泰廚房子 (德福廣場1期)

营业中

休息中

舖頭唔大，waiters 3個多但得1個做野。想去食芒果糯米飯，份量唔大，但食到就算。拼盤不過不失但德福無泰菜，想食只此一家。但真係希望佢哋可以認真啲！希望可以將每一個餸做得好認真令每一個人有賓至如歸嘅感覺遠處是藍綠色的山，山巔雲霧繚繞，或露出白色的發麵紗。近處是蜿蜒流淌的小河，翠綠得如同另一片草地。 一排排只有兩三個人高的樹立在水邊，它們應是在照鏡子，因為那一頭從未修剪過的枝葉，就像女人特意燙成的蓬松髮型…… 許多人都說林芝是西藏的江南，從拉薩到林芝只需大半天時間。於是，我們收拾行裝就下江南去。 可能是心理作用，車子走了一兩個小時後便覺得胸口越來越輕鬆，因為聽說往林芝走的路海拔越來越低。 我的林芝游開始啓程了。

真心呢間餐廳真係極之劣食，我今次係第一次幫襯但都絕對唔會再有下次。首先，餐廳既位置好難搵，我行左德福廣場成個圈，甚至問埋唔同鋪頭既店員，竟然係冇人知道呢間野既存在，連邊度係平台餐廳都冇人知，結果我問埋客服中心先搵到佢隔離間茜廊，仲要再行先見到呢間野。第二，我係買外賣既，但竟然連餐具都唔俾我，係咪要我用手食飯？第三，呢間野啲嘢食好難食，份量超少，我買個餐二百幾蚊，得一個普通外賣盒份量既飯，一兜細細兜既青咖哩豬扒（得一塊咁上下）同埋幾件海南雞，冇錯係幾件，同平時食海南雞飯啲雞咁上下，重要啲野食全部都係得個甜味，好似落左勁多糖咁……

2年前食過一次難食吾好食。今日行過諗住是但搵間餐廳食個lunch，貪佢冇人排隊，見到又再試試佢，今次直頭食吾到叫左個炒金邊粉差吾多30分鐘都炒吾到出黎，呢碟嘢都$80，隔離兩張枱都食完走埋，仲要吾係好忙，直接掉單走人，廢事受氣。望入廚房手忙腳亂，好似吾識做咁定吾休做，慢慢做但隔離幾張枱野食賣相唔見特別靚。感嘆香港飲食業真係不知所謂。 仲有一點想講…..今次間餐廳仲要有陣異味，其實都真係難怪德福放飯時間其他餐廳排曬隊，得佢無人食。

德福平台泰菜，try try佢🙈🙈泰式青檸酸辣明爐魚🐟🐟叫左烏頭，魚上有一片片既青檸，越滾就越香越濃味食落酸酸辣辣好開胃，個底有D粉絲墊底，索曬D湯汁十分好食，而且係靚粉絲，唔會話煮太耐就爛曬椒鹽軟殼蟹🦀🦀炸得好香口，好夠味，外脆內軟加埋D腰果一齊，好好味馬拉盞通菜泰國嘢必點飛天通菜，好入味，而且都好大碟，好食泰式菠蘿海鮮炒飯🍤🍤有D豬肉鬆，腰果，青瓜伴碟面頭有大量海鮮，青口，魷魚，蝦仁等抄得都乾身，粒粒分明😋😋😋

約咗朋友嚟午膳，趁未到繁忙時間先嚟攞位，侍應先遞上餐牌，然後我就慢慢揀，但由於有啲唔舒服，就叫侍應比杯暖水再繼續睇餐牌。因為怕人多時出餐會慢，估計朋友10分鐘後出現，於是叫定諗住朋友嚟到就剛剛出餐，做到懶係時間啱啱好咁，所以冇特別要求延遲出餐，點知餐少於10分鐘已送到，而朋友又咁啱遲到，隨即有啲唐突地問侍應可唔可以拎返個餐入廚房，侍應好客氣並禮貌地拒絕，而又轉個頭攞咗個工具蓋住啲食物令它保温，超讚侍應的靈活細心舉動。到朋友嚟時，食物仲暖暖哋，太好了。

