廚房切咩就俾咩 🥹咁都算啦 🙃上到嚟嗰碟嘢 個叉燒瘦到乾柴柴 肉眼都已經見到 😅😅😅同事話咬落去全部都係筋係勁韌 咬唔爛到我碟 一樣係咁實在太失望 燒腩仔就普通啦 唯一好食嘅係 瀨粉 唔會一夾就斷 湯底尚算正常但佢主打嘅燒味 真係好唔掂而且店員嘅態度 好差 你食食吓嘢會喺你旁邊掃地 好似唔想做生意咁 雖然下午茶幾十蚊貨仔 但都唔係咁嘅質素 希望餐廳可以重視下

冇食過咁差既燒味，$60 燒鵝燒肉米粉，燒鵝只有皮同骨，完全冇肉，燒肉皮韌唔脆十分難咬，米粉普通，湯底味淡，食物水平比正常燒味店差。份量亦少，除左淨皮燒鵝外，燒肉只有5件細細粒，最平既米粉都係細細碗得幾啖。店員態度差。店內人少，一張6人位長枱除左我全部空位，我坐喺角落然後放左個袋喺隔離。食到一半有2個人入座竟然係貼住我坐,然後店員仲要叫我拎開個袋，明顯想趕客。食物又貴又難食，仲要加$7先有凍飲，座位十分難坐，絕對不會再光顧。

一直都有幫襯佢堂食，叉燒、燒鵝、油雞、燒肉都唔錯，雖然個人覺得味道比剛剛開張之前差了一點點，但餐廳都係沒有太大問題可以一吃的。但好奇怪幾次外賣同佢講要肥叉燒，但每次叉燒都比較瘦，但屋企人喜歡吃燒味而附近冇其他選擇，所以繼續幫襯。今次外賣油雞同叉燒，落單時已經同佢講要肥叉燒，見佢冇打落張單度，於是再同樓面入單同事講多聲唔該要肥叉燒，但最後返到屋企打開都係瘦叉燒，而今次所以留言嘅原因係因為又韌又瘦又難食，全部都係筋位置咬唔開，而且睇落去都唔係一條完整嘅叉燒，好像頭頭尾尾加埋切俾你咁樣，希望可以改善。

頭一次去到呢家店，真係畀佢哋啲燒味同粥品令我驚艷到！😲店內氣氛都幾得，唔似平時食快餐咁衝。第一道攞上嚟嘅係叉燒，佢哋嘅叉燒食落去真係嘴邊留香，外層微微焦香，嗰個炭味嚟，啱哂我胃口。叉燒蜜汁滲透入肉，每一啖都嘆為觀止啊！轉個彎，又食到啲生滾粥，粥底夠濃，舀一湯匙，啲料真係豐富得黎又新鮮，啲波菜又係好嫩口，仲有啲秘製嘅肉丸，Q彈彈牙，每啖都好滿足。啲粥流得入口，又唔會太過稀；食得出廚師係 頂心上腦煲嘅。最後結實我個食之旅就係燒腩肉啦！每一片燒腩肉上面嘅脆皮都啪啪聲，香脆得嚟又唔油膩，肉汁一咬落去就流出嚟。食到最後，口口都充滿幸福感，真係食指大動，完全冇得頂！食完之後，仲有種滿足到從心眼滋出嚟嘅感覺。快啲叫埋班friend，黎食啲平民價錢、星級享受嘅燒味！✨✨✨

今次去試咗新餐廳，叫咗切雞燒鵝飯。雖然價錢唔算平，都要$6x，但一上到嚟有驚喜！竟然燒鵝髀😋燒鵝肉質嫩滑，表皮香脆多汁，係少有嘅高質燒鵝！雞件同樣嫩滑，無得彈！份量量好多，一個女仔食絕對夠飽

家人想吃湯瀨，話石門站憶京二期地舖「沙田一」燒味出名，於是就去醫肚。 這𥚃職員穿漫畫制服，與牆上漫畫互相呼應🤣，職員介紹下午茶餐抵食，於是我們就聽取意見叫叉燒湯瀬和叉燒湯米餐$46，熱飲／湯不需另加收費。叉燒和湯粉份量不少，叉燒燒得顏色很漂亮，蜜味重，還有燶邊，話說是古法燒製，不錯👍🏻。服務員見我找調味品亦立即上前協助，服務態度良好。我想我下次會再來試它的另類招牌菜「燒鵝」。

