沾仔記麵食 (已結業)

沾仔記好多年冇食過了，真係好有年青時既回憶，以前真係成日食㗎，因佢出哂名d雲吞內既蝦又新鮮又大件。到咗而家，唔知係呢個市道吓係咪仲可以保持到呢？今日經過就試試吧！ 一見到雲吞麵送上枱，高興既，因為雲吞仍然係大大粒，再咬落去，有鬼彈牙呢，蝦仍很多，爆哂出黎咁制，個皮都仲係又薄又滑又有雲吞皮獨有既味，即👉好味😉呢個下午茶餐真係好抵，只係34蚊已有雲吞河一碗，正菜🤣同埋飲品。咁既價位去邊揾呀？ 開頭都有d唔信，仲問清楚店員先落order, 所以佢都有話要我黎多d啦！一定一定!

搬到附近後，除漢堡包薯條，食得最多就係沾仔記嘅細蓉，粒粒雲吞大大粒，入面果啲唔係蝦米，唔係蝦仁，係好大隻嘅蝦（有時食到有少少蝦殼tim），仲要食得出蝦嘅鮮味（唔係味精味），同區另外幾間嘅雲吞冇得比，加埋一大匙嘅腩汁，冇得彈

沾仔記唔係間間沾仔記都咁好食，此店已經係紅磡好耐好耐，最少十幾年以上。如此老店，應該能達到一定水準才能夠生存。可惜，少年你真的太年輕了。此間沾仔記跟欣榮附近的沾仔記，絕對是一個天一個地。不明白為何此沾仔記能夠維持這麼多年？雲吞，一樣咁大粒，裏面一樣有幾隻小蝦，可惜煮到一pat pat，好難食。推介指數：4/10鮮牛，一樣係果啲牛，但唔明點解煮到啲牛冇曬彈力，加上煮到好老，唔好味。推介指數：4.5/10菜，唯一的不同之處，就是有幾款菜可選擇，味道正常。推介指數：6.5/10除咗菜外，此店有提供冷熱飲品，味道正常。

好久無過紅磡，難得今日因事路過附近，太太又想吃雲吞麵，就帶佢去試沾仔記！細蓉依然美味，多蝦少肉爽口魚旦米普普通通，勝在大大粒雖然同舖名，但呢間d雲吞一直都比佐敦中環比好食d……

沾仔記應該都要變成沾佬記～由細食到大的粉麵店，見証價錢一步步提升，仲發現到一樣新事物一向係舊式粉麵店麵都係叫雲吞河多，因為小妹最LIKE雲吞。沾仔記既雲吞好大粉而且粒粒都好飽滿，蝦量充足。雲吞內有好多蝦粒同小量肥豬肉，娘親話加入小量肥豬肉會更加爽口。河粉麵質都有少少煙韌感覺。另外一碗叫了牛筋米，牛筋份量都多既但小好覺得可以再淋D會比較好，而家的牛筋偏向爽。米粉方面，都係比較硬，食完有D胃痛，如果胃部消化唔太好的話，請叫店家煮耐D～開估發現新事物既係～一杯熱茶或水需要收費＄3, 如要加冰底再加＄2, 如果要拎水洗餐具既朋友，請乖乖俾3蚊喇～

呢間沾仔記 已經有好耐歷史 👍 我每次都會叫雲吞河 呢度雲呑大大粒 蝦內好彈牙 皮好薄 👏👏 仲要啲材料都係自家整的 一碗有3粒 份量係呢個價錢來說都算合理💛魚皮 好脆仲有一碗熱騰騰的湯俾你 😋😋

其實我平常不太喜歡吃雲吞，因為吃到的很多都不好吃或者挺一般的，不過只有這家店，我來的時候一定要點一碗淨雲吞，才能完全滿足。皆因里面的蝦肉比例，雖說7/3是雲吞的黄金比例，但是！這個我看着眼前這個可能是8/2，甚至9/1比例的雲吞，我才知道是真愛，一口咬下去，蝦身在我牙齒接觸面彈開了，加上豬肉餡的提鮮，無論是食材，到烹調都恰到好處，你們繼續去中環吃吧，哈哈，這家我承包了！而且這位美女也說好吃哈哈哈哈

十年前在這間沾仔記食過雲吞麵$10一碗十年後重踏舊地，仍然仲有沾仔記入去食返碗先價錢當然吾會仲係十蚊啦雲吞依然咁大粒，咁爽口，皮薄餡靚，蝦肉鮮紅爽甜咬落有啲似食蝦餃咁好食一碗有三粒，但我記得以前好似一碗有四粒咖麵衣然咁爽口彈牙，湯鮮甜，尤其是加上蔥花，啖湯特別清甜，不過食完之後有啲口渴$23一碗，今時今日都吾算貴啦

