泰國人海南雞 (已搬遷) 新店位置

是日有朋自遠方來深水土步找咱們吃飯, 便走入企理少少的泰國人海南雞。清一色叫泰國人海南雞飯, 飲品只有紙杯裝的汽水, 或咖啡奶茶, 不能加錢轉特飲, 有欠彈性。論雞, 肉滑又唔肥, 連雞胸肉都很滑, 是過得去的了。油飯不油, 但也有淡淡雞味, 份量仲好大碗下, 是吃不完的。雞醬只有泰式的, 沒有我喜歡的黑油, 而那雞醬又不太好吃, 是失色一點。跟朋友一起吃飯偷懶, 是難得的偷得浮生!

兩個人尼食叫左一個扎肉河+ 海南雞飯+ 可樂+ 唔記得咩冰扎肉河...好一般~~感覺上係好似用一款泰式的米粉尼煮咁....連d 湯都好差~~~扣分不過佢的招牌海南雞飯就真係唔講得笑~肉汁鮮甜~爽口不肥d 雞油飯的味道又調教得arm arm好~~完全係高水準之作~不過清潔度就差d一入到去坐低張台係有d 飯送"積"的仲要我地叫先識抹~~~好似唔係咁好咁啦~

今日去左深水土步呢間o野試下佢個海南雞飯, 兩個人叫左兩碟雞飯加一杯椰汁冰, 先講個飯, 完全唔掂, d 雞淡而無味都算, d 油飯竟然會生熟米, 仲話係招牌菜, 再講杯椰汁冰, 我去水機裝杯水仲凍過佢, 都可以叫椰汁冰, 我都未試過成餐飯由開始食令頭令到出門口, 我真係食完隨即返屋企打呢段o野話比大家知

嚟呢度食嘢, 梗係要食呢度嘅招牌菜海南雞飯啦! 個賣相真係唔錯, D雞肉好嫰滑, 已經去骨, 啖啖肉, 好有雞味, 個sauce都唔錯, 酸酸甜甜, 好開胃, 而個飯都幾香, 不過唔夠熱, 熱D仲正.另外仲叫咗碟泰式豬手飯, 豬水係用原隻豬手起骨, 又係啖啖肉, D皮都好爽口, 一D都唔油, 好入味, 仲有D咸酸菜喺底, 撈飯好好食.

平日行過見到li間店好多人排隊等位, 相信應該幾好食. 琴晚行完西九龍中心, 一於去試海南雞飯. 可能係晚上9:00, 去到即有位, 唔駛等. 室內環境ok及幾乾淨. 叫左:1) 海南雞飯: 雞好有雞味及滑, 好食, 但油飯就普通, 唔夠油香, 同埋, 有d生米,要扣分. 2)炸蝦餅:熱騰騰及好彈牙, 不俗. 3) 飲品: 檸檬soda及椰仔冰. 好夠味, 正.下次再嚟試其他嘢.....

Bab .......All the food is bad.........

16/12(日) 8pm"暢遊"樂園半天後(其實呆在裏悶得發慌!),走回市區覓食,我倆於深水埗福榮街徘徊;甫見新食力"泰國人海南雞";男友頭也不回地闖進去.晚飯時候,這店子挺爆場的;座位排得密麻麻,格局跟上一手的台式店沒大分別.我倆吃了指定菜式海南雞飯$36,及點了什會撈金邊粉$26,灼芥蘭$12.海南雞飯--黃油雞腿滑溜絕頂,雞味濃郁,零缺點!不蘸其醬味道更佳!油飯顯然比下去;一咬即散,飯香及油份皆欠奉!附送的冬瓜湯味道略清淡.什會撈金邊粉--豬肉片滷肉一概沒啥味道;豬肉丸及牛丸亦屬泛泛之輩;撈粉黏作一團,索然無味,不太合意的一味!灼芥蘭--份量及味道屬中規中矩.價格相宜,為著靚雞,應該一來!

上星期試左海南雞粉.. 係餐牌上見到佢放左係湯粉果排度,,等我仲以為係湯粉+一碟雞咁.. 點知原來係撈粉黎既... 其實本人十分唔好撈粉,, 不過鬼叫自己誤會左就冇法啦~雞都ok既...Service都好好..唔會扮見你唔到囉~但如果佢列明係海南雞撈粉會好d囉!!

