泰媽媽雞飯 (創紀之城五期(apm))

营业中

休息中

夜晚時分去都要排隊，大概要等20分鐘左右。入到去嗌咗個海南雞飯，轉雞髀要加錢。雞肉都嫩滑無骨，油飯香味濃，驚喜嘅係佢都畀咗菜，菜心都好大碟，感覺飲食均勻一點。整體份量都夠。

今晚做柴可夫，往官塘接娘娘和她姐，順便吃個便餐 ... 經過這店很多次，每次都不得其門而入，它不但受歡迎，門面也太小，座位有限，這晚隊特別短，不久便拿到位了，yeah ！ 她們還未到，自己先來個“泰媽媽紅豆冰”，哇，真材實料，勁多椰汁味，正！（正到忘了拍照）這套餐“泰媽媽燴牛尾”的最大特色是蓮藕，一個有這麼多汁、好下飯的菜，有這些軟糯的蓮藕配合了嫩滑的牛尾，像畫龍點睛一樣，整個菜豐富了很多，而汁底是羅宋湯的味道，有點中西合璧的感覺，更窩心的是，原來碟底墊了幾條芥蘭，芥蘭有處理過，無渣，夾著牛尾汁，很棒！ 我們還單點了“原隻泰式鹵水豬手”，但吃完牛尾後遲遲未到，好忐忑，只好四處張望，發覺自己原來坐在鹵水檔前面，隔著個玻璃窗，看見一鍋滷水，面有鹵水蛋、豆腐、豬手，一鑊熟！終於來了，味道果然不錯，鹵水汁不算鹹，且很黏口，更值得一讚的是那個白飯，飯香，夠乾身，用這種飯撈汁，一流！

夜晚8點半左右 , 上到去見要等位， 排左陣隊問左個女人樓面有冇位， 眼尾望左你一下就話"賣哂海南雞飯，要等陣 " .. 咁我見間間都排長龍就等多陣點知一路排，後面都有人跟住 ,點知轉頭個樓面賤女人講左句"今日賣哂啦，冇野賣啦"搞到我九點仲要周圍搵餐廳，一肚氣

有坐位，才自行買票。午飯時間需要排隊，有兩位女仕不守秩序，直冲入買票坐下。我們告訴負責人，不理會，覺得沒有辦法。兩位女仕亦厚顏無恥當聽不到繼續坐下。（接待處跟坐位只有三步距離）原來亂來就得。永不光顧這餐廳。

午飯時間行過apm睇下附近有啲咩食但係見到四圍都排下隊咁發現左呢到唔洗點排原來喺一間賣海南雞飯鋪頭呢間鋪頭細細但點估得到原來抵食夾大件一個海南雞飯賣你65蚊一個泰式豬手飯迷你55蚊加埋特飲青檸梳打或者泰式奶茶都只係加10蚊再睇番佢地嘅份量再無得挑剔因為實在好大份特別係豬手飯由於鋪頭細細工作嘅人員都唔多所以點餐嘅時候要去到櫃檯自己俾錢但係送餐就會有職員幫忙送到你枱上呢一份豬手飯一來到嘅時候真係有啲嚇親點解咁大份嘅?平時出去食嘅豬手飯頂多都孩子得個五六舊睇黎呢一到係整整半隻豬手咁俾你仲要加上四塊嘅鹵水豆腐同埋鹵水蛋豬手下面仲有幾條菜豬手肥瘦適中而且煮得非常之淋入口即融另外加上佢地個酸醋汁真係幾好送飯直到最後飯都已經食完啦豬手都總有3舊你諗下佢賣你55蚊竟然有咁樣嘅份量仲要喺商場入面仲係平靚正另一份海南雞飯望落去就知道雞肉夠肥美雞肉都尚算係滑加上佢地嘅油飯粒粒分明配埋薑蔥油真係幾好最開心最開心嘅都始終係有菜有肉另外就要講下野飲啦加多10蚊就可以有一包咁得意嘅袋裝野飲呢一款嘅泰式奶茶比起出面嘅稍為淡左少少飲到最後你會見到茶底下面仲有少少碎茶葉證明佢地真係用茶葉沖調並唔喺出面有啲鋪頭用粉開出嚟嘅

