波士冰室

营业中

休息中

B餐 ($41)即係珍珠帶子粒火腿通粉、炒滑蛋、丹麥多士。通粉份量大，炒蛋超級滑溜K餐 ($41)即係鮮雪菜蝦米肉絲米粉、炒滑蛋、丹麥多士。配料算多，差唔多啖啖米粉都有配料；我平時最鍾意食丹麥麵包，基本上今日呢個早餐都係俾丹麥多士吸引住，口感好鬆化，牛油味超級香濃，簡直想encore多一塊波士公司三文治 ($44)總共有4件，都真係幾豐富，有炒蛋、午餐肉、芝士、火腿番茄、生菜，OK食完呢個早餐唔洗食lunch了店員非常有禮貌，簡直唔似係去咗茶餐廳

朝早送左阿女去上興趣班，有啲空檔時間，就同老婆諗住兜下周圍有冇早餐食。行兩步，轉過角，就見到呢間波士餐廳，於是就入去試吓。佢鋪面唔算大，不過望落又幾潔淨。我揀咗個卡位坐低之後，就落單啦。我就叫咗個吉列魚柳餐，飲凍啡；老婆就叫咗沙嗲牛麵餐，飲凍利賓納。落咗單冇耐，嘢食嘢飲就上枱啦。我吉列魚柳都炸得唔錯，外脆肉嫩，炒蛋又唔會炒得太老，配埋櫻花蝦都幾特別。另外，丹麥多士都唔錯，甜甜地幾好味。至於個沙嗲牛麵，老婆話都幾唔錯，水準以上。最緊要佢價錢合理，睇來以後送亞女上堂之後，都可以過嚟食個早餐先。

補寫食評用餐日期：2021年10月5日 星期二Lunch time１個人到銅鑼灣，本來想到利舞臺亞參雞飯，但門口有10+ 人排隊，不想等就換個地方。在附近兜了一圈，發現利園山道有家波士冰室 (之前沒留意)，剛剛有人賣單，不用等，直接入座，來得早不如來得巧！午餐有 A to E，５個選擇，３款飯和２款麵，點了Ｃ餐，包括以下的：#丹麥多士：點Ｃ餐就因為這個，微甜酥脆，本餐最好味！#炸魚柳瑞士汁香葱撈丁：點的時候，餐牌寫的是炸魚柳瑞士汁香葱撈天使麵，落單後被告知沒有天使麵，改成撈出前一丁，感覺由優雅變地氣！份量足，但味道普通。#熱檸檬茶：紅茶有澀味，扣分！

懷舊又水準茶餐廳利園山道小店多選擇！試了牛肉麵早餐加滑蛋厚多士不錯！奶茶也出色！收六点早餐約四至五十元中等價錢！可以食早上十一時半！也多款式！窗口位置舒適街景！旺中帶靜！服務也周到！

🍜 波士瑞士雞翼撈公仔麵+炒滑蛋、丹麥多士 $56💯 評分：🌕🌕🌕🌕🌑 (4/5)💬 瑞士雞翼煮得相當之入味，鹹香味恰到好處，肉質都算多汁，再熟少少就更加好！炒滑蛋十分嫩滑，丹麥多士亦稱得上外脆內軟，散發住濃郁嘅牛油香氣。🤤🍖 豆卜欖豉蒸排骨飯 $62💯 評分：🌕🌕🌗🌑🌑 (2.5/5)💬 豆卜嗦滿汁相當juicy，排骨嘅鹹味比較重，肉量還可以接受，欖豉嘅香味尚算濃郁。🙂🍳 芝士西蘭花漩渦蛋包飯 $64💯 評分：🌕🌕🌕🌕🌑 (4/5)💬 西蘭花嘅份量俾得毫不吝嗇，蛋做成漩渦形狀非常吸引，口感十分嫩滑，一絲絲層次感非常豐富。飯亦都粒粒分明，散發住淡淡嘅米香，既飽肚又滿足。😋🍹 檸檬蜂蜜有機奇亞籽特飲 $28 (跟餐價$12)💯 評分：🌕🌕🌕🌕🌗 (4.5/5)💬 蜂蜜味道十分香甜，粒粒奇亞籽爽滑彈牙，同檸檬嘅酸澀味非常配合，口感同層次相當之豐富！😍

