泰國佬餐廳 (已結業)

今日經過午市時間經過難得仲未full 唔使等位就入去食個lunch｡★ﾟ清邁豬頸肉飯私心推薦！！！之前星期五午餐試過食泰式手撕雞飯，真係一食就愛上，只此通常星期五都會諗起想食，原來清邁豬頸肉飯基本上係差唔多，係用泰式醬汁拌豬頸肉、洋蔥、甘筍、青瓜等食，口感爽脆，有時本身無咩胃口，食呢個都可以食得晒成碟飯，我個人真心覺得好好食 ｡☆ﾟ無骨海南雞飯味道不過不失，醬料無驚喜，油飯都唔算特別香，不過雞肉非常嫩滑午餐包括冬蔭功湯同埋熱飲，特別想講係我每次飲個冬蔭功湯味道都會有偏差，有時會特別酸，有時又會特別辣，如果以泰國餐廳講，味道真係唔夠穩定

菠蘿雞粒肉鬆炒飯一如既往地好食，個炒飯粒粒分明，好有鑊氣。菠蘿味好出好香好開胃😍呢道菜必叫。新叫咗個咖哩雞飯嚟試下，椰奶味好濃郁好香！雞件都多同嫩滑，朋友十分中意呢😋通菜好惹味，莖同葉份量各一半，係多油咗少少，但都係每次來都會叫。雞翼炸得啱啱好，好脆呀，入面完全唔乾，有肉汁的。

菠蘿雞粒肉鬆炒飯：呢個有驚喜，飯粒粒分明，而且十分香口，肉鬆同菠蘿簡直加得太合適，一道理應係鹹嘅菜帶一點甜。木瓜沙律：呢道菜有太酸，落咗成包糖都食唔到🤣（利申我本身唔太好酸嘢）而且木瓜條太硬，好難入口🥹馬拉盞炒通菜：馬拉盞味道都幾出，通菜食得出係新鮮同爽口肉碎煎蛋飯：有啲辣辣地，三樣嘢撈埋一齊食都幾夾同滿足💖

#20230730 💛📍 泰國佬餐廳 大埔廣福道127號地舖➖➖➖➖➖➖➖➖➖➖➖➖➖➖➖➖➖➖#冬蔭功湯底 #金邊粉 $52 🫧 #豬頸肉 #雞絲 💭 星期日仲有lunch set即刻加分🤪冬蔭功少辣到完全唔覺，反而重蕃茄味🍅有啲似紅湯既feel😅有得揀粉再揀兩個餸，泰式車仔麵咁款，豬頸肉發揮正常，爽口彈牙👍🏼雞絲有啲驚喜，因為唔係熟悉雞絲既樣，而係白切雞咁既樣，但食落好滑，星期日尼講五十幾蚊個lunch有埋野飲，都算係抵食之選.#蟹肉炒飯 $78💭 個炒飯睇落平平無奇，其實啖啖都食到蟹籽既咸香味，偶爾會食到一梳梳蟹肉🦀雖然唔多，但證明真材實料，比呢個價錢合理啦，份量足以食飽😎lunch set叫炒野除左跟野飲，仲有得跟碗冬蔭功湯，同樣抵食🤑.#午餐 #跟 #熱檸茶 #熱檸水 .#大埔美食 #大埔黃店 #🐷在大埔 #🐷_食

一條友入到大埔搵野食都幾容易，見到有泰國野食，價錢又唔貴，又唔洗等位就入去食。叫咗個香辣肉碎煎蛋飯追加多個炸蝦餅，蝦餅口感爽別彈牙，蝦肉無雪味同腥味，炸到好脆，擺咗一陣凍咗食都無咩油益味。肉碎飯份量都幾大兜，有辣同咸味，略嫌無咩香料味。整體都好食。

