泉記 (已結業)

2008年4月9日中午12:15 同同事去o左呢到食. 同事食牛根撈麵, 我食魚蛋麵. 魚蛋麵20蚊, 加o左價又細碗o左, 味道都係o禁上o下啦!我成日響佢未開門之前行過佢門口, 好鯹臭, 我唸佢廚房個衛生麻麻地, 如果唔係同事提議, 我係唔會主動去呢間o野食.

響屋企附近, 但係係呢幾年先去食過. 佢價錢都幾貴, ARM ARM又加左價, 又縮細左.D料. 其實食過禁多次, 我都覺得佢味道麻麻地, 同一般麵店差唔多! D人話牛根正喎! 我自己唔係好好牛根, 所以我唔覺得佢正喎! 魚蛋亦一般.其實我成日行過, 呢間№ D衛生認真麻麻, 早上好臭魚鯹味, 你見到佢D食具同䒷 都FEEL都佢有幾乾淨!一句講曬: “行過食下無訪, 專登黎就唔洗!”

唔知點解openrice話呢度結業呢，都冇執到。我地叫左一個魚旦河，一個牛肚河。個牛肚唔係金錢肚，差ｄ囉，肥左d。個魚旦有魚味，但係唔夠彈牙，麻麻地。初頭我地入去得一枱 客，後來竟然爆晒，我地真係財神。

今天經過泉記，發現久違了的炸雲吞竟然尚在人間...蝦尾沒有蝦，但味道不錯。牛肚入味份量多。魚旦是水準之作。炸雲吞是凍了，有點油溢味，但欲是最好吃，吃的是那份舊日的情懷。

繼續CWB 廉吃。四個男人都點「紫菜四寶米」，另點兩碟油菜，埋單$120，即係每人$30。那四寶係潮式食物，有炸雲吞、魚蛋、魚皮餃、牛丸，味道雖然係好一般，點都總好過吃潮興的魚旦米！

一直都好想試下呢度d魚旦，尋日２點幾行過終於試到，呢個鐘數應該唔會好多人先啱，佢就偏偏全店滿座１）魚旦米($19)～魚旦魚片好有口感，唔會腥亦唔會"鞋"２）蝦尾蠔油撈麵($26)～蝦尾係用鯪魚頭加芫茜做成蝦尾既形狀，咬落香口３）汽水一支($7)二人共消費: $52

雖然叫做「牛雜」但其實呢度只有膀同肚冇其他內臟可能因為工序問題~不過佢D牛膀真係好靚粉粉地食落有股甘香肚就要視乎當日來貨叫淨「牛雜」的話好大碟仲有通菜係底吸哂D肉汁好好味~當然都有試佢地出名既魚蛋粉~好味~~~好彈牙不可不提下個炸魚皮唔似其他舖咁油淋淋總之就好香好味會再黎食過^^

5月3日，17:40黃昏到298買配件，經過這店，被魚片香味吸引著，但奈何店已滿座；結果回程才進店。店內放著兩盤，剛炸好的魚片。要了魚蛋河:湯底：稍濁，混了點點腩汁，偏鹹。河粉：滑而偏幼，好口感。魚蛋：不是彈牙一族，魚味夠濃，不會粉一團，有點幼滑感覺。魚片：魚味十足，真才實料，口感好。(當然有人會覺得太淋)這是老店一家，伙計都是中年人；但效率高。這店不算便宜，但在黃昏時間，客仍絡繹不絕，必定有獨到之處。

食咗幾日，覺得"漏漏"哋。dinner只係食碗粉算數...久未幫襯。今次唔叫招牌魚蛋，試吓紫菜四寶河...河粉用來貨，普通貨色；紫菜份量足；魚蛋味道依舊不俗，有淡淡魚味；魚皮餃睇個樣就知係自製，可惜皮不夠煙韌；炸雲吞係用鯪魚球做餡，頗特別，但卻係預早炸定，食味大減...本應俾笑臉，但被一口味精湯破壞晒..no mood at all...

已經有好幾年無黎泉記了放工路過此地又發覺有點兒肚餓就坐底叫左個紫菜四寶米祭下五臟先以往係度食晏要等餐死今晚六點幾唔使點等地方光猛同企理左起埋炸魚皮依家識收係儲物箱講返碗紫菜四寶米料足但味道麻麻無乜特別唯一無變的係呢度伙計的效率及記性無論人多人少都永無漏單兼起麵超快$23蚊算係一個非常公道的價錢了

呢間泉記食0左好多年, 一向都覺得佢水準好, 又穩定. 唔睇唔知原來都有咁多OK 同唔好0既食評...泉記最好係魚片, 魚蛋, 牛筋同墨魚丸. 我比較喜歡食佢地0既米粉. 其他的我都覺得麻麻地.相中係墨丸蝦尾米粉. 墨丸信得過的水準. 唔粉, 少少彈牙, 夠墨魚味. 蝦尾其實我都唔知係咩.. 形狀是長條形的. 我會覺得佢口感有點似菱魚球, 但顏色是白色的. 中間有芫茜粒. 很香很好味. 但食過咁多次都唔覺有蝦味.

好多同事都介紹呢間野。今日我地終於黎左食。果d丸真係好彈牙，好有味道，墨魚丸好好味，下次一定要試佢地個魚蛋。唔太得其既係個湯，太清，其實係一竇水，無料到，加d e.g. 大理魚會好好多，但千其唔好放太醲味既料。最大期望本來係個蝦尾，個名好特別，已為係好野。但原來係一舊無味既魚肉，有白有大舊，不太討好。紫菜好味，味道好醲，又d 似翠華果d。

今晚俾個人阻住左所以冇食到返到成11:30pm 先坐的士去食野咁夜所以食野都要快...所以去左食魚旦粉聽聞泉記好出名就去左呢度食...我食左個剩紫菜魚旦其他人就叫左牛筋米蝦尾米... 等等再加個通菜同埋剩牛筋...個牛筋都幾"林"...o的辣椒油好夠辣...蝦尾都幾得意五個人食左$176...

英格蘭贏波,贏得點唔光采,邊喝采邊鬧其表現差,到頭來也要醫一醫肚,經Glucose提議之下,眾人拉大隊到再興對面的泉記吃雲吞麵,魚蛋粉.駱克道的萬人空巷,絕無影響.眾老外無幾何過來吃麵.幾個人,叫些牛腩粉,雲吞麵,魚蛋,魚片粉等.你夾下我,我夾下你,魚蛋也有魚味,但不夠彈牙.魚片也一樣,如果係魚片頭的話,相信會大覆加分.雲吞一半一半,麵質尚可,鹼水味不重.湯底麻麻,頗咸.全夜最出色,反而係炸魚皮,去到半夜,依然脆卜卜.此店水準,同英格蘭前鋒高治一樣,只屬二流腳色.不要因熱身賽Hat-trick而高估,果場的對手,只是風流陪坐的牙買加而已.ps:鳴謝Glucose借出玉照一張.

if you like msg, this is the place to go. gallons and gallons of water is required after each and every meal.but taste wise is better than many other noodle places.