河內越式湯粉

营业中

休息中

🌟蝦餅，我哋係用小食價錢加，一塊切開四件，整體大致上都幾好食，非常彈牙，食咗早餐定係自家製絕對唔係雪藏貨，而小食嘅價錢，亦都絕對唔係貴非常平民，價錢合理同埋公道，口感亦都做得唔錯，加埋泰式辣醬，我覺得味道更上一層樓🌟扎肉撈檬粉，份量真係非常多，有五大件，扎肉，整體嘅口感都做得非常好，加左蘿蔔絲同埋紅蘿蔔絲，同埋生菜炸蒜蓉，所以成個口感嘅配搭上都做得幾好，非常有層次，加埋餐廳嘅特製醬汁，酸酸甜甜咁非常特別，扎肉就傳統嘅越南口味，做得非常好，我同朋友都非常鍾意佢嘅口味，而且價錢只係$62，尖沙咀嚟講呢個價錢真係平🌟牛油蒜蓉雞翼，嚟到嘅時候熱辣辣，睇得出餐廳唔係本身預先做好，呢個係非常值得加分，餐廳嘅雞翼本身非常大隻，而且係調味方面都做得唔錯，所以加埋牛油同埋蒜蓉嘅香味都非常夾，作為小食嚟講，簡直冇得輸，平價又抵食！🌟軟殼蟹米子卷，呢個係越南傳統嘅味道，餐廳加咗米粉再加紅蘿蔔再加生菜，令到成個口感更加豐滿，點少少嘅辣醬，更加突出，成個味道做得非常好！好食程度（5粒🌟）🌟🌟🌟🌟🌟抵食程度（5粒🌟）🌟🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟

-Ha Noi 越南菜-📍尖沙咀.知道重慶大廈嘅地庫開咗好多餐廳，各國嘅食品都有，好多選擇。之前食過其他地區嘅河內越式餐廳，質素都唔錯，而慶方呢間嘅座位都好多好闊落，坐得幾舒服。.蔥芫蛋花湯 ($16)一開始點咗碗蛋花湯，清清地用香蔥加上蛋花，暖身又開胃。.河内牛肉米紙卷 ($54)米紙卷係食越南菜必點嘅小食。晶瑩煙韌嘅米紙捲住滿滿的配料，有大量粉絲、脆蒜和薄荷葉等調味，味道非常豐富。牛肉質地似係肥牛，但有食落少了肥牛嘅油膩感，就算唔加調味都非常好食。.越式炸春卷($52)新鮮即炸的越式春卷，要趁熱即食。外層炸至金黃香脆，一啲都唔油。內層包住肉碎和越式粉絲等，加埋酸甜醬，非常開胃。.濱海伴手打蝦餅 ($76)濱海係乾身嘅米粉餅，上面鋪滿香蔥粒同脆蒜。個人鍾意加入開胃嘅酸汁，配埋蝦餅風味一流。.手打蝦餅新鮮炸起，外層金黃香酥，蝦餅好香鮮蝦味道，咬落十分彈牙。.椰果椰汁西米露 (+$12)點任何主食都可以優惠價換購一杯飲品，換特色嘅椰果椰汁西米露都係+$12 ，非常抵。無論椰果定係西米露都非常多，配料好足。.

重慶大廈地庫最近有唔少新既食肆，今日黎食越式野，下午茶好抵食！極品牛三寶湯河粉三寶係牛腱，牛丸同牛肉，好豐富！岩哂健康人士😌湯底好清甜，河粉夠爽滑，而且份量好大，下次要叫少河😝順化豬肉卷撈檬撈檬既配料選擇十分之豐富！我同朋友都係第一次見順化豬肉卷，好奇係咩黎所以就叫左😝 食落口感係介乎扎肉同豬肉中間，因為夾雜啲肥膏所以有啲油脂香🐖撈檬最緊要就係夠汁撈！呢度每一枱都有一壺汁，自己鍾意落幾多都得，重口味既朋友都唔洗擔心👍越式炸蝦餅新鮮炸起既金黃色蝦餅，蝦肉夠爽，唔會好多粉😗安南鮮蝦米紙卷每嚿米紙卷都有隻鮮蝦🤩另外配有扎肉，生菜同紅蘿蔔絲，爽脆清新！杞子龍眼茶椰青，好清甜😘

