泰味屋 (已易手) 新餐厅

👍🏻泰式肉碎煎蛋飯 (包泰式特飲) $48熱辣辣即叫即整，口感好似蠔餅咁，煎蛋餅包住啲豬肉碎拎去炸，食落表面脆脆地，有燶邊蛋既感覺，好香口😋入面既豬肉碎有肉汁唔會乾爭爭，加埋泰式醬汁酸酸辣辣咁，好惹味👍🏻最抵係包埋泰式特飲唔駛加錢，仲大大杯添🤤！味道：8/10性價比：9/10-📍#泰味屋大嶼山梅窩碼頭路11號銀輝大廈地下D舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #梅窩 #梅窩美食 #梅窩好去處 #梅窩碼頭 #梅窩一日遊 #銀礦灣 #大坑 #大坑美食 #大坑好去處 #泰國菜 #thaifood #泰式 #muiwo #muiwobeach

叫左份海南雞飯～雞冇雞味～鞋到唔識形容～其實可能碟野係點汁食～個泰式辣汁先係主角！ 另一碟泰式炒金邊粉～更加不知所謂～三兩啖食晒比外面食的下午茶餐份量還要少～要食完出去麥記補返個包先夠飽～餸得D蛋碎同豆腐～一粒肉同蝦都沒有～齊到無朋友～唔知的以为我去錯左寺院食！午餐時間去除左快餐外～都係得快餐～小食一樣都無只係飲品正常少少～唔難飲！服務除左收野外～真唔覺有！唔知係唔係平日無大廚係度～先會整成咁情況！

All the dishes were so delicious. We ordered pork satay, spring rolls, Thai chicken and rice, sweet and sour prawn and we gobbled them up instantly. My favourite was the shrimp cake. It was very fresh. The portions are quite generous too. And they served very quickly.

在巷子裡的，要找的話真的有點難度🤣🤣但這店就在匯豐銀行跟百佳超級市場的巷子裡，外面有一些單車在停泊著，說到這，就容易找多了🤣🤣🤣進店後，看到的都是泰國人家居感覺的擺設，而迎接我們的也是泰國人，餐廳都是滿地道的~👍👍小食拼盤 （春卷，蝦餅，魚餅）~炸物都熱辣辣，蠻香脆的，而餡料的味道也挺濃及足料，味道都滿滿像泰國家庭式弄的~菠蘿肉鬆抄飯~肉鬆很多，而抄飯也不油，味道就跟平日吃到的差不多~金邊粉~都ok不錯的，不會很油，這個是素的，但可加錢轉海鮮~抄菜苗~這個是有驚喜的，菜苗非常嫩，好吃👍👍

同男朋友去梅窩玩，search下openrice見到呢間泰味屋啲正評好多，於是去試下。我一開始係想好想食芒果糯米飯先入去，入到去打開個餐牌見到有label遮住左，應該係冇得食😭我地就諗住嗌咖喱炒蟹同埋燒豬頸肉，店員話：「冇哂蟹喇喎。」咁我地就轉嗌泰式炒蜆。過多陣個店員返黎，話「冇豬頸肉喇喎。」心諗，唔係呀麻...冇蟹都話可能係因為新鮮既考量預既數量唔多，豬頸肉都冇哂..好啦可能生意太好我地最後嗌左個炒蜆同炒金邊粉。炒蜆係真係好食，食過番尋味，啲汁甜甜地，有啲蕃茄既酸（唔知有冇擺蕃茄，但係個種酸酸地），再有少少辣，好味到食哂啲蜆都想飲埋個汁佢，值得一試。金邊粉炒得乾身，但粉仍然濕潤入味，大蝦有三隻，都幾爽口，唯量太少，兩個人share都唔太夠。由於唔太夠既關係，我地仲想嗌多半隻海南雞，serve我地既係另一個店員。落完單隔左陣，個店員話：「如果海南雞唔夠半隻，你地仲要唔要？」我話：「如果唔夠半隻，價錢照舊？」佢話可以計平啲啲，但男朋友覺得剩低既可能係啲頭頭尾尾，無謂為叫而叫，最後就冇嗌到。臨尾我地等埋單（順帶一提，店舖唔收信用卡，只收現金），個店員黑住面拎張單黎，冇話收我地幾錢（即係平時

