沾仔記麵食

营业中

休息中

最近去咗佐敦嘅「沾仔記麵食」食麵，餐廳環境裝修簡約，餐牌簡單，主食上嘅選擇精而簡，小食款式亦只係出售兩款招牌產品，但已足以品嚐到香港風味的美食。單拼轉蝦籽撈麵（單點$47），鮮鯪魚球，好大粒，口感彈牙，內有香蔥，毫無細骨，食落有鮮味，配以蜆蚧；高湯採用豬骨、蝦籽、大地魚乾製作，湯底顏色清澈，味道清甜，內有韮黃；蝦籽撈麵，麵條口感幼身，掛滿蝦籽，味道鹹鮮，配菜包括有唐生菜。雙拼幼麵（單點$41），新鮮牛肉鮮蝦雲吞幼麵，新鮮牛肉，採用鮮騸牯牛肉製作，牛肉色澤粉嫩，肉質厚嫩，略嫌口感食落類似滑牛肉，牛味濃厚；鮮蝦雲吞，好足料，皮薄餡多，鮮蝦、豬肉比例適中，內有3隻鮮蝦，肉質爽口，味道鮮甜；幼麵採用全蛋竹昇麵製作，口感條條分明，食落帶有蛋香味道，鹼水味道微弱。大份五粒甜酸炸雲吞（單點$45），即叫即炸，雲吞皮炸得金黃酥脆，食落並不油膩，配以甜酸醬食用，味道酸甜，略嫌餡料份量比較少。小份三粒蜆蚧鯪魚球（單點$30），鯪魚球內有陳皮、香蔥，蜆蚧醬汁內有泥蜆，泥蜆肉質飽滿，口感滑溜，略嫌蜆蚧酒香味道過於濃郁、發酵味道偏重。郊外油菜（單點$18），腐乳通菜，通菜口感爽脆，腐乳口感濃稠，味道鹹香。低糖豆

【油尖旺區】【沾仔記麵食】同田慈仁喺佐敦，行行吓肚餓就搵吓嘢食，一時三刻都唔知食乜好。見到呢間沾仔記，知道佢哋都係老字號嘅麵檔，就入去試一試佢。行近先發覺原來都幾多人，張張枱都好似坐滿晒人咁，點都一定要搭枱。搵到兩個相連位置就坐低咗，就開始睇有乜嘢食。麵食嘅餸其實得三款，雲吞、牛肉、鯪魚球，田慈仁試 $41 嘅「牛肉雲吞河粉」，再飲 $8 嘅「津路烏龍茶」。佢都有夾啲料畀我一齊食，所以我都知道啲嘢唔錯。尤其係佢哋最出名嘅雲吞，真係皮薄餡靚，蝦味濃郁得嚟仲要勁大粒，一啖係食唔到一粒嘅。我就試 $41 嘅「鯪魚球撈粗麵」配 $8 嘅「低糖豆漿」，撈麵本身要加 $6 所以單餸都係呢個價。而佢哋嘅鯪魚球都好高質素，同埋都係好大粒，豆漿亦都好飲。我哋都試咗 $45 五粒嘅小食「甜酸炸雲吞」，係好足料嘅炸雲吞嚟。夾埋 $143，係可以嘅。。。（地址：佐敦廟街300號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty

呢間位於廟街嘅沾仔記麵食一直都久仰大名咗好耐，今次終於都有機會來到呢間懷舊老店食返碗平靚正嘅經典雲吞麵，可以品嚐到傳統嘅港式風味，順便感受下附近嘅熱鬧氣氛～雲吞河💰HK$36雲吞大大粒，外皮薄而柔軟，內餡亦非常之足料，內裡充滿大蝦肉同埋豬肉餡！食落口既有海鮮嘅鮮甜味，又有豬肉嘅香味，味道十分誘人！河粉口感亦非常嫩滑～雙拼麵💰HK$42雙拼叫咗雲吞同埋鮮牛肉，雲吞皮薄餡靚，牛肉鮮嫩得來又帶有自然嘅肉香！湯底清甜，麵質爽口彈牙～蠔油豆苗💰HK$26豆苗脆嫩清甜，表面嘅蠔油亦為豆苗增添咗濃郁嘅鮮味～✨秘製辣椒油香辣惹味，推薦食麵一定要落～低糖豆漿💰HK$8甜度適中，豆味香濃～可樂💰HK$8

今日黎左佐敦開會，經過嗰陣見到有沾仔記😍呢度出名嘅就係乒乓波咁大嘅雲吞😍除咗雲吞好似乒乓波咁大之外，其實蝦肉仲係好彈牙又有鮮味😋 最鍾意佢夠大粒，因為口感係超級充實🤪😝 除咗雲吞係signature，鮮鯪魚球都一定要食架😎唔炸嘅話其實一定會食到最新鮮嘅味道，加上無味精既上湯更可以品嘗出鮮彈口感😚我哋再嗌多一份蜆蚧鯪魚球，係順德嘅傳統小食，將鯪魚球炸得香脆再蘸蜆蚧醬一齊食，味道好惹味🫶沾仔記麵食Jim Chai Kee Noodle📍佐敦廟街300號

