影片
以上资料只供参考，请与餐厅确认详情
-
网上订座服务暂停
第一篇上黎打食评，良心小店真系绝对要大大力推荐！夜晚收工突然好想食泰国菜，就系附近揾到呢间泰国餐厅。一坐低老板已经好热情招呼我地，叫左4样野食同串烧，无谂过会有意外惊喜！！首先系个沙嗲串烧，一啲都唔干咬落去仲有肉汁好好食！就系因为呢个串烧，我对之后黎既菜期待值都劲高🤣🤣我地仲叫左打抛猪肉碎饭，泰式炒金边粉，飞天通菜，冬阴公汤同两杯青柠梳打🥹冬阴公汤同泰式沙金边粉都好足料，而且冬阴公汤入面有劲多只大虾，饮落好鲜又酸酸辣辣好开胃🤤另外飞天通菜系即叫即炒超有镬气，大大碟完全唔马虎，呢个价钱食到甘多碟有心整既野食绝对系超值💖最后2个人埋单食左400几蚊，食到好饱，因为无谂过会甘足料😆性价比极高，全部份量都大大碟又好食🥹老板最后仲送埋泰式甜品比我地食，好少遇到甘友善又热情既老板，下次一定会再黎食过，值得回味既泰国菜小店
继续阅读
早几日去咗佐敦，－间叫泰兴隆食店，之前都冇嚟过，只系朋友系 OpenRice 揾到，为咗帮佢庆祝生日，无乜所谓啦⋯⋯店舖地方唔大，大约十张双人枱，不过可以拼埋一齐坐，嚟到坐底睇真D，冇事呀用餐只系60分钟，使唔使咁赶，我哋仲要食生日蛋糕，够唔够时间⋯打俾朋友一问，佢话佢都冇嚟过，不过呢度近佢放工附近，咁冇计唯有照坐落去⋯终于等齐人，我哋先叫咗个木瓜沙律同小食拼盆，外观真系冇乜特别，但一食不得了，木瓜沙律好新鲜，所以大家都食唔停手、再试吓个小食拼盆，哗⋯ 虾饼好好味、鲮鱼饼鲜口又香、春卷细细条，但好好味、再来烧鸡亦，真系我好钟意食⋯ 对呢间小店马上改观，于是再叫多个咖喱软壳蟹、同明炉乌头鱼⋯个咖喱蟹用大方包底，先试一下用方包点咖喱汁食，好味道到呢⋯ 再饮啖明炉乌头嘅汤，好饮到停唔手，条乌头当然系非常非常之新鲜⋯不得了又要再叫其他嘢试吓先，朋友见意：泰国冬阴功汤、及咸蛋黄大虾⋯ 期待又期待，嚟到一睇已经忍唔住手马上试吓先！冬阴功汤有阵好强烈嘅椰汁味，整体发挥相当唔错，而且配料亦都冇孤寒，－个字「正」⋯ 之后梗系要试吓个咸蛋黄汁，又系正到一个点，叫多碗白饭𩠌，应该最少食两碗，大头虾亦都相当出色， ma ma mi ha…. 最后朋友强烈要求encore个虾饼同鲮鱼肉饼⋯ 大佬呀我哋得三条友，食到捧住个肚走，我一定会返嚟、I will be back….
继续阅读
性价比高嘅泰餐～味道正宗午餐有中式例汤～一大碗粟米青红萝卜猪骨汤几好味～不过咸咗少少～仲有粟米青萝卜食冬阴功金边粉～冬阴功汤底足料～味道浓小辣刚好～加咗好多香料～有4大只新鲜虾～肉质弹牙～金边粉份量正常菠罗鸡肉炒饭好香黄姜粉味～有：洋葱丝、三色豆、菠萝粒、鸡肉粒～饭上面有猪肉松～卖相吸引跟餐有4款饮品可以选择～简咗龙眼冰、泰式奶茶～龙眼冰有好多嚿龙眼肉～不过超甜～另外泰式奶茶都系偏甜～不过几香茶味
继续阅读
店舖地点方便位于佐敦先施后方，地方整洁光猛，菜式正宗，泰国人老板非常友善对于我成日食泰国菜，去泰国，对泰菜有要求的，都满足到尤其生虾好大只、爽口、新鲜猪颈肉爽口，入味，有烧烤香味生菜包味道超好，酸辣适中，份量充足其他菜色味道亦非常出色价钱非常合理，会常来光顾
继续阅读
次次食高质泰菜都净系知九龙城，但路途比较遥远啦，今次揾到间位于佐敦嘅泰国菜，位置方便又好味～我最近试咗佢哋嘅海南鸡饭、烧鱿鱼同埋咖喱大虾，性价比相当高🤩首先，海南鸡饭嘅鸡肉好滑嫩，皮薄而有弹性，每一口都有浓郁嘅鸡肉香气，令人食到停唔到口😋加埋三款唔同口味嘅酱料任君选择同埋香气四溢嘅鸡油饭，超邪恶！😈然后就系烧鱿鱼，火候啱啱好，每个细节都计算在内，鱿鱼肉质鲜嫩，口感弹牙。外层烤得酥脆爽滑，但鱿鱼内里仲可以锁住肉汁，唔会太干，再加埋少少酱汁吊一吊味，食到欲罢不能😋咖喱大虾香气扑鼻，大虾真系好大只，新鲜又实肉，完美地吸收咗咖喱嘅浓郁味道。咖喱酱汁调得恰到好处，唔会太咸，有泰国地道风味。将虾肉浸啖咖喱汁，香料同埋虾肉嘅鲜味完美地水乳交融，呢道咖喱大虾绝对系海鲜控必点！总括嚟讲，泰兴隆嘅泰国菜真系令我留下好深刻嘅印象。风味地道，多款菜式任君选择。而且，老板娘都好好倾服务态度都好友善，有一种小店嘅亲切感。如果你对泰国菜有兴趣，我好推介你嚟泰兴隆试下～
继续阅读