泉記快餐店

营业中

休息中

3/5不過不失，雞肉偏大粒，鹹魚味偏淡，整體鑊氣一般。加咗辣椒油，就比較香口啲。可惜冇晒例湯試唔到。同區嚟講開得算夜，到凌晨兩點，下次再試吓小菜先，仲有火鍋小食。

今日全日有雨！已經唔想出外食lunch!叫外賣吧！夠快夠方便！😬 牛柳飯選擇了蒜蓉汁！份量也不少！味道不錯！牛柳入味，令人回味！當中有環保匙羹，真係第一次用！餐飲熱奶茶己經有糖在內！甜度適中！茶味也香濃！

早來的「煲仔飯」雖然天氣未係好凍，但已經心思思想食煲仔飯，由於唔想同人迫，所以叫左外賣拎返屋企食，我地揀左咸魚肉餅飯同雙拼(滑雞田雞飯)，我地驚細煲唔夠食，所以叫左2個大煲，果然大煲真係大得很，好多飯，拎到返屋企仲熱辣辣，不過略嫌少餸咗啲，咸魚肉餅︰咸魚幾香、肉餅好淋，雙拼(滑雞田雞飯)︰滑雞同田雞都算幾滑，飯食落口好一粒粒，豉油甜道岡岡好。

每年冬天，總會走去食羊腩煲!依家嘅香港已經變哂，其中一個變改就係餐廳，以前果D唔好講住，有D上個月仲係到營業緊，下個月已經執粒收檔，或者轉手.所以好嘅餐廳要珍惜，天知道D餐廳老闆會唔會轉頭就移民，或者頂唔住，從此美食消失於香港.....女友小熊早兩日經過柴灣泉記，見到入口處掛咗個牌，大大隻字寫住羊腩煲上巿!係就係早咗D，不過依家香港..... 唉...... 及時行樂吧!去到泉記，以前門口粉麵檔嘅舗位已經變成岱民兩餸飯，岱民都係一間平靚正嘅好店舗，支持!再行入去到泉記舗位，可能時間尚早，無咩客人.先點一個細羊腩煲，睇睇有幾多份量先，再決定另外加咩餸菜.回帶返去6年前，第一次食泉記羊腩煲，驚為天人，極多羊骨髓同軟骨，D軟骨係起哂沙，每件羊腩 size 唔會太大件易入口，羊腩又冧，湯底香濃，一食難忘!哩6年嚟每年冬天都嚟食羊腩煲，都搵唔返當年嘅味道，可能已經轉咗師傅，但我仍然每年都山長水遠入嚟食羊腩煲，總希望搵得翻當年嘅回憶.泉記嘅羊腩煲係雙竹，配上支竹同竹筍，其中小熊話老薑好好味，入味唔辣又無渣.羊腩 size 細細件易入口，羊肉鬆軟又無羶味，湯底依然香濃.食均成煲，只得一件!係一件軟骨