同男朋友都好多時來梅窩玩，通常喺梅窩食嘢都係選茶餐廳或者碼頭附近嘅海邊店，今次晚餐選左依間都好隱蔽嘅小店去試吓。依間店舖晏晝有啲時間係唔開，大家去嘅時候要留意。去到泰國餐廳我覺得最安全穩陣嘅就係叫炒金邊粉同埋香葉肉碎飯。今次都叫左依兩個。太過揀飲擇食，每次食金邊粉我都會走青。其實我想走埋辣但唔記得左講，佢都放唔少辣椒，食到好熱😣但其實整體都好食。依個走辣嘅香葉肉碎飯都好好味好香。如果下次有多啲人一齊食嘅話，叫多啲唔同嘅餸菜試下就好。見到店裏面都有店員好似係泰國人，亦都有泰國人客去幫襯依間店，相信味道都算正宗嘅，haha。我哋兩個人食完埋單都好似係$100左右，好抵呀！

鄉間小店，價廉物美，店舖面積雖然較細，整潔乾淨，整體性價比極高，比起好多市區連鎖店或商場舖有，這店真是有誠意得多！午市套餐，平均每人消費$50 以下，超滿足!!!

秋高氣爽，是出遊的好日子，是日約了表姐由東涌走到梅窩，這路線走了不下五次，全程兩小時左右，輕鬆易駕馭。 抵達之時剛好是午飯時間，肚子咕咕作響，在網上隨便找家餐廳一試。小店窩在巷子盡頭，門口狹窄，推門內進後是一般快餐店格局，坐位大約四十個，望落乾淨整潔，坐得舒服。 凍檸茶/青檸梳打 (隨餐附送)午餐價錢包飲品，除了汽水外還有椰汁冰、咸檸七等特飲，均不用加錢。檸茶用上泰式茶底，別有風味；青檸梳打加入不少鮮青檸，超級清新醒胃。 海南雞飯 $45雞肉採用一半雞胸一半雞背，份量十足，肉質滑溜無雞腥，蘸些醬汁挺好送飯，不過飯是普通白飯不是油飯，沒那麼香但又沒那麼膩。 辣炒泰式河 $45掙扎了一輪才點下的炒河辣度適中，肉碎沒有混進太多肥膏，配上甜甜的醬油，心知不健康但確實惹味，忍不住吃了又吃。 午餐四十多塊連特飲實在無可挑剔，不過留意他們有落場時間，午市只做到二時三十分，眼見不少遊客也摸了門釘要另覓地方開餐。最後臨行時突然改變主意跳上往大澳的巴士，吃了魷魚乾又買了糯米糍，隨心隨興，謝謝相伴。

好多年無黎過梅窩，都唔知食乜好。梅窩呢個地方好似無咩人打食評，最多就係介紹西餐。不過因為今晚食西餐既關係，所以最後決定lunch 食下泰國野😋。黎到銀輝大廈唔見有呢間餐廳，以為執左。正想放棄之際原來佢就起轉角位置。平日既梅窩感覺杳無人煙，入到去餐廳都係得一兩台食客。呢度侍應既態度完全比我feel 到果份冷漠。Lunch 都幾平，$45蚊包飲品。正當諗緊食乜之際，原來二點佢地落場，叫我地快快手order. 午市得套餐，無其他小食menu, 本身仲想叫下d 小食。✨椰汁冰：個杯感覺好殘舊，不過椰汁味夠濃，如果有珍多冰就好喇。✨泰式炒金邊粉：金邊粉有咬口，入邊有豆腐，蝦，蛋，d 花生碎勁幼細，加埋青檸味道唔錯，好開胃。唯一唔like 係側邊d牙菜係生既連埋d 豆，所以我就無乜食。✨燒豬頸肉飯：d 飯都幾多，豬頸肉有十幾塊。雖然偏瘦，但加埋個醬汁，酸酸辣辣好惹味。埋單$90,唔使加一仲有野飲，連咸檸七，龍眼冰果d 都有👍🏻真心係超抵同味道唔差。不過如果侍應可以親切d,唔好表現出咁趕住收工既態度，會比我食得更開心。

第一次去梅窩玩，發現大部份餐廳都是西餐或酒吧類。也對，畢竟梅窩真的比較多外國人。在open rice找了又找，別無選擇下就決定吃這間泰菜。這間泰菜食店位置不算顯眼，而進店後，感覺有個舊，有點簡樸。隨意打開餐牌，價錢也不算貴，而且沒有加一收費。最後點了一個香葉肉碎飯和青咖哩雞肉飯，還有一杯泰式椰汁冰。香葉肉碎飯：因為賣相一般，初初還以為肉碎配飯會頗乾的，但結果又如想像中那麼差。肉碎其實還是嫩嫩多汁的，再加丁點辣味，越吃覺得越好味。青咖喱雞肉飯：青咖哩的味道做得蠻好的，辣辣的，大大刺激了我的味蕾，非常容易上口！而且咖喱也蠻足料的，雞肉肉地也很滑，個人十分喜歡。泰式椰汁冰配青咖喱飯一流！ 冰冰的，而且椰奶味蠻濃。整體評價：（10分最高）環境：7衛生：7賣相：7味道：9價錢：9

