沾仔記麵食 (已搬遷) 新店位置

喺佐敦食雲吞麵，除左兩間麥記，仲有呢間沾仔記。店鋪裝修比較傳統，但好乾淨企理。佢既面食配料選擇都比較簡單，只有三種，但三種都可以同時要哂，仲可以轉蝦籽撈面，啱哂選擇困難症既人😆我今日揀左雲吞、牛肉面，另一半揀左雲吞、鮮鯪魚肉面，雙拼都係$47。呢間同以往食開既雲吞面有啲唔同，平時份量偏細，食完都覺得餓。但呢間雲吞比較大大粒，入面都包左起碼4粒蝦仁，所以食落啖啖鮮蝦味👍🏻配料鮮牛肉幾新鮮，煮得剛剛好、食落有啲彈牙但又易咬，食得出幾新鮮用靚牛👍🏻；配料鮮鯪魚肉，真係食落幾新鮮同有魚味👍🏻仲有值得一讚係個面底，份量夠，同埋完全冇鹼水味。另外仲加左碟蠔油菜芯，食落都鮮甜。野飲方便佢地有傳統啲既玻璃樽汽水，有特色啲；豆漿飲落幼滑同唔會好甜，而且冇渣完全唔會鞋口。總括黎講，呢間雲吞面店真係值得一試，食材係食得出新鮮、用心👍🏻

📍 沾仔記麵食 Jim Chai Kee Noodle🌍 佐敦廟街300號地舖 G/F, 300 Temple Street, Jordan📝 整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝去咗廟街夜市睇下，無咩野好食就走返出黎，隨便行下見到呢間幾抵食咁就入咗去，意外發現平靚正地道麵食！▸ 主食三拼◂＄４７✿ 呢到獨孤3味，專注做雲吞、鯪魚球、牛肉，最好食係雲吞，大大粒脹卜卜，成條鮮蝦，皮薄餡靚。忍唔住買咗啲生嘅返去~ 但始於無店家嘅湯底，差咁啲！！！清而不寡，濃而不膩，大地魚湯，好飲到清哂～▸秘制蝦子麵 ◂＄４１✿ 蝦子麵無鹼水味，麵積１００分，滿滿蝦籽，撈埋勁香～▸蜆芥炸鯪魚球 ◂＄４５／５粒✿ 足料鯪魚球非常之彈牙又有魚味，唔會軟稔稔成舊粉團咁。蜆芥鹹鮮帶酒香，就唔係好合我口味，但炸鯪魚球單吃就好美味！

佐敦呢間沾仔記，下次都唔會再幫襯。去外賣鯪魚肉半斤及兩打生雲吞。比左半碗多D既鯪魚肉我，我都打左個突，我問有無半斤？服務員態度冷漠，話足稱，叫我唔信去個磅度睇。以往我去開中環皇后大道中沾仔記買鯪魚肉，中環沾仔記果邊D阿姨會用一盒叉燒飯既發泡膠盒裝鯪魚肉半斤，裝滿個發泡膠盒給客人，態度好好。現在佐敦呢間沾仔記用一盒圓形例湯細膠碗裝住，少左好多。相差好遠。回到家用個磅稱一稱，連碗重量只有6.88両，未夠半斤。哎！

由細食到大今年黎過幾次，一直以為早收工定執左今日唔死心，再試多次原來搬左去對面！太好拉🤣🤣🤣淨雲呑，蝦一樣咁多咁好食阿姐話，原來已經搬左7，8個月就係寶發大廈對面呀！

女朋友係佐敦返工，佢成日話這間店好食，於是今日經過就諗住試下佢。星期六中午入去，都坐到差唔多滿曬，可能因為本身座位比較少既關係。我諗食飯時間去基本都要同人搭枱，不過都係大概4個人坐一張枱相對都算舒服，唔會好似潭仔食飯時段迫到6個人一張枱。食物選擇不多，最特別就係雲吞，因為比市面上既大好多，又好足料我同女朋友各點左一碗雙拼，分別係雲吞牛肉同埋雲吞鯪魚球。鯪魚球分量都好多，但係後知後覺既我問返女朋友先知道，如過兩個人去食，又想食兩樣餸，其實唔洗分開叫兩碗雙拼，可以叫兩碗唔同餸既單拼。因過原來叫雙拼係比單拼貴5蚊，但係雲吞同鯪魚球加埋同單拼一樣係比4粒。一舊雲吞入面有超多蝦仁🍤，真係相當足料。一碗有4粒都係29蚊又真係幾抵食。最後想講佢仲有玻璃瓶既可口可樂飲（但得細支裝）。

