泰國簡單廚房

营业中

休息中

今晩嚟到位於灣仔的一間新開嘅泰式餐廳食晩飯。餐廳幾大，亦有好多卡位，坐得舒服。食物選擇唔少，而且價錢好合理。青木瓜沙律（$78）- 青木瓜十分爽口，仲加咗新鮮嘅蕃茄同豆，同花生碎令口感更豐富。整體味道酸酸甜甜，更帶少少辣，令人越食越開胃👍厚燒香茅豬扒（$52）- 豬扒即叫即燒熱辣辣，而且厚身啖啖肉，性價比最高。仲配咗個秘製醬汁，不過我覺得本身已經好夠味～雞肉串燒（$16）- 千奇唔好錯過炭燒雞肉串，配上沙嗲醬好惹味呀！

灣仔有間泰餐細鋪搬大搬。新既位置可以容納更多食客，坐得更舒服！餐廳一直都keep到水準，食得出大廚有用心去煮！海南雞飯都整得幾靚仔，嫩滑的雞肉和香氣四溢的油飯組成，再搭配上醇厚的雞湯。雞肉口感柔軟滑嫩，有點口中融化感覺，米飯則濕潤軟糯，帶著淡淡的雞湯香氣。可以自由配搭配料，我就配左札肉和牛丸泰式船麵，感受到船麵的彈性和口感，札肉札實口感十足，內裡則是多汁的豬肉，口感豐富。牛丸鮮嫩可口，帶有微妙的牛香。湯底亦相當濃郁有風味。飛天炒通菜，配上微辣帶蒜香，味道濃厚惹味，菜亦炒得夠鑊氣而且十中夠大碟！泰北咖哩牛腩配蒜蓉包，牛腩經過慢慢軟嫩，入口嫩淋，咬下一口牛腩你會感受到肉質的鬆軟和多汁，牛肉的鮮香味道夠。咖哩是濃郁微辣，帶有椰奶的香甜。搭配上蒜蓉包，蒜香四溢，酥脆的外殼裹著鬆軟的麵包，口感豐富。

在灣仔下班後，一個人找東西吃，泰國菜給人香口惹味的感覺，間中都會選擇，今天來到泰國簡單廚房晚餐，晚飯時段見到不少食客。泰式鮮蝦濕炒河$94第一感覺是蔬菜份量不少，有西蘭花、菜心、芥蘭，芥蘭已削去外層皮，口感更嫩，河粉是幼身的，炒得蠻有鑊氣，蝦隻有六大隻，已去殼，入口爽彈有蝦味。蝦醬炒雜菜$68因為中午沒有吃菜，所以今晚菜量要比較多，叫了一個蝦醬炒雜菜，雜菜原來和濕炒河的伴菜差不多，蝦醬炒不會太鹹，淡淡蝦醬香味，也都炒得幾香，如果有更多款式的雜菜就更好。

雖然灣仔好似好多餐廳，但泰國野其實又唔多，身為泰國菜熱愛分子，今次終於搵到間「阿來」（泰文「好味」）餐廳啦！香葉辣肉碎煎蛋飯（$66）香葉炒辣肉碎配煎蛋，肉碎炒得香辣，配上白飯送飯一流。而且有加分位泰國「炸蛋」，燶邊蛋一戳蛋黃就有流心感，與辣肉碎完美結合，拌飯食加哂分啦！！無骨海南雞飯（$70）朋友叫左海南雞飯。經典泰國美食，一碟有勁多舊雞，雞肉煮得剛剛好，肉質鮮嫩多汁，重點係無骨，啱哂好懶嘅我，加埋雞油飯同埋特製嘅醬汁，叫人口水都流呀。套餐跟野飲，叫左杯泰式奶茶，明顯飲到係泰國茶葉味道，正宗泰國風味，重正過出面連鎖店！（唔講邊間啦XD）餐廳服務都非常周到，上餐快，侍應又快手好客。總括來說，哩間泰國簡單廚房，一啲都唔簡單！餐廳：泰國簡單廚房 The Satay Club地址：灣仔謝斐道110-116號美暉大廈地下1-2號舖Address：Shop 1-2, G/F, Mei Fai Mansion, 110-116 Jaffe Road, Wan Chai#聊食鬥非 #肥誠 #肥誠搵食 #fatshinghk #instagram #instagramhk #food #餐廳 #香港美

之前系另一間細間食，食過好食，茶都好飲。見而家搬左位，今日再試買外賣，已經唔同哂🥲🥲我外賣食香葉肉碎煎蛋飯，已知系炒定，因為唔俾改辣度，一開煎蛋唔見左🥲肉碎好乾又硬，無哂汁又無味，啲豆又好似未熟，凍冰冰🥶🥶🥶，我真系未試過無味既泰式香葉肉碎飯😮‍💨另外外賣青咖哩雞還可以但都系唔熱，雞的份量好少，飯又好硬🥲我買外賣既11:31，佢11點開門，未放lunch舖入面無人🥹漏煎蛋又凍冰冰總結就系無下次，變大間左但差左咁多😔

這間新開的泰國餐廳位於灣仔，主打泰國菜式，店內環境寬敞舒適，適合多人聚餐。菜式及飲品均即叫即製，選擇亦非常之多，包括泰式粉麵、泡飯、串燒等。無骨海南雞叻沙湯河粉 - $80一件件肥美肉厚的海南雞，黃澄澄的雞皮滑溜，有著一層啫喱狀的黃油，雪白的雞肉嫩滑多汁；數粒豬油渣酥軟香濃；叻沙湯充滿東南亞香料味，甜鹹辣於一身。燒豬頸肉船湯河粉 - $65含豐富油脂的豬頸肉特別爽滑彈牙，泰式炭燒特別有風味，帶微微焦香。招牌串燒豬、雞 +$22即叫即燒帶炭香氣，分別串著飽滿的鮮豬及雞肉，嫩滑而不乾柴，蘸上濃稠沙嗲醬汁富花生香氣。泰式炸蝦餅 +$20/2件金黃酥脆的蝦餅新鮮炸起，紮實的蝦膠好鮮味，蝦味十足，蘸上泰式酸辣醬解膩。椰汁冰 +$8熱檸水新鮮椰子汁和煉乳，喝起來清新甘甜、綿密爽口，特別解膩解渴。