昨晚八點左右維記豬麵關了門，肚餓，見到這間食肆座無虛設，相信差極都有限度，便試試。坐下後見差不多每都有叫海南雞飯或海南雞，所以都要了一客海南雞飯，由於本人喜愛泰國湯粉，便叫了一碗泰式“艇仔金邊粉”試試；另外要了油菜及一杯青檸冰，結賬九十元。海南雞有驚喜，皮滑肉嫩，一向不太吃雞皮的我都連皮肉一齊食，應該並非冰鮮雞貨式，而皮肉間留有一層雞汁哩，非常可口。雞油飯都對板但不夠熱，扣少許\分。個人覺得艇仔金邊粉的湯底似越式湯多些，但味道和份量都可以。喜歡海南雞的朋友不妨試試，有驚喜。

見到呢間係深水埗新開就入去試吓.36蚊試吓劚 個招牌泰式海南雞飯古都古吾到碟飯嚟到凍冰冰,凍冰冰都算食落D飯生米骨......真係笑死人招牌雞飯生米骨,吾知點解可以開成十幾間分店

我就覺得價錢公道. 唔算極品, 味道巳交足工課. 特別主打嘅海南雞飯. 總之我講得好, 你未必信. 人彈得盡, 又未必真. 最好自己去試吓啦! 會有驚喜架!!!

某日經過這家新開的店便試吃午飯, 招牌搶鏡地方又光猛企理. 叫了一客招牌海南雞飯. 賣相不錯, 肉質嫩滑有雞味, 雞油飯呈金黃色, 味道頗香. 我男朋友點了一客咖哩牛腩. 略嫌火路不夠, 所以肉質較靭. 我最後叫了一杯泰式薑蜜, 薑味十足無偷工淢料. 每人花了$40左右. 以這價錢有如此水準算不俗, 會再光顧.

我同我老友到黃金買電腦野!下午搵野食周圍舖頭都要等位!係呢間唔洗等,即管試下!我地叫左兩個海南雞反試下!見佢只得一碟酸甜醬咪問下佢地有無濃豉油囉?!佢話無!!!算我知有d舖都無!試下個酸甜醬又唔甜又唔酸!有點等於無點!!!試下d雞無雞味又梅梅地!!!d油反仲好似白開水撈反散晒!d米粒仲係斷既!食落口成口油!個跟反既湯係鹽水加花!嘜材料都無!!!跟住我同我老友同個部長講(讚)佢地d野好好食!!!!等佢地無改善!可以快d收皮!!!(睇佢地都唔似係香港人投資! 服務員賴賴閒!食物又差到咁! 又開咁多間!應該好快收檔!!!)

今日心情靚靚去深水步搵食，見到有間泰國人海南雞飯，本來諗住幫趁。入面冇位唔緊要，我等得，咪拎張飛等下，門口個侍仔先係嫌我係度等阻住佢個門口，ok，我行過o的冇問題。如是者同女友兩個人係街食西北風等左五分鐘，見到有一圍走人啦，心諗終於有得坐，但剛好有另外一行三人行過問有冇位，個侍仔竟然立即指左佢地即刻入去坐左張檯！！！我當堂呆左，大哥，我係度排隊等位冇得食，人地隊都唔駛排就有得食？佢竟然答我，o個張係四人檯堝，但間餐聽入面張張都係兩張檯仔拍埋做一張四人檯架啦，如果係咁既話，我拎住張飛係度呆等做咩野？人地多我一個人就隊都唔駛排？有冇過份o的呀，你唔歡迎我人少早講丫唔該，真係未見過咁差既服務，而家得你一間泰國野咩？未食就要先受氣，以後唔駛旨意我再幫趁！！！

同朋友搵食經過見到新開的就等左一陣位，一坐底就即刻叫野食，叫左半隻雞咖哩雞真係好滑唔錯、炸春卷一般貨仔無乜特別、豬手飯原來係原隻豬手起肉的一d都唔油幾好味、船仔金邊粉好得意的名所以叫來試原來係有肉丸豬肉個湯底幾特別、一碟菜芥蘭無油的有d蒜頭蠔油幾好夠清、炸蝦餅勁好味！之後再叫多一碟個個都話正！半打燒牛肉、半打燒雞都幾好味唔會好乾個醬汁都好香埋單每人40蚊都唔貴會再來，雖然人手唔夠都唔會無人理，算ok但經理話之後仲會開多幾間，到時會再試其他野。