年近聖誕，同老公去銅鑼灣祟光行吓，睇吓有冇心水嘅聖誕禮物。之後行咗去利園山道，見到有間懷舊嘅波士冰室 ，見到餐牌都啱口味，價錢公道又冇加一，老公話不防入座試吓！深海魚柳漩渦蛋包飯：魚柳係即炸，熱辣辣好大條，外層金黃酥脆，魚肉雪白鮮嫩，用蛋做成漩渦包住白飯，蛋十分滑溜，加上特製咖喱醬汁，真係色香味俱全！凍檸樂加$6蚊，有埋冰底好抵飲。常餐波士瑞士雞翼撈公仔麵配炒滑蛋和丹麥多士：炒蛋嫩滑，丹麥多士酥脆，好香牛油味，雞翼嫩滑入味，公仔麵撈左醬汁彈牙惹味。加12有懷舊紅豆，紅豆林甜起沙，奶味香濃！星洲炒米：用料足，味夠香，我最鍾意係用咗銀絲米粉炒，特別爽口！

係銅鑼灣想搵份平靚正嘅下午茶，其實都幾容易，今日就黎試下波士冰室先即叫即炸的炸雞髀，加入少量麵包糠在面皮，更會固定油溫控制，令到炸雞髀炸得恰到好處，不會過於焦香又富有香濃肉汁，且啖啖肉雞肉嫩滑多汁，絕對吃不停口。西多士又名法式土司是一種源自歐洲的麵包食品，其出現可追溯至羅馬帝國時期。法式土司是用麵包加入蛋汁後，再用食油煎至金黃色而成。西多士是港人下午茶的熱門之選！加入蛋漿油炸至金黃香脆的白麵包，在進食前再塗上厚厚的牛油及香甜的糖漿， 但我呢款西多士中間仲加左芝士等我切開中間俾大家睇下，一𠝹開，芝士醬一湧而上，確實係好邪惡

相信每間冰室都會有獨門招牌美食以作招倈。今日嚟到銅鑼灣利園山道「 波士冰室」， 裝修格局都走懷舊路線。波士常餐:瑞士雞翼撈公仔麵炒滑蛋丹麥多士吸引我的是這件丹麥多士～ 一向喜歡吃丹麥酥。那種牛油酥香是其他包點無法代替。這店的丹麥多士本身已經香脆鬆化， 上枱仲係微微暖， 近看原來還塗上牛油， 完全融化在多士上， 加陪了牛油香氣！😋😋👍秘製豉油雞翼十分大隻， 撈公仔麵正常發揮， 麵質唔會太硬太冧， 主要係麻油和甜醬油嘅味道， 沒有太大驚喜。乒乓波黑糖奶茶奶茶本身已非常濃郁， 奶和茶的比例可能一半一半，同時充滿黑糖風味。 兩球乒乓波咁大嘅都係奶茶冰， 絕對唔會溝淡奶茶， 而且一路keep住凍， 令人非常滿足！！😋👍晚餐:XO醬芥蘭炒鮮魷好有鑊氣， 芥蘭唔會太硬或太腍， 鮮魷厚切，炒完依然柔軟！好吃惹味！！😋跟餐的例湯碗， 難得咁高咁深， 好有誠意。例湯飲落冇味精， 好多材料， 簡單美味！生磨蛋白杏仁茶見網上好評都即管一試。 果然做得出色，即叫即做，杏仁茶好香好濃， 攪拌之下， 有很多凝固咗嘅蛋白， 絕對是真材實料， 飲完更加暖笠笠～ 懷舊紅豆冰紅豆份量頗多， 如果有多一點椰汁味就更perfe

