波記(大排檔) (已結業)

又是午餐時候,上一次到了盛記今回到了一流碟頭飯的波記.要了生炒骨反及干牛河.兩樣都好快到而且火喉十足五臟六腑都十分滿足,眼看那火光飛揚像是表演,阿姐的招呼市井的但貼心.味道好生炒骨的甜酸剛好.只彈的是沒什麼可以飲的..(當然你可以自己帶來酒水)收費更是不得了44元兩個人中環喎

又約埋食友傾國家大事，趁天氣還不是太熱，就選了在這裡，都好一段時間沒有在這裡坐圓橷吃炒麵的了。坐在背向廚房的位置，背面兩個爐頭在熊熊的怒吼著，感覺彷如置身於空軍基地。要了豉椒牛河及星州炒米，一乾一濕的兩碟。爐頭夠猛，炒碟粉都不過30秒，好快有得食。好少吃濕炒河，爐火不夠猛的話，是炒到「立」口非常的。這裡的茨汁不算厚，令成碟粉賣相不錯，但吃落是不太夠味，牛肉也是醃得不夠，豉椒不入味，略淡口。河粉不油，炒得條條分開，都不錯；星州炒米賣相麻麻，看起來不夠乾身，但味道卻又幾好，米粉吃落爽口，都有水準。這裡環境不大好，但看著個兩位大廚快而準的在open kitchen表演極速炒野，也是樂事。44蚊，想起也會再來吃的。

有事求救，就約老頭子出來，天氣轉涼，就按他的意見來波記。地痞後巷，環境較水記好少少，兩個巨型火爐，馬力十足，爆起上來的話附近行人頓變燒豬，這兩個爐，尋遍港九也只有波記，又是香港的文化遺產。雖說轉涼，但都幾熱，佩服兩位大叔整日面對著熊熊烈燄，亦面不改容；客人落單後，阿姐即時遞上執好的料，瞄瞄埋邊檯面，一盤盤的材料，都是執定貨色，要炒牛河就遞盤牛肉來，要炒三絲，就遞盤肉絲來，大火泡製，唔洗45秒，炒粉麵飯即是送出，鑊氣十足。未開口，老頭子已搶先叫了星洲炒米、豉椒炒牛河走油，一乾一濕；星洲炒米，銀芽、肉絲、蝦粒，料唔多，叫了走油結果濕淋淋，微辣但唔香，一般；豉椒炒牛河，是濕炒，青椒、豉粒、紅椒、洋蔥加上醃得唔多入味的牛肉，配料、汁水十足，可惜無豆豉及青椒的香味，如過可以先爆香蔥同豆豉會好好多。邊食邊睇著大叔舞弄著大鑊，都幾壯觀，呢類「大火頭」的街邊檔，執一間少一間，縱然食物質素談不上一流，當上文化堂，掏廿塊錢來參觀，見識什麼是本地文化。

食左個芙蓉蛋飯，勁有鑊氣lor.....同場加映毛巾表演...嘆為觀止!!..個位置同環境超有風味..殊不簡單噢.....要keep住一個星期食兩次呀，勁好食呀!!! yummy!!! 必食推介: 所有炒野

Sat. 同男友黎食lunch, 叫左牛肉炒麵, 真係好有鑊氣, 不過d 牛肉無牛肉味(佢地用左d 粉"拿" 鬆d 肉), d 麵唔係脆卜卜, 有d 失望.

好開心，終於食到中環大排檔。我地叫左:1 豉椒牛河- 好好味，好夠火氣。唔係話太多油。好夠配料(雖然我唔食原隻辣椒)。2 椒鹽排骨飯- 好夠香辣，排骨金黃鬆脆。飯好有味，唔係飯混飯，餸混餸個隻，求其啪餸上飯果隻。最奇怪就係，食完個身一都無味，雖然我地坐係大排檔果隻大鑊隔0黎。PS: 亞姐個個都好活潑，好enjoy 份工，好enjoy 好忙，同其他中環lunch time食野地方唔同。

我叫了揚州炒飯, 好大碟, 只要21元碟飯好有鑊氣, d料都算足, 不過比較油同咸, 但可以接受, 總的來說, 正!不過飲品只得罐裝汽水, 仲要7蚊一罐環境當然不算好, 不過我都預左食完就走, 所以冇所謂

中環真係有趣,有咁多喱類鐵皮大排檔.喱度環境雖然相當惡劣,坐係斜路上面食,但勝在鑊氣夠,離遠都聞到香味.而且價格合理,所以都吸引到唔小西裝友食.叫個時菜肉片飯,肉片較硬及冇咩肉味,比較奇怪,可能冇咩落醃料.菜心較老,有D仲食到起渣,麻麻.整碟飯水準實在一般,但勝在鑊氣同價平.

沿皇后大道中連卡佛果邊行人路，向上環方向行，過了匯豐銀行的下一個街口，過左太興見士他花利街就轉左上去，波記就在橫巷中。如所言呢度只是坐街邊的大排檔，並不是restaurant，環境麻麻地，要有心理準備，不過炒粉麵就好有鑊氣。

Wanna try the crispy noodle, but i can't find the place. Can anybody tell me where to find this restaurant?

呢度位置幾隱秘，雖然在皇后大道中一轉上來就見到，但在呢頭做左幾年野都係同事介紹至找到來。正確位置是余仁生隔離石級行上少少就到，街名叫士他花利。呢度有小菜供應，但最強的是炒粉麵，即叫即炒夠鑊氣，又大大碟，四個人來吃叫三碟就得。吃過干炒牛河同星州米，都好有水準；最值得一吃是各種炒麵，呢度的炒麵係將細個果時在酒樓吃肉絲炒麵，D麵炸到脆卜卜果種，而家唔係咁多地方吃得到。大部份炒粉麵都係21蚊，算幾平。當然又係果句，呢度係正宗大排檔，即得個鐵皮檔係舖面，檯櫈都擺在路邊果種，環境唔會好得去邊，唔介意穿套裝坐圓櫈的話可一試。仲有就係因為呢度條巷幾窄，所以油煙都幾勁，上次我去食完返到公司同事仲以為我地去食韓烤，怕油煙就最好買走。