泰國市場餐廳

营业中

休息中

（第一次寫食評，多多指教🤪）一直有幫襯開呢間街坊小店，因為近、乾淨好坐又清靜，嘢食又平靚正。每次去都係食晚餐A，因為「黃咖喱蛋汁軟殼蟹飯」真係好好好好食，每次都食到lam清晒隻碟。今次費事又食同一個飯，所以特登試試C餐，套餐可選冬蔭功湯或木瓜沙律。冬蔭功湯同木瓜沙律都是我飛佛，但因為今晚有點凍，熱湯會令個人舒服啲，所以揀冬蔭功湯～剛入座時有一枱客，但好快走了，然後就是我一個人包場體驗了。通常好快就會裝好碗湯出嚟先，然後食完主食先會出甜品，但唔知點解今次出得好快😂 我仲影緊碗湯，主食同甜品就來了～不過唔緊要，反正一個人都係想快快食完，一次過出晒絕對冇問題👌🏻炒粉絲第一啖食落覺得…哎呀早知都係食返A餐，但食食吓又越食越好食喎，雖然係炒粉絲但冇乜油，感覺幾健康，同埋就咁食粉絲都好好食呀，係甜甜地嘅，好開胃的味道～雞又係雞柳，唔怕膽固醇高👍🏻食食吓終於有客入嚟，但入嚟問有冇alipay或wechat，老闆娘答冇之後佢哋就走了，又變返我一人包場，靜過屋企🥺 (好在過咗幾分鐘後佢哋返嚟喇～應該係撳完錢返嚟👍🏻 好怕咁優質嘅小店做唔住㗎嘛，多啲客我都開心👍🏻)冬蔭功同甜品(椰汁西米糕)都係一如既往咁

步入這家泰式食店，首先打入眼簾嘅就係色彩繽紛嘅黃咖喱軟殼蟹飯🦀。攞起啖咖哩飯，其實就係濃郁得黎又帶啲甜，舌尖上黎個香滑滋味，令人唔自覺連食兩碗白飯。軟殼蟹保持住脆口感，叫人食指大動硬係撈多啖！再來濕炒河🍜，料足味美，一啖落肚真係嘆為觀止。肉片足料，每一啖都可以食到河粉、菜同埋醬汁。唔過，諗起冬蔭功湯🍲，隻湯有啲太酸太辣，可能唔啱嗮我嘅胃口，感覺上似係有少少出面食檔口味。至於甜品芒果糯米飯，椰香四溢配上微酸嘅芒果，交織成一份清新而唔膩口嘅結局。總括嚟講，呢度嘅食物質素同味道都算係中上，環境雖然簡單，但食物香味一啲都唔平凡。對於想搵個實惠菜式，又想食啲新鮮口味嘅你，呢度絕對值得一試！👍

🤤 走入呢家泰國小店，一股椰香迎面撲來，令人垂涎三尺。點咗份黃咖哱軟殼蟹，咖哩醬汁香甜溜順，一啖飯一啖汁，簡直係開心到爆炸🎉！軟殼蟹層層脆皮底下，蟹肉鮮嫩彈牙，整個感覺好閒意。河粉面頭鋪滿翠綠的青菜同滑溜溜嘅肉片，吸足咗汁，食落去滑哂口，有啲濕滋滋嘅感覺，正！河粉夠勁又有嚼勁，啖啖肉絲，配合埋每一啲河，食落真係幾過癮。芒果糯米飯嘅芒果雖然色澤差咗啲，但食落仍然甜甜地好開心😋，芒果嘅鮮甜同椰汁嘅濃郁夾埋一齊，每一啖都係滋味滿滿。喺呢度食嘅每一口嘅感覺簡直好過返泰國，個個菜色都保持到地道味、又唔會過分偏辣，照顧到唔同嘅口味。短短幾句唔能夠形容哂全部嘢，咁好味嘅體驗，你地下次行過必定要入去試吓！👍

由泰國人主理的泰國菜餐廳,店主非常親切友善,食物美味,性價比高。非常推薦👍👍👍價錢非常實惠,不用看價錢點餐都不會肉赤🤪👍泰式青檸汁蒸盲槽,酸酸甜甜非常醒胃,嫩滑可口👌式豬手飯,豬手炆得軟淋👍即炒泰式濕炒肉片河粉熱騰騰夠鑊氣,好味!👍香葉肉碎飯充滿九層塔香味,辣辣香香好開胃!