呢間泰國野我地食過好幾次，食物質素都算唔錯，尤其係佢嘅豬手！必食推介👍🏼👍🏼V小妹次次食到舉曬手指💕地方都算闊落，坐得好舒服😭唯一缺點係.....服務員工嘅速度非常快(快到超左香港人嘅水平) 😅話說我岩岩放底隻杯，問都唔問就收左，但其實係未飲完😞手指插左落去都照拎返俾我飲🤢呢樣真係令我有D接受唔到 (p.s. 我地明明食果陣已經係下午茶時間，唔算多人) 正當我地準備起身離座，侍應又快速地埋黎塞住係隔離執枱抺枱，其實都唔差在果30秒😅等我地閃左先抺啦~希望佢地前線服務嘅人員會有改善啦 ! 唔好因為前線人員浪費左幕後廚師們嘅一番心機！1️⃣《泰式豬手定食》⭐️⭐️⭐️⭐️⭐️5/5豬手好腍，而且非常入味，佢仲有少少咸酸菜，油菜，同半隻蛋！感覺上好都幾大份，我相信我一個人應該食唔曬，所以同V小妹share2️⃣《泰式海南雞定食》⭐️⭐️⭐️⭐️4/5對比起豬手我覺得佢比較失色，雞肉唔夠滑，仲有少少鞋口。不過份量都算OK3️⃣《雞肉/牛肉串燒》⭐️⭐️⭐️⭐️4/5由於V小妹非常鐘意食串燒，所以去到邊間餐廳有串燒都盡量會叫俾佢食！呢間嘅串燒都好香口，而且個沙嗲醬都唔錯

呢幾年去旅行特別鍾意去泰國越南呢啲地方不過有時心引起，想食泰國嘢都會揀返商場附近嘅泰國餐廳去食我覺得呢間正路嘅海南雞飯，雞都正正常常滑，雖然當然同最出名嗰啲比較唔係話特別好食，不過都可以頂下癮另外我自己都幾鍾意食咁金邊粉最緊要係佢咩都有得選擇

幾個知己在週日食下午茶10/3/2024在九龍灣周圍搵下午茶食，最後落座這食店。三點多到，唔駛等位，被安排到卡位，卡位闊落。午餐同下午茶價錢差小小，午餐更啱食。點了三個炒野食泰式濕炒牛肉河，河粉大大塊，同港式不同，好多蔬菜，啱食。泰式馬拉盞炒蝦米腸，味有少許辣，略嫌太多蔥蒜，味道可以，無咩配料。泰式素菜炒金邊粉，味道十分啱食，酸酸甜甜，不太油，條條金邊粉炒得分明。飲品青檸梳打及泰式奶茶，奶茶味道同在泰國飲不同，麻麻地。

呢間餐廳我以往都係外賣多，但呢日因為唔舒服係隔離診所掛號等睇醫生，所以想坐低食，一入去坐低已經聞到陣奶臭味，酸酸叔叔咁，但由於唔想再行去搵其他餐廳，就照叫野食，叫左個泰式馬拉盞炒蝦米腸粉，泰式熱奶茶，等左十零分鐘就上枱泰式馬拉盞炒蝦米腸粉好有鑊氣，夠哂熱辣辣，而且份量好多，個人認為堂食份量比外賣更多，食物質素方面我滿意。但服務同衞生方面我就認為有進步空間，當我食到中途我見到有個肥肥地戴眼鏡的男待應執緊隔離枱，沫枱之前佢用一支水狀清潔濟吸左幾下，由於好近我，我即時用手推開碟野食，個待應望住我，目無表情繼續清潔，我冇出聲之後佢開始係我隔離掃地，見到佢把掃把喺我腳附近，我自然反應縮腳避開，佢竟然繼續掃到我腳下🙄佢粒聲唔出一下掃埋黎，我個口仲咬緊腸粉，我心諗你有冇咁急呀？🙄其他冇人坐的地方唔掃左先，係要掃我呢度先嘅🤬，真係無語！堂食要收加一服務費，仲要受氣真係以後都唔會堂食😤

