波記燒臘粉麵店

营业中

休息中

我已經幫襯該店很多年 今天去食燒鵝飯 覺得十分失望 碟飯攞上嚟時發覺大約有八舊燒鵝 其中六舊全部是骨沒有肉 詢問夥記時得到答案是如果你要食肉 叫嗰陣時就要叫全鵝胸 或是鵝髀飯 我都知而家 百物騰貴 生意難做 但係都唔好咁樣搵我哋笨呀

老實講係有有少少失望😔佢既燒味係唔錯 叉燒蜜汁味重 鵝味幾香 但食麵我都係覺得湯底佔左好重要位置 佢地既湯味精濃得濟 食到一半已經開始覺得口wea wea😔如果行開果頭附近都會試下 但尊登去到食便不值了

吃燒味是件很講運氣的事情，就算可以加一聲指定肥瘦，要吃到真正的美味部位還得看運這裏的燒味質素極高，尤其是一味燒鴨，其肥美和鴨肉獨有的油香難逢敵手，價錢也公道，五十元樓下吃到這種質素，真的是物超所值當年知道這裏獲得米芝蓮推介，真是嚇破膽，一來怕 大排長龍，二來怕業主加租結業，如此好吃的食物，要是結業或質素下降就太可惜了。是日下午心癮起，想到這裏的燒鴨，買一份例回去配威士忌是個好方向，到達後還是想堂食，是日不再食飯就點了叉鴨麵。麵一上枱就知中大獎了，肥叉配鴨脾，叉燒咸甜適中，油脂入口即溶，更重要是肉質柔軟得完美。有好多朋友認為肉質軟硬和部位的油脂有關，更其實更重要是煮食技巧和事前功夫，君不見同樣的雞胸有人煮得水嫩有人煮得硬如乾柴，東坡肉也有人煮得乾硬。這塊叉燒的味道和肉質，是滿分之作燒鴨的皮烤得香脆，肉質也好，那種油香和野性的味道，一入口就充滿整個口腔，吃燒鴨就是想吃到這種味道麵有點鹼水味，湯頭也不是完美，如果是雲吞麵，一是不合格的作品，但燒味麵就是要粗豪一點，加點醋和燒味的汁，味道直接。如果換上更精緻的湯頭，味道可能不會更好，這種有的就是直接的好味道這店是破舊的，環境和接待也不要當成高級

燒味不過不失，一般的衛生環境，對客人呼呼喝喝，服務態度實在很有改善的空間，可能附近沒有什麽競爭對手，整體上只不過是間普通質素的燒臘粉麵店而已，外賣可以，堂食卻不能推薦！

係公司附近，食晏見難得有位就去下。食過燒鵝瀬，燒鵝係好食既，不過瀬粉同平時食果種唔一樣，似米線多啲，個人唔多鐘意，同埋成碗好油，亦好細碗，男仔食應唔夠飽。今次食叉鴨飯，叉燒好得，夠淋，肥既部份入口即溶，平時唔食肥肉都想食左佢。燒鴨ok冇咩特別，飯都夠硬身唔會淋patpat。差在佢間鋪明顯想人快啲走，冷氣開到極大，著左外套都照頭吹，吹到啲飯未食已凍冰冰同事食燒鵝瀬，叫佢比酸梅醬叫左4次先比……唉，好食都冇下次。

諗住行山之前食翻啲野，所以就黎左小編一直都好想食佢既燒鴨瀨，但好鬼遠既波記。٩(˃̶͈̀௰˂̶͈́)و波記店仔細細。有好多街坊、港大同學幫襯，所以成日都座無虛席架，好受歡迎。以粉面店黎講，食物款式都幾多。而且價格都幾親民，難怪大受好評！小編叫左碗 叉鴨瀨(hkd$37) 睇落吾算大碗，但系超足料。叉燒同燒鴨將瀨粉完全遮蓋，大滿足！兩者肉質佳嫩口、厚身。叉燒頗硬，而鴨皮頗香口。總括黎講都系高質既，性價比高，推薦呀！(=ﾟωﾟ)ﾉ

