泰媽媽雞飯 (創紀之城五期(apm))

营业中

休息中

海南雞飯好豐富，仲附送埋碟菜，夠曬健康😆雞肉食落好嫩滑，好重雞味之後睇番個餐牌先發現原來佢地係選用左清遠雞唔怪得個肉質咁彈牙油飯聞落好香，質地軟硬適中而且份量夠哂大碗，APM黎講真係幾抵食😊.泰式豬手飯本身已經去曬骨，食個時好方便😚豬皮煮到好入味，夠曬腍岩曬補充骨膠原😂配埋個泰式酸辣醬汁一齊食仲可以中和番個肥膩感.芒果糯米飯入面個椰汁真係加左好多分就咁椰汁撈埋D飯一齊食已經好夾，好好食😋再配埋個涼浸浸既芒果一齊食真係夠曬滿足☺.泰式奶茶的味道幾正宗唔係港式茶膽絲襪個種而且奶味好香濃，口感幾軟滑🥰下次再去個時會睇下有無熱版奶茶💁🏻‍♀️因為熱飲可以享受更多口感層次，冬天飲一流.青檸梳打嘅味道偏向酸酸甜甜🍸飲得出係用新鮮青檸整出來唔似一般餐廳沖出來咁落好多糖水所以成個感覺幾fresh，幾健康咁😝鐘意青檸的朋友可以一試.同埋臨走個時見佢地仲有做埋外賣服務，個外賣盒仲有好有心思咁設計到一格格😋，好似堂食咁分番開唔同既餸菜，如果係附近番工既朋友在lunch時可以買黎試下。

聽同事講apm新開左間海南雞飯，放lunch就去試試，好彩早到左，一點左右已經要等位。佢地係半自助形式，先比錢後會有店員送餐。今日當然要試下泰媽媽雞飯，油飯係採用左金鳳米，煮到粒粒分明又唔會好油膩。而雞就係用左清遠雞，雞肉唔算好滑，但勝在一d肥膏都冇，雞皮都好薄，忍唔住食哂。枱面有3款醬汁可以點，如果有埋黑醬油就更好。另外叫左泰式鹵水豬手飯，豬手未係炆得好淋，食落爽爽地，豬皮相比起d肉較為入味，配有酸菜同半隻鹵水蛋，同雞飯一樣都有小小芥蘭。

APM新開左呢間泰媽媽海南雞飯，呢日係附近做野咁啱就走入去試下！Lunch time時段都幾多人排隊，餐廳座位唔算好多，大概30個內！不過等左5分鐘左右就有得入座！座位唔算好舒服，有少少迫，但都可以接受。叫左個招牌海南雞飯，加$5可以轉脾，另外午餐時段加$10可以配泰式奶茶或者青檸梳打，如果所有野加埋就承惠$80蚊。係觀塘呢個價錢食個lunch都偏貴，但如果係商場價位就差不多。雞飯我無轉脾，諗住試下啲雞胸滑唔滑，因為整得好食嘅海南雞，雞胸都會好好味！但呢到嘅雞胸就唔算好嫩，而且都有骨。要無骨同滑就一定要改雞脾，油飯無咩特別。奶茶好甜，但味道都可以。但呢個價位呢個味道，就應該不會再食第二次了。

