5
1
0
| 餐厅: | 泉記麵家 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁钻石山站 A2 出口, 步行约7分钟
继续阅读
电话号码
23200120
营业时间
今日营业
07:00 - 17:00
星期一至六
07:00 - 17:00
星期日
全日休息
公众假期
全日休息
公众假期前夕
全日休息
以上资料只供参考，请与餐厅确认详情
今朝返工經過, 本來冇食開呢間, 見到有糯米雞連飲品都係廿零蚊, 咁就唸住試下啦。其實冇乜特別, 糯米雞一隻, 不過我話唔要餐具嗰陣, 佢話「缺一不可呀」仲拍下我膞頭, 實在太正啦, 要再幫襯!!!
继续阅读
來到坐低，諗住食個早餐冇乜要求，求其公仔麵飲杯嘢就算啦，咁就叫個麵餐，點知姐姐問我要唔要奶油多，咁好啦，跟埋咪要囉，先到係份奶油多，冇咩期望之下咬落去，先唔好講好唔好食，但個份量係兩塊方包，真係俾足你，好啦，食落口，麵包鬆軟，牛油夠香口，直頭童年回憶，個麵我就叫出前一丁，咁都交到功課嘅，連埋杯凍飲，都只係$33蚊埋單，大佬呀，呢個時候仲有$33蚊仲要唔差喎，邊度搵呀？多多支持本土茶記，唔支持就冇架啦，得閒經過就試試啦☺️
继续阅读
寫 Openrice 的好處，是可以為自己生活留下些點滴；翻查紀錄，我好似無乜寫車仔麵。 今次呢間「泉記」，可以叫做隱世，因為它藏於新蒲崗工廠大厦的小巷，正常是不會專誠來食飯，人客該是附近返工的人吧。 週末到 studio 試廣告造型，之後落大雨，我無帶雨傘，反正又未食晏 (已是 around 4:30pm)，就隨便入「泉記」食啲嘢，等停雨。 內裡是四個打對面單位，一般茶餐廳格局，賣的價錢都很大眾化。因為是落場時間，人客甚零星。 侍應們和煮麵的大媽，看似是一家人，招呼對答都相當友善。首先有位後生哥仔招呼我坐，沒有推銷甚麼食物，卻相當健談。 他說：「出面落大雨，慢慢食，慢慢坐啦。」 「怕你悶，睇電視新聞台啦！」 室內冷氣其實幾夠，因為無人，蠻好坐。我先叫碗「兩餸車仔麵」$24，加一餸另加 $4。 選了蘿蔔、豬大腸、豬紅、配油麵。可惜豬紅、油麵賣哂，就改做魷魚和伊麵： 蘿蔔清甜無渣： 大腸輕透滷水香，細細件無異味： 魷魚就相對較弱，是啤水那種，不入味，要靠咖哩汁打救： 食完，仲未停雨，睇咗陣電視。之後我行去對面一位大媽阿姨 (是同一店舖)，叫碗「牛腩河」。 阿姨：「唔好意思啊靚仔，兩樣今日都賣哂，聽日先有。」 我：「咁要碗牛肚米，多色。」 阿姨笑答：「好，都正㗎！」 「五香牛肚米」$24 上場： 未算是很靚的金錢肚部位，炆得入味倒也真，也不失咬口： 米粉爽口，湯底也不令人口喝，吃得過癮： 食完再坐多陣，雨勢稍減，我真係夠鐘要走喇。埋單，我問那位和藹大媽，有冇雨傘可以賣俾我。 她：「哎呀無呀。咁啦，我幫你搵塊紙皮箱蓋，你用嚟頂住，行去鑽石山地鐵站啦！」 她就在一大堆紙皮中，幫我找了一個最乾淨又擋到雨的給我，那刻我是有些感動。謝謝。 即使食物味道有任何不足，人情味，已搭救。
继续阅读
在附近的工商大廈上完瑜珈體驗班，下課後跟同學吃午飯，當中有位同學熟悉新蒲崗，介紹了這間平凡中不平凡的小店。進内後看看餐牌，食物種類多，價錢經濟實惠，柯打完食物，周圍看看，看到牆上貼了一些明星跟老闆的照片，食物方面，味道一班同學一致感到蠻好吃，可謂“平靚正！•公司三文治差不多每間餐室都有自己一套公司三文治的製法，其配料均有所不同,但大概都是夾著生菜,蛋,肉等等，這間泉記餐室就用蛋,火腿,豬扒,蕃茄，味道跟口感層次豐富。•雲吞麵雲吞皮夠薄，内裏餡料蝦的比例比豬肉較多。•午餐肉豬扒蛋飯配燒汁特意柯打多汁，喜歡每口飯包著汁伴吃，午餐肉,豬扒跟蛋，兩面均煎至微燶，十分香口，燒汁味偏燶。•豬手貢丸粗面只是二十多元的粉麵，豬手份量竟這麼多，簡直超值，重要的是並不劣質，豬手醃得入味，外爽内軟綿。
继续阅读
今日試早餐A($23),A餐的粉面有通粉丶米粉丶公仔面，餸就係雙併再加多士和熱飲，我揀了火腿炸菜肉絲米，米粉夠爽，湯底就好一般，唔係用忌廉湯做湯底，火腿和炸菜肉絲都係一般，多士可以自選2種，我揀奶油多，奶油夠多士又熱，這個可以加分！奶茶有大排檔水準，茶味濃。扒餐㨂左雞扒腸配奶油多，茶走，雞扒醃得夠味，不會炸得太乾，切開見到有肉汁，不過賣相比較差，腸仔就炸得乾左少少，沒特別，奶油多夠熱脆口，正。茶走的煉奶份量剛好，不太甜，更顯茶味。以$22計，抵食！
继续阅读