今次一行四人黎波記食Lunch，店舖依然咁多人（部分係遊客），依然咁逼，某部分座位差不多要背貼背坐，唔鐘意同人逼既，真係要有心理準備或者選擇外賣。由於波記收費頗貴，但又想食到靚位，所以今次改變點菜策略，全部單點。點了燒肉（例牌）、叉燒（例牌）、燒鵝（下裝：目標想食鵝脾）、一個白飯，二碗瀬粉。叉燒：依然無得輸，水準不變。 軟、腍、肥瘦適中、夠熱。用埋d汁撈飯，超好味燒肉：皮脆肉軟、半肥瘦。燒鵝：雖然隻鵝皮光肉滑，但因為太肥太油所以好失望。總結：叉燒同燒肉可以繼續encore食完波記大家不妨行到西環碼頭散下步、跑下圈，消耗一下熱量。

1130開口 已經有老街坊 遊客排隊等食麻雀雖小 五臟俱全 一貫港色燒味都有齊不過門口都有張紙貼住1130至730只係星期日唔開 公眾假期照營業一入門口已經有芬開撲鼻既叉燒不過黎得就緊係食燒鴨燒鵝啦配搭都非常多 有飯麵瀨粉 諗都有排諗我地2個人就叫左燒鴨全脾瀨 燒鵝飯 同一個魚皮未有得食之前 先環觀下環境都係得幾張枱仔最入係燒燒味既地方 所以係冇廁所借用㗎燒鴨脾瀨(3.5/5) 3.5分都係比隻脾既 因為瀨粉湯底實在淡而無味 不過瀨粉已經好少地方食燒鵝飯(4/5) 冇左果1分係因為我冇叫到脾 實在太可惜 連我唔食開薑蔥蓉都一掃而空魚皮就同平時粉麵檔差不多 就有個湯仔比你浸淋食燒鴨同燒鵝既比較燒鴨 肉厚 皮脂分佈平均燒鵝 肉味較香肉質較滑 鵝皮油脂豐富 鍾意食皮既愛好者不能錯過不過依度人流都多 食完都要衝衝離去 唔能夠坐多陣嘆埋野飲今次係第一次食評 因為我希望係不同角落處留下美食足印 跟我的叮叮

久聞波記燒鵝大名，早年更入選米芝蓮，舖仔細細環境普通，但出品美味食物，一定大把捧場客下午六時燒鵝脾已經賣哂，轉攻燒鴨脾瀬粉，鴨脾大大隻絕不欺場，而且仲係暖熱的，皮脆甘香，肉質鮮嫩。。。。鬼咩，老闆係親自落手即燒，永冇放得耐，點會唔好食呢另一半連湯都飲哂不過食瀨粉麻煩d好難夾，不過燒味一定要配瀨粉先正，唯一拎起個碗扒入口臨走更加要打包一隻返屋企，慢d差d都冇，我見好多人外賣叉燒返去做餸，下次有機會試下先

試過n咁多間燒味店，波記必定是我心目中王者，價格味道都是上上級，今日又忍不住午餐品嚐美味。波記除燒臘外，還有牛腩、雲吞、水餃賣，但當然燒臘較優勝。叉燒鴨脾瀨粉 ($50)份量極多，一碗已很飽肚。燒鴨脾外脆內軟，外皮燒得剛剛好且金黃，咬下去足滿肉汁。燒鴨較瘦，不會好似外面皮下隔著一大層恐怖肥膏，波記能做到瘦而不柴，鴨肉帶香濃五香粉味但又不會蓋過鴨肉味。呢隻鴨仔無得頂！啖啖肉叉燒也是波記王牌，外皮焦脆肥瘦適中，咬落非常鬆軟，呢隻豬仔食過夜粥他的鬆軟屬天然而非鬆肉粉，入口有甜甜的蜜汁味然後是叉燒的原來肉香。燒肉叉燒米粉 ($37)燒肉皮脆肉彈，肥瘦適中。巧妙地即使皮浸湯後仍然保持酥脆，但略嫌太咸，假如付上芥辣醬可減低咸到，呢隻豬浸得太多咸水了燒臘可以說是港島第一，大份又好食相比某某連鎖店得細細幾舊又乾又難食。但是波記的燒鴨叉燒對於某些人來說可能會覺得偏瘦。波記的環境較狹窄，坐得有小小不舒服。新手來試，極推鴨脾叉燒