這天於銅鑼灣工作, 老公專程來附近影日落, 相約在這裡吃晚餐惹味中式牛柳 $72醬汁酸酸甜甜，牛柳鬆軟入味，非常惹味，送飯一流，連洋蔥也吃清光😋蔥油荷蘭豆炒魚鬆 $65本來是用XO醬炒，但我不吃辣，店員說可以走辣，就點來試試，魚鬆味道香濃，彈牙有口感，荷蘭豆鮮甜爽口👍晚餐附送大大盅的足料老火湯😋套餐加$15配魚湯浸菜，我們選了西蘭花🥦，想不到連菜也排得很好，令賣相也加分，魚湯白滑鮮美套餐加$12配特飲自家製生磨蛋白杏仁茶杏仁味香濃，口感棉滑，滋潤無比😋檸檬蜂蜜有機奇亞籽特飲味道清新，健康之選😋原本想點蒸魚晚餐，可惜晚了一點到達，已經沒供應，下次要早點來吃👐

今日放工於銅鑼灣逛逛，老公提議食茶記，找找看，波士冰室。這冰室都有好多選擇，晚飯有小菜套餐，有咖哩系列，炒粉麵飯樣樣齊，最特別嘅係漩渦蛋包飯，當然一定有茶記嘅常餐。既然咁特別，就要會一會這個漩渦蛋包飯，吉列深海魚柳漩渦蛋包飯(日式照燒汁)~廚師這個做得好出色，成座山咁高嘅蛋包飯，蛋好滑，大大件魚柳，熱辣辣炸起，外層脆卜卜，十分香口。秘製咖喱牛筋腩飯~牛腩炆得夠淋，牛筋軟淋淋滑捋捋，薯仔是細砌粒粒，比例上牛筋腩份量好多，咖喱味只是微辣。冰乓波黑糖奶茶~推介要試呢個，兩大個乒乓波奶茶冰，成杯飲品keep住凍又唔會溝淡咗，茶香奶滑，好正！自家製生磨蛋白杏仁茶~熱辣辣，蛋白又香又滑，唔會太甜，滋潤養顏

今日天氣突然轉涼，好幸運喺香港總有一間冰室喺左近。今晚試吓銅鑼灣嘅波士冰室，食個暖笠笠嘅晚餐。我好意外見到我嘅最愛蛋包飯，所以好容易就決定咗叫西冷牛扒漩渦蛋包飯。不禁欣賞呢個名改得份外繪形繪色。西冷牛扒嘅牛筋牛肉分布平均，加有少許黑椒，更帶出香濃味道。香滑炒蛋漩渦般蓋住白飯面，造型味道同樣吸引。再配甜甜的日式照燒汁，仲有西蘭花同櫻桃番茄伴碟，色香味俱全。注重養生嘅我又遇着寒冷天氣，好自然俾冰室嘅自家製生磨蛋白杏仁茶吸引咗，熱騰騰的，一邊飲一邊食到粒粒蛋白，蛋白質豐富又暖身。

約左屋企人一齊上山頂行大運，先喺銅鑼灣集合，食完早餐再出發。有人好醒目，一早做定功課，帶左我哋嚟利園山道呢間「波士冰室」。餐廳以老香港情懷為主題，復古綠色鐵閘、格仔階磚牆身、懷舊信箱，甚至連餐牌都係仿照報紙設計而成，令人想起昔日點滴，重拾兒時趣味。早餐選擇豐富，共有 10 款，另外亦有三文治、厚多士等供應。點左兩個早餐同一客三文治套餐。吉列魚柳拼雞肉腸、櫻花蝦炒滑蛋、丹麥多士、熱檸茶 ($46)  魚柳勁大塊，即叫即炸，魚肉雪白嫩滑、入口香脆不油，沾沙律醬吃，十分美味！雞肉腸輕輕煎過，帶適量肉汁，味道正常。滑蛋炒得夠金黃，唔會過老，面頭的櫻花蝦乾爽帶脆、咸香惹味。丹麥多士有一層層酥皮口感，加上塗了自家調校過的牛油，食落甘香酥脆，滋味無窮。至於另一客西冷牛扒拼雞肉腸、櫻花蝦炒滑蛋、丹麥多士、凍鮮奶 ($50)  亦份量十足，牛扒煎得火候啱啱好，肉質軟嫩又 Juicy，配搭可口嘅雞肉腸、滑嫩炒蛋和充滿牛油香氣嘅多士一齊食，夠晒飽肚。早餐送熱飲，+$3 可轉配凍飲或罐裝汽水，+$4 更可以轉凍鮮奶。另外呢客厚切白豬仔餐肉滑蛋三文治 ($30) 亦誠意十足，大大件，即叫叫製。餐肉煎得十分香脆，