去到觀塘apm 差唔多到午餐時間 去望完個food court 又好似唔太岩食 行下行下見到呢間泰媽媽 咁耐去唔到泰國 就入去食番個油飯回憶下泰國佢比錢係行出去比既 自己去拎野食有種去左泰國terminal21個food court咁。泰媽媽海南雞飯 用青遠雞（HK$65) 呢個海南雞雞大部分都係比雞胸 再加dd雞腿骨位雞味都算幾濃 肉就比較有咬口 我最鐘意食既雞皮都好黃油都算香口 個油飯雖然有淡淡淺黃色 用既係金鳳米 米係煮得粒粒分明軟硬適中 只係唔夠油香 如果再香d就更加好喇 有dd似有顏色既白飯佢配左2個汁比你點海南雞食佢泰式辣醬我幾鐘意 配埋雞食辣辣地好開胃另一個汁似係薑蓉甘 用黎撈飯都唔錯唔食辣既就可以用黎點雞食 。青檸梳打 午巿套餐加配（HK$10) 一拎到見佢裝左係袋入面個包裝幾得意望入去好清晰 睇唔到任何青檸 飲落去青檸香味冇乜 似係用青檸糖水開出黎果種feel 我個人喜歡有得比我篤下舊檸檬果種style 起碼唔夠味自己都可以篤多兩下 。食物：6/10 價錢：7/10 環境：6/10。泰媽媽雞飯觀塘觀塘道418號創紀之城五期(apm)4樓2號舖

🍽泰式鹵水豬手飯 $55（免收加一服務費）🍽鹵水豬手會附上酸菜、翠綠的芥蘭、半邊滷蛋和滷水豆腐～👍🏻 豬手肉質軟腍又入味，即使是豬皮的部分入口都帶些少爽彈又不肥膩！食到一半又可沾上一旁的泰式酸辣汁或配上酸菜轉換一下味道～好味🥳📝超級推薦，物美價廉，性價比超高，份量十足，無論是豬手還是配菜的份量都毫不吝嗇！算得上是本人的觀塘飯堂了！次次係觀塘唔知食咩好都會食呢間～是絕不會出錯的好味又抵食👍🏻大家係APM行街陣時又唔想食太貴絕對可以試吓呢間！😍（6.5/10）雖然鋪頭名叫泰媽媽雞飯但我每一次黎都係食佢個豬手飯～🤣🤣🤣仲要次次經過APM都一定會同身邊嘅人介紹呢間野超抵食～之前仲試過青檸梳打（$20）實在太～～酸了不太中意🤧📍 泰媽媽雞飯 - 觀塘觀塘道418號創紀之城五期(apm)4樓2號舖（港鐵觀塘站 A2 出口）

🌎泰媽媽雞飯 (觀塘）食完正餐到左下午有啲肚餓 引唔住去食下午茶 今次去左apm食小食 見到有間餐廳餐牌好吸引佢既厚多士好正 仲好平價▫️榛子醬·美祿多士配飲品$25望到個樣都好吸引 表面鋪滿美祿粉 甜度適中 咬落去中間有榛子醬 味道好夾 有層次 而且厚切手法 口感好正 外脆內軟 但飲品一般 泰式奶茶味道有啲苦▫️小食拼盤有雞翼 春卷 雞串，春卷好好食 餡料係素菜 唔會好膩 而且炸得好脆 雞肉串肉質鮮嫩 好多汁 食落去好野味 停唔到口 如果吸走啲油更佳 💵人均消費：$25✨環境衛生：7/10🙋🏻‍♀️推介指數：6.99/10📍觀塘觀塘道418號創紀之城五期(apm)4樓2號舖

2020除夕下午茶，$48包括：4隻炸單骨雞翼、兩串沙嗲雞肉、兩件春卷，飲品有青檸梳打。份量很充足，足以當作late lunch。😋服務形式是在收銀處排隊購票，然後食物和飲品都有侍應送餐。感覺不錯！😁炸物全都香脆，貌似即炸，溫度適中。串燒雞跟很多食肆一樣，似炸多過燒，但肉質嫩滑，值回票價。👍唯一要彈是飲品仿照泰國攤檔式的密實袋裝，容量有點太小😅😅😅實在是可以encore的一個tea set！

今日嚟到APM搵食, 之前去過隔離果間泰國嘢食LUNCH時, 都有留意到呢間泰媽媽, 今日決定嚟呢到試食, 可能疫情關係, 唔駛等位被安排坐近門口位, 感覺好開洋, 好似坐FOODCOURT咁, 叫餐自己去收銀處落單, 之後再有人送餐. 今次試晒兩款海南雞, 轉雞脾要另加錢, 等餐時間唔算好耐賣相都可以, 雞肉唔算滑, 味道還可以, 油飯都好香加錢$5轉咗雞脾, 但其實雞脾都唔係好滑口, 咁既價錢$70都算係咁, 不過就冇包飲品總結 : 可以一試