沾仔記麵食佐敦廟街300號地舖經開佐敦，老友推介地道蝦子撈麵，食材新鮮高質，果然冇介紹錯。😸蝦子撈麵三拼配料有鮮蝦雲吞、鮮鯪魚球和新鮮牛肉。蝦肉新鮮爽口彈牙，鮮味十足，皮薄餡靚。鯪魚球份量十足，口感鬆軟，調味處理得恰到處，牛肉肉汁豐富，口感嫩滑。湯底清甜冇味精，加了韭黃提升層次，好味道！😻蝦子撈麵，加底，加蝦子，拼山菜，香氣四溢，面層佈滿了香濃的蝦子，粗麵口感煙韌，大滿足！🤤菜心新鮮爽口，加蠔油開胃惹味，趁熱食好正！😸支裝可口可樂真係好飲啲，夠氣夠凍，飲完好舒暢。😁沾仔記麵食 食材新鮮夠地道，侍應服務態度好，還會再來。🤘🏻😎

已有60幾年歷史嘅沾仔記麵店已有多間分店，其中一間位於中環嘅分店仲獲得多年米芝蓮嘅推介👍🏻餐廳簡單嘅裝修，食物款式雖然唔多，見到牆上面嘅餐牌就係嗰幾款，勝在所賣嘅都十分出色🥢 雲吞麵加蝦子竹昇麵爽口彈牙冇鹼水味，湯底充滿了蝦子每啖都好鮮味，鮮蝦雲吞size好似乒乓球咁大粒，每粒都好足料，蝦肉同豬肉嘅比例啱啱好🐟 蜆蚧鯪魚球 $45新鮮打好嘅鯪魚肉，高溫炸到金黃色大大粒，外層酥脆内裡煙韌，魚肉好滑➡️ 沾仔記麵食 (佐敦)佐敦廟街300號地舖

之前來食過一次，印象好好，今次經過附近就再來一次。三拼粉面，兩粒鮮蝦、兩粒大鯪魚球、份量感人嘅鮮牛肉。之所以記得呢間舖頭係✨因為依家出面好少食到嘅鯪魚球，同埋呢間舖頭嘅辣椒油好好味，加少少就惹味超多。酸辣炸雲吞，兩次來都點佐，即叫即炸，就貪個一下入口脆炸嘅口感🤤不過唔敢食多，淨係敢點佐3粒，如果唔係驚熱氣我仲想食多幾粒😄兩碗麵➕通菜➕炸雲吞➕豆漿，全部加起身150左右，兩個人就咁搞掂一餐夜晚飯，經濟實惠又唔駛自己煮，正。

📍 沾仔記麵食-佐敦❣️美食在民間，真係好有驚喜❣️平時去食麵都一定會係食牛腩麵或者丸類嘅麵🍜但呢度只有三種，冇其他選擇😍所以依三款主食都做得好出色🤲🏻招牌三拼｛鯪魚球、鮮蝦雲吞、鮮牛肉｝自製鮮蝦雲吞，每一口都能吃到大顆的鮮蝦🦐，渾圓飽滿，份量十足，皮薄餡靚，非常新鮮。鯪魚球超大粒彈牙唔腥，亦都冇乜陳皮味，係我鍾意嘅❣️每天的牛都是早上新鮮運送到店，所以先叫鮮牛肉🐮 油脂豐富，入口即化，同時好有牛肉味🩷💧湯底濃郁鮮美，濃醇的湯頭，鮮美好喝💧✨秘制蝦籽撈麵蝦卵獨有的腥味，麵條散發著淡淡的蛋香氣，麵本身也很有咬勁，一口麵一口蝦籽，超好吃。✨豆苗又到豆苗既季節，嫩滑嘅豆苗真係鮮綠，仲好鮮甜🥬✨低糖豆漿冇渣嘅低糖豆漿，好滑溜🥛

老闆唔該黎一碗雲吞細蓉！真係細細個就跟阿爸阿媽食到而家！傳統嘅港式雲吞麵的確係夠經典之餘又有情懷。🍜雲吞-蝦籽撈 $48其實重點推介真係雲吞，因為每粒都人手包，每粒內餡都有好幾隻蝦係入面，口感勁正，夠大粒夠鮮味之餘又有少少胡椒香。蝦籽撈都唔少蝦籽，聞落已經好香，麵身食落亦都好夠爽🍜三拼（雲吞，鯪魚球，牛肉）$48鰻魚球亦都有驚喜，手打嘅魚肉大大粒，果然食落都真係比較有彈性，魚肉香得黎又唔腥。落單個陣可以講個麵煮得爽或者淋D，我就偏愛個麵爽D。🥬腐乳通菜 $18每次食雲吞麵都會搭個菜感覺已經係一個習慣腐乳夠多，通菜夠爽，夠晒味🧃可樂，低糖豆漿 $8+$8