正宗越南菜，坐得舒服，性價比高。📍地點：尖沙咀🍽️菜式：越南菜💰人均消費：晚餐 HK$60~100🔖服務費/ 茶芥：❎ / ❎🧻餐巾/ 濕紙巾：✅ / ❎🪑座位類型：方枱/ 卡位📝落單方式：侍應生落單【優惠二人餐】💰HK$198雞絲湯粉湯頭味濃，雞絲湯粉一樣美味。香茅雞翼撈檬，雞翼足香茅味，非常大碗。安南鮮蝦米紙卷，配魚露海鮮花生醬。田園灼時蔬，好大一碟。兩杯越色特飲隨便點。【秘制招牌豬扒飯】💰HK$65豬扒醃得非常入味，感覺是醃過夜的效果。一隻糖心蛋加蔬菜，米線粒粒分明。【越式手打蝦餅】💰HK$33蝦餅脆皮不油膩，肉口感亦扎實。.河內越式湯粉🏷️尖沙咀彌敦道36-44號重慶大廈WK廣場地庫36號舖

睇完戲之後時間不早，與其要等位食晚飯，不如直接買外賣返屋企，仲可以嘆住冷氣放鬆食晚餐😎Hà Nội 位於重慶大廈W K廣場，估唔到廣場入邊都有唔少餐廳進駐😲價錢都相當相宜👍🏻👍🏻餐廳內都人頭滿滿，環境都光猛乾淨，餐牌內除咗有粉麵飯外都仲有越式小食、串燒、法包等等👏🏻👏🏻叫咗4款美食都係$3xx 仲夠哂3-4人食，性價比高👍🏻👍🏻越式烤雞半隻 半隻烤雞已切成件狀，雞皮仲帶微微脆身，烤雞唔算肥，皮脆肉嫩仲帶肉汁嫁，一打開個盒已經聞到香氣順化蕃茄蟹肉札肉湯檬超級足料亦無因為外賣而減份量，滿滿已拆肉嘅蟹肉❤️仲有越式札肉，蕃茄湯內仲有肉末、豆腐、豆腐卜等材料，淨係賣相已流晒口水🤤順化豬肉卷撈檬順化豬肉卷其實係手打豬肉餅切成條狀，豬肉條都幾彈牙，沾上甜酸醬一齊食相當唔錯👍🏻撈檬嘅甜酸汁份量足夠，食個陣再慢慢落🤓河內豬頸肉三文治🥪雖然叫做三文治，其實係越式法包🥖法包內包住生菜🥬、燒豬頸肉、仲有大量酸菜，仲要份量完全唔細嫁，食完一個一定夠飽😎

叫左個下午茶餐豬排檬粉，一上到嚟根本就係普通烚米粉，食落完全冇味，個豬排係全黑！！！你冇睇錯係全黑，我第一次食到完全炸燶咗嘅豬扒🙃🙃🙃🙃放入口就好似食緊炭咁，呢個係我食過咁多間最難食嘅越南嘢，第一次嚟都會係最後一次嚟👎🏻👎🏻👎🏻

對上一次去重慶大廈食嘢係食佢哋嘅非洲雞，今次重慶大廈好似新裝修咗呢一邊，門口已經覺得好新淨， 搭𨋢落到去原來地下都有好多唔同嘅新食肆進駐，今次就揀咗呢一間越南嘢。順化蕃茄蟹肉扎肉湯檬($70): 蟹肉好震撼！！呢一個價錢其實自己絕對冇諗過會禁足了，蕃茄湯底真係有爭番茄之餘，而且蟹肉同蟹膏嘅份量都好足，真係成碗都有，仲有豆卜同芽菜，湯底好濃郁有滿滿嘅蟹味！河內招牌豬扒飯($65): 豬扒有成隻手掌咁大，不過如果啲蔥可以多番啲就好啦，最啱就係撈飯。豬扒好入味，食落去好似香茅豬扒，而且好淋無筋。濱海半香茅牛肉($76): 咁大個女都冇食過呢一款食品，所以就叫咗啦，上菜嘅時候就其實係生菜再加整成四方形嘅米粉再加牛肉咁樣食嘅。自己覺得如果牛肉再濃味少少會好啲，因為生菜同米粉本身都冇乜味，或者可能點少少撈檬嘅汁都應該會幾好嘅。椰果椰汁西米露($12): 聽個名都知夠哂椰，不過不失，好似一杯甜品咁樣。熱情果梳打($12): 有真嘅熱情果肉，所以咁嘅價錢真係好抵飲!!! 總結：成日喺香港都覺得食越南嘢好似好唔抵咁樣因為喺越南食真係好平，而且差唔多全部嘢都好好食，好啱香港人胃口。今次嚟到重慶大廈呢一間舖

