泰味

营业中

休息中

喺香港想食正宗泰國菜，除咗九龍城，原來仲有呢間隱世小店「泰味」！環境乾淨舒服，唔會迫迫夾夾，坐低慢慢食都唔會俾人催，好適合同朋友傾住計享受泰式風味。🔥 明龍清湯烏頭 – 食到鮮味一上枱已經聞到濃濃嘅香茅同檸檬葉香氣，湯底清甜得嚟帶少少酸辣，好開胃！烏頭魚肉爽滑冇腥味，煮得剛剛好，唔會過老。最正係魚肚位吸晒湯汁精華，連埋啖湯一齊食，鮮味十足！如果鍾意飲湯嘅，一食會再食~ 🦐 泰國生蝦 – 新鮮！擺盤靚！醬汁正！生蝦刺身晶瑩剔透，擺盤超有心思! 蝦肉爽甜彈牙，完全冇雪味，證明夠新鮮。最特別係個泰式酸辣汁，唔係普通蒜蓉辣椒咁簡單，仲加咗少少青檸同魚露，酸辣得嚟帶層次，同生蝦超夾！🥬 泰式馬拉盞炒芥蘭 – 鑊氣十足！芥蘭炒得翠綠爽脆，馬拉盞鹹香惹味，仲加咗少少蝦米同蒜片，食落更加香口。最欣賞佢夠晒鑊氣，蔬菜唔會出水，保持到爽脆口感，送飯一流！

同fd去開將軍澳，意外發現呢間隱世小店，環境幾好，坐得幾舒服😌泰式生蝦成個擺盤勁靚，打卡一流🤩第一次食泰式生蝦可以食埋蝦頭，勁得意🤣冬蔭功之前去泰國食冬蔭功都係偏酸，呢間就唔算太酸，幾岩我哋口味🤤芒果糯米飯糯米飯係用斑斕葉整，不過唔太食得出斑斕味🥹我哋2個人仲嗌咗木瓜沙律、馬拉盞炒通菜、扭計炒河、椰青、2杯飲品。整體味道都唔錯，聽講餐廳係泰國人主理，所以佢保留傳統泰國風味之餘，味道亦適合香港人口味🙂2個人嗌咗total 6個餸 & 3個飲品，飽到食唔晒，埋單先4xx，真心覺得性價比勁抵😉

同👧🏻去開將軍澳，順便物色吓附近有咩好嘢食發現有一間 #隱世泰國餐廳 附近環境好清幽店舖細細，都坐得幾舒服泰式小食拼盤 $118有四款唔同嘅小食，啱晒選擇困難，一次過試晒唔同款小食，包括春卷，蝦餅，魚餅 &雞丸 蝦餅超得，👧🏻不停咁食🤣秘製火山骨（細） $94火山造型🌋嘅火山骨🤣啖啖肉，肉質好腍配上酸酸甜甜嘅汁，真係好惹味，食到停唔到口泰式蛋包鮮蝦金邊粉 $88即叫即煮👍🏻味道酸酸甜甜，仲有碎花生喺旁邊，金邊粉掛上花生碎，完全符合晒👧🏻嘅口味🤣原個椰青 $42食泰國菜一定要配個椰青飲，食埋啲椰肉，清新口腔，咁先食到每款泰國菜嘅真味道👅佢哋而家仲有以下菜式半價優惠(四選一)🤩🤩泰式明爐魚🐟 (原價 $218 半價 $109)秘製火山骨（細）🐷 (原價 $188 半價 $94)泰式海鮮冬陰功湯🦐 (原價 $82半價 $41)金柚蝦沙律🦐 (原價 $72半價 $36)