行過apm見到間新開嘅泰式餐廳，原來喺隔離但馬屋嘅分支，機緣巧合之下，行親和路線😛.餐廳採用自助形式，入座後出去counter度叫嘢食，所以無收加一😁泰媽媽雞飯 $65泰媽媽喺採用青遠雞製作海南雞飯，雞胸肉無骨㗎，每口都可以啖啖肉，雞皮仲帶有透明啫喱🥰 配菜喺醃紅蘿蔔白蘿蔔青瓜條，帶點微酸好開胃🤩仲有凍凍哋嘅青瓜片喺底，爽口又清涼🥒唔好以為個菜心喺蠔油菜心，原來喺豬手汁菜心🤪唔會太濃味之餘可以一試豬手味🤣有啲想食豬手餐🤣個油飯先正！睇返menu先知喺用咗金鳳米，粒粒分明有咀嚼感，最好嘅喺食完唔會覺得好油膩🧐而枱上有3款醬料，包括豬手醬，薑蓉同埋秘製泰式辣醬。食雞梗喺沾薑蓉同辣醬！薑蓉無咩味道，反而喺個辣醬好惹味😋因為一啲都唔辣，味道令我諗起好耐無食嘅麥記個辣雞醬😂泰式凍奶茶嚟到一定要飲泰式凍奶茶！店員話喺用煉奶同花奶沖製而成，茶味較淡，味道甜到漏啊🤩最特別喺用個袋仔盛裝住奶茶，記得支飲筒打斜放啊，咁先至可以飲到底之餘又唔會阻住個把手位😉我就一開始唔識整，倒瀉咗少少奶茶🤣🤣比隔離枱嘅人用奇怪目光望住🤣店員見到都好好咁過嚟幫手抹😂泰式芒果糯米飯 $50呢度採用泰國芒果，半個芒果好香好軟熟，

📣各位同我一樣鍾意食雞🐥嘅朋友仔，千其唔好走雞🐥 呢間喺APM 4樓嘅［泰媽媽雞飯］係半自助形式， 一入門口就見到地下有啲雞腳印.. 帶你去點餐處🤣.. 跟住就可以攞張單搵位坐，服務員會送餐去你個位度🍚今日食咗呢個選用清遠雞既招牌菜泰媽媽雞飯，雞味濃郁.. 肉質嫩滑..雞皮爽而不膩😆唔捨得唔食，食完真係會掛住㗎🥰 仲有呢度嘅油飯同埋白飯都好有屋企嘅味道.. 原來佢係用泰國金鳳香米㗎，唔怪之得啦😋 仲有泰式奶茶嘅包裝好有泰國味道，因為係個膠袋嚟嘅，茶味香因為係個膠袋嚟嘅，茶同奶嘅比例恰到好處味道不太甜.. 原來都係採用泰國入口嘅茶葉... 跟住仲食咗個🥭芒果糯米飯，芒果肉又香又甜，一問原來佢哋係用正宗泰國芒果，所以份外香甜，糯米飯軟糯非常，椰汁香濃不太甜，原來食材都係泰國直送嘅。點餐嘅時候見到佢哋有泰式滷水🐽豬手飯，賣相都非常吸引，佢個外賣盒都好靚㗎喎.. 下次試吓個豬手飯同埋炸雞飯先😋快D去試吓啦... 認真唔好太晏去，真係每日限量㗎... #為食滑嘟嘟 #雲葉哈思

原本想食拉面既，但記錯左樓層，來到四樓見到依間新野，以為拉面執左。咁都好少食海南雞飯，既來之則安之。餐牌只有四樣野：一、海南雞飯 $65 二、燒雞飯 三、豬腳飯 $55    四、芒果糯米飯。二人叫左一個海南雞飯（加五蚊轉雞脾）及一個豬腳飯。溫和熱水請自斟。斟完已經有雞飯了，果然因為整定 所以咁快 當然一啲都唔熱油飯正常，有薑蓉同另外兩種醬料响枱面，有碟仔，自助取用；不過海南雞飯要配的黑醬油就欠奉。可能泰式海南雞就係咁呱。我就覺得爭啲囉。豬手飯 同雞飯一樣都係溫溫吞吞唔熱的。每個餐都跟菜，但係啲芥蘭係苦既。整條菜都整唔掂。最令人失望係，餐具係以紙袋包裝，仲要用即放棄膠匙。今時今日都仲冇環保意識，真令人失望。冇下次。希望各位看完都唔好中伏，除非你鐘意食唔熱的食物。