我不嬲都好鍾意食越南菜，因為好濃味好吸引，於是上網睇吓邊一間受歡迎好推介的越南菜介紹，然後搵到呢一家鄉重慶大廈嘅越南餐廳，果然冇介紹錯啊，食咗一次真係非常好食，超級高質素，估唔到好有驚喜，真係一定要介紹俾身邊嘅朋友食啊，裏面嘅餐廳裝修好乾淨，衛生方面做得好好，而且整潔度高，環境舒適，非常之適合一家大細嚟食飯，而且佢哋嘅食物種類非常多，有唔同嘅飯類，有面，仲有撈夢，我真係好推介佢哋嘅香茅豬扒湯河，因為個河粉真係大大碗，而且湯底非常濃郁，配菜都好多，豬扒都係超級好，超大塊，超級入味好食，真係一食就愛上咗，而且呢度一定要加埋個紅豆冰特飲，真係好配襯，而且仲有好多唔同嘅特飲，有青檸冰，都非常好介紹，而且呢個衛生服務都好好，好主動好有親切感，所以喺度食飯真係好開心

Ha Noi越南菜(尖沙咀) （27/10/2023）今天同個朋友去尖沙咀行街食飯，行經重慶大廈的地庫，原來裏面有很多食肆，我哋見到一間越南餐廳，我就想起我上星期去越南河內旅行時有好多越南美食，所以就選去食越南菜。這間餐廳叫 Ha Noi 越南菜，它位於尖沙咀彌敦道36-44號重慶大廈慶方地庫S21號舖，它距離尖沙咀地鐵站C出口行2 分鐘就到，餐廳門口嘅荷花池牆佈滿金屬荷花和鯉魚，非常特別，餐廳𥚃面有大大幅油畫同裝修好有越南風味，地方寬敞、光猛、整齊同清潔，令人坐得舒服。我最鍾意食生牛肉湯河粉，這碗湯河粉裡有生牛肉，牛肉非常嫩滑，而湯底是以牛骨熬煮而成，味道濃郁，一啲味精都唔覺得有，順口得來好清甜，好正好好飲，啲員工拿來時仲建議等30秒後才進食。而小食拼盤真係好吸引，有春卷、蝦餅、雞翼、扎肉、鮮蝦米紙卷。而全部炸物都脆卜卜，但又唔油膩。春捲餡料十足，外皮好夠脆，蝦餅熱辣辣，外脆內軟，亦好有蝦味，香茅雞翼好惹味，肉質好嫩滑，外皮香脆，扎肉就爽口彈牙。鮮蝦米紙卷嘅米紙皮食落煙韌有咬口，裏面包住半邊蝦、生菜、檬粉等配料，再配少許甜酸醬，令人非常開胃。軟殼蟹米子卷同鮮蝦米子卷一樣非常好味，軟殼

今次真係食到一肚氣! 叫左春卷撈檬，豬頸肉飯，檸茶。 檸茶自動走甜都算啦，豬頸肉飯叫左走青又無走青，重點係豬頸肉得六片而且紙甘薄，連我六歲既女都吾夠食。向過兩位侍應投訴，都話係廚房set 出黎，耍左我就走，"廚房 set 出黎" 連小朋友都吾夠食, 甘即係有問題啦，又話豬扒同豬頸肉成本吾同，又話男人都係食同一個份量，連個經理都係一模一樣同一個覆法，回應客人嘅投訴反而千篇一律，我諗以前都比客投訴過吾少. 我請佢叫廚房大佬出黎同我傾，最後經理有補返幾塊比小朋友。唔係錢嘅問題! 係勞鬼氣! .... 絕對無下次。