成日都有外賣員在門口等餐終於一試係唔係咁好食試左佢的金邊粉都幾有镬氣而且料都新鲜仲有個菠蘿炒飯甜甜地又飽肚，果然都唔差 下次都叫外賣送番屋企食

一家在大埔比較地道嘅小店，今次試咗好多人推介嘅海南雞飯、豬牛串燒、冬陰功湯（花甲）、魷魚筒、菠蘿炒飯、外面少見嘅斑斕椰汁冰。海南雞飯嘅雞肉非常滑，有驚喜；豬牛串燒得太耐，有少許乾；冬陰功湯比外面嘅辣，酸酸辣辣非常滋味，花甲份量亦好多，食落去冇沙；魷魚筒即叫即整，製作時間需要30分鐘，建議一坐低即刻叫咗呢個菜先，魷魚入面會包住糯米飯燒，魷魚唔會太韌，烤得好香；菠蘿炒飯不過不失，加入了菠蘿粒的炒飯帶點甜甜酸酸的味道，使人份外開胃。另外斑蘭椰汁冰有少許斑蘭香甜的味道，又可以解辣。

食過兩次第一次幾好 野食ok不過太咸第二次真係經典 嗌左個炒花甲 一開頭夾5至7隻都全殼 唔緊要啦繼續食 之後仲成堆未開殼 食埋都冇10隻 未試過食花甲食到要特登數殼 前後24隻 9隻未開殼 仲有一堆空殼 碟野98蚊 服務態度仲要差 好似比錢受氣咁 早啲執啦😂

每逢星期日教會崇拜後，最苦惱的就是和弟兄姊妹們，在廣福道搵食。因為所有餐廳都是堆滿人，有的是返完教會，有的是去完playgroup。我們多數都會去某幾間餐廳，而「泰國佬」是我們top 3之選。原因是泰國人開的店，性價比都很高，價錢貼地質素也好味，而且都長枱。我很喜歡叫湯粉，從前有普通湯底選擇，現在只有冬陰功。但放心其實一點也不辣酸酸甜辣，很開胃。午餐$521個粉面 2兩個餸，一杯嘢飲非常抵食！今次選了墨丸豬頸肉金邊粉一杯熱檸茶。同朋友一起吃，所以我追加了一碟蒜蓉包$30,非常鬆脆，一口咬下去軟軟的也充滿蒜蓉味，值得推介。

係大埔想食泰國野真係唔算多選擇，食過呢間幾次都覺得啲野食ok，唔錯既👍🏻我地2個人就叫左椰漿飯同埋咖喱軟殼蟹飯🤩🤩椰漿飯食過幾次，第一次食果陣好多椰汁同埋都好多餸，飯既軟硬度都岩岩好，配埋個甜甜地既椰汁好易入口，好易送飯😋😋😋😋另外叫左個咖喱軟殼蟹飯，軟殼蟹幾好食既👍🏻岩岩新鮮炸起，食落都仲係熱辣辣😍同埋都炸到真係炸到外脆內軟，出邊啲皮好脆，但入邊又唔會overcook左👍🏻咖喱就覺得正正常常，都ok既🥳

家姐有朋友介紹咗呢間泰國餐廳俾我地，所以我地一家就搵咗晚嚟咗呢度食。呢間「泰國佬」位於廣福道馬路旁，好易搵。入面播住泰文歌同埋簡簡單單嘅裝潢好有泰國嘅風味。小編覺得呢度嘅泰菜幾適合香港人嘅口味，因為佢嘅辣度可以話啱啱好，有少少辣吊味又唔會辣得濟而食到出曬汗。我地今次叫嘅嘢食大部份都係單點嘅，因為淨係得小編想飲嘢，所以海南雞飯就係跟餐咁嗌嘅。佢地嘅四人餐感覺無特別抵，只係有四杯野飲，而菜式都無得自選，所以我地就主要都係散嗌為主。我地嗌嘅菜式大部份都係好食又高質嘅，要特別介紹佢地嘅蒜蓉多士，雖然造型好似成舊磚頭咁，但係食落去外脆內軟，就咁食可以食到佢嘅蒜香同脆口嘅感覺，仲可以蘸青咖喱汁，一樣咁夾。串燒稍微有啲過熟，少韌，有啲可惜。不過整體而言，四個人食都係六百幾蚊，都幾抵食嘅，大家可以叫少啲，好似我地咁樣眼闊肚窄會飽得濟。