平靚正人情味泰國菜吃過一定會再幫襯！！！由夫婦二人打理的餐廳，雖店舖小小，卻充滿着泰國風情。咖哩菜式為餐廳主打，咖哩軟殼蟹更為一絕，色香味俱全，咖哩偏甜，跟薄餅一起享用十分夾。亦可以選擇其他款式，例如：烏頭，粉絲蝦煲。唔叫主食亦可選擇午/晚 套餐，價錢合理，質素高，抵食小食有多款選擇，更為出色的係炸蝦餅，外脆內軟，有口感，有蝦味。餐廳環境比較少，坐位比較迫夾，如果多人可能要分兩張枱，多人建議打電話訂枱較佳。疫情下的小店，去唔到旅行，都可以去試下。

筆者趁疫情趨向穩定，已經急不及待再次幫襯這間泰國夫婦開既家庭式泰菜小店。 【充滿泰式家的風味】【檸檬汁蒸魚】筆者每次黎都必食 烏頭大大條，肉質嫩滑，啖啖魚肉沾著老闆特調檸檬汁，筆者通常最後會連魚汁都飲清光【菠蘿紅咖哩雞 配飯】老闆是用新鮮菠蘿製咖啡，所以菠蘿十分甜脆，一般的罐頭菠蘿完全不能跟他相比。 雞肉是用上雞柳，所以非常嫩滑， 辣度適中，不會偏辣。 筆者還因為這道紅咖喱 點了薄餅。 紅咖喱配薄餅果然同樣出色筆者特別欣賞這小店的冬蔭公湯，味道與外間的泰式食店與別不同外，同樣好飲 喜歡椰香，酸辣的朋友必試。 湯料亦非常豐富， 還有菇菌類在湯內。 龍眼冰配上泰國菜， 是最佳的拍擋筆者每一次到訪光臨，除了食物滿意外，因為老闆夫婦們態度親切得像父母一樣，很窩心心情也會愉悅

同朋友仔見面，喺疫情底下悶到真係要衝出荃灣，去第二啲地方食飯，於是朋友仔推介小妹嚟大角咀食泰國嘢，以前聽人講九龍城食泰國嘢就聽得多，冇諗過大角咀嘅泰國嘢都好地道，店員廚師只有兩位，但係佢哋都非常有禮貌，食物亦係好有質素，而且重點係，唔貴呀，絕對街坊價小妹覺得，食物係會話都俾人知，廚師有冇珍惜食材同埋用心對待每一道菜㗎～～因為，一放入口，食客就會知道軟殼蟹即整，串燒同炸蝦餅都係因應客人要求份量即燒即炸，淨係呢份認真就值得一讚小店座位不多，街坊生意，各位食家又要衡量一下接受程度而作出選擇，小妹認為只要係好味嘅美食，去到邊都唔緊要囉

小妹家雖住大圍， 但對大角咀呢間泰式小店充滿濃濃思念。 間中都會特地前來幫襯呢間泰式小店由二位泰國夫妻合力經營， 從入門口聽到泰藉姨姨用泰文說出”歡迎光臨”，至到泰藉叔叔從廚房熱情地捧出食物來，我的內心每次都會感受到熱情，快樂，這是食物質素追求外， 餐廳最重要擁有既元素今晚諗唔到食咩，就特意前來這小心，再嘗泰式家庭感覺菜既滋味先來椰汁雞湯， 每次黎都必點鮮甜既椰汁味， 配上不同香葉， 還有洽度好處既微辣，十分開胃。湯料用既雞肉鮮嫩，量多， 蕃茄仔亦新鮮檸檬汁蒸鱸魚 魚大大條， 蒸得剛剛好熟上枱， 再配合小火爐蒸煮多一會， 成了檸檬魚湯 魚連湯全食全喝清芒果糯米飯芒果糯米飯熱燙燙，軟綿綿，配上椰汁， 就算飽都想繼續食。 芒果新鮮香甜沒得彈老闆娘當晚熱情招待，還送了小妹南瓜布丁呢間小店，突破了不同種族既文化，感受到泰藉老闆非常用心，有愛招待每一位客人。離開小店時， 老闆娘泰語一聲再見， 為晚餐增添上完美窩心既句號

叫左黃咖哩軟殻蟹飯，晚市會送埋前菜（可以揀木瓜沙律或者肉碎湯），仲有椰汁糕做甜品。咖哩一d都唔辣，不過好香好濃，軟殻蟹應該係即炸，好好食。另外叫左個凍檸茶，係泰式凍檸茶，同平時果d唔一樣，不過都好好味！午餐仲會抵d添，下次再食