西環「波記」的燒鵝，一向有名，即使數年前因事分為兩間店舖經營，名頭仍然響亮，是不少人心目中吃靚燒鵝的心水地方。但碍於路途遙遠，所以雖然慕名已久，一直未有幫襯 。不過自從地鐵南區線通車之後，交通比前方便，就造就了我這次的到訪。 這次來的時候還未到中午，雖然店內已有不少食客正在享受美食，等候的人並不太多，所以只是在店外等待了三數分鐘，便可入內用膳。這兒的燒鵝一向是店中皇牌，但一碗「燒鵝髀瀨」（$90/碗）著實並不便宜，見這兒的「燒鴨髀瀨」（$45/碗）價錢比「燒鵝髀瀨」足足平了一半，實在抵食，雖然明知道燒鵝始終比燒鴨來得好吃，還是捨燒鵝髀而取燒鴨髀，先一嚐這價廉物美的廉價美食的滋味。等不多時，一碗熱氣騰騰的「燒鴨髀瀨」已由店員從店內逼狹的通道間送上。看著浸潤在清澈湯中的半透明白色瀨粉上那隻外皮呈亮麗橙褐色的燒鴨髀和翠綠色的蔥花，讓人在未品嚐前已不禁食指大動。細細品嚐之後，但覺得半透明的瀨粉滑中帶爽，不會輕易夾斷，湯頭也味道適中可喜，主角的燒鴨髀啖啖是肉，肉質口感既佳，也有不錯的肉味，外皮雖不太脆，仍然及格，燒鴨髀、瀨粉與湯三者的組合，配合無間，波記的名氣確非倖致。 一碗教人吃得津津有味的

今日抽起條筋好想食燒鵝，立即上網睇！比我搵到西環有間老店，平靚正！就去左試。一入到去，店面小小，餐牌貼在牆上。見到有不少熟客同老闆傾計，一入嚟就知自己想叫咩係人情味啊！當然重有啲遊客幫襯我第一次光顧，當然要睇耐少少。最後揀左燒鵝懶粉。不足五分鐘就上枱！係睇落好正嘅燒鵝外面充滿油香，但肉就唔係好軟淋。湯底就係普通清湯加蔥粒。懶粉軟硬度不錯👍🏻但份量就相對少，我唔係大食怪都唔係好夠猴總評分幾高推薦去開西環可以光顧一下小店。價錢又合理

今日趁Lunch time約左班同事去試下西環一間出名燒鵝脾既舖頭..聽聞會由11點開始排長龍，心諗我地依d放一點飯既打工仔唯有搏一搏。點知無人排喎係一心諗住叫出晒名既燒鵝脾瀨粉，要求鵝脾另上果時，個店員話冇得另上，咁我唯有改叫跟飯啦，咁先唔會令到隻鵝脾塊脆皮浸淋晒架麻。鵝脾飯大約都有4-5舊肉皮唔夠脆肉係算幾滑（脾位）可惜欠缺鵝油香味羅食完之後仲要覺得非常口渴$90 黎講...實在太貴喇唔會再有下次了

[ 我既童年回憶 | 燒鵝瀨粉🦆]••細細個係婆婆湊我👵🏻佢成日帶我去美心食下午茶，成日都係食燒鵝瀨🍜細個個時淨係鍾意食層燒鵝皮，到到依家大個，都淨係鍾意食皮😋-🔹燒鵝瀨粉($48)⭐️5/10呢間幾排成日係fb見到，終於有一日Lunch男朋友陪我去食🤗原本想食燒鵝脾，點知話Lunchtime無分🤦🏻‍♀️其實都只係中規中矩，亦都唔係特別好食🤷🏻‍♀️我最喜歡個層皮，燒得唔算香，枉我咁遠水路慕名去試🚗▪️叉燒舊舊都又肥又硬，失望☹️🔹淨雲呑($32)⭐️6.5/10普通無乜特別，皮有d厚，不過蝦好大隻，佔左粒雲呑既3分2位置🦐-🔺同枱個叔叔有幸食到燒鵝脾😍佢見到我望住佢隻脾雙眼發光咁✨✨佢叫我試一舊🤣🤣(我當然無咁做啦💁🏻)--更多食評ig: hungrykays 🌸

好多次想嚟食嚟到點知無開，今日諗住見到佢有開先去幫襯，好啦，見見到佢開先泊車，泊完六點行到去，點知閘已拉…明明話收8點，好飄忽…呢間鋪頭應該係好有性格，又唔憂做，又無電話俾人查詢下究竟佢今日開唔開，幾點收工…