午飯在「波士冰室」，我們對港式食品百吃不厭，兩個小女人分享一客咖喱牛筋腩飯加煎蛋，份量恰好，牛筋腩都夠腍，咖喱汁沒有重味道，淘飯好吃也有住家飯的味道。大大件的牛筋。好味道牛腩。我們還分享炸雞髀薯條，雞皮卜卜脆，髀肉嫩滑有肉汁，配埋熱呼呼薯條一起吃，吃得很有滿足感！乒乓球奶茶與咖啡，口感幼滑香濃，乒乓球優點是保持冰凍與味道，不會越飲越淡。冰室裝璜是實而不華，有傳統冰室風格，光亮整潔的，我很喜歡放在收款櫃位的仿古董電話，結帳時候，我好奇向收銀員查詢，原來仿古董電話是可以使用的。

在Openrice食評中看見這間波士冰室,儘管是一間冰室, 但能夠以蛋包飯及一些特色小食聞名, 相信一定有其實力, 就即管一試啦!不幸地…… 我以為咖哩系列的咖哩牛筋腩飯, 就是他們鼎鼎大名的咖哩蛋包飯, 今次當先試試他們的咖哩吧（ 唯有……）, 老婆就試其中一款波士常餐 (香煎豬扒銀絲米粉, 配蛋及丹麥多士), 再加他們一款知名小食芝士流心西多士。咖哩牛筋腩飯當發現叫錯後, 已經是接近送餐上枱的時間, 看到餐牌可以補少少錢加一隻蛋, 店員及廚房都很好的幫我上枱前急忙再加上炒蛋。 咖哩是帶椰香的那款， 味道濃而且質地濃稠， 佐飯一流。 炆得軟淋的牛筋腩完全掛上咖哩汁，牛腩的肉汁配上咖哩的香實在難抗拒。咖哩加蛋的化學作用所帶出的美味，真的是不能用筆墨來形容。 當然下次要試返他們正版蛋包飯（哈哈）。香煎豬扒銀絲米粉, 配蛋及丹麥多士香煎豬扒原來非常用心的用香茅醃製過， 香氣撲鼻， 而且兩面已經煎香， 扒身亦夠厚， 肉汁依然充足， 絕對高質。 另外一讚是他的丹麥多士， 充滿牛油酥香的外層 ，本身亦帶有微甜， 再加綿密的內心， 真的有衝動再叫一份來吃。芝士流心西多士這裏其中一款人氣美食。但下次

今日第一日返新工，為了避免遲到，所以變提早出門到公司附近的茶餐廳吃早餐再上去很久沒有來利園區域，這裏改變了不少我在街上看見一間嶄新的茶餐廳，便決定在這裏開始我新的一天。茶餐廳在餐牌上推介沙嗲牛肉麵，所以便決定試一試。我套餐亦附上丹麥多士和櫻花蝦炒蛋，亦可以像我一樣，額外加隻蛋丹麥多士鬆化，牛油味濃。令人食指大動停不下來沙嗲牛肉麵的牛肉十分驚喜，而且吃到不少花生粒果然真材實料最後在附上一杯完美的凍奶茶結束這個完美的早餐