呢間野叫沾仔記 係公司附近，因為趕時間就近近地去E間 佢$31一碗雲吞麵 有三粒雲吞 每一粒都超大粒 每粒應該有四五隻小蝦 十份足料 蝦肉亦唔會好梅，冇雪味雲吞皮唔會好厚，但又唔會大夾就散，剛好每一次去嘅時候lunch/收工時間都見到好多人去食 而麵的份量亦都有好多，唔會好淋而家呢間鋪頭搬咗之後靚咗好多 之前個間好噏耷 不過裝修完價錢都無變真抵讚 但係男仔嘅話應該會唔夠食因為我食完都覺得唔係100%飽 不過我都會繼續幫襯嘅

嘩！啦！比起乒乓球還要大呢！咪以為平嘢無好，只要識搵識食就會有好嘢食。佐敦食肆多到數唔曬！但沒有一兩間合我心水。最近發現一間平民雲吞麵店，價錢抵食之餘， 嗰粒雲吞仲大到嘩嘩聲！雲吞餡內有大大隻蝦，鮮味盡顯。麵條沒有太多梘水味，口感爽爽。整體又平又好食，最重要食後沒有口乾感。以後又多一間飯堂了。

佐敦真係好多好嘢食，其中一間一定要提到 - 沾仔記今時今日，喺香港隨隨便便食個飯，通常都要＄50以上，難得仲見到有二字頭嘅交易，而且仲有唔錯嘅質素，難怪呢度每日都高朋滿座。每隔一兩個月就來沾仔記一次，知道期間有加過少少價，物價同人工都上漲，相信食客都知道，價格調整係無可奈何。沾仔記只有三款麵食揀，可見其專注程度我食雲吞麵，因為呢一度嘅雲吞可以稱為麵店性價比之冠軍。一碗$25嘅吞面有大大粒雲吞，蝦肉新鮮爽口彈牙，雲吞包得實淨唔會漏餡。每逢有朋友去屋企打邊爐，一定要去沾仔記買返一兩打三雲吞返去食！麵質爽口，不過相比之下應該在麥文記同何洪記之下，可説是不俗，分數不差。整體份量算細碗，男士可能會食兩碗啦。若然食完一碗好味嘅雲吞麵仍然唔滿足、未夠飽，通常我會叫碟油菜，正常之作，配蠔油。我經常同朋友講佐敦真係好多高水準小店，食極都食唔晒，食極都唔會厭，其中一間必定會推介嘅，一定有沾仔記。

在附近工作要吃個快的午餐，於是同事推介來食沾仔記。沾仔記有雲吞，鯪魚球和鮮牛肉三款，是次叫了$29 雙拼麵(雲吞加鯪魚球)。雲吞好大粒，好足料，蝦肉多但豬肉很少;鯪魚球也勁大粒😳慶幸沒有細骨，不過不夠彈牙。至於麵方面，份量個人而言覺得不太夠，就"一餅野"送來，旁邊的人用筷子拉起麵條時，已把湯汁彈到周圍。其實這裡衛生情況真的一般，臨走前看到有蒼蠅在圍著菜籃呢。

到了外地差不多一個星期, 又回來星期六日的繁忙工作崗位。還好是早上不用工作, 可以晏一點才到。到佐敦附近找吃, 看到沾仔記, 也想來個雲吞麵。例要雲吞麵爽啲, 誰知麵條淋而死實, 無彈性, 亦硬, 而且還有鹼水味。水準之差, 連一般十二蚊一碗的雲吞無名店都比它好。湯底清淡無味, 熱而暖胃, 不過鮮味欠奉, 遑論什麼大地魚, 什麼蝦殼等, 只是鹼水味依然已夠惱人。唯獨BB仔拳頭大的雲吞還我一個僅有的安慰。我雖是一個喜歡傳統一啖一口雲吞, 對乒乓球大小的全蝦雲吞其實興趣不大。不過吃到麵條與湯底的失望之情, 這個算是還我心靈一個交代。雲吞大粒全蝦, 夾有豬肉, 蝦隻爽口而有可口彈性, 可是肥肉味道不多, 不甘香, 只是可口而已。老實說, 之後經過兩三條街後的耀記, 還是有點後悔不已。