今次去咗間泰國餐廳，開心到跳起！🍽🤤先講個香茅檸檬龍眼蜜，呢款飲品真係清新得嚟，有種「哧哧嘴」嘅暢快，佢嗰陣淡淡香茅味，真係足以令人一試難忘！再嚟講串燒，呀，份量啱啱好，肉嘅香味夠嚟唔腍，真係食落口裡即刻明白咩叫做外焦內嫩，正！當然啦，唔少得最經典嘅泰式炒金邊粉，啖啖鮮蝦，每一啖粉都飽滿彈牙，充滿咗鮮味同埋熱情嘅泰式香料味，流嘅我滿頭大汗都要食埋嗰盤！最後個馬拉盞炒通菜，簡直係抵死，啱啱好嘅辣度令人食指大動！整體嚟講，呢間餐廳嘅食物質素真係好正，服務亦都相當周到。雖然位子有少少迫，但係咁味美食色，都值得介紹俾朋友。下次醫肚再諗唔到食咩嘅時候，記得千祈唔好錯過呢家泰國美食嘅好去處喇！🥰🌶🥥

呢間泰國餐廳，成日都會同同事嚟食。平時食開冬陰功湯麵，但係今次就想試豬手飯。佢嘅豬手飯唔單止腍仲幾入味，唔算好肥膩，仲有蔬菜做配襯，咁就一餐有晒肉同菜。仲有甜品🍮不錯選擇

平時喺附近返工已經成日呢間餐廳嘅午市套餐 味道質素都有保證！今日星期日又心思思想食泰菜，所以又專登返嚟食～ 我哋見到二人餐$288 非常抵食，不過原來套餐一般都係5點後先供應，而我地去嘅時間係下午茶時段。餐廳經理雄哥非常好人 即刻幫我哋問一問廚房睇吓可唔可以整到俾我哋食，好快就迎來好消息～😊二人餐非常豐富！味道全部都好好👍🏻- 串燒春卷木瓜沙律拼盤- 湯品 (我嗌冬陰功，仲要係用熱鍋上😱）- 燒雞- 黃咖哩配一款肉- 雞肉菠蘿炒飯/ 素泰式金邊粉- 馬拉盞炒通菜- 椰汁糕二人餐份量足夠三至四個人食！雄哥仲問我哋使唔使俾定外賣盒我哋打包返去😂其他侍應嘅服務態度都好好👍🏻 （食前唔記得咗影🫣二人餐嘅份量係放滿成張卡位😂）味道 ⭐️⭐️⭐️⭐️價錢⭐️⭐️⭐️⭐️⭐️服務⭐️⭐️⭐️⭐️⭐️環境⭐️⭐️⭐️⭐️回頭指數⭐️⭐️⭐️⭐️⭐️

啱啱喺呢間泰式餐廳食過一頓飯，感覺得意添！🌿🍛 佢個泰式炒金邊粉，簿薄嘅炒蛋香滑得嚟，包住啫啫嘅金邊粉，雖然粉麵味道或者可以再濃啲，但啲蝦雖然微微有少少冷凍味，整體嚟講都唔錯！炒得啱啱好，完全唔膩口。泰滋味拼盤就真係十足嘅驚喜！🤤 每樣小食都做得夠味又唔油膩，特別係果啲蝦餅，真係香脆可口，食落令人一啖接一啖。馬拉盞炒通菜同肉碎生菜包就勁辣勁鹹味十足，食多兩啖都要攞埋杯水解解渴，生菜包嗰部分希望佢哋下次可以大方啲！至於海南雞飯，味道算係中規中矩，冇乜特別驚艷嘅地方。甜品嘅芒果糯米飯就有少少失落，個芒果唔夠甜，食落有啲酸口。不過，講到飲品，珍多冰豐富嘅椰奶味同龍眼冰嘅香甜，實在係消暑好選擇，而青檸梳打就清爽得嚟解渴！🍹總括嚟講，今次食物體驗唔錯，有啲菜式真係惹味，有啲就仲有改善空間。個人真係期待下次再嚟試吓其他款式！😋🍴

是日到訪了位於九龍灣嘅一間泰式餐廳，決定來個泰國菜之夜晚餐～～孖住泰2人餐 $198黃咖哩豬扒 + 海南雞(例牌) + 泰式菠蘿雞粒炒飯 加配小食手包春卷拼魚餅(各2件) +$36整體食物質素中規中矩，用膳座位安排了卡位，寛敞舒適

個人喜愛海南雞飯嘅，不過呢間嘅黃飯就淨係得顏色，無乜香味。雞方面還好，雞味爭少少。冬瓜湯就似水多啲，無乜味。價錢方面就一般。所以以午餐嚟講都算啦。等位時間都比較長，如果比較趕時間就未必合適。