燒味飯，係好多香港人既午餐首選。單是在石門這一個工活小區，已經有超過一間既選擇。而這一間最具人氣的燒臘飯店《沙田一》也理所當然地成為我中午飯既飯堂之一。久未有食過及報導過這一間人氣燒臘飯店，那我就分了兩次來，報導下我的中午燒味飯餐啦。大概是四、五年前吧，這《沙田一》一開張已經成為了區內的人氣食堂之一。至今，因為燒味同粥品的持續好質素，外賣又快而準，就算區內多了競爭，這店的人氣依然沒減，中午時段，門口等外賣的人群同等堂食的人群，佔據左大半條行人路。在這兒食飯，飲品係要另加錢的。但，一坐低就一人會有一碗例湯。這兒的例湯，絕對不是燒味既餸頭餸尾大埋一大煲既那一種湯。而是淡淡大大舊瘦肉，有時加西洋菜，有是加白菜的老火靚湯。我時常有，有一半既原因，就是為了這一個湯。這兒燒鵝出名，久沒有來的我，一坐低就要了一份叉鵝飯。叉燒，有時候可能分到瘦叉給你，但這兒的叉燒是用梅頭肉製成，點瘦都有幾分的腍。燒鵝是出色的，肉又夠肥美，油香味也是十足的。改日再來，我點的是叉燒燒肉飯。燒肉的皮十分脆已經不用多用文字去解釋。餐牌上說是燒腩，所以保證到是半肥半瘦的豬腩肉。而口感就是一層脆，一層肥膏再下就是一層滑滑的豬肉。

好難數到我食咗幾多次【沙田一】，基本上我去依間食肆，每次都叫唔同燒味，但係每次質素都冇乜保證，好似撞彩咁，同埋去到七點之後呢其實已經冇乜燒味可以揀。🥢 燒肉🥢 油雞🥢 切雞🥢 叉燒🥢 燒鵝基本上我都係食上面呢幾款嘅雙拼飯，但係每次去呢一係就個燒味質素好參差，一係就係燒味當刻缺貨已經賣晒，所以呢我就覺得如果你抱住只係想食燒味嘅心態，咁佢真係一間普通嘅燒味店，飯係正常份量，下午茶無論燒味同飯嘅份量少三份一，所以極力唔建議食下午茶，好似俾人搵笨。環境上，我覺得一般啦，冇乜期望。

今日第一次行入去沙田一，我亦相信這次係最後一次。行入去話買燒肉，收錢阿姐照收錢，我睇到張單寫燒腩仔，問番收錢姐姐話我係要燒肉，佢話佢地只得一款。我即時要求退錢，收錢阿姐即刻破口大罵，話今樣唔得架，問我有無搞錯，仲話成條燒腩仔掛係到。我俾錢時又唔講清楚得燒腩仔，又無叫我望下得個條掛係到嘅燒腩仔，如果我知道只得燒腩仔我就唔買啦！這個收錢姐姐真係無得頂，服務態度差成咁！平時聽得多話沙田一服務差，確實要體驗一下先知可以差成咁

Intro: 要數到石門最出名嘅餐廳，一定係呢一間燒味店，一到十二點半嘅時候就會有人排隊，聽講呢到嘅叉燒燒得幾靚又好食，佢地碗湯仲有好多材料煲出黎。___________________🍽 叉燒油雞飯💰 54 （送湯）⭐️ 8/10✍🏻 雙拼叉燒油雞份量好多又大舊，有十粒；✍🏻 叉燒好厚仲要半肥瘦，係蜜汁味嘅叉燒，仲有濃左嘅邊；✍🏻 油雞皮沾滿豉油味，油雞真係好滑，但要小心醉骨；✍🏻 呢碗湯真係好大碗，仲無落味精，肉味濃，仲有瓜同豬肉湯渣食；___________________🏠 沙田一至尊燒鵝生滾粥品專門店📍 沙田石門安群街1號京瑞廣場二期地下G10號舖⭐️ 8/10___________________