{泰味泰國菜 - $200/人}數吓數吓坑口原來都有唔少嘅泰國餐廳，競爭都唔細！而家坑口村又多一間加入戰團，真係要睇吓係咪又抵食又好味先！結果果然冇揀錯，呢期呢度真係至抵！而家仲有幾款菜式做緊半價，包括泰式明爐烤魚、秘製火山骨、泰式海鮮冬陰功湯、金柚蝦沙律！係半價呀！抵到呢！♦️泰式生蝦呢度啲生蝦超精美，用一個個好似蛋殼咁樣容器裝住，每一兜都好似生蝦沙律咁樣，有新鮮又好味。每一隻蝦頭都獨立炸到卜卜脆喺另一隻碟度，真有心思！♦️泰式蝦醬炒飯食泰式嘢一定要試吓佢嘅炒飯，一試就知道充滿鑊氣，蝦醬嘅鹹香，實在特別開胃！本麻甩估計午市行過嚟食一碟都幾正！♦️泰式明爐烤烏頭明爐蝦烏頭食得多，泰式冬陰功底嘅就真係好難得，呢度嘅明爐烤魚有好多款湯底可以俾你揀，烏頭大大條，除咗可以食到美味嘅魚肉之外，仲可以飲到靚湯，實在係太正！♦️咖喱軟殼蟹火山包咖喱軟殼蟹唔使講都知道好味，呢度啲咖喱做得唔錯，不過講到呢碟餸最強嘅真係個火山包，麵包烤得外皮香脆，不過入面仍然軟心，好香蒜蓉牛油味，配埋咖喱食真係冇得頂！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍🦍📍 #泰味 (將軍澳)將軍澳坑口坑

老BEST喺網上見到有間泰菜有半價優惠，即刻約埋我去食！🤩 呢間係間隱世嘅泰式小店嚟㗎！🤫 周圍環境好寧靜好chill，店鋪唔算好大，去到嘅時候都幾多人，夜晚7點都已經九成滿座！🔥 平民價，抵到喊呀！🥹 職員勁nice，又會主動推介食物添！👏 呢啲服務態度，真係加分好多！💯泰式明爐魚🐟🔥 ($109 - 半價！原價$218)條魚好新鮮！ 魚肉嫩滑，仲好入味！😋 個醬汁又惹味，簡直係完美嘅配搭！💯 半價真係抵到喊呀！🥹 我係因為呢個優惠先至黎依間餐廳！完全無令我失望❤️火山骨🌋🍖 ($188)佢係用長型豬脊骨疊成好似山咁，肉質好冧，唔會太乾！👍 個醬汁甜甜辣辣，好惹味！😋咖喱軟殼蟹火山包🦀🌋🍛 ($188)軟殼蟹炸得酥脆，咖喱味濃郁，配埋個勁脆嘅火山包，口感豐富！💯 簡直係味覺嘅享受！😋 咔滋咔滋聲！🤩 陣陣麵包香配上咖喱軟殼蟹！大推，必食!!!! 泰式生蝦🦐🍤 ($118)生蝦新鮮爽口，好彈牙！🦐🍤 蘸上泰式醬汁，更加惹味！😋 佢擺盤仲要好靚❤️泰式飛天通菜🥬🌿 ($64)呢個飛天通菜好爽脆，夠晒鑊氣！🥬🌿 佢好似加左豆醬，調味啱啱好！👍臨尾仲有甜品食餐廳仲有好多嘢食做緊半價優惠添！下次一

昨晚與居住將軍澳區一同5人去這店食泰菜，是朋友在網尋找這店。訂了1900 5位，早了10分鐘到。是老闆或職員主動介紹菜式就跟了他介绍幾款菜每次遞上一菜式我5人異口同聲都說 好食食了1054元 每人210元除我食最多外其餘4位食量少所以大家如大食，要叫多2款菜，那麼大約要300元/位。這晚服務佳，食品高質我個人非常想介紹比大家尤其居住將軍澳區朋友*只小店關係，又有客門口等位，我哋連甜品都係食了一小時。也見其他枱食完就走，像每枱客都明白生意難做，也希望這店多做幾輪生意*昨晚食後馬上在gp介紹比我身邊居住朋友，今早才寫食評。19/10/24 晚初嘗試