沾仔麵係我由細食到大既雲吞麵店咁多年水準麵係一樣佢既雲吞入面既蝦係非常足料我數過有7-8隻細蝦可想而知 個粒雲吞既size係令人非常滿足真係平靚正之選！鐘意食雲吞既朋友一定要試下

其實好鍾意食雲吞麵 唔知呢到有無同好？-沾仔記喺我心目中嚟講 絕對喺平靚正嘅代表-牛腩麵 $23有筋有腩 牛筋食落口好軟糯 炆得好入味有膠質又唔會韌牛腩食落又唔會痴牙 麵又唔會有鹼水味不過佢地嘅牛腩喺走重五香料味嘅風格-雲吞麵 $23 跟餐連枝裝細可樂 $30以前細個食碗雲吞麵 都只喺$10 而家已經唔止double 仲要好多唔足料又少麵但沾仔記就唔同 粒粒雲吞又大粒又飽滿 真喺每粒雲吞都真材實料👅 仲粒粒都好多蝦添 試過數到一粒雲吞有7-8粒蝦仔添❤️湯底又充滿魚香味 飲完又唔會口渴 真喺講起又想衝去紅磡 食完再捉Pokemon

雖然水餃大粒唔等於好食,但正所謂唔打得都睇得下~沾仔記麵食既水餃就真係大大粒,無驚喜勝在足料又爽口.放入口啖啖肉既滿足感是十分開愜的,蝦肉,木耳,豬肉,填到滿滿還有一個問題,其實沾仔記同沾仔記麵食係唔係同一間?個個都話中環o個間沾仔記先好食,但全港咁多間,都唔知邊間先係老大哥

紅磡沾仔記真係由細食到大嘅餐廳，呢晚晚飯又再落去沾仔記到食﹗以前鐘意食開牛筋面，但係呢晚叫左個套餐（好似抵D咁），入面有個雲吞河、通菜同埋杯凍奶茶，圍起都係三十幾蚊咋﹗係租金日貴嘅紅磡區黎講，算係咁啦﹗大家睇個雲吞河好紅，以為本身係好辣，但係其實只係個人口味落左多D紅醋姐﹗其實成個套餐嘅亮眼點莫過於個通菜啦﹗個通菜加埋個腐乳，真係好夾﹗但係唯一要挑剔係杯凍奶茶，唔知係咪冇落到少冰order，D冰略嫌太多，沖淡哂成杯奶茶嘅味。至於你話位置方面其實都幾就腳，身邊就有幾個美孚、荃灣同旺角小巴站，方便住唔同地區嘅人黎食﹗亦都係正住宅區樓下，絕對係街坊晚飯必然之選之一。﹗

之前細個住係紅磡既時候,成日夜晚會同呀哥食沾仔記既炸醬麵同細蓉,果時我記得仲係13蚊碗,不過之後搬左去第二到,就好耐都冇食過沾仔記.近日機緣巧合之下返到紅磡,終於再有機會食返兒時既食物.過左幾年,沾仔記地方都冇咩大改變,我叫左碗細蓉,仲係細個既味道,雖然雲吞得3粒,但係粒粒都份量十足,有幾隻蝦係裡面.味道真係唔錯,仲有勝在18-20蚊有碗麵食,係今時今日既香港真係難得.另外仲有沾仔記既炸醬同其他地方唔同,雖然今次冇食到但都值得推介

睇完戲差不多十二點, 雖然未肚餓, 但出開嚟就食埋個晏先返屋企, 橫掂順路行返去火車站, 又諗起之前行過呢度有粉麵舖, 於是試下.........可能未係食飯時間, 所以仲有位, 入去都諗唔到, 就求其叫碗雲吞麵................ 雲吞麵個麵都算正常份量, 唔會好細碗, 而且好爽口, 又唔勁鹼水味, 唔錯................至於個雲吞, 總共有3粒, 不過粒粒都係KING SIZE, 唔可以一口食得哂, 而且好夠料, 入面有起碼3-4隻蝦, 再加埋D豬肉, 食落好爽口, 但重咗D鹼水味........... 凍奶茶茶味都有, 但不至於好濃, 始終係雲吞麵舖, 又唔係茶餐廳, 有咁的茶味算唔錯, 但食落有少少奇怪, 好似有少少朱古力味, 唔通用咗朱古力奶?

This place is cheap for noodles, if you only choose one item to go with the noodles it only costs $18.So at that price you cant really complain about its taste.But anyway, squid balls and vermicelli are cheap items in general.★☆★☆★☆★☆★☆★☆★☆★☆★☆★☆★☆★Squid balls with vermicelli:The vermicelli was quite hard and coarse but the broth was quite nice, it was quite light yet slightly spiked with MSG.The squid balls were springy with the occasional pieces of chopped up squid in it.★☆★☆★☆★☆★☆★☆★☆★☆★☆★☆★☆