晚市終於開返， 同個大埔朋友諗住收工係大埔食過晚飯返屋企，咁就揀左呢間，4月26日晚去嘅。 由於太肚餓關係又得2個人咁就叫左1個2人餐(~$235) ，餐牌寫無骨海南雞飯，馬拉"jaun"炒通菜，蝦餅，2杯特飲，看似無問題，上菜睇到眼突。先黎係一般單人碟頭份糧海南雞飯，等左1陣未上第2個飯，我問女服務員你個餐有個飯未上，佢話個海南雞飯上哂，係得1個，之後就通菜(正常份量，唔太鹹), 再上埋2原粒切開4個半邊嘅蝦餅。一睇就個跟本唔係2人餐， 你個雞飯比2個油飯我都好， 我問你飯可唔可以加or多飯， 女服務員話無架啦你要就加白飯不過收錢， 你再唔係叫多個炒飯囉。最後因為唔夠食叫多左個豬頸肉炒飯先岩岩夠，仲要另1個係女仔食量唔算好大。 當然唔夠食再叫好正常， 但1個2人餐油飯又好，白飯又好，都比返2個我丫。唔多唔少有D影響心情， 去唔去你地自己諗，叫餐問清楚有D咩，2人餐？ 名黎姐，真係2個人食咩，傻豬黎嘅

午餐快食都好有泰國風味，最緊要就係出餐速度夠快，中餐既set lunch每日都不同，款式又夠多。欣賞佢跟餐送既冬陰公湯，係偏酸帶小辣果種，非常開胃。今次揀左乾炒豬河，河粉同平時茶餐廳食既有啲唔同，係短啲，肥啲。雖然餐廳有啲迫，但食物同價錢都ok,合理。中午係大埔墟食lunch不失為一個好既選擇。 Location都方便，就係廣福道向九龍方向，行就會搵到，綠色大門非常容易見到，仲有水牌係門口比你睇啱食咩先入去👍🏻

突然想吃泰國菜，但又唔不想去九龍城那麼遠。其實新界都有不少不錯的泰國餐廳，今天就來到大埔的一間泰式餐廳。🍴坦白而言，這間餐廳環境個設施一般，只是一間很普通的茶餐廳🤭。然而，它價錢經濟實惠，例如午餐都只是$50左右，就已經包含湯、主菜及熱杯，價錢可取，而且食身的味道算不錯👍🏼。豬頸肉沙律🥗（$78）：沙律包含蕃茄🍅、青瓜🥒、西芹、紅蘿蔔絲🥕，味道頗辣，不建議怕辣的朋友品嚐。豬頸肉🍖咬下去很爽口，而且蔬菜很fresh，好開胃。海南雞飯🍗🍚（$58）：雞肉嫩滑、配辣汁很惹味；不過油飯煮得很淋，而且不夠油份，需改善🤥。泰式炒通菜🥬（$58）：炒通菜落了黃豆醬、紅椒，味道不比馬拉盞炒通菜遜色😚。明爐鱸魚🐟（$148）：本身想叫烏頭魚，但當晚只有鱸魚供應😖。鱸魚配上芫荽、西芹、香茅、蕃茄湯汁，豐富的蔬菜帶出湯底的清甜味道及魚的鮮味，味道不錯🤤。配上冰凍的泰式象啤作飲品🍺，令這餐飯更完美😋。———————————————————————餐廳評分（5分為最高）美味：🐤🐤🐤🐤環境：🐤🐤🐤服務：🐤🐤🐤性價比：🐤🐤🐤🐤店舖可達度：🐤🐤🐤

這間店舖之前食過一次下午茶，感覺味道不太好，反而只有雞飯那間較佳，這次叫外賣，想不到質素反而不錯。豬頸肉不算特別出色，可能因為平時在家中吃自家煮的，感覺更多肉汁，反而泰式豬頸肉，有時燒完，肉汁比較少。海南雞亦都和另一間海南雞飯專門店一樣質素出眾，不肥不瘦，雞肉香濃。炒飯，先前一天已經見到有人吃這個炒飯，看見這些臘腸，味道鹹香生菜包，生菜用保鮮紙包着一紮，想不到生菜包的肉粒原來挺為香辣，後來我都吃到面紅耳赤