系12號個日我返工中午食飯時間去到沾仔記食個雲吞河，好快就整好左比我，跟住我食左幾淡同一粒雲吞就見到1條蟲系度，我就好聲好氣講話碗雲吞有蟲跟住員工就走過黎領走死都話唔系更都算啦（心唸十零蚊野廢事吵lor）跟住個阿姐換左碗雲吞河比我（因為之前食左個雲吞呢碗就得比返2隻好似我要昆雲吞食更）岩岩夾起河粉想食又見到條蟲（如上圖）因為之前無影到證據所以呢次我就用手機影低先跟住叫老細過黎問點解呢碗又有蟲，個老細走過黎領起碗也就想走我就話我已經影左想噶啦，跟住佢連最基本概禮貌都無sorry都無句就彈左左句唔好食lor聽左之後好興啊，大老你講聲唔好意思都算啦自己錯左仲用梗差概態度同個客講野今時今日梗概服務態度點得噶。。。。。。。。。。大家唔好去幫襯個間野啦

今日lunch同同事去沾仔記食野,估唔到會令人咁失望我地四個人,分別叫左3個單拼同埋一個雙拼,再加碟菜心唔講我D同事,我自己就食一碗雲吞面。只係食D面,未飲啖湯,已經覺得D面咸,個湯就唔敢飲啦,都知係味精湯一碗個人其實有習慣,去食面丫米線果D,頭一啖就試下佢果湯底如何不過沾仔記都唔係第一次去,都知佢個湯乜料,就咪晒氣啦D雲吞大大隻,蝦又多,的確滿足到鐘意啖啖肉的人士,但我個人就比較鐘意似金魚仔咁樣頭細細尾長長.一口一啖細細粒的雲吞果隻雲吞大大隻,我起碼要4~5啖先食得完食就無咩問題,禮貌就一向都無乜架啦環境都係一般舊式粉面檔咁,油淋淋的枱,地下乾一塊濕一塊,踩上去痴立立,可以話係dirty,D坐位又爛爛地不過食得佢果十幾蚊野,就咪咁高要求唔想屈就,就真係咪入去一句到尾,但求是是但但,hea hea地解決一餐都OK GE不過問題在於我早走,原來佢地計數果陣收多左我地$10,如果我在場就會計下LOR番到公司,我地計來計去,無理由加一碟菜心要成$19,因為果陣有一位女仕搭枱,我地唔知會唔會係佢地收多左咁我就打去問,3個單拼1個雙拼加碟菜要幾錢,佢地答$73咁我咪老老實實話佢地知,佢地收我地$

沾仔記係男友話中學時期成日食=]專登帶我黎食喎-.-overall都ok既我覺得冇咩特別因為我都有心水面店ga不過開咁多間分店都老字號丫都加左好多價lu...十幾二十蚊做晚餐平啦今叫左雲吞牛肉面同0魚肉面其實鋪頭幾十年都係得3種料我覺得幾特別不過佢d魚肉又真係幾ok既其餘就冇咩分別不過見有好多人都整碟菜同可樂懷念下以前食喱間老字號既面店不錯不錯

係港島區辦好事, 當然是先食lunch, 後再上路到深圳. 時間算是充裕的時候, 當然想幫公司省省錢, 到佐敦再轉過境皇巴, 比直接灣仔或中環飛大巴更實際. 而且, 係佐敦呢一頭食野, 選擇更多, 價錢又比中環便宜. 何樂而不為呢.時間充足一件事, 被老闆催催趕趕又搞到冇乜心情找好野食. 那就找一家未食過的麵檔仔, o趙碗麵走人.此小小麵檔同某出名的米芝蓮麵店同名. 不過, 兩者一點關係都沒有. 但也有相同之處, 就是兩者都是賣雲吞麵. 而不相同的, 這兒的是大大碗雲吞, 那兒是細細碗雲吞. 大大碗雲吞麵, 湯底一樣的鮮味, 麵餅, 夠哂大份, 一碗麵, 份量之足, 作為午餐, 大男人一個, 加碟油菜, 已經夠哂飽. 麵, 爽口, 湯底雖然帶有梘水味, 但輕輕的梘水, 正是令雲吞麵好食的原由之一. 而雲吞, 這兒做的一鮮蝦大雲吞. 一碗有三隻, 每隻足有三隻蝦仔的大雲吞. 味道鮮, 食落香口. 很是不錯的. 食麵, 用不著太多的時間, 快手快腳填飽自己....又要到惡心的公司...幹活去.

吃完甜品，云吞面啦！ 这家沾仔记在openrice上的分很高哦！而且香港也有其他分店，位于庙街这家性价比最高！价格也比另外家便宜。 沾仔记面食感觉跟普通的大排档差不多，没有任何装修可言，招待的是为大婶。点了一份云吞面HKD13，面条蛮多的，是典型的公仔面(即方便面)，3个超大超大的云吞。难以想象，一个云吞里竟然会有3 、 4只虾仁！实在是太好吃了！不过为了继续美食之旅，不能太贪心，两人一碗足以。