這家麵館好久之前已經想吃了，在家附近被我找到了！還要稍微等一下才有位子！菜單很清新，主打一個面！！雲吞面！雙拼麵鮮蝦雲吞+新鮮牛肉好大的雲吞，皮很薄，餡很多，簡單數了下，竟然還有6隻蝦！🦐真的一口一啖肉呀，這個面也很勁道，香港特色鹼水面！湯底是上湯，很清甜，配合起來真的很不錯👍鮮鯪魚球+新鮮牛肉鯪魚球是手打的，也是好大一個，感覺一個都能吃飽；牛肉很滑嫩，屬於是剛剛熟的，一點都不柴，很不錯！我覺得還可以加一點秘制辣椒油，香港的又一特色，真的很香！😄炸雲吞+郊外油菜好大的雲吞，新鮮炸出來的，熱辣辣的👍

有幾樣招牌茶，唔一定要多，反正做得好就足以開店👌🏻入到沾仔記，見到牆身/餐牌都寫大大隻字寫住3種主打食物：雲吞，鯪魚球，牛肉，今日一次過試晒佢！鮮牛肉蠔油撈鮮牛質素好高，新鮮腍滑。麵身爽彈，無鹼水味。雲吞蝦籽撈麵雲吞皮薄足料，餡料蝦肉大隻，而大地魚湯非常清甜。蜆蚧鯪魚球（三粒）即炸鯪魚球好大粒，充滿魚味又唔腥。識食就梗係要沾埋蜆蚧，帶出鮮味。另外叫了一碟通菜，淋上腐乳醬。飲品有紅茶花雲檸檬茶。

沾仔記麵店🍜主打三大類🦐鮮蝦雲吞🐟鮮鯪魚球🐮新鮮騸牯牛肉單併$36雙併$42三併$48同朋友都叫三併麵，一次過滿足三個願望😆，我就加菜🥬+ $6🦐鮮蝦雲吞乒乓波咁大粒，啖啖蝦肉，又爽又鮮。🐟鮮鯪魚球仲大粒，口細要分幾啖食，食得出有彈性，白汋更顯鮮味。🐮新鮮牛肉片係騸牯牛，幼牛時期被閹割的公牛，肉味濃郁鮮甜，真係「牛有牛味」。再叫碟蜆介鯪魚球 $45一碟5大粒，炸得金黃香口，配鹹香蜆介醬汁，鮮味更特出。簡簡單單又一餐，但相當🈵足😋順便買打（生）鮮蝦雲吞，返屋企放冰箱，淥麵食一流👍🏻

沾仔記🍽️-蝦籽撈麵好鐘意飲蝦籽撈麵個上湯勁濃味🤣蝦籽麵質夠彈牙爽口👍-雲吞牛肉河招牌乒乓波咁大粒既雲吞梗係要試下！皮薄足料入面有3粒蝦🦐牛肉都好嫩滑配河粉再加佢個秘制辣椒油😋-炸雲吞個雲吞皮夠薄所以炸完勁脆卜卜😍再沾甜酸醬好味🤤-炸鯪魚球呢個炸起熱辣辣發脹勁大粒😂😂佢個蜆芥都好好味唔會好咸😌-#foodieluveat#foodieluveat_hk#foodieluveat_尖沙咀#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #沾仔記 #雲吞麵 #佐敦 #港式粉麵 #沾仔記麵食-🌟評分:🏅🏅🏅🏅📍地址: 佐敦廟街300號地舖

黎左佐敦廟街食雲吞麵😋呢間沾仔記好似已經開左好多年，主要就係做雲吞、鯪魚球同牛肉既湯麵，價錢都幾抵食。1️⃣雙拼湯麵（雲吞加鮮牛肉湯麵）（$42）雲吞有兩大粒！皮薄，咬開入面已經見到起碼有兩三隻蝦😳大粒足料！牛肉係有質感一啲都唔韌，質素係唔錯架wor! 大地魚湯底清甜，麵夠爽彈👍2⃣️雙拼湯麵（雲吞加鯪魚球湯麵）（$42）鯪魚球同雲吞都各有兩粒，鯪魚球比我想像中大粒，一落食一路食到魚香味～湯底都係清甜，加少少醋更加好味。3⃣️時令油菜（上湯豆苗）（$26）有得揀上湯或者蠔油，感覺豆苗配上湯夾啲。湯底都係清甜type，豆苗份量算唔錯～4️⃣甜酸炸雲吞（$45）炸得好脆而且一啲都唔油，餡料一樣係大大粒足料，點埋甜酸醬開胃好食！

沾仔記麵食可選擇但平、雙拼、三拼。沾仔記甘係食雲吞😬加錢蝦籽撈麵！雲吞超足料，裏面包咗三隻蝦加肉，食起上嚟，好滿足，蝦肉亦都好大呀，皮薄餡靚！蝦籽撈麵，蝦籽份量好多，面係鹼水味，但完全冇鹼水味，軟硬適中，彈牙！另外一碗，雙拼鯪魚球同鮮牛肉。鯪魚球都係大大粒， feel到係新鮮魚整成，口感彈牙，牛肉鮮嫩，份量多。炸雲吞，外脆內軟，油炸得來唔油膩！油菜整體嚟講，都不錯，價錢合理，鍾意食雲吞麵一定要試！