來梅窩辦完事己經2點多, 順便食埋午餐先走, 梅窩cafe 很多, 但有點貴得不值, 茶餐廳又唔鍾意食, 行咗一個圈, 終於見到呢間泰國菜....沒有抗拒不想入感覺, 就這間吧。家庭式作業的泰國菜格局午餐祇有套餐供應, 包飲品$45, 算合理。餐飲~喊檸7 紅咖哩雞飯 與其說咖哩雞飯, 不如説咖哩雞柳飯, 我食開嘅咖哩雞系雞件不是雞柳的, 經過今次又學精咗, 以後叫咖哩雞前要問清楚, 咖哩汁食出好多香料味道, 內有香葉、泰茄子、洋蔥及紅椒等配菜, 小辣型, 但咖哩味唔夠香, 李x記的比這好, 不過一分錢一分貨, 仲包埋鹹檸七, ok 啦。

長假期，去郊遊是常識吧今次我地一家大細去到梅窩，行行逛逛，入夜後就搵左間唔顯眼既泰國餐館食飯價錢好似比市區仲平什錦小食拼盤$62，入面有蝦餅，魚餅同春卷，三款都炸得好香脆，蝦餅好彈牙串燒雞，豬半打$68，豬肉比較硬，雞肉就幾嫩，配上個個沙嗲醬，讚泰式明爐烏頭$138，好多肉，仲好嫩，配料唔多燒豬頸肉$58，好大碟，抵食菠蘿炒飯$58，同平時唔同，係用碟上，無咩菠蘿，似普通炒飯泰式飲品都好似平過平時，16蚊一杯，椰青就38鋪仔細細，但真係好抵食

梅窩有幾間食肆都幾有特色: 粵菜、越式、泰式、西式fusion平日經常幫襯嘅其中呢間最鐘意冬蔭功湯：大隻蝦仁魷魚料足湯汁夠味；咖喱餐：泰式椰香味濃。感覺大廚誠意烹飪，時常都會幇襯。環境幽靜，燈光適宜，衛生做得幾好。下次試下龍眼冰

當日家大細，有老有嫩去梅窩渡假一天。。。 晚餐，我地去左泰味屋。 首先講下環境先： 店就細細間，遲去可能要坐出門口餵蚊。因爲一到傍晚，超級多蚊。。。 不過外國人都會喜歡坐外面。。。這個餐廳不會讓你想坐耐啲，真係食完就想走。。。因爲細間，裏面樓底低，又暗。（除了第一張臺外，即我們的座位。）食物質量：我們點了這些菜。。。想再點，但唔知叫咩好。。有啲又話賣嗮。。（但係晚餐我地係第二枱客。。）柚子沙拉 ：一般水準薄餅  ：好食！ 我們再點多一碟！ 青咖喱雞   這個汁好正，喜歡吃辣的，一定喜歡。泰式明爐魚 ：一般泰式肉碎炒蛋 ：一般 泰式炒通菜　：一般，也是一般的咸。泰式炒蜆 ：good 千層糕 ：ok ... 熱食，特別椰青 ：good  服務質素：其實服務都不算差，但當我地叫服務員幫我地影張合照。。。三個人你推我，我推你甘。。。。真係好唔開心。。。場面超級尷尬。。。所以，如果同honey 去， 就惟有自拍拉。。。免爲難人。。。 唉。。

上幾個星期,因為老公生日,所以特登同佢食飯,本來家住梅窩,食0黎食去都係0個幾間餐廳不過有d梅窩街坊話,最近有間泰國餐廳0係梅窩開張,d0野食幾得喎,咁我就同我老公去試下菜啦......真係好ok,一問之下先至知原來廚房師傅係泰國人......難怪咁地道0個日因為成9:00pm先至去,所以唔駛點等位,我0地就搵0左個露天茶座位置坐一坐低,我就叫0左個青檸梳打.......清清地,因為我唔係太鍾意甜到爆0既飲品,呢個最0岩少甜人仕我老公叫0個杯龍眼冰,先至有驚喜.......我老公飲完一啖,轆大到眼望著我....."ok喎,味道好得呀!"我就試0左一啖.....心諗........"早知叫呢杯啦......好香龍眼同椰青味呀!"之後仲order0左個冬蔭功......個湯一到.....嘩!足料喎......湯入面0既蝦仲要好大隻,最重要係新鮮,乾淨,仲要有清泥腸(呢d細節,唔係好多餐廳做得到......因此值得一讚)跟著再0黎個無骨泰式鳳爪.....可能我自己食得比較酸,結果問老闆要0左半個檸檬,加翻d檸汁,掂哂我老公當日order 0左個海南雞飯,油飯好味爽身,唔太油,雞肉實淨,好在唔