周末在尖沙咀参加完講座已是下午茶時段，想吃點輕食，這家越南餐廳，正合我意。河內越式湯粉是以湯粉為主打的越式餐廳，地方不算大，但座位尚算闊落舒適。室內吊著多盆綠色植物，還有越南風景⁰人像的油畫，及越南長髮美女背影的大照片，增添不少越南氣氛。河內生牛肉湯河粉 $46~越式輕食之中，生牛肉湯河粉是我的至愛。 熱辣辣的牛肉湯河外面呈白色，中間 是粉紅色， 肉質鮮嫩，牛味濃郁。 湯底很鮮甜，上面放著幾棵大大的新鮮的九層塔，將青翠的綠葉揉碎放進湯中， 熱湯渗出香草味， 迷你的小青檸特别可愛，揭開預先切好的上蓋，唧出青檸汁，加入辣椒絲和魚露， 十分惹味。滴漏咖啡 + $ 18~越式滴漏咖啡，不是每間越南餐廳都有供應。 看著咖啡一點一滴的滴進杯中，再加入少少煉奶，香濃的咖啡，別有越式風味。

極品牛三寶湯河粉食牛河最緊要個湯夠熱, 今次依碗送到上嚟都係好熱，個湯底有牛嘅鮮甜，食得出唔係一般味精湯，牛肉都係淋身有牛味唔會鞋口, 牛丸都係爽彈有牛味，河粉滑得黎又唔會黐埋一舊，推薦呢碗牛河！魚露雞扒煎蛋飯雞扒煎得好脆好入味, 雞肉都好嫩滑, 雞扒食落去都冇雪藏味, 配埋煎蛋嘅蛋黃汁同魚露汁非常送飯酥香軟殼蟹（1隻）小食加配左軟殼蟹，軟殼蟹大大食，炸得好酥脆，點埋佢枝辣椒醬食好惹味。鮮芒果西米露& 熱情情果冰椰奶加埋西米同埋新鮮既芒果好似去左糖水舖叫左杯飲得既糖水咁，椰奶唔會太甜，西米又唔會太淋。熱情果冰就酸酸甜甜好解膩，唔鍾意太甜嘅可以問吓有冇得少甜。

職員服務態度好好，我本來外賣轉堂食都無怒言，今日天氣凍凍地，食完碗生牛肉湯河即時暖粒粒，個湯底好夠熱，而且好好味，差唔多飲曬成碗湯，我一定會再幫襯，推薦！推薦！

Ha Noi 越南菜尖沙咀彌敦道36-44號重慶大廈地庫HEATH 21 號舖今日要叫外賣，又想食越南菜，就黎左最方便嘅河內。極品牛三寶湯河粉牛丸好彈牙，肥牛好新鮮，好好食！拎到返屋企都唔會淋哂！正❤️️️越式炸蝦餅（細）Feel到蝦肉好彈牙！配埋個麵食，簡直一流！好好食喎！炸得好鬆脆，正！✅✅✅鮮芒果西米露有好多芒果粒！好甜好新鮮！成杯野飲落都唔會好甜！岩岩好！西米露既軟硬程度都岩岩好，唔會爛哂，都好有口感🤣🤣🤣

今天家姐來搵我食lunch ,帶她來到這間越南菜吃，貪佢近近地公司☺️一入到去員工都好友善地招呼我們👍🏻咁啱我們去到的時間是下午茶的時間⭐️每次食越南餐廳我都會選擇食生牛肉，因為感覺是最穩陣的😌我選擇了生牛肉湯檬粉💁🏻‍♀️家姐就選擇了生牛肉湯河粉💁🏻‍♀️飲品就選擇了冰鎮奶茶🥤加了一個小食是燒豬頸肉🤭🤭🤭整體感覺都好吃而且員工態度都非常友善服務態度良好唯一缺點是冰鎮奶茶的冰是用大粒冰包住奶茶個人比較喜歡用碎冰🧊🤭🤭🤭