今日經過APM，行過你間舖頭，突然想食韓國菜就入坐去試一試。叫咗一個一人午市套餐，$80蚊一個海南雞飯轉脾，咁一個小食或者湯，再加一杯嘢飲或者是日甜品。最終我揀咗冬陰功湯同埋甜品今日個海南雞髀飯。冬陰功湯味道唔錯，主菜嘅海南雞髀，都知道會係說雞，但係海南雞一啲雞味也沒有，有啲失望。甜品是椰子大菜糕，不過不失。侍應嘅服務還是挺周到，食飯途中主動為我嘉聯水兩次，想裏面仲有清新嘅檸檬香味，這個值得一讚。

豬腿飯足料好好味！如果跟鹹酸菜會更有泰國風味！(今日是跟菜心)朋友仔食雞飯，保持水準，雞肉質細滑，跟黃薑飯！泰式奶茶正宗口味！👍👍環境簡潔舒服，服務態度好！👍👍

weekday嘅lunch time,觀塘真係好似打仗咁，人非常多，要揾個位食飯真係唔係咁易架!但唔知點解原來喺apm會容易啲揾食!可能大部分人(包括我)覺得商場鋪會貴!今日揾下揾下揾到呢間餐廳，原來係御泰坊嘅分支，俾啲人快食快走(我都係)!見有位就即刻衝入去!落單要自己去收銀到點餐嘅!但唔洗自己拎，會有人送過嚟!但我覺得佢地嘅送餐方法要檢討一下，因為係跟客人收據上面嘅號碼去送餐，職員會叫一叫個號碼，之後你示意一下佢就拎俾你。但總有啲同朋友一齊嘅，傾計傾得好開心，錯過左個號碼，咁個職員就要逐張枱去問，咁就會騷擾到好專心食緊嘅客啦！如果改一改就好啦！食物方面，有驚喜呀！我叫左一個海南雞飯餐，包油菜、油飯!，另外雞旁邊放左醃菜。其實我一直唔鍾意食醃菜，但因為今日太肚餓啦，就試一試。一食，幾好wor，酸味啱啱好，好清新，令人想一食再食。油菜係芥蘭，正常加左蠔油，無咩特別。主角油飯同雞都好出色，飯粒粒分明，唔會太或太乾，油份唔會太多。雞非嫩滑，雖然我揀左雞脾，但都唔會好肥，整個組合都好好。價錢喺商場鋪呢講已經叫可以接受了!畢竟質素都叫ok!呢間餐廳值得推薦!

每次來到apm 想搵抵食又岩食嘅野，真係唔係間間都可以話值門票貨。年頭開業的泰國菜分支店泰媽媽，門面不算太多座位，但勝在款式精選，價錢化算得來，兩款招牌泰國菜款非常吸睛。排隊安排入座後，就自行到櫃檯落單order，返回座位等一等，店員已好快按號碼送上套餐。先要share一個下午茶時間先有的，炭燒泰式厚多士其中一款，榛子醬美祿多士$25 連飲品，美祿粉被灑雙層厚多士之上，中間夾層塗滿溫暖的榛子醬，兩片厚多士焗得金黄香口，雙層滋味雙重美味，美祿迷不得錯過。讚一讚店員姐姐滿有 heart，上菜速度快又一身兼幾職。泰媽媽雞飯轉雞髀$65+$5真心轉雞脾是常識，雞脾質地滑口，皮肉間有種啫喱感，去骨雞肉仍保持厚滑，是非一般快餐的快餐海南雞飯😂👍套餐包埋我最愛的芥蘭菜，抵讚。油飯香而不膩，正宗酸青瓜蘿蔔👏泰式鹵水豬手油飯$55+$5豬手非常入味，軟腍絕配豆腐干，半隻鹵蛋加上爽口芥蘭，飽肚非常👍最後飲品就稍為不化算，晚市套餐的泰式奶茶及青檸梳打需原價加配。但茶味香濃配合香港人口味，相對正宗原味唔會偏太甜是保值，青檸梳打醒胃，酸甜味在口腔慢慢滲出。整體味道同飽肚感一定滿意，如果飲品多一點選擇，優惠加多一

觀塘APM行街街遇見一間外表唔吸引黑白色2D做主題嘅泰國餐廳🍴泰媽媽😍😍適逢時間係佢嘅下午茶間（三點至五點下午）有佢 Thai style 的炭燒泰式厚多士小妹自小已經係美祿嘅瘋狂粉絲🤩發現有超級邪惡嘅美祿、榛子醬多士的那瞬間幾乎開心到尖叫💥💥💥Milo & Natalia Toast 絕對唔可以睇小熱辣辣嘅雙層厚多士底下一層是微暖甜甜的榛子醬上層鋪滿有咬口的美祿粉而且多士口感脆口，咬來有炭燒香味驚艷到我了😛😛另外送嘅泰式奶茶不算太甜包裝得好衛生最開心係佢嘅套餐都只係$25 仲送一杯飲品絕對性價比極高💕