一行5人 見佢有幾間分店，就入去試下， 係呢條村，已前成日去，不過…最近都少左！ 見佢呢間應該新開，門面又乾淨企理 ！ 入到去，樓面係香港人，不過見佢廚師都係泰國人，我諗啲嘢食應該都會幾地道！ 我哋試咗佢幾樣嘢食，睇得出佢哋都好有心機做，出嚟嘅賣相，都好吸引，令到即刻胃口大增 ！ 佢哋嘅生蝦刺身，係我食咁多間泰國菜，包括酒店，都冇佢呢間整得咁靚，咁仔細，佢嘅生蝦係非常之新鮮彈牙 ！ 第二樣 試咗佢嘅燒鱔， 我哋叫咗半條燒鱔，一出到嚟，我哋都嘩一聲，298蚊 超大碟 ， 超爽好彈牙， 如果再熟少少，再燶啲一定會更加出色！跟住佢嘅馬拉盞通菜，好明顯佢哋嘅醬汁係自己教嘅，係獨有蝦醬同蝦米好香嘅味道！ 呢個真係值得讚，唔鹹唔太油，好食之後個夥計都好好，佢哋都會介紹我食，同埋臨走都請我哋食咗甜品！ 我哋嗌咗六七個餸，都冇每一樣影 ，掛住食 ！ 總體嚟講 呢一間泰國菜，我一定會再去幫襯，泊車都有好多錶位

3:30左右睇餐牌嘅時候，店員話：「雖然無下午茶餐，但午餐都抵食，太陽咁曬，你入黎坐啦！」咁我就坐低，望住張午餐餐牌，點咗個炒飯食（$68）用餐過程中，有店員睇手機，大大聲播粗言穢語嘅影片。聽到咁大聲，我唯有戴耳機降噪（降完噪都仲聽到…….）😵‍💫😵‍💫😵‍💫🙉用餐完咗佢話要收$85，我疑惑以為係有服務費，明明無見到。我指住餐牌問但呢度寫$68。店員就話得指定日子先係午餐價，依加係晚餐價。 個刻我呆咗……第一次食飯比餐廳呃錢！！！我無同佢理論，心諗黑仔遇着間ripped off！☠️其實咁偏遠嘅餐廳，吸引食客回頭，除咗食物味道之外，就係口碑同誠信。奉勸大家唔好幫襯‼️‼️‼️‼️會氹你入鋪頭，然後呃你錢❌❌#呃食客錢

最近我去咗將軍澳一家泰國餐廳，這些地方的美食給我留下了深刻的印象。每一樣菜品都展現了廚師的用心，讓人一試成主顧。這幾家餐廳的環境舒適，裝潢簡單卻富有泰國風情，讓人感受到濃厚的泰國文化氛圍。餐廳的服務人員熱情友好，總是面帶微笑，讓人倍感親切。每一道菜品都好用心製作，從擺盤到味道都十分講究。顯然，這裡的食材新鮮，調味恰到好處，讓人一口接一口。顧客們食完後都讚不絕口，紛紛表示這裡的食物不僅好吃，性價比高，實在是十分抵食。如果你來到這裡，千萬不要錯過他們的招牌泰式咖哩，濃郁的香氣和豐富的口感讓人陶醉。還有他們的冬陰功湯，酸辣的滋味十分開胃，非常適合與朋友分享。此外，炒米粉和青木瓜沙律也是必點的佳品，特別適合喜歡清淡口味的人。

嗌咗個$42嘅椰青，見食物未嚟諗住啜兩啖先，點知佢真係兩啖就冇哂，打開嚟睇椰青入面勁淺(目測4cm深)，椰青水冇味，同埋入面好乾淨一啲椰青肉都冇，所以佢根本唔需要俾匙羹我都得。同店員反映佢哋話係咁㗎喇就冇咗件事😭平均二十蚊一啖嘅椰青水略嫌奢侈。

叫了一份黃咖喱牛肉飯， 上枱後極猶豫要唔要食、 因為見到碟邊脫落， 碟邊融融爛爛， 牛肉少得淒涼， 得3塊， $68價錢不值， 同行朋友另叫一個椰青，裡便得兩啖，三啖姨飲完！ 入面容量極細！ 但這個椰青另計$42， 下次一定不會再嚟！