呢間餐廳係大角咀嘅best kept secret ，老闆娘同老闆都係泰國人，對人十分友善。每日嘅午餐/晚餐只有四款，餐牌每個禮拜都轉， 唯獨軟殼蟹係任何時候都有，因為真係超級受歡迎！原隻軟殼蟹即叫即炸，脆卜卜嘅外殼包住柔滑嘅蟹肉，配埋香甜嘅黃咖喱（或者帶辣嘅咖喱膏），真係超級好送飯。晚餐還附送前菜同埋甜品，咁平嘅價錢真係超值。我地口渴叫多個椰青，大大個都係$28，平過九龍城啲泰菜館好多。唯一要留意就係廚師煮嘢好少落辣，如果鍾意食辣要落單前講。

黎到呢間地道泰國小店食野，waiter感覺都似係泰國人（店主夫人？）入而位置唔多，我地食飯時間都叫早所以冇乜客係到，通常一個人想食泰國野都會冇野好揀，但呢到道有提供一人套餐，所以小毒毒夜晚想食泰國野都不妨黎一試🤩我就叫左個C餐炒炒絲，首先前菜其實兩野都好吸引都係d泰國地道小食，諗左好耐決定食個小食d既生菜包，見到好似好細份咁其實都有3-4塊生菜，炒得乾身得黎但入面又有肉汁，不過d肉道唔辣既，如果有少少乾味相信就會好食d開胃d啦🤤然後就到主食啦，食材方面其實都係個d平時泰國炒物見到既野，不過食落好香好有泰式既味道🤤粉絲雖然吸水吸油但食落又冇乜油膩感，相信落左好少油炒，淨係呢樣野已經加哂分因為平時食開既泰式炒物都一定好油好heavy，呢次真係岩哂想食得健康d既香港人🤪🤪最後隨餐仲送左個地道荷葉椰汁西米糕，（圖中係四個餐既份量，一個餐一件嫁咋🙊）唔太特別都係平時咁，不過最開心既係套餐價一次過食到咁多款泰國野食真係超級值回票價啦🥳🥳

I live near this place, and for some reason never went there until recently.I now go almost 3 or 4 times a week.Couple of points:The food is very good. I would say it has the highest quality food of the restaurants nearby. I've tried them all.The portions are also generous. For example, when I order mixed vegetable curry, I get loads of vegetables, and a large selection of vegetables. There's no filler.The staff appear to be the owners. They're super friendly - always a hello, a smile, holding o

呢間小店冇靚裝修，地方淺窄，吸引之處在於由泰國人經營。對泰國人主理的食肆有信心，過嚟叫咗三個菜試吓。青木瓜沙律夠清涼，辣度有得揀，食得辣的，建議由中辣起跳，個汁甜酸度適中，非常惹味，勁鍾意青檸的清新香味。乾炒海鮮河有鑊氣，碟底冇一氹油，河粉入口煙韌，略嫌海鮮配料少咗啲，但不失為一碟好炒河。軟殼蟹配黃咖喱蛋汁喺小店名物，炸醬薄身脆口，隻蟹唔係得個殼，有肉地喎；黃咖喱汁零辣度，怕辣族唔使擔心得個睇字；汁內有蔬菜，冇加香草，屬低濃味食物，最啱撈白飯食。埋尾的泰式奶茶，嗰朕飄出嚟的泰茶獨特香氣，呃唔到人，入口餘香強勁，好茶！舖頭只得廚師同店員兩個人，百忙之中堅持好好招呼，禮貌周周。作為食客，無論落單、等上菜、埋單，咩都要有等待的心理準備喔。食客多數係街坊，同店員有講有笑，呢種氣氛真係小店至有。

I had quick dinner with my wife here.The staff here are very friendly and customer oriented, always smiling.We had classic chicken rice and Tom yum kung all tasted awesome.Alcohol not served but can easily buy from 7-11 nearby. highly recommended, will surely come again.

今日又去試下一d平民小店啦，聽人介紹呢間泰國餐廳幾好食，朋友成日都會去食，咁我今次又去試一試好冇味先😋老闆娘係一個泰國人但講流利廣東話，非常好人👍🏻咁我就嗌左個軟殼蟹黃咖哩飯，軟殼蟹有足一隻咁多，層粉又好薄，炸到熱辣辣，好食👍🏻咖哩就唔辣既，係甜甜地既。 一個餐仲有包埋雞翼同甜品先60蚊，好抵食😋😋