今日午餐諗住去坑口村元洲牛肉麵已經轉咗做泰國餐廳反正嚟到都試一試聽講話開咗十日八日左右，午餐都算多人，要等位。如果要過嚟食，建議都要預多少少時間或者早少少佢有午餐大概$50至$60左右不等😂唔知有冇記錯呢午餐好像有啲炒粉，炒麵，泰式咖喱等等咁我今次就試咗呢個泰式牛肉船河一試難忘，好似泰國食嗰啲味道😋見到佢哋啲夥計，好似都係泰國人。個牛丸，同啲牛肉都好好食重要係個湯底，真係好似返咗泰國😆下次可以嚟試埋個晚餐😋

這間開了10天，順路便嚟試食點了4道菜最好是蠔餅，配的汁醬更好吃其次是燒牛肉醉貓炒飯太辣，事後才知可減辣燒烏頭一般侍應招呼熱情，有禮但流程太亂，冇好好分配工作，ps 排隊等位記得攞籌，侍應會唔記得派，到時爭拗就不好了

🎂泰式生日蛋糕🎂近排食完又食的店鋪，又增添多間…..一星期食兩次，唔識我既人，以為我超喜歡食☺️😊😉😉Encore既原因，上次二人前，今次人多聚，真係可以食好多款式😋😋1️⃣沙津魚以為辣，原來唔太辣，秘製醬汁才是精髓，呢條炸角真係要食，列入收藏版（本身只食蒸魚、煎魚）2️⃣ 燒鰻魚鰻魚同鱔….我唔識，所以我唔識分，但點都要試味，入口即溶，改變咗我對無皮魚嘅觀感，入口帶甜，整體上覺得好食，下次可以同喜歡食鱔嘅朋友嚟3️⃣軟殼蟹火山包呢個真係食完再食，永遠都唔會厭，好似超水準，最鍾意食個脆脆麵包，配合咖喱汁，全枱都話好食。4️⃣ 蠔餅大隻蠔……脆口，蠔仔唔乾，乾濕度適中，可以一試5️⃣馬拉盞炒通菜味道一般，醬汁over左，估計唔會再叫6️⃣雜錦串燒原本出色嘅串燒，今次變為配角，食泰國菜叫串燒係常識，味道依舊，只是被其他太出色的掩蓋了，六串有三款味，大大串，滿滿嘅肉汁，配埋醬汁，簡直係串燒嘅精髓7️⃣生蝦生蝦配炸蝦頭，再配埋個醬汁，有個沙律底，裏便有西芹、洋蔥、紅蘿蔔…..仲有其他，配合醬汁，再加生蒜、辣椒和生蝦一併食，作為餐前小食，別無他選8️⃣蝦餅新鮮炸起即食，口感一流，完全冇食一舊粉嘅感覺9️⃣椰子雞湯第一次泰國鋪飲椰子雞

朋友由北區過到將軍澳，點都要搵啲隱世美食啦🥳🥳🥳印象中坑口村有小店，疫情前曾經幫襯，疫情後首次再去坑口村，主要原因之一，朋友比較嘴刁😂🤣（千祈唔好俾佢見到呢個post）第二，朋友揸車過嚟，點都去遠少少啦😏😏😏😏平時我一定去食中菜，行咗個圈，見到有泰國菜，又想試😝😝入到去先知道第一日試業🤪😜經店員介紹，揀咗這三款估計係招牌菜……….1️⃣ 軟殼蟹麵包店員推介嘅時候，我都擔心唔好食，煮得好食唔係度度有，暫時未食過好食，今日一試，真係可以即刻組團食😋😋2️⃣生蝦刺身真係好別緻，配合炸蝦頭，真係孤陋寡聞，第一次見到……..到最後我只係食咗一個蝦頭，朋友不自覺食晒五個，但生蝦記得留返俾我😝😝😝3️⃣串燒認真樣😉😌☺️😊真係好好食，下次再去可以再叫，熱辣辣，啖啖肉，買少見少，碩果僅存好味道